| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
7-8. ஒக்கி²த்தசக்கு²ஸிக்கா²பத³வண்ணனா
7-8. Okkhittacakkhusikkhāpadavaṇṇanā
கித்தகேன பன ஒக்கி²த்தசக்கு² ஹோதீதி ஆஹ ‘‘யுக³மத்தங் பூ⁴மிபா⁴க³ங் பெக்க²மானோ’’தி. யுக³யுத்தகோ ஹி த³ந்தோ ஆஜானெய்யோ யுக³மத்தங் பெக்க²தி, புரதோ சதுஹத்த²ப்பமாணங் பூ⁴மிபா⁴க³ங், இமினாபி எத்தகங் பெக்க²ந்தேன க³ந்தப்³ப³ங். யோ அனாத³ரியங் படிச்ச தங் தங் தி³ஸாபா⁴க³ங் பாஸாத³ங் கூடாகா³ரங் வீதி²ங் ஓலோகெந்தோ க³ச்ச²தி, ஆபத்தி து³க்கடஸ்ஸ. ஹத்தி²அஸ்ஸாதி³பரிஸ்ஸயாபா⁴வந்தி பரிஸ்ஸயனட்டே²ன, அபி⁴ப⁴வனட்டே²ன, விஹேட²னட்டே²ன வா பரிஸ்ஸயோ, ஹத்தி²அஸ்ஸாதி³யேவ பரிஸ்ஸயோ ஹத்தி²அஸ்ஸாதி³பரிஸ்ஸயோ, தஸ்ஸாபா⁴வங், ஹத்தி²அஸ்ஸாதி³ உபத்³த³வாபா⁴வந்தி அத்தோ². ‘‘யதா² ச ஏகஸ்மிங் டா²னே ட²த்வா, ஏவங் க³ச்ச²ந்தோபி பரிஸ்ஸயாபா⁴வங் ஓலோகேதுங் லப⁴தியேவ, ததா² கா³மே பூஜ’’ந்தி (ஸாரத்த²॰ டீ॰ பாசித்திய 3.582) வத³ந்தி.
Kittakena pana okkhittacakkhu hotīti āha ‘‘yugamattaṃ bhūmibhāgaṃ pekkhamāno’’ti. Yugayuttako hi danto ājāneyyo yugamattaṃ pekkhati, purato catuhatthappamāṇaṃ bhūmibhāgaṃ, imināpi ettakaṃ pekkhantena gantabbaṃ. Yo anādariyaṃ paṭicca taṃ taṃ disābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Hatthiassādiparissayābhāvanti parissayanaṭṭhena, abhibhavanaṭṭhena, viheṭhanaṭṭhena vā parissayo, hatthiassādiyeva parissayo hatthiassādiparissayo, tassābhāvaṃ, hatthiassādi upaddavābhāvanti attho. ‘‘Yathā ca ekasmiṃ ṭhāne ṭhatvā, evaṃ gacchantopi parissayābhāvaṃ oloketuṃ labhatiyeva, tathā gāme pūja’’nti (sārattha. ṭī. pācittiya 3.582) vadanti.
ஒக்கி²த்தசக்கு²ஸிக்கா²பத³வண்ணனா நிட்டி²தா.
Okkhittacakkhusikkhāpadavaṇṇanā niṭṭhitā.
