| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੨. ਓਮਸવਾਦਸਿਕ੍ਖਾਪਦવਣ੍ਣਨਾ
2. Omasavādasikkhāpadavaṇṇanā
੧੨. ਦੁਤਿਯੇ ਕਣ੍ਣਕਟੁਕਤਾਯ ਅਮਨਾਪਂ વਦਨ੍ਤਾ ਕਣ੍ਣੇਸੁ વਿਜ੍ਝਨ੍ਤਾ વਿਯ ਹੋਨ੍ਤੀਤਿ ਆਹ ‘‘ਓਮਸਨ੍ਤੀਤਿ ਓવਿਜ੍ਝਨ੍ਤੀ’’ਤਿ। ਪਧਂਸੇਨ੍ਤੀਤਿ ਅਭਿਭવਨ੍ਤਿ।
12. Dutiye kaṇṇakaṭukatāya amanāpaṃ vadantā kaṇṇesu vijjhantā viya hontīti āha ‘‘omasantīti ovijjhantī’’ti. Padhaṃsentīti abhibhavanti.
੧੩. ਬੋਧਿਸਤ੍ਤੋ ਤੇਨ ਸਮਯੇਨ ਹੋਤੀਤਿ ਤੇਨ ਸਮਯੇਨ ਬੋਧਿਸਤ੍ਤੋ ਨਨ੍ਦਿવਿਸਾਲੋ ਨਾਮ ਅਹੋਸੀਤਿ ਅਤ੍ਥੋ। ਅਤੀਤਤ੍ਥੇ વਤ੍ਤਮਾਨવਚਨਂ, ਕਿਰਿਯਾਕਾਲવਚਨਿਚ੍ਛਾਯ વਾ વਤ੍ਤਮਾਨਪ੍ਪਯੋਗੋ ਸਦ੍ਦਨ੍ਤਰਸਨ੍ਨਿਧਾਨੇਨ ਭੂਤਤਾવਗਮੋ ਸਿਯਾਤਿ। ਪਚ੍ਚੇਸੀਤਿ ‘‘ਅਮਨਾਪਂ ਇਦ’’ਨ੍ਤਿ ਅਞ੍ਞਾਸਿ। ਹੇਟ੍ਠਾਰੁਕ੍ਖੇ ਦਤ੍વਾਤਿ ਉਪਤ੍ਥਮ੍ਭਕੇ ਦਤ੍વਾ। ਪੁਬ੍ਬੇ ਪਤਿਟ੍ਠਿਤਾਰਪ੍ਪਦੇਸਂ ਪੁਨ ਅਰੇ ਪਤ੍ਤੇਤਿ ਪੁਬ੍ਬੇ ਉਜੁਕਂ ਹੇਟ੍ਠਾਮੁਖਂ ਪਤਿਟ੍ਠਿਤਅਰਸ੍ਸ ਭੂਮਿਪ੍ਪਦੇਸਂ ਪੁਨ ਤਸ੍ਮਿਂਯੇવ ਅਰੇ ਪਰਿવਤ੍ਤੇਤ੍વਾ ਹੇਟ੍ਠਾਮੁਖਭਾવੇਨ ਸਮ੍ਪਤ੍ਤੇ, ਪਠਮਂ ਭੂਮਿਯਂ ਪਤਿਟ੍ਠਿਤਨੇਮਿਪ੍ਪਦੇਸੇ ਪਰਿવਤ੍ਤੇਤ੍વਾ ਪੁਨ ਭੂਮਿਯਂ ਪਤਿਟ੍ਠਿਤੇਤਿ વੁਤ੍ਤਂ ਹੋਤਿ। ਸਿਥਿਲਕਰਣਨ੍ਤਿ ਸਿਥਿਲਕਿਰਿਯਾ।
13.Bodhisatto tena samayena hotīti tena samayena bodhisatto nandivisālo nāma ahosīti attho. Atītatthe vattamānavacanaṃ, kiriyākālavacanicchāya vā vattamānappayogo saddantarasannidhānena bhūtatāvagamo siyāti. Paccesīti ‘‘amanāpaṃ ida’’nti aññāsi. Heṭṭhārukkhe datvāti upatthambhake datvā. Pubbe patiṭṭhitārappadesaṃ puna are patteti pubbe ujukaṃ heṭṭhāmukhaṃ patiṭṭhitaarassa bhūmippadesaṃ puna tasmiṃyeva are parivattetvā heṭṭhāmukhabhāvena sampatte, paṭhamaṃ bhūmiyaṃ patiṭṭhitanemippadese parivattetvā puna bhūmiyaṃ patiṭṭhiteti vuttaṃ hoti. Sithilakaraṇanti sithilakiriyā.
