| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. омасаваад̣̇асигкаабад̣̇аван̣н̣анаа
2. Omasavādasikkhāpadavaṇṇanā
12. д̣̇уд̇ияасигкаабад̣̇з омасанд̇ийд̇и овиж̇жханд̇и. кум̣сзнд̇ийд̇и аггосанд̇и. вамбхзнд̇ийд̇и бад̇хам̣сзнд̇и.
12. Dutiyasikkhāpade omasantīti ovijjhanti. Khuṃsentīti akkosanti. Vambhentīti padhaṃsenti.
13. бхууд̇абуб̣б̣анд̇и ид̣̇ам̣ вад̇т̇ум̣ бхаг̇аваа омасаваад̣̇аг̇арахан̣ад̇т̇ам̣ аахари. нанд̣̇ивисаало наамаад̇и нанд̣̇ийд̇и д̇асса б̣алийб̣ад̣̇д̣̇асса наамам̣, висаан̣аани банасса висаалаани, д̇асмаа ‘‘нанд̣̇ивисаало’’д̇и вужжад̇и. б̣од̇хисад̇д̇о д̇зна самаязна нанд̣̇ивисаало наама ход̇и. б̣раахман̣о д̇ам̣ яааг̇убхад̇д̇аад̣̇ийхи ад̇ивияа босзси. ат̇а со б̣раахман̣ам̣ анугамбамаано ‘‘г̇ажча д̇ва’’нд̇иаад̣̇имааха. д̇ад̇т̇зва адтаасийд̇и ахзд̇угабадисанд̇хигаалзби баракум̣санам̣ аманаабад̇оязва бажжзси, д̇асмаа б̣раахман̣асса д̣̇осам̣ д̣̇ассзд̇угаамо адтааси. сагадасад̇ам̣ ад̇иб̣ад̣̇д̇хам̣ баваддзсийд̇и бадибаадияаа табзд̇ваа хздтааругкз д̣̇ад̇ваа згааб̣ад̣̇д̇хам̣ гад̇ваа муг̇г̇амаасаваалугаад̣̇ийхи бун̣н̣ам̣ сагадасад̇ам̣ баваддзнд̇о, гин̃жааби буб̣б̣з бад̇идтид̇аараббад̣̇зсам̣ буна арз бад̇д̇з баваддид̇ам̣ ход̇и, б̣од̇хисад̇д̇о бана буримасагадзна бад̇идтид̇адтаанз бажчимасагадам̣ бад̇идтаабзд̇ум̣ сагадасад̇аббамаан̣ам̣ бад̣̇зсам̣ баваддзси. б̣од̇хисад̇д̇аанан̃хи сит̇илагаран̣ам̣ наама над̇т̇и. д̇зна жад̇д̇амано ахууд̇и д̇зна б̣раахман̣асса д̇ханалаабхзна ад̇д̇ано гаммзна жа со нанд̣̇ивисаало ад̇д̇амано ахоси.
13.Bhūtapubbanti idaṃ vatthuṃ bhagavā omasavādagarahaṇatthaṃ āhari. Nandivisālo nāmāti nandīti tassa balībaddassa nāmaṃ, visāṇāni panassa visālāni, tasmā ‘‘nandivisālo’’ti vuccati. Bodhisatto tena samayena nandivisālo nāma hoti. Brāhmaṇo taṃ yāgubhattādīhi ativiya posesi. Atha so brāhmaṇaṃ anukampamāno ‘‘gaccha tva’’ntiādimāha. Tattheva aṭṭhāsīti ahetukapaṭisandhikālepi parakhuṃsanaṃ amanāpatoyeva paccesi, tasmā brāhmaṇassa dosaṃ dassetukāmo aṭṭhāsi. Sakaṭasataṃ atibaddhaṃ pavaṭṭesīti paṭipāṭiyā ṭhapetvā heṭṭhārukkhe datvā ekābaddhaṃ katvā muggamāsavālukādīhi puṇṇaṃ sakaṭasataṃ pavaṭṭento, kiñcāpi pubbe patiṭṭhitārappadesaṃ puna are patte pavaṭṭitaṃ hoti, bodhisatto pana purimasakaṭena patiṭṭhitaṭṭhāne pacchimasakaṭaṃ patiṭṭhāpetuṃ sakaṭasatappamāṇaṃ padesaṃ pavaṭṭesi. Bodhisattānañhi sithilakaraṇaṃ nāma natthi. Tena cattamano ahūti tena brāhmaṇassa dhanalābhena attano kammena ca so nandivisālo attamano ahosi.
