| Library / Tipiṭaka / तिपिटक • Tipiṭaka / मिलिन्दपञ्हपाळि • Milindapañhapāḷi |
६. ओपम्मकथापञ्हो
6. Opammakathāpañho
मातिका
Mātikā
भन्ते नागसेन, कतिहङ्गेहि समन्नागतो भिक्खु अरहत्तं सच्छिकरोतीति?
Bhante nāgasena, katihaṅgehi samannāgato bhikkhu arahattaṃ sacchikarotīti?
इध, महाराज, अरहत्तं सच्छिकातुकामेन भिक्खुना –
Idha, mahārāja, arahattaṃ sacchikātukāmena bhikkhunā –
कुक्कुटस्स पञ्च अङ्गानि गहेतब्बानि।
Kukkuṭassa pañca aṅgāni gahetabbāni.
कलन्दकस्स एकं अङ्गं गहेतब्बं।
Kalandakassa ekaṃ aṅgaṃ gahetabbaṃ.
दीपिनिया एकं अङ्गं गहेतब्बं।
Dīpiniyā ekaṃ aṅgaṃ gahetabbaṃ.
दीपिकस्स द्वे अङ्गानि गहेतब्बानि।
Dīpikassa dve aṅgāni gahetabbāni.
कुम्मस्स पञ्च अङ्गानि गहेतब्बानि।
Kummassa pañca aṅgāni gahetabbāni.
वंसस्स एकं अङ्गं गहेतब्बं।
Vaṃsassa ekaṃ aṅgaṃ gahetabbaṃ.
चापस्स एकं अङ्गं गहेतब्बं।
Cāpassa ekaṃ aṅgaṃ gahetabbaṃ.
वायसस्स द्वे अङ्गानि गहेतब्बानि।
Vāyasassa dve aṅgāni gahetabbāni.
मक्कटस्स द्वे अङ्गानि गहेतब्बानि।
Makkaṭassa dve aṅgāni gahetabbāni.
गद्रभवग्गो पठमो।
Gadrabhavaggo paṭhamo.
लाबुलताय एकं अङ्गं गहेतब्बं।
Lābulatāya ekaṃ aṅgaṃ gahetabbaṃ.
पदुमस्स तीणि अङ्गानि गहेतब्बानि।
Padumassa tīṇi aṅgāni gahetabbāni.
बीजस्स द्वे अङ्गानि गहेतब्बानि।
Bījassa dve aṅgāni gahetabbāni.
सालकल्याणिकाय एकं अङ्गं गहेतब्बं।
Sālakalyāṇikāya ekaṃ aṅgaṃ gahetabbaṃ.
नावाय तीणि अङ्गानि गहेतब्बानि।
Nāvāya tīṇi aṅgāni gahetabbāni.
नियामकस्स तीणि अङ्गानि गहेतब्बानि।
Niyāmakassa tīṇi aṅgāni gahetabbāni.
कम्मकारस्स एकं अङ्गं गहेतब्बं।
Kammakārassa ekaṃ aṅgaṃ gahetabbaṃ.
समुद्दस्स पञ्च अङ्गानि गहेतब्बानि।
Samuddassa pañca aṅgāni gahetabbāni.
समुद्दवग्गो दुतियो।
Samuddavaggo dutiyo.
पथविया पञ्च अङ्गानि गहेतब्बानि।
Pathaviyā pañca aṅgāni gahetabbāni.
आपस्स पञ्च अङ्गानि गहेतब्बानि।
Āpassa pañca aṅgāni gahetabbāni.
तेजस्स पञ्च अङ्गानि गहेतब्बानि।
Tejassa pañca aṅgāni gahetabbāni.
वायुस्स पञ्च अङ्गानि गहेतब्बानि।
Vāyussa pañca aṅgāni gahetabbāni.
पब्बतस्स पञ्च अङ्गानि गहेतब्बानि।
Pabbatassa pañca aṅgāni gahetabbāni.
आकासस्स पञ्च अङ्गानि गहेतब्बानि।
Ākāsassa pañca aṅgāni gahetabbāni.
चन्दस्स पञ्च अङ्गानि गहेतब्बानि।
Candassa pañca aṅgāni gahetabbāni.
सूरियस्स सत्त अङ्गानि गहेतब्बानि।
Sūriyassa satta aṅgāni gahetabbāni.
सक्कस्स तीणि अङ्गानि गहेतब्बानि।
Sakkassa tīṇi aṅgāni gahetabbāni.
चक्कवत्तिस्स चत्तारि अङ्गानि गहेतब्बानि।
Cakkavattissa cattāri aṅgāni gahetabbāni.
पथवीवग्गो ततियो।
Pathavīvaggo tatiyo.
उपचिकाय एकं अङ्गं गहेतब्बं।
Upacikāya ekaṃ aṅgaṃ gahetabbaṃ.
बिळारस्स द्वे अङ्गानि गहेतब्बानि।
Biḷārassa dve aṅgāni gahetabbāni.
उन्दूरस्स एकं अङ्गं गहेतब्बं।
Undūrassa ekaṃ aṅgaṃ gahetabbaṃ.
