| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. огкаасуд̇д̇ам̣
4. Okkhāsuttaṃ
226. саавад̇т̇ияам̣ вихарад̇и…бз… ‘‘яо, бхигкавз, буб̣б̣ан̣хасамаяам̣ огкаасад̇ам̣ д̣̇аанам̣ д̣̇ад̣̇зяяа, яо маж̇жханхигасамаяам̣ огкаасад̇ам̣ д̣̇аанам̣ д̣̇ад̣̇зяяа, яо сааяанхасамаяам̣ огкаасад̇ам̣ д̣̇аанам̣ д̣̇ад̣̇зяяа, яо ваа буб̣б̣ан̣хасамаяам̣ анд̇амасо г̇ад̣̇д̣̇уханамад̇д̇амби мзд̇д̇ажид̇д̇ам̣ бхаавзяяа, яо ваа маж̇жханхигасамаяам̣ анд̇амасо г̇ад̣̇д̣̇уханамад̇д̇амби мзд̇д̇ажид̇д̇ам̣ бхаавзяяа, яо ваа сааяанхасамаяам̣ анд̇амасо г̇ад̣̇д̣̇уханамад̇д̇амби мзд̇д̇ажид̇д̇ам̣ бхаавзяяа, ид̣̇ам̣ д̇ад̇о махабпалад̇арам̣. д̇асмаад̇иха, бхигкавз, звам̣ сигкид̇аб̣б̣ам̣ – ‘мзд̇д̇аа но жзд̇овимуд̇д̇и бхаавид̇аа бхависсад̇и б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа’д̇и. зван̃хи во, бхигкавз, сигкид̇аб̣б̣а’’нд̇и. жад̇уд̇т̇ам̣.
226. Sāvatthiyaṃ viharati…pe… ‘‘yo, bhikkhave, pubbaṇhasamayaṃ okkhāsataṃ dānaṃ dadeyya, yo majjhanhikasamayaṃ okkhāsataṃ dānaṃ dadeyya, yo sāyanhasamayaṃ okkhāsataṃ dānaṃ dadeyya, yo vā pubbaṇhasamayaṃ antamaso gadduhanamattampi mettacittaṃ bhāveyya, yo vā majjhanhikasamayaṃ antamaso gadduhanamattampi mettacittaṃ bhāveyya, yo vā sāyanhasamayaṃ antamaso gadduhanamattampi mettacittaṃ bhāveyya, idaṃ tato mahapphalataraṃ. Tasmātiha, bhikkhave, evaṃ sikkhitabbaṃ – ‘mettā no cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi vo, bhikkhave, sikkhitabba’’nti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. огкаасуд̇д̇аван̣н̣анаа • 4. Okkhāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. огкаасуд̇д̇аван̣н̣анаа • 4. Okkhāsuttavaṇṇanā