15. аггосзнабийд̇и зд̇т̇а бана яасмаа барад̇о ‘‘д̣̇вз аггосаа – хийно жа аггосо уггадто жа аггосо’’д̇и вибхаж̇ид̇угаамо, д̇асмаа яат̇аа буб̣б̣з ‘‘хийнзнаби аггосзна кум̣сзнд̇ий’’д̇и вуд̇д̇ам̣; звам̣ авад̇ваа ‘‘аггосзна’’ ижжзвамааха. взнаж̇аад̇ийд̇и д̇ажчагаж̇аад̇и; взн̣угаараж̇аад̇ийд̇иби вад̣̇анд̇и. нзсаад̣̇аж̇аад̇ийд̇и миг̇алуд̣̇д̣̇агаад̣̇иж̇аад̇и.
15.Akkosenapīti ettha pana yasmā parato ‘‘dve akkosā – hīno ca akkoso ukkaṭṭho ca akkoso’’ti vibhajitukāmo, tasmā yathā pubbe ‘‘hīnenapi akkosena khuṃsentī’’ti vuttaṃ; evaṃ avatvā ‘‘akkosena’’ iccevamāha. Venajātīti tacchakajāti; veṇukārajātītipi vadanti. Nesādajātīti migaluddakādijāti.
рат̇агаараж̇аад̇ийд̇и жаммагаараж̇аад̇и. буггусаж̇аад̇ийд̇и бубпачад̣д̣агаж̇аад̇и. аваган̣н̣агаад̣̇и д̣̇аасаанам̣ наамам̣ ход̇и; д̇асмаа хийнам̣. он̃н̃аад̇анд̇и аван̃н̃аад̇ам̣; ‘‘ун̃н̃аад̇а’’нд̇иби батанд̇и. аван̃н̃аад̇анд̇и вамбхзд̇ваа н̃аад̇ам̣. хийл̣ид̇анд̇и ж̇иг̇ужчид̇ам̣ . барибхууд̇анд̇и гимзд̇знаад̇ид̇и барибхавагад̇ам̣. ажид̇д̇ийгад̇анд̇и на г̇аругад̇ам̣.
Rathakārajātīti cammakārajāti. Pukkusajātīti pupphachaḍḍakajāti. Avakaṇṇakādi dāsānaṃ nāmaṃ hoti; tasmā hīnaṃ. Oññātanti avaññātaṃ; ‘‘uññāta’’ntipi paṭhanti. Avaññātanti vambhetvā ñātaṃ. Hīḷitanti jigucchitaṃ . Paribhūtanti kimetenātiti paribhavakataṃ. Acittīkatanti na garukataṃ.
годтагагамманд̇и д̇ажчагагаммам̣. муд̣̇д̣̇аад̇и хад̇т̇амуд̣̇д̣̇ааг̇ан̣анаа. г̇ан̣анаад̇и ажчид̣̇д̣̇агаад̣̇иавасзсаг̇ан̣анаа. лзкаад̇и агкаралзкаа. мад̇хумзхааб̣аад̇хо взд̣̇анааяа абхаавад̇о ‘‘уггадто’’д̇и вуд̇д̇о. баадиган̇каад̇и ижчид̇аб̣б̣аа. яагаарзна ваа бхагаарзна ваад̇и яагаарабхагаарз яож̇зд̇ваа яо аггосо. гаадагодажигааяа ваад̇и ‘‘гаада’’нд̇и бурисанимид̇д̇ам̣, ‘‘годажигаа’’д̇и ид̇т̇инимид̇д̇ам̣; зд̇зхи ваа яо аггосо, зсо хийно наама аггосод̇и.
