| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੭-੮. ਓਕ੍ਖਿਤ੍ਤਚਕ੍ਖੁਸਿਕ੍ਖਾਪਦવਣ੍ਣਨਾ
7-8. Okkhittacakkhusikkhāpadavaṇṇanā
ਕਿਤ੍ਤਕੇਨ ਪਨ ਓਕ੍ਖਿਤ੍ਤਚਕ੍ਖੁ ਹੋਤੀਤਿ ਆਹ ‘‘ਯੁਗਮਤ੍ਤਂ ਭੂਮਿਭਾਗਂ ਪੇਕ੍ਖਮਾਨੋ’’ਤਿ। ਯੁਗਯੁਤ੍ਤਕੋ ਹਿ ਦਨ੍ਤੋ ਆਜਾਨੇਯ੍ਯੋ ਯੁਗਮਤ੍ਤਂ ਪੇਕ੍ਖਤਿ, ਪੁਰਤੋ ਚਤੁਹਤ੍ਥਪ੍ਪਮਾਣਂ ਭੂਮਿਭਾਗਂ, ਇਮਿਨਾਪਿ ਏਤ੍ਤਕਂ ਪੇਕ੍ਖਨ੍ਤੇਨ ਗਨ੍ਤਬ੍ਬਂ। ਯੋ ਅਨਾਦਰਿਯਂ ਪਟਿਚ੍ਚ ਤਂ ਤਂ ਦਿਸਾਭਾਗਂ ਪਾਸਾਦਂ ਕੂਟਾਗਾਰਂ વੀਥਿਂ ਓਲੋਕੇਨ੍ਤੋ ਗਚ੍ਛਤਿ, ਆਪਤ੍ਤਿ ਦੁਕ੍ਕਟਸ੍ਸ। ਹਤ੍ਥਿਅਸ੍ਸਾਦਿਪਰਿਸ੍ਸਯਾਭਾવਨ੍ਤਿ ਪਰਿਸ੍ਸਯਨਟ੍ਠੇਨ, ਅਭਿਭવਨਟ੍ਠੇਨ, વਿਹੇਠਨਟ੍ਠੇਨ વਾ ਪਰਿਸ੍ਸਯੋ, ਹਤ੍ਥਿਅਸ੍ਸਾਦਿਯੇવ ਪਰਿਸ੍ਸਯੋ ਹਤ੍ਥਿਅਸ੍ਸਾਦਿਪਰਿਸ੍ਸਯੋ, ਤਸ੍ਸਾਭਾવਂ, ਹਤ੍ਥਿਅਸ੍ਸਾਦਿ ਉਪਦ੍ਦવਾਭਾવਨ੍ਤਿ ਅਤ੍ਥੋ। ‘‘ਯਥਾ ਚ ਏਕਸ੍ਮਿਂ ਠਾਨੇ ਠਤ੍વਾ, ਏવਂ ਗਚ੍ਛਨ੍ਤੋਪਿ ਪਰਿਸ੍ਸਯਾਭਾવਂ ਓਲੋਕੇਤੁਂ ਲਭਤਿਯੇવ, ਤਥਾ ਗਾਮੇ ਪੂਜ’’ਨ੍ਤਿ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯ ੩.੫੮੨) વਦਨ੍ਤਿ।
Kittakena pana okkhittacakkhu hotīti āha ‘‘yugamattaṃ bhūmibhāgaṃ pekkhamāno’’ti. Yugayuttako hi danto ājāneyyo yugamattaṃ pekkhati, purato catuhatthappamāṇaṃ bhūmibhāgaṃ, imināpi ettakaṃ pekkhantena gantabbaṃ. Yo anādariyaṃ paṭicca taṃ taṃ disābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Hatthiassādiparissayābhāvanti parissayanaṭṭhena, abhibhavanaṭṭhena, viheṭhanaṭṭhena vā parissayo, hatthiassādiyeva parissayo hatthiassādiparissayo, tassābhāvaṃ, hatthiassādi upaddavābhāvanti attho. ‘‘Yathā ca ekasmiṃ ṭhāne ṭhatvā, evaṃ gacchantopi parissayābhāvaṃ oloketuṃ labhatiyeva, tathā gāme pūja’’nti (sārattha. ṭī. pācittiya 3.582) vadanti.
ਓਕ੍ਖਿਤ੍ਤਚਕ੍ਖੁਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Okkhittacakkhusikkhāpadavaṇṇanā niṭṭhitā.
