| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
७-८. ओक्खित्तचक्खुसिक्खापदवण्णना
7-8. Okkhittacakkhusikkhāpadavaṇṇanā
कित्तकेन पन ओक्खित्तचक्खु होतीति आह ‘‘युगमत्तं भूमिभागं पेक्खमानो’’ति। युगयुत्तको हि दन्तो आजानेय्यो युगमत्तं पेक्खति, पुरतो चतुहत्थप्पमाणं भूमिभागं, इमिनापि एत्तकं पेक्खन्तेन गन्तब्बं। यो अनादरियं पटिच्च तं तं दिसाभागं पासादं कूटागारं वीथिं ओलोकेन्तो गच्छति, आपत्ति दुक्कटस्स। हत्थिअस्सादिपरिस्सयाभावन्ति परिस्सयनट्ठेन, अभिभवनट्ठेन, विहेठनट्ठेन वा परिस्सयो, हत्थिअस्सादियेव परिस्सयो हत्थिअस्सादिपरिस्सयो, तस्साभावं, हत्थिअस्सादि उपद्दवाभावन्ति अत्थो। ‘‘यथा च एकस्मिं ठाने ठत्वा, एवं गच्छन्तोपि परिस्सयाभावं ओलोकेतुं लभतियेव, तथा गामे पूज’’न्ति (सारत्थ॰ टी॰ पाचित्तिय ३.५८२) वदन्ति।
Kittakena pana okkhittacakkhu hotīti āha ‘‘yugamattaṃ bhūmibhāgaṃ pekkhamāno’’ti. Yugayuttako hi danto ājāneyyo yugamattaṃ pekkhati, purato catuhatthappamāṇaṃ bhūmibhāgaṃ, imināpi ettakaṃ pekkhantena gantabbaṃ. Yo anādariyaṃ paṭicca taṃ taṃ disābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Hatthiassādiparissayābhāvanti parissayanaṭṭhena, abhibhavanaṭṭhena, viheṭhanaṭṭhena vā parissayo, hatthiassādiyeva parissayo hatthiassādiparissayo, tassābhāvaṃ, hatthiassādi upaddavābhāvanti attho. ‘‘Yathā ca ekasmiṃ ṭhāne ṭhatvā, evaṃ gacchantopi parissayābhāvaṃ oloketuṃ labhatiyeva, tathā gāme pūja’’nti (sārattha. ṭī. pācittiya 3.582) vadanti.
ओक्खित्तचक्खुसिक्खापदवण्णना निट्ठिता।
Okkhittacakkhusikkhāpadavaṇṇanā niṭṭhitā.