Koṭṭhakakammanti tacchakakammaṃ. Muddāti hatthamuddāgaṇanā. Gaṇanāti acchiddakādiavasesagaṇanā. Lekhāti akkharalekhā. Madhumehābādho vedanāya abhāvato ‘‘ukkaṭṭho’’ti vutto. Pāṭikaṅkhāti icchitabbā. Yakārena vā bhakārena vāti yakārabhakāre yojetvā yo akkoso. Kāṭakoṭacikāya vāti ‘‘kāṭa’’nti purisanimittaṃ, ‘‘koṭacikā’’ti itthinimittaṃ; etehi vā yo akkoso, eso hīno nāma akkosoti.
16. ид̣̇аани д̇зсам̣ ж̇аад̇иаад̣̇ийнам̣ бабхзд̣̇авасзна аабад̇д̇им̣ ааробзд̇ваа д̣̇ассзнд̇о ‘‘убасамбанно убасамбанна’’нд̇иаад̣̇имааха. д̇ад̇т̇а кум̣сзд̇угаамо вамбхзд̇угаамо ман̇гугад̇д̇угаамод̇и аггосид̇угаамо бад̇хам̣сид̇угаамо г̇арахид̇угаамо нид̇д̇зж̇ам̣ гад̇д̇угаамод̇и ад̇т̇о. хийнзна хийнанд̇и хийнзна ж̇аад̇иважанзна хийнаж̇аад̇игам̣. зд̇зна убааязна саб̣б̣абад̣̇зсу ад̇т̇о взд̣̇ид̇аб̣б̣о.
16. Idāni tesaṃ jātiādīnaṃ pabhedavasena āpattiṃ āropetvā dassento ‘‘upasampanno upasampanna’’ntiādimāha. Tattha khuṃsetukāmo vambhetukāmo maṅkukattukāmoti akkositukāmo padhaṃsitukāmo garahitukāmo nittejaṃ kattukāmoti attho. Hīnena hīnanti hīnena jātivacanena hīnajātikaṃ. Etena upāyena sabbapadesu attho veditabbo.
зд̇т̇а жа хийнзна хийнам̣ вад̣̇анд̇о гин̃жааби сажжам̣ вад̣̇ад̇и, омасид̇угаамад̇ааяа банасса ваажааяа ваажааяа баажид̇д̇ияам̣. уггадтзна хийнам̣ вад̣̇анд̇о жа гин̃жааби алигам̣ бхан̣ад̇и, омасид̇угаамад̇ааяа бана иминаава сигкаабад̣̇зна баажид̇д̇ияам̣ аабаж̇ж̇ад̇и, на буримзна. яоби ‘‘ад̇ижан̣д̣аалоси, ад̇иб̣раахман̣оси, д̣̇удтажан̣д̣аалоси, д̣̇удтаб̣раахман̣осий’’д̇иаад̣̇ийни вад̣̇ад̇и, соби аабад̇д̇ияаа гаарзд̇аб̣б̣о.
Ettha ca hīnena hīnaṃ vadanto kiñcāpi saccaṃ vadati, omasitukāmatāya panassa vācāya vācāya pācittiyaṃ. Ukkaṭṭhena hīnaṃ vadanto ca kiñcāpi alikaṃ bhaṇati, omasitukāmatāya pana imināva sikkhāpadena pācittiyaṃ āpajjati, na purimena. Yopi ‘‘aticaṇḍālosi, atibrāhmaṇosi, duṭṭhacaṇḍālosi, duṭṭhabrāhmaṇosī’’tiādīni vadati, sopi āpattiyā kāretabbo.
