| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၆. ဩပမ္မကထာပဉ္ဟော
6. Opammakathāpañho
မာတိကာ
Mātikā
ဘန္တေ နာဂသေန, ကတိဟင္ဂေဟိ သမန္နာဂတော ဘိက္ခု အရဟတ္တံ သစ္ဆိကရောတီတိ?
Bhante nāgasena, katihaṅgehi samannāgato bhikkhu arahattaṃ sacchikarotīti?
ဣဓ, မဟာရာဇ, အရဟတ္တံ သစ္ဆိကာတုကာမေန ဘိက္ခုနာ –
Idha, mahārāja, arahattaṃ sacchikātukāmena bhikkhunā –
ကုက္ကုဋသ္သ ပဉ္စ အင္ဂာနိ ဂဟေတဗ္ဗာနိ။
Kukkuṭassa pañca aṅgāni gahetabbāni.
ကလန္ဒကသ္သ ဧကံ အင္ဂံ ဂဟေတဗ္ဗံ။
Kalandakassa ekaṃ aṅgaṃ gahetabbaṃ.
ဒီပိနိယာ ဧကံ အင္ဂံ ဂဟေတဗ္ဗံ။
Dīpiniyā ekaṃ aṅgaṃ gahetabbaṃ.
ဒီပိကသ္သ ဒ္ဝေ အင္ဂာနိ ဂဟေတဗ္ဗာနိ။
Dīpikassa dve aṅgāni gahetabbāni.
ကုမ္မသ္သ ပဉ္စ အင္ဂာနိ ဂဟေတဗ္ဗာနိ။
Kummassa pañca aṅgāni gahetabbāni.
ဝံသသ္သ ဧကံ အင္ဂံ ဂဟေတဗ္ဗံ။
Vaṃsassa ekaṃ aṅgaṃ gahetabbaṃ.
စာပသ္သ ဧကံ အင္ဂံ ဂဟေတဗ္ဗံ။
Cāpassa ekaṃ aṅgaṃ gahetabbaṃ.
ဝာယသသ္သ ဒ္ဝေ အင္ဂာနိ ဂဟေတဗ္ဗာနိ။
Vāyasassa dve aṅgāni gahetabbāni.
မက္ကဋသ္သ ဒ္ဝေ အင္ဂာနိ ဂဟေတဗ္ဗာနိ။
Makkaṭassa dve aṅgāni gahetabbāni.
ဂဒ္ရဘဝဂ္ဂော ပဌမော။
Gadrabhavaggo paṭhamo.
လာဗုလတာယ ဧကံ အင္ဂံ ဂဟေတဗ္ဗံ။
Lābulatāya ekaṃ aṅgaṃ gahetabbaṃ.
ပဒုမသ္သ တီဏိ အင္ဂာနိ ဂဟေတဗ္ဗာနိ။
Padumassa tīṇi aṅgāni gahetabbāni.
ဗီဇသ္သ ဒ္ဝေ အင္ဂာနိ ဂဟေတဗ္ဗာနိ။
Bījassa dve aṅgāni gahetabbāni.
သာလကလ္ယာဏိကာယ ဧကံ အင္ဂံ ဂဟေတဗ္ဗံ။
Sālakalyāṇikāya ekaṃ aṅgaṃ gahetabbaṃ.
နာဝာယ တီဏိ အင္ဂာနိ ဂဟေတဗ္ဗာနိ။
Nāvāya tīṇi aṅgāni gahetabbāni.
နိယာမကသ္သ တီဏိ အင္ဂာနိ ဂဟေတဗ္ဗာနိ။
Niyāmakassa tīṇi aṅgāni gahetabbāni.
ကမ္မကာရသ္သ ဧကံ အင္ဂံ ဂဟေတဗ္ဗံ။
Kammakārassa ekaṃ aṅgaṃ gahetabbaṃ.
သမုဒ္ဒသ္သ ပဉ္စ အင္ဂာနိ ဂဟေတဗ္ဗာနိ။
Samuddassa pañca aṅgāni gahetabbāni.
သမုဒ္ဒဝဂ္ဂော ဒုတိယော။
Samuddavaggo dutiyo.
ပထဝိယာ ပဉ္စ အင္ဂာနိ ဂဟေတဗ္ဗာနိ။
Pathaviyā pañca aṅgāni gahetabbāni.
အာပသ္သ ပဉ္စ အင္ဂာနိ ဂဟေတဗ္ဗာနိ။
Āpassa pañca aṅgāni gahetabbāni.
