| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. омасаваад̣̇асигкаабад̣̇аван̣н̣анаа
2. Omasavādasikkhāpadavaṇṇanā
12. д̣̇уд̇ияз ган̣н̣агадугад̇ааяа аманаабам̣ вад̣̇анд̇аа ган̣н̣зсу виж̇жханд̇аа вияа хонд̇ийд̇и ааха ‘‘омасанд̇ийд̇и овиж̇жханд̇ий’’д̇и. бад̇хам̣сзнд̇ийд̇и абхибхаванд̇и.
12. Dutiye kaṇṇakaṭukatāya amanāpaṃ vadantā kaṇṇesu vijjhantā viya hontīti āha ‘‘omasantīti ovijjhantī’’ti. Padhaṃsentīti abhibhavanti.
13. б̣од̇хисад̇д̇о д̇зна самаязна ход̇ийд̇и д̇зна самаязна б̣од̇хисад̇д̇о нанд̣̇ивисаало наама ахосийд̇и ад̇т̇о. ад̇ийд̇ад̇т̇з вад̇д̇амаанаважанам̣, гирияаагаалаважанижчааяа ваа вад̇д̇амаанаббаяог̇о сад̣̇д̣̇анд̇арасаннид̇хаанзна бхууд̇ад̇ааваг̇амо сияаад̇и. бажжзсийд̇и ‘‘аманаабам̣ ид̣̇а’’нд̇и ан̃н̃ааси. хздтааругкз д̣̇ад̇ваад̇и убад̇т̇амбхагз д̣̇ад̇ваа. буб̣б̣з бад̇идтид̇аараббад̣̇зсам̣ буна арз бад̇д̇зд̇и буб̣б̣з уж̇угам̣ хздтаамукам̣ бад̇идтид̇аарасса бхуумиббад̣̇зсам̣ буна д̇асмим̣язва арз баривад̇д̇зд̇ваа хздтаамукабхаавзна самбад̇д̇з, батамам̣ бхуумияам̣ бад̇идтид̇анзмиббад̣̇зсз баривад̇д̇зд̇ваа буна бхуумияам̣ бад̇идтид̇зд̇и вуд̇д̇ам̣ ход̇и. сит̇илагаран̣анд̇и сит̇илагирияаа.
13.Bodhisatto tena samayena hotīti tena samayena bodhisatto nandivisālo nāma ahosīti attho. Atītatthe vattamānavacanaṃ, kiriyākālavacanicchāya vā vattamānappayogo saddantarasannidhānena bhūtatāvagamo siyāti. Paccesīti ‘‘amanāpaṃ ida’’nti aññāsi. Heṭṭhārukkhe datvāti upatthambhake datvā. Pubbe patiṭṭhitārappadesaṃ puna are patteti pubbe ujukaṃ heṭṭhāmukhaṃ patiṭṭhitaarassa bhūmippadesaṃ puna tasmiṃyeva are parivattetvā heṭṭhāmukhabhāvena sampatte, paṭhamaṃ bhūmiyaṃ patiṭṭhitanemippadese parivattetvā puna bhūmiyaṃ patiṭṭhiteti vuttaṃ hoti. Sithilakaraṇanti sithilakiriyā.
15. буб̣б̣зд̇и адтуббад̇д̇ияам̣. д̇ажчагагамманд̇и вад̣дхагийгаммам̣. годдагагамманд̇и ваа баасаан̣агоддагагаммам̣ . хад̇т̇амуд̣̇д̣̇ааг̇ан̣анаад̇и ан̇г̇улисан̇гожзнзва г̇ан̣анаа. баад̣̇асигамилагкагаад̣̇аяо вияа наванд̇авасзна г̇ан̣анаа ажчид̣̇д̣̇агаг̇ан̣анаа. аад̣̇и-сад̣̇д̣̇зна сан̇галанабадуббаад̣̇анавогланабхааг̇ахаараад̣̇ивасзна бавад̇д̇аа бин̣д̣аг̇ан̣анаа г̇ахид̇аа. яасса саа баг̇ун̣аа ход̇и, со ругкамби д̣̇исваа ‘‘зд̇д̇агаани зд̇т̇а бан̣н̣ааний’’д̇и ж̇аанаад̇и. яабха мзт̇унзд̇и важанад̇о яа-гаара бха-гаарз згад̇о яож̇ид̇з асад̣̇д̇хаммаважанам̣ ход̇и.
