| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
4. ඔක්‌ඛාසුත්‌තවණ්‌ණනා
4. Okkhāsuttavaṇṇanā
226. චතුත්‌ථෙ ඔක්‌ඛාසතන්‌ති මහාමුඛඋක්‌ඛලීනං සතං. දානං දදෙය්‍යාති පණීතභොජනභරිතානං මහාඋක්‌ඛලීනං සතං දානං දදෙය්‍ය. ‘‘උක්‌කාසත’’න්‌තිපි පාඨො , තස්‌ස දණ්‌ඩදීපිකාසතන්‌ති අත්‌ථො. එකාය පන දීපිකාය යත්‌තකෙ ඨානෙ ආලොකො හොති, තතො සතගුණං ඨානං සත්‌තහි රතනෙහි පූරෙත්‌වා දානං දදෙය්‍යාති අත්‌ථො. ගද්‌දුහනමත්‌තන්‌ති ගොදුහනමත්‌තං, ගාවියා එකවාරං අග්‌ගථනාකඩ්‌ඪනමත්‌තන්‌ති අත්‌ථො. ගන්‌ධඌහනමත්‌තං වා, ද්‌වීහි අඞ්‌ගුලීහි ගන්‌ධපිණ්‌ඩං ගහෙත්‌වා එකවාරං ඝායනමත්‌තන්‌ති අත්‌ථො. එත්‌තකම්‌පි හි කාලං යො පන ගබ්‌භපරිවෙණවිහාරූපචාර පරිච්‌ඡෙදෙන වා චක්‌කවාළපරිච්‌ඡෙදෙන වා අපරිමාණාසු ලොකධාතූසු වා සබ්‌බසත්‌තෙසු හිතඵරණං මෙත්‌තචිත්‌තං භාවෙතුං සක්‌කොති, ඉදං තතො එකදිවසං තික්‌ඛත්‌තුං දින්‌නදානතො මහප්‌ඵලතරං. චතුත්‌ථං.
226. Catutthe okkhāsatanti mahāmukhaukkhalīnaṃ sataṃ. Dānaṃ dadeyyāti paṇītabhojanabharitānaṃ mahāukkhalīnaṃ sataṃ dānaṃ dadeyya. ‘‘Ukkāsata’’ntipi pāṭho , tassa daṇḍadīpikāsatanti attho. Ekāya pana dīpikāya yattake ṭhāne āloko hoti, tato sataguṇaṃ ṭhānaṃ sattahi ratanehi pūretvā dānaṃ dadeyyāti attho. Gadduhanamattanti goduhanamattaṃ, gāviyā ekavāraṃ aggathanākaḍḍhanamattanti attho. Gandhaūhanamattaṃ vā, dvīhi aṅgulīhi gandhapiṇḍaṃ gahetvā ekavāraṃ ghāyanamattanti attho. Ettakampi hi kālaṃ yo pana gabbhapariveṇavihārūpacāra paricchedena vā cakkavāḷaparicchedena vā aparimāṇāsu lokadhātūsu vā sabbasattesu hitapharaṇaṃ mettacittaṃ bhāvetuṃ sakkoti, idaṃ tato ekadivasaṃ tikkhattuṃ dinnadānato mahapphalataraṃ. Catutthaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. ඔක්‌ඛාසුත්‌තං • 4. Okkhāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. ඔක්‌ඛාසුත්‌තවණ්‌ණනා • 4. Okkhāsuttavaṇṇanā
