| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੨. ਓਮਸવਾਦਸਿਕ੍ਖਾਪਦવਣ੍ਣਨਾ
2. Omasavādasikkhāpadavaṇṇanā
੧੨. ਦੁਤਿਯਸਿਕ੍ਖਾਪਦੇ ਓਮਸਨ੍ਤੀਤਿ ਓવਿਜ੍ਝਨ੍ਤਿ। ਖੁਂਸੇਨ੍ਤੀਤਿ ਅਕ੍ਕੋਸਨ੍ਤਿ। વਮ੍ਭੇਨ੍ਤੀਤਿ ਪਧਂਸੇਨ੍ਤਿ।
12. Dutiyasikkhāpade omasantīti ovijjhanti. Khuṃsentīti akkosanti. Vambhentīti padhaṃsenti.
੧੩. ਭੂਤਪੁਬ੍ਬਨ੍ਤਿ ਇਦਂ વਤ੍ਥੁਂ ਭਗવਾ ਓਮਸવਾਦਗਰਹਣਤ੍ਥਂ ਆਹਰਿ। ਨਨ੍ਦਿવਿਸਾਲੋ ਨਾਮਾਤਿ ਨਨ੍ਦੀਤਿ ਤਸ੍ਸ ਬਲੀਬਦ੍ਦਸ੍ਸ ਨਾਮਂ, વਿਸਾਣਾਨਿ ਪਨਸ੍ਸ વਿਸਾਲਾਨਿ, ਤਸ੍ਮਾ ‘‘ਨਨ੍ਦਿવਿਸਾਲੋ’’ਤਿ વੁਚ੍ਚਤਿ। ਬੋਧਿਸਤ੍ਤੋ ਤੇਨ ਸਮਯੇਨ ਨਨ੍ਦਿવਿਸਾਲੋ ਨਾਮ ਹੋਤਿ। ਬ੍ਰਾਹ੍ਮਣੋ ਤਂ ਯਾਗੁਭਤ੍ਤਾਦੀਹਿ ਅਤਿવਿਯ ਪੋਸੇਸਿ। ਅਥ ਸੋ ਬ੍ਰਾਹ੍ਮਣਂ ਅਨੁਕਮ੍ਪਮਾਨੋ ‘‘ਗਚ੍ਛ ਤ੍વ’’ਨ੍ਤਿਆਦਿਮਾਹ। ਤਤ੍ਥੇવ ਅਟ੍ਠਾਸੀਤਿ ਅਹੇਤੁਕਪਟਿਸਨ੍ਧਿਕਾਲੇਪਿ ਪਰਖੁਂਸਨਂ ਅਮਨਾਪਤੋਯੇવ ਪਚ੍ਚੇਸਿ, ਤਸ੍ਮਾ ਬ੍ਰਾਹ੍ਮਣਸ੍ਸ ਦੋਸਂ ਦਸ੍ਸੇਤੁਕਾਮੋ ਅਟ੍ਠਾਸਿ। ਸਕਟਸਤਂ ਅਤਿਬਦ੍ਧਂ ਪવਟ੍ਟੇਸੀਤਿ ਪਟਿਪਾਟਿਯਾ ਠਪੇਤ੍વਾ ਹੇਟ੍ਠਾਰੁਕ੍ਖੇ ਦਤ੍વਾ ਏਕਾਬਦ੍ਧਂ ਕਤ੍વਾ ਮੁਗ੍ਗਮਾਸવਾਲੁਕਾਦੀਹਿ ਪੁਣ੍ਣਂ ਸਕਟਸਤਂ ਪવਟ੍ਟੇਨ੍ਤੋ, ਕਿਞ੍ਚਾਪਿ ਪੁਬ੍ਬੇ ਪਤਿਟ੍ਠਿਤਾਰਪ੍ਪਦੇਸਂ ਪੁਨ ਅਰੇ ਪਤ੍ਤੇ ਪવਟ੍ਟਿਤਂ ਹੋਤਿ, ਬੋਧਿਸਤ੍ਤੋ ਪਨ ਪੁਰਿਮਸਕਟੇਨ ਪਤਿਟ੍ਠਿਤਟ੍ਠਾਨੇ ਪਚ੍ਛਿਮਸਕਟਂ ਪਤਿਟ੍ਠਾਪੇਤੁਂ ਸਕਟਸਤਪ੍ਪਮਾਣਂ ਪਦੇਸਂ ਪવਟ੍ਟੇਸਿ। ਬੋਧਿਸਤ੍ਤਾਨਞ੍ਹਿ ਸਿਥਿਲਕਰਣਂ ਨਾਮ ਨਤ੍ਥਿ। ਤੇਨ ਚਤ੍ਤਮਨੋ ਅਹੂਤਿ ਤੇਨ ਬ੍ਰਾਹ੍ਮਣਸ੍ਸ ਧਨਲਾਭੇਨ ਅਤ੍ਤਨੋ ਕਮ੍ਮੇਨ ਚ ਸੋ ਨਨ੍ਦਿવਿਸਾਲੋ ਅਤ੍ਤਮਨੋ ਅਹੋਸਿ।
