| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. огкаасуд̇д̇аван̣н̣анаа
4. Okkhāsuttavaṇṇanā
226. жад̇уд̇т̇з огкаасад̇анд̇и махаамукаугкалийнам̣ сад̇ам̣. д̣̇аанам̣ д̣̇ад̣̇зяяаад̇и бан̣ийд̇абхож̇анабхарид̇аанам̣ махааугкалийнам̣ сад̇ам̣ д̣̇аанам̣ д̣̇ад̣̇зяяа. ‘‘уггаасад̇а’’нд̇иби баато , д̇асса д̣̇ан̣д̣ад̣̇ийбигаасад̇анд̇и ад̇т̇о. згааяа бана д̣̇ийбигааяа яад̇д̇агз таанз аалого ход̇и, д̇ад̇о сад̇аг̇ун̣ам̣ таанам̣ сад̇д̇ахи рад̇анзхи буурзд̇ваа д̣̇аанам̣ д̣̇ад̣̇зяяаад̇и ад̇т̇о. г̇ад̣̇д̣̇уханамад̇д̇анд̇и г̇од̣̇уханамад̇д̇ам̣, г̇аавияаа згаваарам̣ аг̇г̇ат̇анаагад̣дханамад̇д̇анд̇и ад̇т̇о. г̇анд̇хаууханамад̇д̇ам̣ ваа, д̣̇вийхи ан̇г̇улийхи г̇анд̇хабин̣д̣ам̣ г̇ахзд̇ваа згаваарам̣ гхааяанамад̇д̇анд̇и ад̇т̇о. зд̇д̇агамби хи гаалам̣ яо бана г̇аб̣бхабаривзн̣авихааруубажаара барижчзд̣̇зна ваа жаггаваал̣абарижчзд̣̇зна ваа абаримаан̣аасу логад̇хаад̇уусу ваа саб̣б̣асад̇д̇зсу хид̇апаран̣ам̣ мзд̇д̇ажид̇д̇ам̣ бхаавзд̇ум̣ саггод̇и, ид̣̇ам̣ д̇ад̇о згад̣̇ивасам̣ д̇игкад̇д̇ум̣ д̣̇иннад̣̇аанад̇о махабпалад̇арам̣. жад̇уд̇т̇ам̣.
226. Catutthe okkhāsatanti mahāmukhaukkhalīnaṃ sataṃ. Dānaṃ dadeyyāti paṇītabhojanabharitānaṃ mahāukkhalīnaṃ sataṃ dānaṃ dadeyya. ‘‘Ukkāsata’’ntipi pāṭho , tassa daṇḍadīpikāsatanti attho. Ekāya pana dīpikāya yattake ṭhāne āloko hoti, tato sataguṇaṃ ṭhānaṃ sattahi ratanehi pūretvā dānaṃ dadeyyāti attho. Gadduhanamattanti goduhanamattaṃ, gāviyā ekavāraṃ aggathanākaḍḍhanamattanti attho. Gandhaūhanamattaṃ vā, dvīhi aṅgulīhi gandhapiṇḍaṃ gahetvā ekavāraṃ ghāyanamattanti attho. Ettakampi hi kālaṃ yo pana gabbhapariveṇavihārūpacāra paricchedena vā cakkavāḷaparicchedena vā aparimāṇāsu lokadhātūsu vā sabbasattesu hitapharaṇaṃ mettacittaṃ bhāvetuṃ sakkoti, idaṃ tato ekadivasaṃ tikkhattuṃ dinnadānato mahapphalataraṃ. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. огкаасуд̇д̇ам̣ • 4. Okkhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. огкаасуд̇д̇аван̣н̣анаа • 4. Okkhāsuttavaṇṇanā