੧੫. ਪੁਬ੍ਬੇਤਿ ਅਟ੍ਠੁਪ੍ਪਤ੍ਤਿਯਂ। ਤਚ੍ਛਕਕਮ੍ਮਨ੍ਤਿ વਡ੍ਢਕੀਕਮ੍ਮਂ। ਕੋਟ੍ਟਕਕਮ੍ਮਨ੍ਤਿ વਾ ਪਾਸਾਣਕੋਟ੍ਟਕਕਮ੍ਮਂ । ਹਤ੍ਥਮੁਦ੍ਦਾਗਣਨਾਤਿ ਅਙ੍ਗੁਲਿਸਙ੍ਕੋਚੇਨੇવ ਗਣਨਾ। ਪਾਦਸਿਕਮਿਲਕ੍ਖਕਾਦਯੋ વਿਯ ਨવਨ੍ਤવਸੇਨ ਗਣਨਾ ਅਚ੍ਛਿਦ੍ਦਕਗਣਨਾ। ਆਦਿ-ਸਦ੍ਦੇਨ ਸਙ੍ਕਲਨਪਟੁਪ੍ਪਾਦਨવੋਕ੍ਲਨਭਾਗਹਾਰਾਦਿવਸੇਨ ਪવਤ੍ਤਾ ਪਿਣ੍ਡਗਣਨਾ ਗਹਿਤਾ। ਯਸ੍ਸ ਸਾ ਪਗੁਣਾ ਹੋਤਿ, ਸੋ ਰੁਕ੍ਖਮ੍ਪਿ ਦਿਸ੍વਾ ‘‘ਏਤ੍ਤਕਾਨਿ ਏਤ੍ਥ ਪਣ੍ਣਾਨੀ’’ਤਿ ਜਾਨਾਤਿ। ਯਭ ਮੇਥੁਨੇਤਿ વਚਨਤੋ ਯ-ਕਾਰ ਭ-ਕਾਰੇ ਏਕਤੋ ਯੋਜਿਤੇ ਅਸਦ੍ਧਮ੍ਮવਚਨਂ ਹੋਤਿ।
15.Pubbeti aṭṭhuppattiyaṃ. Tacchakakammanti vaḍḍhakīkammaṃ. Koṭṭakakammanti vā pāsāṇakoṭṭakakammaṃ . Hatthamuddāgaṇanāti aṅgulisaṅkoceneva gaṇanā. Pādasikamilakkhakādayo viya navantavasena gaṇanā acchiddakagaṇanā. Ādi-saddena saṅkalanapaṭuppādanavoklanabhāgahārādivasena pavattā piṇḍagaṇanā gahitā. Yassa sā paguṇā hoti, so rukkhampi disvā ‘‘ettakāni ettha paṇṇānī’’ti jānāti. Yabha methuneti vacanato ya-kāra bha-kāre ekato yojite asaddhammavacanaṃ hoti.