13.Bhūtapubbanti idaṃ vatthuṃ bhagavā omasavādagarahaṇatthaṃ āhari. Nandivisālo nāmāti nandīti tassa balībaddassa nāmaṃ, visāṇāni panassa visālāni, tasmā ‘‘nandivisālo’’ti vuccati. Bodhisatto tena samayena nandivisālo nāma hoti. Brāhmaṇo taṃ yāgubhattādīhi ativiya posesi. Atha so brāhmaṇaṃ anukampamāno ‘‘gaccha tva’’ntiādimāha. Tattheva aṭṭhāsīti ahetukapaṭisandhikālepi parakhuṃsanaṃ amanāpatoyeva paccesi, tasmā brāhmaṇassa dosaṃ dassetukāmo aṭṭhāsi. Sakaṭasataṃ atibaddhaṃ pavaṭṭesīti paṭipāṭiyā ṭhapetvā heṭṭhārukkhe datvā ekābaddhaṃ katvā muggamāsavālukādīhi puṇṇaṃ sakaṭasataṃ pavaṭṭento, kiñcāpi pubbe patiṭṭhitārappadesaṃ puna are patte pavaṭṭitaṃ hoti, bodhisatto pana purimasakaṭena patiṭṭhitaṭṭhāne pacchimasakaṭaṃ patiṭṭhāpetuṃ sakaṭasatappamāṇaṃ padesaṃ pavaṭṭesi. Bodhisattānañhi sithilakaraṇaṃ nāma natthi. Tena cattamano ahūti tena brāhmaṇassa dhanalābhena attano kammena ca so nandivisālo attamano ahosi.
੧੫. ਅਕ੍ਕੋਸੇਨਪੀਤਿ ਏਤ੍ਥ ਪਨ ਯਸ੍ਮਾ ਪਰਤੋ ‘‘ਦ੍વੇ ਅਕ੍ਕੋਸਾ – ਹੀਨੋ ਚ ਅਕ੍ਕੋਸੋ ਉਕ੍ਕਟ੍ਠੋ ਚ ਅਕ੍ਕੋਸੋ’’ਤਿ વਿਭਜਿਤੁਕਾਮੋ, ਤਸ੍ਮਾ ਯਥਾ ਪੁਬ੍ਬੇ ‘‘ਹੀਨੇਨਪਿ ਅਕ੍ਕੋਸੇਨ ਖੁਂਸੇਨ੍ਤੀ’’ਤਿ વੁਤ੍ਤਂ; ਏવਂ ਅવਤ੍વਾ ‘‘ਅਕ੍ਕੋਸੇਨ’’ ਇਚ੍ਚੇવਮਾਹ। વੇਨਜਾਤੀਤਿ ਤਚ੍ਛਕਜਾਤਿ; વੇਣੁਕਾਰਜਾਤੀਤਿਪਿ વਦਨ੍ਤਿ। ਨੇਸਾਦਜਾਤੀਤਿ ਮਿਗਲੁਦ੍ਦਕਾਦਿਜਾਤਿ।
15.Akkosenapīti ettha pana yasmā parato ‘‘dve akkosā – hīno ca akkoso ukkaṭṭho ca akkoso’’ti vibhajitukāmo, tasmā yathā pubbe ‘‘hīnenapi akkosena khuṃsentī’’ti vuttaṃ; evaṃ avatvā ‘‘akkosena’’ iccevamāha. Venajātīti tacchakajāti; veṇukārajātītipi vadanti. Nesādajātīti migaluddakādijāti.
