| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. огилинийсуд̇д̇аван̣н̣анаа
5. Okilinīsuttavaṇṇanā
216. огилинийвад̇т̇усмим̣ уббаггам̣ огилиним̣ огирининд̇и саа гира ан̇г̇ааражид̇агз нибаннаа вибпанд̣̇амаанаа вибаривад̇д̇амаанаа бажжад̇и, д̇асмаа уббаггаа жзва ход̇и ун̣хзна аг̇г̇инаа баггасарийраа, огилиний жа гилиннасарийраа, б̣инд̣̇ууниссаа сарийрад̇о баг̇гхаранд̇и, огириний жа ан̇г̇аарасамбаригин̣н̣аа. д̇ассаа хи хздтад̇оби гим̣сугабубпаван̣н̣аа ан̇г̇аараа, убхаяабассзсуби, аагаасад̇обиссаа убари бад̇анд̇и. д̇зна вуд̇д̇ам̣ – ‘‘уббаггам̣ огилиним̣ огирини’’нд̇и. саа иссаабагад̇аа сабад̇д̇им̣ ан̇г̇аарагадаахзна огирийд̇и д̇асса гира ран̃н̃о згаа наадагиний ан̇г̇аарагадаахам̣ самийбз табзд̇ваа г̇ад̇д̇ад̇о уд̣̇агам̣ бун̃чад̇и, баан̣инаа жа сзд̣̇ам̣ гарод̇и. рааж̇ааби д̇ааяа сад̣̇д̇хим̣ гат̇ан̃жа гарод̇и, барид̇удтаагааран̃жа д̣̇ассзд̇и. аг̇г̇амахзсий д̇ам̣ асахамаанаа иссаабагад̇аа худ̇ваа ажирабагганд̇асса ран̃н̃о д̇ам̣ ан̇г̇аарагадаахам̣ г̇ахзд̇ваа д̇ассаа убари ан̇г̇аарз огири. саа д̇ам̣ гаммам̣ гад̇ваа д̇аад̣̇исам̣язва вибаагам̣ бажжанубхавид̇ум̣ бзд̇алогз ниб̣б̣ад̇д̇аа. бан̃жамам̣.
216. Okilinīvatthusmiṃ uppakkaṃ okiliniṃ okirininti sā kira aṅgāracitake nipannā vipphandamānā viparivattamānā paccati, tasmā uppakkā ceva hoti uṇhena agginā pakkasarīrā, okilinī ca kilinnasarīrā, bindūnissā sarīrato paggharanti, okirinī ca aṅgārasamparikiṇṇā. Tassā hi heṭṭhatopi kiṃsukapupphavaṇṇā aṅgārā, ubhayapassesupi, ākāsatopissā upari patanti. Tena vuttaṃ – ‘‘uppakkaṃ okiliniṃ okirini’’nti. Sā issāpakatā sapattiṃ aṅgārakaṭāhena okirīti tassa kira rañño ekā nāṭakinī aṅgārakaṭāhaṃ samīpe ṭhapetvā gattato udakaṃ puñchati, pāṇinā ca sedaṃ karoti. Rājāpi tāya saddhiṃ kathañca karoti, parituṭṭhākārañca dasseti. Aggamahesī taṃ asahamānā issāpakatā hutvā acirapakkantassa rañño taṃ aṅgārakaṭāhaṃ gahetvā tassā upari aṅgāre okiri. Sā taṃ kammaṃ katvā tādisaṃyeva vipākaṃ paccanubhavituṃ petaloke nibbattā. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. огилинийсуд̇д̇ам̣ • 5. Okilinīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. огилинийсуд̇д̇аван̣н̣анаа • 5. Okilinīsuttavaṇṇanā