੧੬-੨੬. ਆਪਤ੍ਤਿਯਾ ਕਾਰੇਤਬ੍ਬੋਤਿ ਪਾਚਿਤ੍ਤਿਯੇਨ ਕਾਰੇਤਬ੍ਬੋ ਉਪਸਗ੍ਗਾਦਿਮਤ੍ਤવਿਸਿਟ੍ਠਾਨਂ ਅਤਿਚਣ੍ਡਾਲਾਦਿਪਦਾਨਂ ਪਾਲ਼ਿਯਂ ਆਗਤੇਸੁਯੇવ ਸਙ੍ਗਹਿਤਤ੍ਤਾ। ਚੋਰੋਸੀਤਿਆਦੀਨਂ ਪਨ ਕੇਨਚਿ ਪਰਿਯਾਯੇਨ ਪਾਲ਼ਿਯਂ ਅਨਾਗਤਤ੍ਤਾ ਦੁਕ੍ਕਟਂ વੁਤ੍ਤਂ। ਹਸਾਧਿਪ੍ਪਾਯਤਾਤਿ ਪੁਰਿਮਪਦਸ੍ਸ ਅਤ੍ਥવਿવਰਣਂ। ਪਾਲ਼ਿਯਂ ਅવੁਤ੍ਤੇਪਿ ‘‘ਜਾਤਿਆਦੀਹਿ ਅਕ੍ਕੋਸવਤ੍ਥੂਹਿ ਪਰਮ੍ਮੁਖਾ ਅਕ੍ਕੋਸਨ੍ਤਸ੍ਸ વਤ੍ਥੂਨਂ ਅਨਞ੍ਞਭਾવਤੋ ਯਥਾ ਦੁਕ੍ਕਟਂ, ਤਥਾ ਦવਕਮ੍ਯਤਾਯ ਪਰਮ੍ਮੁਖਾ વਦਨ੍ਤਸ੍ਸਪਿ ਦੁਬ੍ਭਾਸਿਤਮੇવਾ’’ਤਿ ਆਚਰਿਯਾ વਦਨ੍ਤਿ। ਸਬ੍ਬਸਤ੍ਤਾਤਿ ਏਤ੍ਥ વਚਨਤ੍ਥવਿਜਾਨਨਪਕਤਿਕਾ ਤਿਰਚ੍ਛਾਨਗਤਾਪਿ ਗਹੇਤਬ੍ਬਾ।
16-26.Āpattiyākāretabboti pācittiyena kāretabbo upasaggādimattavisiṭṭhānaṃ aticaṇḍālādipadānaṃ pāḷiyaṃ āgatesuyeva saṅgahitattā. Corosītiādīnaṃ pana kenaci pariyāyena pāḷiyaṃ anāgatattā dukkaṭaṃ vuttaṃ. Hasādhippāyatāti purimapadassa atthavivaraṇaṃ. Pāḷiyaṃ avuttepi ‘‘jātiādīhi akkosavatthūhi parammukhā akkosantassa vatthūnaṃ anaññabhāvato yathā dukkaṭaṃ, tathā davakamyatāya parammukhā vadantassapi dubbhāsitamevā’’ti ācariyā vadanti. Sabbasattāti ettha vacanatthavijānanapakatikā tiracchānagatāpi gahetabbā.
੩੫. ਅਨੁਸਾਸਨਿਪੁਰੇਕ੍ਖਾਰਤਾਯ ਠਤ੍વਾ વਦਨ੍ਤਸ੍ਸ ਚਿਤ੍ਤਸ੍ਸ ਲਹੁਪਰਿવਤ੍ਤਿਭਾવਤੋ ਅਨ੍ਤਰਾ ਕੋਪੇ ਉਪ੍ਪਨ੍ਨੇਪਿ ਅਨਾਪਤ੍ਤਿ। ਯਂ ਅਕ੍ਕੋਸਤਿ, ਤਸ੍ਸ ਉਪਸਮ੍ਪਨ੍ਨਤਾ, ਅਨਞ੍ਞਾਪਦੇਸੇਨ ਜਾਤਿਆਦੀਹਿ ਅਕ੍ਕੋਸਨਂ, ‘‘ਮਂ ਅਕ੍ਕੋਸਤੀ’’ਤਿ ਜਾਨਨਾ, ਅਤ੍ਥਪੁਰੇਕ੍ਖਾਰਤਾਦੀਨਂ ਅਭਾવਤਾਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ।
35. Anusāsanipurekkhāratāya ṭhatvā vadantassa cittassa lahuparivattibhāvato antarā kope uppannepi anāpatti. Yaṃ akkosati, tassa upasampannatā, anaññāpadesena jātiādīhi akkosanaṃ, ‘‘maṃ akkosatī’’ti jānanā, atthapurekkhāratādīnaṃ abhāvatāti imānettha cattāri aṅgāni.
ਓਮਸવਾਦਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Omasavādasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਓਮਸવਾਦਸਿਕ੍ਖਾਪਦવਣ੍ਣਨਾ • 2. Omasavādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਓਮਸવਾਦਸਿਕ੍ਖਾਪਦવਣ੍ਣਨਾ • 2. Omasavādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਓਮਸવਾਦਸਿਕ੍ਖਾਪਦવਣ੍ਣਨਾ • 2. Omasavādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਓਮਸવਾਦ ਸਿਕ੍ਖਾਪਦਂ • 2. Omasavāda sikkhāpadaṃ