ਰਥਕਾਰਜਾਤੀਤਿ ਚਮ੍ਮਕਾਰਜਾਤਿ। ਪੁਕ੍ਕੁਸਜਾਤੀਤਿ ਪੁਪ੍ਫਛਡ੍ਡਕਜਾਤਿ। ਅવਕਣ੍ਣਕਾਦਿ ਦਾਸਾਨਂ ਨਾਮਂ ਹੋਤਿ; ਤਸ੍ਮਾ ਹੀਨਂ। ਓਞ੍ਞਾਤਨ੍ਤਿ ਅવਞ੍ਞਾਤਂ; ‘‘ਉਞ੍ਞਾਤ’’ਨ੍ਤਿਪਿ ਪਠਨ੍ਤਿ। ਅવਞ੍ਞਾਤਨ੍ਤਿ વਮ੍ਭੇਤ੍વਾ ਞਾਤਂ। ਹੀਲ਼ਿਤਨ੍ਤਿ ਜਿਗੁਚ੍ਛਿਤਂ । ਪਰਿਭੂਤਨ੍ਤਿ ਕਿਮੇਤੇਨਾਤਿਤਿ ਪਰਿਭવਕਤਂ। ਅਚਿਤ੍ਤੀਕਤਨ੍ਤਿ ਨ ਗਰੁਕਤਂ।
Rathakārajātīti cammakārajāti. Pukkusajātīti pupphachaḍḍakajāti. Avakaṇṇakādi dāsānaṃ nāmaṃ hoti; tasmā hīnaṃ. Oññātanti avaññātaṃ; ‘‘uññāta’’ntipi paṭhanti. Avaññātanti vambhetvā ñātaṃ. Hīḷitanti jigucchitaṃ . Paribhūtanti kimetenātiti paribhavakataṃ. Acittīkatanti na garukataṃ.
ਕੋਟ੍ਠਕਕਮ੍ਮਨ੍ਤਿ ਤਚ੍ਛਕਕਮ੍ਮਂ। ਮੁਦ੍ਦਾਤਿ ਹਤ੍ਥਮੁਦ੍ਦਾਗਣਨਾ। ਗਣਨਾਤਿ ਅਚ੍ਛਿਦ੍ਦਕਾਦਿਅવਸੇਸਗਣਨਾ। ਲੇਖਾਤਿ ਅਕ੍ਖਰਲੇਖਾ। ਮਧੁਮੇਹਾਬਾਧੋ વੇਦਨਾਯ ਅਭਾવਤੋ ‘‘ਉਕ੍ਕਟ੍ਠੋ’’ਤਿ વੁਤ੍ਤੋ। ਪਾਟਿਕਙ੍ਖਾਤਿ ਇਚ੍ਛਿਤਬ੍ਬਾ। ਯਕਾਰੇਨ વਾ ਭਕਾਰੇਨ વਾਤਿ ਯਕਾਰਭਕਾਰੇ ਯੋਜੇਤ੍વਾ ਯੋ ਅਕ੍ਕੋਸੋ। ਕਾਟਕੋਟਚਿਕਾਯ વਾਤਿ ‘‘ਕਾਟ’’ਨ੍ਤਿ ਪੁਰਿਸਨਿਮਿਤ੍ਤਂ, ‘‘ਕੋਟਚਿਕਾ’’ਤਿ ਇਤ੍ਥਿਨਿਮਿਤ੍ਤਂ; ਏਤੇਹਿ વਾ ਯੋ ਅਕ੍ਕੋਸੋ, ਏਸੋ ਹੀਨੋ ਨਾਮ ਅਕ੍ਕੋਸੋਤਿ।
Koṭṭhakakammanti tacchakakammaṃ. Muddāti hatthamuddāgaṇanā. Gaṇanāti acchiddakādiavasesagaṇanā. Lekhāti akkharalekhā. Madhumehābādho vedanāya abhāvato ‘‘ukkaṭṭho’’ti vutto. Pāṭikaṅkhāti icchitabbā. Yakārena vā bhakārena vāti yakārabhakāre yojetvā yo akkoso. Kāṭakoṭacikāya vāti ‘‘kāṭa’’nti purisanimittaṃ, ‘‘koṭacikā’’ti itthinimittaṃ; etehi vā yo akkoso, eso hīno nāma akkosoti.