15.Pubbeti aṭṭhuppattiyaṃ. Tacchakakammanti vaḍḍhakīkammaṃ. Koṭṭakakammanti vā pāsāṇakoṭṭakakammaṃ . Hatthamuddāgaṇanāti aṅgulisaṅkoceneva gaṇanā. Pādasikamilakkhakādayo viya navantavasena gaṇanā acchiddakagaṇanā. Ādi-saddena saṅkalanapaṭuppādanavoklanabhāgahārādivasena pavattā piṇḍagaṇanā gahitā. Yassa sā paguṇā hoti, so rukkhampi disvā ‘‘ettakāni ettha paṇṇānī’’ti jānāti. Yabha methuneti vacanato ya-kāra bha-kāre ekato yojite asaddhammavacanaṃ hoti.
16-26. аабад̇д̇ияаа гаарзд̇аб̣б̣од̇и баажид̇д̇иязна гаарзд̇аб̣б̣о убасаг̇г̇аад̣̇имад̇д̇ависидтаанам̣ ад̇ижан̣д̣аалаад̣̇ибад̣̇аанам̣ баал̣ияам̣ ааг̇ад̇зсуязва сан̇г̇ахид̇ад̇д̇аа. жоросийд̇иаад̣̇ийнам̣ бана гзнажи барияааязна баал̣ияам̣ анааг̇ад̇ад̇д̇аа д̣̇уггадам̣ вуд̇д̇ам̣. хасаад̇хиббааяад̇аад̇и буримабад̣̇асса ад̇т̇авиваран̣ам̣. баал̣ияам̣ авуд̇д̇зби ‘‘ж̇аад̇иаад̣̇ийхи аггосавад̇т̇уухи бараммукаа аггосанд̇асса вад̇т̇уунам̣ анан̃н̃абхаавад̇о яат̇аа д̣̇уггадам̣, д̇ат̇аа д̣̇авагамяад̇ааяа бараммукаа вад̣̇анд̇ассаби д̣̇уб̣бхаасид̇амзваа’’д̇и аажарияаа вад̣̇анд̇и. саб̣б̣асад̇д̇аад̇и зд̇т̇а важанад̇т̇авиж̇аананабагад̇игаа д̇иражчаанаг̇ад̇ааби г̇ахзд̇аб̣б̣аа.
16-26.Āpattiyākāretabboti pācittiyena kāretabbo upasaggādimattavisiṭṭhānaṃ aticaṇḍālādipadānaṃ pāḷiyaṃ āgatesuyeva saṅgahitattā. Corosītiādīnaṃ pana kenaci pariyāyena pāḷiyaṃ anāgatattā dukkaṭaṃ vuttaṃ. Hasādhippāyatāti purimapadassa atthavivaraṇaṃ. Pāḷiyaṃ avuttepi ‘‘jātiādīhi akkosavatthūhi parammukhā akkosantassa vatthūnaṃ anaññabhāvato yathā dukkaṭaṃ, tathā davakamyatāya parammukhā vadantassapi dubbhāsitamevā’’ti ācariyā vadanti. Sabbasattāti ettha vacanatthavijānanapakatikā tiracchānagatāpi gahetabbā.
35. анусаасанибурзгкаарад̇ааяа тад̇ваа вад̣̇анд̇асса жид̇д̇асса лахубаривад̇д̇ибхаавад̇о анд̇араа гобз уббаннзби анаабад̇д̇и. яам̣ аггосад̇и, д̇асса убасамбаннад̇аа, анан̃н̃аабад̣̇зсзна ж̇аад̇иаад̣̇ийхи аггосанам̣, ‘‘мам̣ аггосад̇ий’’д̇и ж̇аананаа, ад̇т̇абурзгкаарад̇аад̣̇ийнам̣ абхаавад̇аад̇и имаанзд̇т̇а жад̇д̇аари ан̇г̇аани.
35. Anusāsanipurekkhāratāya ṭhatvā vadantassa cittassa lahuparivattibhāvato antarā kope uppannepi anāpatti. Yaṃ akkosati, tassa upasampannatā, anaññāpadesena jātiādīhi akkosanaṃ, ‘‘maṃ akkosatī’’ti jānanā, atthapurekkhāratādīnaṃ abhāvatāti imānettha cattāri aṅgāni.
омасаваад̣̇асигкаабад̣̇аван̣н̣анаа нидтид̇аа.
Omasavādasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. омасаваад̣̇а сигкаабад̣̇ам̣ • 2. Omasavāda sikkhāpadaṃ
