| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. ஓகிலினீஸுத்தவண்ணனா
5. Okilinīsuttavaṇṇanā
216. ஓகிலினீவத்து²ஸ்மிங் உப்பக்கங் ஓகிலினிங் ஓகிரினிந்தி ஸா கிர அங்கா³ரசிதகே நிபன்னா விப்ப²ந்த³மானா விபரிவத்தமானா பச்சதி, தஸ்மா உப்பக்கா சேவ ஹோதி உண்ஹேன அக்³கி³னா பக்கஸரீரா, ஓகிலினீ ச கிலின்னஸரீரா, பி³ந்தூ³னிஸ்ஸா ஸரீரதோ பக்³க⁴ரந்தி, ஓகிரினீ ச அங்கா³ரஸம்பரிகிண்ணா. தஸ்ஸா ஹி ஹெட்ட²தோபி கிங்ஸுகபுப்ப²வண்ணா அங்கா³ரா, உப⁴யபஸ்ஸேஸுபி, ஆகாஸதோபிஸ்ஸா உபரி பதந்தி. தேன வுத்தங் – ‘‘உப்பக்கங் ஓகிலினிங் ஓகிரினி’’ந்தி. ஸா இஸ்ஸாபகதா ஸபத்திங் அங்கா³ரகடாஹேன ஓகிரீதி தஸ்ஸ கிர ரஞ்ஞோ ஏகா நாடகினீ அங்கா³ரகடாஹங் ஸமீபே ட²பெத்வா க³த்ததோ உத³கங் புஞ்ச²தி, பாணினா ச ஸேத³ங் கரோதி. ராஜாபி தாய ஸத்³தி⁴ங் கத²ஞ்ச கரோதி, பரிதுட்டா²காரஞ்ச த³ஸ்ஸேதி. அக்³க³மஹேஸீ தங் அஸஹமானா இஸ்ஸாபகதா ஹுத்வா அசிரபக்கந்தஸ்ஸ ரஞ்ஞோ தங் அங்கா³ரகடாஹங் க³ஹெத்வா தஸ்ஸா உபரி அங்கா³ரே ஓகிரி. ஸா தங் கம்மங் கத்வா தாதி³ஸங்யேவ விபாகங் பச்சனுப⁴விதுங் பேதலோகே நிப்³ப³த்தா. பஞ்சமங்.
216. Okilinīvatthusmiṃ uppakkaṃ okiliniṃ okirininti sā kira aṅgāracitake nipannā vipphandamānā viparivattamānā paccati, tasmā uppakkā ceva hoti uṇhena agginā pakkasarīrā, okilinī ca kilinnasarīrā, bindūnissā sarīrato paggharanti, okirinī ca aṅgārasamparikiṇṇā. Tassā hi heṭṭhatopi kiṃsukapupphavaṇṇā aṅgārā, ubhayapassesupi, ākāsatopissā upari patanti. Tena vuttaṃ – ‘‘uppakkaṃ okiliniṃ okirini’’nti. Sā issāpakatā sapattiṃ aṅgārakaṭāhena okirīti tassa kira rañño ekā nāṭakinī aṅgārakaṭāhaṃ samīpe ṭhapetvā gattato udakaṃ puñchati, pāṇinā ca sedaṃ karoti. Rājāpi tāya saddhiṃ kathañca karoti, parituṭṭhākārañca dasseti. Aggamahesī taṃ asahamānā issāpakatā hutvā acirapakkantassa rañño taṃ aṅgārakaṭāhaṃ gahetvā tassā upari aṅgāre okiri. Sā taṃ kammaṃ katvā tādisaṃyeva vipākaṃ paccanubhavituṃ petaloke nibbattā. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. ஓகிலினீஸுத்தங் • 5. Okilinīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. ஓகிலினீஸுத்தவண்ணனா • 5. Okilinīsuttavaṇṇanā