੧੬. ਇਦਾਨਿ ਤੇਸਂ ਜਾਤਿਆਦੀਨਂ ਪਭੇਦવਸੇਨ ਆਪਤ੍ਤਿਂ ਆਰੋਪੇਤ੍વਾ ਦਸ੍ਸੇਨ੍ਤੋ ‘‘ਉਪਸਮ੍ਪਨ੍ਨੋ ਉਪਸਮ੍ਪਨ੍ਨ’’ਨ੍ਤਿਆਦਿਮਾਹ। ਤਤ੍ਥ ਖੁਂਸੇਤੁਕਾਮੋ વਮ੍ਭੇਤੁਕਾਮੋ ਮਙ੍ਕੁਕਤ੍ਤੁਕਾਮੋਤਿ ਅਕ੍ਕੋਸਿਤੁਕਾਮੋ ਪਧਂਸਿਤੁਕਾਮੋ ਗਰਹਿਤੁਕਾਮੋ ਨਿਤ੍ਤੇਜਂ ਕਤ੍ਤੁਕਾਮੋਤਿ ਅਤ੍ਥੋ। ਹੀਨੇਨ ਹੀਨਨ੍ਤਿ ਹੀਨੇਨ ਜਾਤਿવਚਨੇਨ ਹੀਨਜਾਤਿਕਂ। ਏਤੇਨ ਉਪਾਯੇਨ ਸਬ੍ਬਪਦੇਸੁ ਅਤ੍ਥੋ વੇਦਿਤਬ੍ਬੋ।
16. Idāni tesaṃ jātiādīnaṃ pabhedavasena āpattiṃ āropetvā dassento ‘‘upasampanno upasampanna’’ntiādimāha. Tattha khuṃsetukāmo vambhetukāmo maṅkukattukāmoti akkositukāmo padhaṃsitukāmo garahitukāmo nittejaṃ kattukāmoti attho. Hīnena hīnanti hīnena jātivacanena hīnajātikaṃ. Etena upāyena sabbapadesu attho veditabbo.
