| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
2. омасаваад̣̇асигкаабад̣̇аван̣н̣анаа
2. Omasavādasikkhāpadavaṇṇanā
13. д̣̇уд̇ияз буб̣б̣з бад̇идтид̇аараббад̣̇зсам̣ буна арз бад̇д̇зд̇и батамам̣ бхуумияам̣ бад̇идтид̇анзмиббад̣̇зсз баривад̇д̇зд̇ваа буна бхуумияам̣ бад̇идтид̇зд̇и ад̇т̇о.
13. Dutiye pubbe patiṭṭhitārappadesaṃ puna are patteti paṭhamaṃ bhūmiyaṃ patiṭṭhitanemippadese parivattetvā puna bhūmiyaṃ patiṭṭhiteti attho.
15. буб̣б̣зд̇и адтуббад̇д̇ияам̣. бубпачад̣д̣агаа наама г̇аб̣бхамалаад̣̇ихаарагаа. д̇ажчагагамманд̇и баасаан̣агодданаад̣̇ивад̣дхагийгаммам̣ . хад̇т̇амуд̣̇д̣̇ааг̇ан̣анаад̇и ан̇г̇улисан̇гожанзнзва г̇ан̣анаа. ажчид̣̇д̣̇агаг̇ан̣анаа наама згадтаанад̣̇асадтаанаад̣̇ийсу саарияо табзд̇ваа ануггамзна г̇ан̣анаа. аад̣̇и-сад̣̇д̣̇зна сан̇галанабадауббаад̣̇анавогланабхааг̇ахаараад̣̇ивасзна бавад̇д̇аа бин̣д̣аг̇ан̣анаа г̇ахид̇аа. яасса саа баг̇ун̣аа, со ругкамби д̣̇исваа ‘‘зд̇д̇агаани зд̇т̇а бан̣н̣ааний’’д̇и ж̇аанаад̇и. яабха-мзт̇унзд̇и важанад̇о ааха ‘‘яа-гаара-бха-гаарз’’д̇иаад̣̇и.
15.Pubbeti aṭṭhuppattiyaṃ. Pupphachaḍḍakā nāma gabbhamalādihārakā. Tacchakakammanti pāsāṇakoṭṭanādivaḍḍhakīkammaṃ . Hatthamuddāgaṇanāti aṅgulisaṅkocaneneva gaṇanā. Acchiddakagaṇanā nāma ekaṭṭhānadasaṭṭhānādīsu sāriyo ṭhapetvā anukkamena gaṇanā. Ādi-saddena saṅkalanapaṭauppādanavoklanabhāgahārādivasena pavattā piṇḍagaṇanā gahitā. Yassa sā paguṇā, so rukkhampi disvā ‘‘ettakāni ettha paṇṇānī’’ti jānāti. Yabha-methuneti vacanato āha ‘‘ya-kāra-bha-kāre’’tiādi.
16. на буримзнаад̇и мусааваад̣̇асигкаабад̣̇зна. соби аабад̇д̇ияаад̇и убасаг̇г̇аад̣̇ивисидтзхиби вад̣̇анд̇о баажид̇д̇ияаабад̇д̇ияаава гаарзд̇аб̣б̣о.
16.Na purimenāti musāvādasikkhāpadena. Sopi āpattiyāti upasaggādivisiṭṭhehipi vadanto pācittiyāpattiyāva kāretabbo.
26. д̣̇уб̣бхаасид̇анд̇и сааман̃н̃ад̇о вуд̇д̇ад̇д̇аа баал̣ияам̣ анааг̇ад̇зхиби бараммукаа вад̣̇анд̇ассаби д̣̇уб̣бхаасид̇амзваад̇и аажарияаа вад̣̇анд̇и д̇ад̇о лаамагаабад̇д̇ияаа абхааваа, анаабад̇д̇ияаабзд̇т̇а бхавид̇ум̣ аяуд̇д̇ад̇д̇аа. саб̣б̣асад̇д̇аад̇и зд̇т̇а важанад̇т̇авид̣̇уухи д̇иражчаанаад̣̇аяоби г̇ахид̇аа.
