| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
7-8. ඔක්‌ඛිත්‌තචක්‌ඛුසික්‌ඛාපදවණ්‌ණනා
7-8. Okkhittacakkhusikkhāpadavaṇṇanā
කිත්‌තකෙන පන ඔක්‌ඛිත්‌තචක්‌ඛු හොතීති ආහ ‘‘යුගමත්‌තං භූමිභාගං පෙක්‌ඛමානො’’ති. යුගයුත්‌තකො හි දන්‌තො ආජානෙය්‍යො යුගමත්‌තං පෙක්‌ඛති, පුරතො චතුහත්‌ථප්‌පමාණං භූමිභාගං, ඉමිනාපි එත්‌තකං පෙක්‌ඛන්‌තෙන ගන්‌තබ්‌බං. යො අනාදරියං පටිච්‌ච තං තං දිසාභාගං පාසාදං කූටාගාරං වීථිං ඔලොකෙන්‌තො ගච්‌ඡති, ආපත්‌ති දුක්‌කටස්‌ස. හත්‌ථිඅස්‌සාදිපරිස්‌සයාභාවන්‌ති පරිස්‌සයනට්‌ඨෙන, අභිභවනට්‌ඨෙන, විහෙඨනට්‌ඨෙන වා පරිස්‌සයො, හත්‌ථිඅස්‌සාදියෙව පරිස්‌සයො හත්‌ථිඅස්‌සාදිපරිස්‌සයො, තස්‌සාභාවං, හත්‌ථිඅස්‌සාදි උපද්‌දවාභාවන්‌ති අත්‌ථො. ‘‘යථා ච එකස්‌මිං ඨානෙ ඨත්‌වා, එවං ගච්‌ඡන්‌තොපි පරිස්‌සයාභාවං ඔලොකෙතුං ලභතියෙව, තථා ගාමෙ පූජ’’න්‌ති (සාරත්‌ථ. ටී. පාචිත්‌තිය 3.582) වදන්‌ති.
Kittakena pana okkhittacakkhu hotīti āha ‘‘yugamattaṃ bhūmibhāgaṃ pekkhamāno’’ti. Yugayuttako hi danto ājāneyyo yugamattaṃ pekkhati, purato catuhatthappamāṇaṃ bhūmibhāgaṃ, imināpi ettakaṃ pekkhantena gantabbaṃ. Yo anādariyaṃ paṭicca taṃ taṃ disābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Hatthiassādiparissayābhāvanti parissayanaṭṭhena, abhibhavanaṭṭhena, viheṭhanaṭṭhena vā parissayo, hatthiassādiyeva parissayo hatthiassādiparissayo, tassābhāvaṃ, hatthiassādi upaddavābhāvanti attho. ‘‘Yathā ca ekasmiṃ ṭhāne ṭhatvā, evaṃ gacchantopi parissayābhāvaṃ oloketuṃ labhatiyeva, tathā gāme pūja’’nti (sārattha. ṭī. pācittiya 3.582) vadanti.
ඔක්‌ඛිත්‌තචක්‌ඛුසික්‌ඛාපදවණ්‌ණනා නිට්‌ඨිතා.
Okkhittacakkhusikkhāpadavaṇṇanā niṭṭhitā.