ਏਤ੍ਥ ਚ ਹੀਨੇਨ ਹੀਨਂ વਦਨ੍ਤੋ ਕਿਞ੍ਚਾਪਿ ਸਚ੍ਚਂ વਦਤਿ, ਓਮਸਿਤੁਕਾਮਤਾਯ ਪਨਸ੍ਸ વਾਚਾਯ વਾਚਾਯ ਪਾਚਿਤ੍ਤਿਯਂ। ਉਕ੍ਕਟ੍ਠੇਨ ਹੀਨਂ વਦਨ੍ਤੋ ਚ ਕਿਞ੍ਚਾਪਿ ਅਲਿਕਂ ਭਣਤਿ, ਓਮਸਿਤੁਕਾਮਤਾਯ ਪਨ ਇਮਿਨਾવ ਸਿਕ੍ਖਾਪਦੇਨ ਪਾਚਿਤ੍ਤਿਯਂ ਆਪਜ੍ਜਤਿ, ਨ ਪੁਰਿਮੇਨ। ਯੋਪਿ ‘‘ਅਤਿਚਣ੍ਡਾਲੋਸਿ, ਅਤਿਬ੍ਰਾਹ੍ਮਣੋਸਿ, ਦੁਟ੍ਠਚਣ੍ਡਾਲੋਸਿ, ਦੁਟ੍ਠਬ੍ਰਾਹ੍ਮਣੋਸੀ’’ਤਿਆਦੀਨਿ વਦਤਿ, ਸੋਪਿ ਆਪਤ੍ਤਿਯਾ ਕਾਰੇਤਬ੍ਬੋ।
Ettha ca hīnena hīnaṃ vadanto kiñcāpi saccaṃ vadati, omasitukāmatāya panassa vācāya vācāya pācittiyaṃ. Ukkaṭṭhena hīnaṃ vadanto ca kiñcāpi alikaṃ bhaṇati, omasitukāmatāya pana imināva sikkhāpadena pācittiyaṃ āpajjati, na purimena. Yopi ‘‘aticaṇḍālosi, atibrāhmaṇosi, duṭṭhacaṇḍālosi, duṭṭhabrāhmaṇosī’’tiādīni vadati, sopi āpattiyā kāretabbo.
੨੬. ਸਨ੍ਤਿ ਇਧੇਕਚ੍ਚੇਤਿ વਾਰੇ ਪਨ ਪਰਿਹਰਿਤ੍વਾ વੁਤ੍ਤਭਾવੇਨ ਦੁਕ੍ਕਟਂ। ਏਸੇવ ਨਯੋ ਯੇ ਨੂਨ…ਪੇ॰… ਨ ਮਯਨ੍ਤਿ વਾਰੇਸੁਪਿ। ਅਨੁਪਸਮ੍ਪਨ੍ਨੇ ਪਨ ਚਤੂਸੁਪਿ વਾਰੇਸੁ ਦੁਕ੍ਕਟਮੇવ। ਚੋਰੋਸਿ ਗਣ੍ਠਿਭੇਦਕੋਸੀਤਿਆਦਿવਚਨੇਹਿ ਪਨ ਉਪਸਮ੍ਪਨ੍ਨੇਪਿ ਅਨੁਪਮ੍ਪਨ੍ਨੇਪਿ ਸਬ੍ਬવਾਰੇਸੁ ਦੁਕ੍ਕਟਮੇવ। ਦવਕਮ੍ਯਤਾਯ ਪਨ ਉਪਸਮ੍ਪਨ੍ਨੇਪਿ ਅਨੁਪਸਮ੍ਪਨ੍ਨੇਪਿ ਸਬ੍ਬવਾਰੇਸੁ ਦੁਬ੍ਭਾਸਿਤਂ। ਦવਕਮ੍ਯਤਾ ਨਾਮ ਕੇਲ਼ਿਹਸਾਧਿਪ੍ਪਾਯਤਾ। ਇਮਸ੍ਮਿਞ੍ਚ ਸਿਕ੍ਖਾਪਦੇ ਠਪੇਤ੍વਾ ਭਿਕ੍ਖੁਂ ਭਿਕ੍ਖੁਨੀਆਦਯੋ ਸਬ੍ਬਸਤ੍ਤਾ ਅਨੁਪਸਮ੍ਪਨ੍ਨਟ੍ਠਾਨੇ ਠਿਤਾਤਿ વੇਦਿਤਬ੍ਬਾ।
26.Santiidhekacceti vāre pana pariharitvā vuttabhāvena dukkaṭaṃ. Eseva nayo ye nūna…pe… na mayanti vāresupi. Anupasampanne pana catūsupi vāresu dukkaṭameva. Corosi gaṇṭhibhedakosītiādivacanehi pana upasampannepi anupampannepi sabbavāresu dukkaṭameva. Davakamyatāya pana upasampannepi anupasampannepi sabbavāresu dubbhāsitaṃ. Davakamyatā nāma keḷihasādhippāyatā. Imasmiñca sikkhāpade ṭhapetvā bhikkhuṃ bhikkhunīādayo sabbasattā anupasampannaṭṭhāne ṭhitāti veditabbā.