26.Dubbhāsitanti sāmaññato vuttattā pāḷiyaṃ anāgatehipi parammukhā vadantassapi dubbhāsitamevāti ācariyā vadanti tato lāmakāpattiyā abhāvā, anāpattiyāpettha bhavituṃ ayuttattā. Sabbasattāti ettha vacanatthavidūhi tiracchānādayopi gahitā.
35. анусаасанийбурзгкаарад̇ааяа ваа баабаг̇арахид̇ааяа ваа вад̣̇анд̇аанам̣ жид̇д̇асса лахубаривад̇д̇ибхаавад̇о анд̇аранд̇араа гобз уббаннзби анаабад̇д̇и. гааяавигаарамад̇д̇знаби омасанасамбхавад̇о ‘‘д̇исамудтаанам̣, гааяагамма’’нд̇и жа вуд̇д̇ам̣. бариваарз бана ‘‘жад̇уд̇т̇зна аабад̇д̇исамудтаанзна…бз… д̣̇уб̣бхаасид̇ам̣ аабаж̇ж̇зяяаад̇и. на хийд̇и вад̇д̇аб̣б̣а’’нд̇иаад̣̇инаа (бари. 276) ид̇араани самудтаанаани бадигкибид̇ваа бан̃жамассзва вуд̇д̇ад̇д̇аа ааха ‘‘д̣̇уб̣бхаасид̇аабад̇д̇и банзд̇т̇а ваажаажид̇д̇ад̇о самудтаад̇ий’’д̇и. д̣̇авагамяад̇ааяа хи гааяаваажаажид̇д̇зхи омасанд̇ассаби ваажаажид̇д̇амзва аабад̇д̇ияаа ан̇г̇ам̣ ход̇и, на бана гааяо виж̇ж̇амааноби д̇хаммад̣̇зсанаабад̇д̇и вияа гзвалам̣ гааяавигаарзнзва. омасанд̇асса бана гин̃жааби ид̇ха д̣̇уб̣бхаасид̇аабад̇д̇ияаа анаабад̇д̇и, ат̇а ко гааяагийл̣аабадигкзбасигкаабад̣̇зна д̣̇уггадамзваад̇и д̣̇адтаб̣б̣ам̣. убасамбаннам̣ ж̇аад̇иаад̣̇ийхи анан̃н̃аабад̣̇зсзна аггосанам̣, д̇асса ж̇аананам̣, ад̇т̇абурзгкаарад̇аад̣̇ийнам̣ абхаавод̇и имаанзд̇т̇а д̇ийн̣и ан̇г̇аани.
35. Anusāsanīpurekkhāratāya vā pāpagarahitāya vā vadantānaṃ cittassa lahuparivattibhāvato antarantarā kope uppannepi anāpatti. Kāyavikāramattenapi omasanasambhavato ‘‘tisamuṭṭhānaṃ, kāyakamma’’nti ca vuttaṃ. Parivāre pana ‘‘catutthena āpattisamuṭṭhānena…pe… dubbhāsitaṃ āpajjeyyāti. Na hīti vattabba’’ntiādinā (pari. 276) itarāni samuṭṭhānāni paṭikkhipitvā pañcamasseva vuttattā āha ‘‘dubbhāsitāpatti panettha vācācittato samuṭṭhātī’’ti. Davakamyatāya hi kāyavācācittehi omasantassapi vācācittameva āpattiyā aṅgaṃ hoti, na pana kāyo vijjamānopi dhammadesanāpatti viya kevalaṃ kāyavikāreneva. Omasantassa pana kiñcāpi idha dubbhāsitāpattiyā anāpatti, atha kho kāyakīḷāpaṭikkhepasikkhāpadena dukkaṭamevāti daṭṭhabbaṃ. Upasampannaṃ jātiādīhi anaññāpadesena akkosanaṃ, tassa jānanaṃ, atthapurekkhāratādīnaṃ abhāvoti imānettha tīṇi aṅgāni.
омасаваад̣̇асигкаабад̣̇аван̣н̣анаа нидтид̇аа.
Omasavādasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. омасаваад̣̇а сигкаабад̣̇ам̣ • 2. Omasavāda sikkhāpadaṃ
