| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਓਕਿਲਿਨੀਸੁਤ੍ਤવਣ੍ਣਨਾ
5. Okilinīsuttavaṇṇanā
੨੧੬. ਓਕਿਲਿਨੀવਤ੍ਥੁਸ੍ਮਿਂ ਉਪ੍ਪਕ੍ਕਂ ਓਕਿਲਿਨਿਂ ਓਕਿਰਿਨਿਨ੍ਤਿ ਸਾ ਕਿਰ ਅਙ੍ਗਾਰਚਿਤਕੇ ਨਿਪਨ੍ਨਾ વਿਪ੍ਫਨ੍ਦਮਾਨਾ વਿਪਰਿવਤ੍ਤਮਾਨਾ ਪਚ੍ਚਤਿ, ਤਸ੍ਮਾ ਉਪ੍ਪਕ੍ਕਾ ਚੇવ ਹੋਤਿ ਉਣ੍ਹੇਨ ਅਗ੍ਗਿਨਾ ਪਕ੍ਕਸਰੀਰਾ, ਓਕਿਲਿਨੀ ਚ ਕਿਲਿਨ੍ਨਸਰੀਰਾ, ਬਿਨ੍ਦੂਨਿਸ੍ਸਾ ਸਰੀਰਤੋ ਪਗ੍ਘਰਨ੍ਤਿ, ਓਕਿਰਿਨੀ ਚ ਅਙ੍ਗਾਰਸਮ੍ਪਰਿਕਿਣ੍ਣਾ। ਤਸ੍ਸਾ ਹਿ ਹੇਟ੍ਠਤੋਪਿ ਕਿਂਸੁਕਪੁਪ੍ਫવਣ੍ਣਾ ਅਙ੍ਗਾਰਾ, ਉਭਯਪਸ੍ਸੇਸੁਪਿ, ਆਕਾਸਤੋਪਿਸ੍ਸਾ ਉਪਰਿ ਪਤਨ੍ਤਿ। ਤੇਨ વੁਤ੍ਤਂ – ‘‘ਉਪ੍ਪਕ੍ਕਂ ਓਕਿਲਿਨਿਂ ਓਕਿਰਿਨਿ’’ਨ੍ਤਿ। ਸਾ ਇਸ੍ਸਾਪਕਤਾ ਸਪਤ੍ਤਿਂ ਅਙ੍ਗਾਰਕਟਾਹੇਨ ਓਕਿਰੀਤਿ ਤਸ੍ਸ ਕਿਰ ਰਞ੍ਞੋ ਏਕਾ ਨਾਟਕਿਨੀ ਅਙ੍ਗਾਰਕਟਾਹਂ ਸਮੀਪੇ ਠਪੇਤ੍વਾ ਗਤ੍ਤਤੋ ਉਦਕਂ ਪੁਞ੍ਛਤਿ, ਪਾਣਿਨਾ ਚ ਸੇਦਂ ਕਰੋਤਿ। ਰਾਜਾਪਿ ਤਾਯ ਸਦ੍ਧਿਂ ਕਥਞ੍ਚ ਕਰੋਤਿ, ਪਰਿਤੁਟ੍ਠਾਕਾਰਞ੍ਚ ਦਸ੍ਸੇਤਿ। ਅਗ੍ਗਮਹੇਸੀ ਤਂ ਅਸਹਮਾਨਾ ਇਸ੍ਸਾਪਕਤਾ ਹੁਤ੍વਾ ਅਚਿਰਪਕ੍ਕਨ੍ਤਸ੍ਸ ਰਞ੍ਞੋ ਤਂ ਅਙ੍ਗਾਰਕਟਾਹਂ ਗਹੇਤ੍વਾ ਤਸ੍ਸਾ ਉਪਰਿ ਅਙ੍ਗਾਰੇ ਓਕਿਰਿ। ਸਾ ਤਂ ਕਮ੍ਮਂ ਕਤ੍વਾ ਤਾਦਿਸਂਯੇવ વਿਪਾਕਂ ਪਚ੍ਚਨੁਭવਿਤੁਂ ਪੇਤਲੋਕੇ ਨਿਬ੍ਬਤ੍ਤਾ। ਪਞ੍ਚਮਂ।
216. Okilinīvatthusmiṃ uppakkaṃ okiliniṃ okirininti sā kira aṅgāracitake nipannā vipphandamānā viparivattamānā paccati, tasmā uppakkā ceva hoti uṇhena agginā pakkasarīrā, okilinī ca kilinnasarīrā, bindūnissā sarīrato paggharanti, okirinī ca aṅgārasamparikiṇṇā. Tassā hi heṭṭhatopi kiṃsukapupphavaṇṇā aṅgārā, ubhayapassesupi, ākāsatopissā upari patanti. Tena vuttaṃ – ‘‘uppakkaṃ okiliniṃ okirini’’nti. Sā issāpakatā sapattiṃ aṅgārakaṭāhena okirīti tassa kira rañño ekā nāṭakinī aṅgārakaṭāhaṃ samīpe ṭhapetvā gattato udakaṃ puñchati, pāṇinā ca sedaṃ karoti. Rājāpi tāya saddhiṃ kathañca karoti, parituṭṭhākārañca dasseti. Aggamahesī taṃ asahamānā issāpakatā hutvā acirapakkantassa rañño taṃ aṅgārakaṭāhaṃ gahetvā tassā upari aṅgāre okiri. Sā taṃ kammaṃ katvā tādisaṃyeva vipākaṃ paccanubhavituṃ petaloke nibbattā. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਓਕਿਲਿਨੀਸੁਤ੍ਤਂ • 5. Okilinīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਓਕਿਲਿਨੀਸੁਤ੍ਤવਣ੍ਣਨਾ • 5. Okilinīsuttavaṇṇanā