੩੫. ਅਤ੍ਥਪੁਰੇਕ੍ਖਾਰਸ੍ਸਾਤਿਆਦੀਸੁ ਪਾਲ਼ਿਯਾ ਅਤ੍ਥਂ વਣ੍ਣਯਨ੍ਤੋ ਅਤ੍ਥਪੁਰੇਕ੍ਖਾਰੋ; ਪਾਲ਼ਿਂ વਾਚੇਨ੍ਤੋ ਧਮ੍ਮਪੁਰੇਕ੍ਖਾਰੋ; ਅਨੁਸਿਟ੍ਠਿਯਂ ਠਤ੍વਾ ‘‘ਇਦਾਨਿਪਿ ਚਣ੍ਡਾਲੋਸਿ, ਪਾਪਂ ਮਾ ਅਕਾਸਿ, ਮਾ ਤਮੋ ਤਮਪਰਾਯਣੋ ਅਹੋਸੀ’’ਤਿਆਦਿਨਾ ਨਯੇਨ ਕਥੇਨ੍ਤੋ ਅਨੁਸਾਸਨੀਪੁਰੇਕ੍ਖਾਰੋ ਨਾਮਾਤਿ વੇਦਿਤਬ੍ਬੋ। ਸੇਸਂ ਉਤ੍ਤਾਨਮੇવ।
35.Atthapurekkhārassātiādīsu pāḷiyā atthaṃ vaṇṇayanto atthapurekkhāro; pāḷiṃ vācento dhammapurekkhāro; anusiṭṭhiyaṃ ṭhatvā ‘‘idānipi caṇḍālosi, pāpaṃ mā akāsi, mā tamo tamaparāyaṇo ahosī’’tiādinā nayena kathento anusāsanīpurekkhāro nāmāti veditabbo. Sesaṃ uttānameva.
ਤਿਸਮੁਟ੍ਠਾਨਂ – ਕਾਯਚਿਤ੍ਤਤੋ વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ। ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ। ਦੁਬ੍ਭਾਸਿਤਾਪਤ੍ਤਿ ਪਨੇਤ੍ਥ વਾਚਾਚਿਤ੍ਤਤੋ ਸਮੁਟ੍ਠਾਤਿ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਅਕੁਸਲਚਿਤ੍ਤਂ, ਦ੍વਿવੇਦਨਂ ਸੁਖਾ ਚ ਮਜ੍ਝਤ੍ਤਾ ਚਾਤਿ।
Tisamuṭṭhānaṃ – kāyacittato vācācittato kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti. Dubbhāsitāpatti panettha vācācittato samuṭṭhāti, kiriyaṃ, saññāvimokkhaṃ, sacittakaṃ, akusalacittaṃ, dvivedanaṃ sukhā ca majjhattā cāti.
ਓਮਸવਾਦਸਿਕ੍ਖਾਪਦਂ ਦੁਤਿਯਂ।
Omasavādasikkhāpadaṃ dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਓਮਸવਾਦਸਿਕ੍ਖਾਪਦવਣ੍ਣਨਾ • 2. Omasavādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਓਮਸવਾਦਸਿਕ੍ਖਾਪਦવਣ੍ਣਨਾ • 2. Omasavādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਓਮਸવਾਦਸਿਕ੍ਖਾਪਦવਣ੍ਣਨਾ • 2. Omasavādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਓਮਸવਾਦ ਸਿਕ੍ਖਾਪਦਂ • 2. Omasavāda sikkhāpadaṃ
