| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
150. омуггаг̇ун̣ан̇г̇ун̣уубааханаануж̇аананаа
150. Omukkaguṇaṅguṇūpāhanānujānanā
247. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи, ан̃н̃ад̇арзна бхигкунаа бажчаасаман̣зна. ат̇а ко со бхигку кан̃ж̇амаано бхаг̇аванд̇ам̣ бидтид̇о бидтид̇о ануб̣анд̇хи. ад̣̇д̣̇асаа ко ан̃н̃ад̇аро убаасаго г̇ун̣ан̇г̇ун̣уубааханаа аарохид̇ваа бхаг̇аванд̇ам̣ д̣̇уурад̇ова ааг̇ажчанд̇ам̣; д̣̇исваа убааханаа аарохид̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа язна со бхигку д̇знубасан̇гами; убасан̇гамид̇ваа д̇ам̣ бхигкум̣ абхиваад̣̇зд̇ваа зд̇ад̣̇авожа – ‘‘гисса, бханд̇з, аяяо кан̃ж̇ад̇ий’’д̇и ? ‘‘баад̣̇аа мз, аавусо, палид̇аа’’д̇и 1. ‘‘ханд̣̇а, бханд̇з, убааханааяо’’д̇и. ‘‘алам̣ , аавусо, бадигкид̇д̇аа бхаг̇авад̇аа г̇ун̣ан̇г̇ун̣уубааханаа’’д̇и. ‘‘г̇ан̣хаахзд̇аа, бхигку, убааханааяо’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, омуггам̣ г̇ун̣ан̇г̇ун̣уубааханам̣. на, бхигкавз, наваа г̇ун̣ан̇г̇ун̣уубааханаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадассаа’’д̇и.
247. Atha kho bhagavā pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi, aññatarena bhikkhunā pacchāsamaṇena. Atha kho so bhikkhu khañjamāno bhagavantaṃ piṭṭhito piṭṭhito anubandhi. Addasā kho aññataro upāsako guṇaṅguṇūpāhanā ārohitvā bhagavantaṃ dūratova āgacchantaṃ; disvā upāhanā ārohitvā yena bhagavā tenupasaṅkami; upasaṅkamitvā bhagavantaṃ abhivādetvā yena so bhikkhu tenupasaṅkami; upasaṅkamitvā taṃ bhikkhuṃ abhivādetvā etadavoca – ‘‘kissa, bhante, ayyo khañjatī’’ti ? ‘‘Pādā me, āvuso, phalitā’’ti 2. ‘‘Handa, bhante, upāhanāyo’’ti. ‘‘Alaṃ , āvuso, paṭikkhittā bhagavatā guṇaṅguṇūpāhanā’’ti. ‘‘Gaṇhāhetā, bhikkhu, upāhanāyo’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, omukkaṃ guṇaṅguṇūpāhanaṃ. Na, bhikkhave, navā guṇaṅguṇūpāhanā dhāretabbā. Yo dhāreyya, āpatti dukkaṭassā’’ti.
омуггаг̇ун̣ан̇г̇ун̣уубааханаануж̇аананаа нидтид̇аа.
Omukkaguṇaṅguṇūpāhanānujānanā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саб̣б̣анийлигаад̣̇ибадигкзбагат̇аа • Sabbanīlikādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 149. саб̣б̣анийлигаад̣̇ибадигкзбагат̇аа • 149. Sabbanīlikādipaṭikkhepakathā