विच्छिकस्स एकं अङ्गं गहेतब्बं।
Vicchikassa ekaṃ aṅgaṃ gahetabbaṃ.
नकुलस्स एकं अङ्गं गहेतब्बं।
Nakulassa ekaṃ aṅgaṃ gahetabbaṃ.
जरसिङ्गालस्स द्वे अङ्गानि गहेतब्बानि।
Jarasiṅgālassa dve aṅgāni gahetabbāni.
मिगस्स तीणि अङ्गानि गहेतब्बानि।
Migassa tīṇi aṅgāni gahetabbāni.
गोरूपस्स चत्तारि अङ्गानि गहेतब्बानि।
Gorūpassa cattāri aṅgāni gahetabbāni.
वराहस्स द्वे अङ्गानि गहेतब्बानि।
Varāhassa dve aṅgāni gahetabbāni.
हत्थिस्स पञ्च अङ्गानि गहेतब्बानि।
Hatthissa pañca aṅgāni gahetabbāni.
उपचिकावग्गो चतुत्थो।
Upacikāvaggo catuttho.
सीहस्स सत्त अङ्गानि गहेतब्बानि।
Sīhassa satta aṅgāni gahetabbāni.
चक्कवाकस्स तीणि अङ्गानि गहेतब्बानि।
Cakkavākassa tīṇi aṅgāni gahetabbāni.
पेणाहिकाय द्वे अङ्गानि गहेतब्बानि।
Peṇāhikāya dve aṅgāni gahetabbāni.
घरकपोतस्स एकं अङ्गं गहेतब्बं।
Gharakapotassa ekaṃ aṅgaṃ gahetabbaṃ.
उलूकस्स द्वे अङ्गानि गहेतब्बानि।
Ulūkassa dve aṅgāni gahetabbāni.
सतपत्तस्स एकं अङ्गं गहेतब्बं।
Satapattassa ekaṃ aṅgaṃ gahetabbaṃ.
वग्गुलिस्स द्वे अङ्गानि गहेतब्बानि।
Vaggulissa dve aṅgāni gahetabbāni.
जलूकाय एकं अङ्गं गहेतब्बं।
Jalūkāya ekaṃ aṅgaṃ gahetabbaṃ.
सप्पस्स तीणि अङ्गानि गहेतब्बानि।
Sappassa tīṇi aṅgāni gahetabbāni.
अजगरस्स एकं अङ्गं गहेतब्बं।
Ajagarassa ekaṃ aṅgaṃ gahetabbaṃ.
सीहवग्गो पञ्चमो।
Sīhavaggo pañcamo.
पन्थमक्कटकस्स एकं अङ्गं गहेतब्बं।
Panthamakkaṭakassa ekaṃ aṅgaṃ gahetabbaṃ.
पवनस्स पञ्च अङ्गानि गहेतब्बानि।
Pavanassa pañca aṅgāni gahetabbāni.
रुक्खस्स तीणि अङ्गानि गहेतब्बानि।
Rukkhassa tīṇi aṅgāni gahetabbāni.
मेघस्स पञ्च अङ्गानि गहेतब्बानि।
Meghassa pañca aṅgāni gahetabbāni.
मणिरतनस्स तीणि अङ्गानि गहेतब्बानि।
Maṇiratanassa tīṇi aṅgāni gahetabbāni.
मागविकस्स चत्तारि अङ्गानि गहेतब्बानि।
Māgavikassa cattāri aṅgāni gahetabbāni.
बाळिसिकस्स द्वे अङ्गानि गहेतब्बानि।
Bāḷisikassa dve aṅgāni gahetabbāni.
तच्छकस्स द्वे अङ्गानि गहेतब्बानि।
Tacchakassa dve aṅgāni gahetabbāni.
मक्कटवग्गो छट्ठो।
Makkaṭavaggo chaṭṭho.
कुम्भस्स एकं अङ्गं गहेतब्बं।
Kumbhassa ekaṃ aṅgaṃ gahetabbaṃ.
छत्तस्स तीणि अङ्गानि गहेतब्बानि।
Chattassa tīṇi aṅgāni gahetabbāni.
खेत्तस्स तीणि अङ्गानि गहेतब्बानि।
Khettassa tīṇi aṅgāni gahetabbāni.
अगदस्स द्वे अङ्गानि गहेतब्बानि।
Agadassa dve aṅgāni gahetabbāni.
भोजनस्स तीणि अङ्गानि गहेतब्बानि।
Bhojanassa tīṇi aṅgāni gahetabbāni.
इस्सासस्स चत्तारि अङ्गानि गहेतब्बानि।
Issāsassa cattāri aṅgāni gahetabbāni.
कुम्भवग्गो सत्तमो।
Kumbhavaggo sattamo.
रञ्ञो चत्तारि अङ्गानि गहेतब्बानि।
Rañño cattāri aṅgāni gahetabbāni.
दोवारिकस्स द्वे अङ्गानि गहेतब्बानि।
Dovārikassa dve aṅgāni gahetabbāni.
निसदाय एकं अङ्गं गहेतब्बं।
Nisadāya ekaṃ aṅgaṃ gahetabbaṃ.
