| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. ஒக்கா²ஸுத்தவண்ணனா
4. Okkhāsuttavaṇṇanā
226. சதுத்தே² ஒக்கா²ஸதந்தி மஹாமுக²உக்க²லீனங் ஸதங். தா³னங் த³தெ³ய்யாதி பணீதபோ⁴ஜனப⁴ரிதானங் மஹாஉக்க²லீனங் ஸதங் தா³னங் த³தெ³ய்ய. ‘‘உக்காஸத’’ந்திபி பாடோ² , தஸ்ஸ த³ண்ட³தீ³பிகாஸதந்தி அத்தோ². ஏகாய பன தீ³பிகாய யத்தகே டா²னே ஆலோகோ ஹோதி, ததோ ஸதகு³ணங் டா²னங் ஸத்தஹி ரதனேஹி பூரெத்வா தா³னங் த³தெ³ய்யாதி அத்தோ². க³த்³து³ஹனமத்தந்தி கோ³து³ஹனமத்தங், கா³வியா ஏகவாரங் அக்³க³த²னாகட்³ட⁴னமத்தந்தி அத்தோ². க³ந்த⁴ஊஹனமத்தங் வா, த்³வீஹி அங்கு³லீஹி க³ந்த⁴பிண்ட³ங் க³ஹெத்வா ஏகவாரங் கா⁴யனமத்தந்தி அத்தோ². எத்தகம்பி ஹி காலங் யோ பன க³ப்³ப⁴பரிவேணவிஹாரூபசார பரிச்சே²தே³ன வா சக்கவாளபரிச்சே²தே³ன வா அபரிமாணாஸு லோகதா⁴தூஸு வா ஸப்³ப³ஸத்தேஸு ஹிதப²ரணங் மெத்தசித்தங் பா⁴வேதுங் ஸக்கோதி, இத³ங் ததோ ஏகதி³வஸங் திக்க²த்துங் தி³ன்னதா³னதோ மஹப்ப²லதரங். சதுத்த²ங்.
226. Catutthe okkhāsatanti mahāmukhaukkhalīnaṃ sataṃ. Dānaṃ dadeyyāti paṇītabhojanabharitānaṃ mahāukkhalīnaṃ sataṃ dānaṃ dadeyya. ‘‘Ukkāsata’’ntipi pāṭho , tassa daṇḍadīpikāsatanti attho. Ekāya pana dīpikāya yattake ṭhāne āloko hoti, tato sataguṇaṃ ṭhānaṃ sattahi ratanehi pūretvā dānaṃ dadeyyāti attho. Gadduhanamattanti goduhanamattaṃ, gāviyā ekavāraṃ aggathanākaḍḍhanamattanti attho. Gandhaūhanamattaṃ vā, dvīhi aṅgulīhi gandhapiṇḍaṃ gahetvā ekavāraṃ ghāyanamattanti attho. Ettakampi hi kālaṃ yo pana gabbhapariveṇavihārūpacāra paricchedena vā cakkavāḷaparicchedena vā aparimāṇāsu lokadhātūsu vā sabbasattesu hitapharaṇaṃ mettacittaṃ bhāvetuṃ sakkoti, idaṃ tato ekadivasaṃ tikkhattuṃ dinnadānato mahapphalataraṃ. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. ஒக்கா²ஸுத்தங் • 4. Okkhāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. ஒக்கா²ஸுத்தவண்ணனா • 4. Okkhāsuttavaṇṇanā