26. санд̇и ид̇хзгажжзд̇и ваарз бана барихарид̇ваа вуд̇д̇абхаавзна д̣̇уггадам̣. зсзва наяо яз нууна…бз… на маяанд̇и ваарзсуби. анубасамбаннз бана жад̇уусуби ваарзсу д̣̇уггадамзва. жороси г̇ан̣тибхзд̣̇агосийд̇иаад̣̇иважанзхи бана убасамбаннзби анубамбаннзби саб̣б̣аваарзсу д̣̇уггадамзва. д̣̇авагамяад̇ааяа бана убасамбаннзби анубасамбаннзби саб̣б̣аваарзсу д̣̇уб̣бхаасид̇ам̣. д̣̇авагамяад̇аа наама гзл̣ихасаад̇хиббааяад̇аа. имасмин̃жа сигкаабад̣̇з табзд̇ваа бхигкум̣ бхигкунийаад̣̇аяо саб̣б̣асад̇д̇аа анубасамбаннадтаанз тид̇аад̇и взд̣̇ид̇аб̣б̣аа.
26.Santiidhekacceti vāre pana pariharitvā vuttabhāvena dukkaṭaṃ. Eseva nayo ye nūna…pe… na mayanti vāresupi. Anupasampanne pana catūsupi vāresu dukkaṭameva. Corosi gaṇṭhibhedakosītiādivacanehi pana upasampannepi anupampannepi sabbavāresu dukkaṭameva. Davakamyatāya pana upasampannepi anupasampannepi sabbavāresu dubbhāsitaṃ. Davakamyatā nāma keḷihasādhippāyatā. Imasmiñca sikkhāpade ṭhapetvā bhikkhuṃ bhikkhunīādayo sabbasattā anupasampannaṭṭhāne ṭhitāti veditabbā.
35. ад̇т̇абурзгкаарассаад̇иаад̣̇ийсу баал̣ияаа ад̇т̇ам̣ ван̣н̣аяанд̇о ад̇т̇абурзгкааро; баал̣им̣ ваажзнд̇о д̇хаммабурзгкааро; анусидтияам̣ тад̇ваа ‘‘ид̣̇ааниби жан̣д̣аалоси, баабам̣ маа агааси, маа д̇амо д̇амабарааяан̣о ахосий’’д̇иаад̣̇инаа наязна гат̇знд̇о анусаасанийбурзгкааро наамаад̇и взд̣̇ид̇аб̣б̣о. сзсам̣ уд̇д̇аанамзва.
35.Atthapurekkhārassātiādīsu pāḷiyā atthaṃ vaṇṇayanto atthapurekkhāro; pāḷiṃ vācento dhammapurekkhāro; anusiṭṭhiyaṃ ṭhatvā ‘‘idānipi caṇḍālosi, pāpaṃ mā akāsi, mā tamo tamaparāyaṇo ahosī’’tiādinā nayena kathento anusāsanīpurekkhāro nāmāti veditabbo. Sesaṃ uttānameva.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и. гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и. д̣̇уб̣бхаасид̇аабад̇д̇и банзд̇т̇а ваажаажид̇д̇ад̇о самудтаад̇и, гирияам̣, сан̃н̃аавимогкам̣, сажид̇д̇агам̣, агусалажид̇д̇ам̣, д̣̇вивзд̣̇анам̣ сукаа жа маж̇жхад̇д̇аа жаад̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti. Dubbhāsitāpatti panettha vācācittato samuṭṭhāti, kiriyaṃ, saññāvimokkhaṃ, sacittakaṃ, akusalacittaṃ, dvivedanaṃ sukhā ca majjhattā cāti.
омасаваад̣̇асигкаабад̣̇ам̣ д̣̇уд̇ияам̣.
Omasavādasikkhāpadaṃ dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. омасаваад̣̇а сигкаабад̣̇ам̣ • 2. Omasavāda sikkhāpadaṃ
