| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. ஒக்கா²ஸுத்தங்
4. Okkhāsuttaṃ
226. ஸாவத்தி²யங் விஹரதி…பே॰… ‘‘யோ, பி⁴க்க²வே, புப்³ப³ண்ஹஸமயங் ஒக்கா²ஸதங் தா³னங் த³தெ³ய்ய, யோ மஜ்ஜ²ன்ஹிகஸமயங் ஒக்கா²ஸதங் தா³னங் த³தெ³ய்ய, யோ ஸாயன்ஹஸமயங் ஒக்கா²ஸதங் தா³னங் த³தெ³ய்ய, யோ வா புப்³ப³ண்ஹஸமயங் அந்தமஸோ க³த்³து³ஹனமத்தம்பி மெத்தசித்தங் பா⁴வெய்ய, யோ வா மஜ்ஜ²ன்ஹிகஸமயங் அந்தமஸோ க³த்³து³ஹனமத்தம்பி மெத்தசித்தங் பா⁴வெய்ய, யோ வா ஸாயன்ஹஸமயங் அந்தமஸோ க³த்³து³ஹனமத்தம்பி மெத்தசித்தங் பா⁴வெய்ய, இத³ங் ததோ மஹப்ப²லதரங். தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘மெத்தா நோ சேதோவிமுத்தி பா⁴விதா ப⁴விஸ்ஸதி ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. சதுத்த²ங்.
226. Sāvatthiyaṃ viharati…pe… ‘‘yo, bhikkhave, pubbaṇhasamayaṃ okkhāsataṃ dānaṃ dadeyya, yo majjhanhikasamayaṃ okkhāsataṃ dānaṃ dadeyya, yo sāyanhasamayaṃ okkhāsataṃ dānaṃ dadeyya, yo vā pubbaṇhasamayaṃ antamaso gadduhanamattampi mettacittaṃ bhāveyya, yo vā majjhanhikasamayaṃ antamaso gadduhanamattampi mettacittaṃ bhāveyya, yo vā sāyanhasamayaṃ antamaso gadduhanamattampi mettacittaṃ bhāveyya, idaṃ tato mahapphalataraṃ. Tasmātiha, bhikkhave, evaṃ sikkhitabbaṃ – ‘mettā no cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi vo, bhikkhave, sikkhitabba’’nti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. ஒக்கா²ஸுத்தவண்ணனா • 4. Okkhāsuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. ஒக்கா²ஸுத்தவண்ணனா • 4. Okkhāsuttavaṇṇanā
