| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਓਕ੍ਖਾਸੁਤ੍ਤવਣ੍ਣਨਾ
4. Okkhāsuttavaṇṇanā
੨੨੬. ਚਤੁਤ੍ਥੇ ਓਕ੍ਖਾਸਤਨ੍ਤਿ ਮਹਾਮੁਖਉਕ੍ਖਲੀਨਂ ਸਤਂ। ਦਾਨਂ ਦਦੇਯ੍ਯਾਤਿ ਪਣੀਤਭੋਜਨਭਰਿਤਾਨਂ ਮਹਾਉਕ੍ਖਲੀਨਂ ਸਤਂ ਦਾਨਂ ਦਦੇਯ੍ਯ। ‘‘ਉਕ੍ਕਾਸਤ’’ਨ੍ਤਿਪਿ ਪਾਠੋ , ਤਸ੍ਸ ਦਣ੍ਡਦੀਪਿਕਾਸਤਨ੍ਤਿ ਅਤ੍ਥੋ। ਏਕਾਯ ਪਨ ਦੀਪਿਕਾਯ ਯਤ੍ਤਕੇ ਠਾਨੇ ਆਲੋਕੋ ਹੋਤਿ, ਤਤੋ ਸਤਗੁਣਂ ਠਾਨਂ ਸਤ੍ਤਹਿ ਰਤਨੇਹਿ ਪੂਰੇਤ੍વਾ ਦਾਨਂ ਦਦੇਯ੍ਯਾਤਿ ਅਤ੍ਥੋ। ਗਦ੍ਦੁਹਨਮਤ੍ਤਨ੍ਤਿ ਗੋਦੁਹਨਮਤ੍ਤਂ, ਗਾવਿਯਾ ਏਕવਾਰਂ ਅਗ੍ਗਥਨਾਕਡ੍ਢਨਮਤ੍ਤਨ੍ਤਿ ਅਤ੍ਥੋ। ਗਨ੍ਧਊਹਨਮਤ੍ਤਂ વਾ, ਦ੍વੀਹਿ ਅਙ੍ਗੁਲੀਹਿ ਗਨ੍ਧਪਿਣ੍ਡਂ ਗਹੇਤ੍વਾ ਏਕવਾਰਂ ਘਾਯਨਮਤ੍ਤਨ੍ਤਿ ਅਤ੍ਥੋ। ਏਤ੍ਤਕਮ੍ਪਿ ਹਿ ਕਾਲਂ ਯੋ ਪਨ ਗਬ੍ਭਪਰਿવੇਣવਿਹਾਰੂਪਚਾਰ ਪਰਿਚ੍ਛੇਦੇਨ વਾ ਚਕ੍ਕવਾਲ਼ਪਰਿਚ੍ਛੇਦੇਨ વਾ ਅਪਰਿਮਾਣਾਸੁ ਲੋਕਧਾਤੂਸੁ વਾ ਸਬ੍ਬਸਤ੍ਤੇਸੁ ਹਿਤਫਰਣਂ ਮੇਤ੍ਤਚਿਤ੍ਤਂ ਭਾવੇਤੁਂ ਸਕ੍ਕੋਤਿ, ਇਦਂ ਤਤੋ ਏਕਦਿવਸਂ ਤਿਕ੍ਖਤ੍ਤੁਂ ਦਿਨ੍ਨਦਾਨਤੋ ਮਹਪ੍ਫਲਤਰਂ। ਚਤੁਤ੍ਥਂ।
226. Catutthe okkhāsatanti mahāmukhaukkhalīnaṃ sataṃ. Dānaṃ dadeyyāti paṇītabhojanabharitānaṃ mahāukkhalīnaṃ sataṃ dānaṃ dadeyya. ‘‘Ukkāsata’’ntipi pāṭho , tassa daṇḍadīpikāsatanti attho. Ekāya pana dīpikāya yattake ṭhāne āloko hoti, tato sataguṇaṃ ṭhānaṃ sattahi ratanehi pūretvā dānaṃ dadeyyāti attho. Gadduhanamattanti goduhanamattaṃ, gāviyā ekavāraṃ aggathanākaḍḍhanamattanti attho. Gandhaūhanamattaṃ vā, dvīhi aṅgulīhi gandhapiṇḍaṃ gahetvā ekavāraṃ ghāyanamattanti attho. Ettakampi hi kālaṃ yo pana gabbhapariveṇavihārūpacāra paricchedena vā cakkavāḷaparicchedena vā aparimāṇāsu lokadhātūsu vā sabbasattesu hitapharaṇaṃ mettacittaṃ bhāvetuṃ sakkoti, idaṃ tato ekadivasaṃ tikkhattuṃ dinnadānato mahapphalataraṃ. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਓਕ੍ਖਾਸੁਤ੍ਤਂ • 4. Okkhāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਓਕ੍ਖਾਸੁਤ੍ਤવਣ੍ਣਨਾ • 4. Okkhāsuttavaṇṇanā