पदीपस्स द्वे अङ्गानि गहेतब्बानि।
Padīpassa dve aṅgāni gahetabbāni.
मयूरस्स द्वे अङ्गानि गहेतब्बानि।
Mayūrassa dve aṅgāni gahetabbāni.
तुरङ्गस्स द्वे अङ्गानि गहेतब्बानि।
Turaṅgassa dve aṅgāni gahetabbāni.
सोण्डिकस्स द्वे अङ्गानि गहेतब्बानि।
Soṇḍikassa dve aṅgāni gahetabbāni.
इन्दखीलस्स द्वे अङ्गानि गहेतब्बानि।
Indakhīlassa dve aṅgāni gahetabbāni.
तुलाय एकं अङ्गं गहेतब्बं।
Tulāya ekaṃ aṅgaṃ gahetabbaṃ.
खग्गस्स द्वे अङ्गानि गहेतब्बानि।
Khaggassa dve aṅgāni gahetabbāni.
मच्छस्स द्वे अङ्गानि गहेतब्बानि।
Macchassa dve aṅgāni gahetabbāni.
इणग्गाहकस्स एकं अङ्गं गहेतब्बं।
Iṇaggāhakassa ekaṃ aṅgaṃ gahetabbaṃ.
ब्याधितस्स द्वे अङ्गानि गहेतब्बानि।
Byādhitassa dve aṅgāni gahetabbāni.
मतस्स द्वे अङ्गानि गहेतब्बानि।
Matassa dve aṅgāni gahetabbāni.
नदिया द्वे अङ्गानि गहेतब्बानि।
Nadiyā dve aṅgāni gahetabbāni.
उसभस्स एकं अङ्गं गहेतब्बं।
Usabhassa ekaṃ aṅgaṃ gahetabbaṃ.
मग्गस्स द्वे अङ्गानि गहेतब्बानि।
Maggassa dve aṅgāni gahetabbāni.
सुङ्कसायिकस्स एकं अङ्गं गहेतब्बं।
Suṅkasāyikassa ekaṃ aṅgaṃ gahetabbaṃ.
चोरस्स तीणि अङ्गानि गहेतब्बानि।
Corassa tīṇi aṅgāni gahetabbāni.
सकुणग्घिया एकं अङ्गं गहेतब्बं।
Sakuṇagghiyā ekaṃ aṅgaṃ gahetabbaṃ.
सुनखस्स एकं अङ्गं गहेतब्बं।
Sunakhassa ekaṃ aṅgaṃ gahetabbaṃ.
तिकिच्छकस्स तीणि अङ्गानि गहेतब्बानि।
Tikicchakassa tīṇi aṅgāni gahetabbāni.
गब्भिनिया द्वे अङ्गानि गहेतब्बानि।
Gabbhiniyā dve aṅgāni gahetabbāni.
चमरिया एकं अङ्गं गहेतब्बं।
Camariyā ekaṃ aṅgaṃ gahetabbaṃ.
किकिया द्वे अङ्गानि गहेतब्बानि।
Kikiyā dve aṅgāni gahetabbāni.
कपोतिकाय तीणि अङ्गानि गहेतब्बानि।
Kapotikāya tīṇi aṅgāni gahetabbāni.
एकनयनस्स द्वे अङ्गानि गहेतब्बानि।
Ekanayanassa dve aṅgāni gahetabbāni.
कस्सकस्स तीणि अङ्गानि गहेतब्बानि।
Kassakassa tīṇi aṅgāni gahetabbāni.
जम्बुकसिङ्गालिया एकं अङ्गं गहेतब्बं।
Jambukasiṅgāliyā ekaṃ aṅgaṃ gahetabbaṃ.
चङ्गवारकस्स द्वे अङ्गानि गहेतब्बानि।
Caṅgavārakassa dve aṅgāni gahetabbāni.
दब्बिया एकं अङ्गं गहेतब्बं।
Dabbiyā ekaṃ aṅgaṃ gahetabbaṃ.
इणसाधकस्स तीणि अङ्गानि गहेतब्बानि।
Iṇasādhakassa tīṇi aṅgāni gahetabbāni.
अनुविचिनकस्स एकं अङ्गं गहेतब्बं।
Anuvicinakassa ekaṃ aṅgaṃ gahetabbaṃ.
सारथिस्स द्वे अङ्गानि गहेतब्बानि।
Sārathissa dve aṅgāni gahetabbāni.
भोजकस्स द्वे अङ्गानि गहेतब्बानि।
Bhojakassa dve aṅgāni gahetabbāni.
तुन्नवायस्स एकं अङ्गं गहेतब्बं।
Tunnavāyassa ekaṃ aṅgaṃ gahetabbaṃ.
नाविकस्स एकं अङ्गं गहेतब्बं।
Nāvikassa ekaṃ aṅgaṃ gahetabbaṃ.
भमरस्स द्वे अङ्गानि गहेतब्बानीति।
Bhamarassa dve aṅgāni gahetabbānīti.
मातिका निट्ठिता।
Mātikā niṭṭhitā.
Footnotes:
