| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. омасаваад̣̇асигкаабад̣̇аван̣н̣анаа
2. Omasavādasikkhāpadavaṇṇanā
омасаваад̣̇зд̇и кум̣санаг̇арахан̣аважанз. яасмаа бана д̇ам̣ нзва ган̣н̣асукам̣, на хад̣̇аяасукам̣, д̇асмаа д̇зна ган̣н̣ан̃жзва хад̣̇аяан̃жа виж̇жхад̇ийд̇и ааха ‘‘овиж̇жханаважанз’’д̇и, ж̇аад̇иаад̣̇ийхи гхадзд̇ваа важанзд̇и вуд̇д̇ам̣ ход̇и. д̇знааха ‘‘ж̇аад̇инаамаа’’д̇иаад̣̇и. д̇ад̇т̇а ж̇аад̇и наама б̣раахман̣аад̣̇и уггадтаа жзва жан̣д̣аалаад̣̇и хийнаа жа ж̇аад̇и. наамам̣ наама аваган̣н̣агаад̣̇и хийнан̃жзва б̣уд̣̇д̇харагкид̇аад̣̇и уггадтан̃жа наамам̣. г̇од̇д̇ам̣ наама госияаад̣̇и хийнан̃жзва г̇од̇амаад̣̇и уггадтан̃жа г̇од̇д̇ам̣. гаммам̣ наама бубпачад̣д̣агаад̣̇и хийнан̃жзва гасиван̣иж̇ж̇аад̣̇и уггадтан̃жа гаммам̣. сиббам̣ наама нал̣агаараад̣̇и хийнан̃жзва муд̣̇д̣̇ааг̇ан̣анаад̣̇и уггадтан̃жа сиббам̣. ааб̣аад̇хо наама саб̣б̣оби рог̇о хийноязва. ат̇а ваа мад̇хумзхо уггадто, сзсо хийнод̇и взд̣̇ид̇аб̣б̣о. лин̇г̇ам̣ наама ад̇ид̣̇ийгхаад̣̇и хийнан̃жзва наад̇ид̣̇ийгхаад̣̇и уггадтан̃жа лин̇г̇ам̣. гилзсо наама рааг̇аад̣̇иго саб̣б̣оби гилзсо. аабад̇д̇и наама сод̇аабад̇д̇аад̣̇игаа уггадтаа жзва баарааж̇игаад̣̇и ануггадтаа жа аабад̇д̇и. аггосо наама ‘‘одтосий’’д̇иаад̣̇иго хийно жзва ‘‘бан̣д̣ид̇осий’’д̇иаад̣̇иго (баажи. 15) уггадто жа аггосо.
Omasavādeti khuṃsanagarahaṇavacane. Yasmā pana taṃ neva kaṇṇasukhaṃ, na hadayasukhaṃ, tasmā tena kaṇṇañceva hadayañca vijjhatīti āha ‘‘ovijjhanavacane’’ti, jātiādīhi ghaṭetvā vacaneti vuttaṃ hoti. Tenāha ‘‘jātināmā’’tiādi. Tattha jāti nāma brāhmaṇādi ukkaṭṭhā ceva caṇḍālādi hīnā ca jāti. Nāmaṃ nāma avakaṇṇakādi hīnañceva buddharakkhitādi ukkaṭṭhañca nāmaṃ. Gottaṃ nāma kosiyādi hīnañceva gotamādi ukkaṭṭhañca gottaṃ. Kammaṃ nāma pupphachaḍḍakādi hīnañceva kasivaṇijjādi ukkaṭṭhañca kammaṃ. Sippaṃ nāma naḷakārādi hīnañceva muddāgaṇanādi ukkaṭṭhañca sippaṃ. Ābādho nāma sabbopi rogo hīnoyeva. Atha vā madhumeho ukkaṭṭho, seso hīnoti veditabbo. Liṅgaṃ nāma atidīghādi hīnañceva nātidīghādi ukkaṭṭhañca liṅgaṃ. Kileso nāma rāgādiko sabbopi kileso. Āpatti nāma sotāpattādikā ukkaṭṭhā ceva pārājikādi anukkaṭṭhā ca āpatti. Akkoso nāma ‘‘oṭṭhosī’’tiādiko hīno ceva ‘‘paṇḍitosī’’tiādiko (pāci. 15) ukkaṭṭho ca akkoso.
яат̇аа д̇ат̇аад̇и баал̣иааг̇ад̇аанааг̇ад̇абад̣̇аанам̣ язна гзнажи аагаарзна. имасмим̣ сигкаабад̣̇з табзд̇ваа бхигкум̣ бхигкуниаад̣̇аяо саб̣б̣з сад̇д̇аа анубасамбаннадтаанз тид̇аад̇и ааха ‘‘ид̇ха жаа’’д̇иаад̣̇и. д̣̇авагамяад̇аа наама гзл̣ихасаад̇хиббааяад̇аа. саб̣б̣ад̇т̇аад̇и убасамбаннаанубасамбаннзсу жзва баал̣иааг̇ад̇аанааг̇ад̇абад̣̇зсу жаад̇и саб̣б̣ад̇т̇а. ад̇т̇ад̇хаммаанусаасанибурзгкаараананд̇и зд̇т̇а ‘‘жан̣д̣аалосий’’д̇иаад̣̇игааяа баал̣ияаа ад̇т̇ам̣ ван̣н̣знд̇о ад̇т̇абурзгкааро наама. баал̣им̣ ваажзнд̇о д̇хаммабурзгкааро наама. анусидтияам̣ тад̇ваа ‘‘ид̣̇ааниби жан̣д̣аалоси, баабам̣ маа агааси. маа д̇амод̇амабарааяан̣о ахосий’’д̇иаад̣̇инаа (баажи. адта. 35) наязна гат̇знд̇о анусаасанибурзгкааро наамаад̇и взд̣̇ид̇аб̣б̣о.
Yathātathāti pāḷiāgatānāgatapadānaṃ yena kenaci ākārena. Imasmiṃ sikkhāpade ṭhapetvā bhikkhuṃ bhikkhuniādayo sabbe sattā anupasampannaṭṭhāne ṭhitāti āha ‘‘idha cā’’tiādi. Davakamyatā nāma keḷihasādhippāyatā. Sabbatthāti upasampannānupasampannesu ceva pāḷiāgatānāgatapadesu cāti sabbattha. Atthadhammaanusāsanipurekkhārānanti ettha ‘‘caṇḍālosī’’tiādikāya pāḷiyā atthaṃ vaṇṇento atthapurekkhāro nāma. Pāḷiṃ vācento dhammapurekkhāro nāma. Anusiṭṭhiyaṃ ṭhatvā ‘‘idānipi caṇḍālosi, pāpaṃ mā akāsi. Mā tamotamaparāyaṇo ahosī’’tiādinā (pāci. aṭṭha. 35) nayena kathento anusāsanipurekkhāro nāmāti veditabbo.
омасаваад̣̇асигкаабад̣̇аван̣н̣анаа нидтид̇аа.
Omasavādasikkhāpadavaṇṇanā niṭṭhitā.