တေဇသ္သ ပဉ္စ အင္ဂာနိ ဂဟေတဗ္ဗာနိ။
Tejassa pañca aṅgāni gahetabbāni.
ဝာယုသ္သ ပဉ္စ အင္ဂာနိ ဂဟေတဗ္ဗာနိ။
Vāyussa pañca aṅgāni gahetabbāni.
ပဗ္ဗတသ္သ ပဉ္စ အင္ဂာနိ ဂဟေတဗ္ဗာနိ။
Pabbatassa pañca aṅgāni gahetabbāni.
အာကာသသ္သ ပဉ္စ အင္ဂာနိ ဂဟေတဗ္ဗာနိ။
Ākāsassa pañca aṅgāni gahetabbāni.
စန္ဒသ္သ ပဉ္စ အင္ဂာနိ ဂဟေတဗ္ဗာနိ။
Candassa pañca aṅgāni gahetabbāni.
သူရိယသ္သ သတ္တ အင္ဂာနိ ဂဟေတဗ္ဗာနိ။
Sūriyassa satta aṅgāni gahetabbāni.
သက္ကသ္သ တီဏိ အင္ဂာနိ ဂဟေတဗ္ဗာနိ။
Sakkassa tīṇi aṅgāni gahetabbāni.
စက္ကဝတ္တိသ္သ စတ္တာရိ အင္ဂာနိ ဂဟေတဗ္ဗာနိ။
Cakkavattissa cattāri aṅgāni gahetabbāni.
ပထဝီဝဂ္ဂော တတိယော။
Pathavīvaggo tatiyo.
ဥပစိကာယ ဧကံ အင္ဂံ ဂဟေတဗ္ဗံ။
Upacikāya ekaṃ aṅgaṃ gahetabbaṃ.
ဗိဠာရသ္သ ဒ္ဝေ အင္ဂာနိ ဂဟေတဗ္ဗာနိ။
Biḷārassa dve aṅgāni gahetabbāni.
ဥန္ဒူရသ္သ ဧကံ အင္ဂံ ဂဟေတဗ္ဗံ။
Undūrassa ekaṃ aṅgaṃ gahetabbaṃ.
ဝိစ္ဆိကသ္သ ဧကံ အင္ဂံ ဂဟေတဗ္ဗံ။
Vicchikassa ekaṃ aṅgaṃ gahetabbaṃ.
နကုလသ္သ ဧကံ အင္ဂံ ဂဟေတဗ္ဗံ။
Nakulassa ekaṃ aṅgaṃ gahetabbaṃ.
ဇရသိင္ဂာလသ္သ ဒ္ဝေ အင္ဂာနိ ဂဟေတဗ္ဗာနိ။
Jarasiṅgālassa dve aṅgāni gahetabbāni.
မိဂသ္သ တီဏိ အင္ဂာနိ ဂဟေတဗ္ဗာနိ။
Migassa tīṇi aṅgāni gahetabbāni.
ဂောရူပသ္သ စတ္တာရိ အင္ဂာနိ ဂဟေတဗ္ဗာနိ။
Gorūpassa cattāri aṅgāni gahetabbāni.
ဝရာဟသ္သ ဒ္ဝေ အင္ဂာနိ ဂဟေတဗ္ဗာနိ။
Varāhassa dve aṅgāni gahetabbāni.
ဟတ္ထိသ္သ ပဉ္စ အင္ဂာနိ ဂဟေတဗ္ဗာနိ။
Hatthissa pañca aṅgāni gahetabbāni.
ဥပစိကာဝဂ္ဂော စတုတ္ထော။
Upacikāvaggo catuttho.
သီဟသ္သ သတ္တ အင္ဂာနိ ဂဟေတဗ္ဗာနိ။
Sīhassa satta aṅgāni gahetabbāni.
စက္ကဝာကသ္သ တီဏိ အင္ဂာနိ ဂဟေတဗ္ဗာနိ။
Cakkavākassa tīṇi aṅgāni gahetabbāni.
ပေဏာဟိကာယ ဒ္ဝေ အင္ဂာနိ ဂဟေတဗ္ဗာနိ။
Peṇāhikāya dve aṅgāni gahetabbāni.
ဃရကပောတသ္သ ဧကံ အင္ဂံ ဂဟေတဗ္ဗံ။
Gharakapotassa ekaṃ aṅgaṃ gahetabbaṃ.
ဥလူကသ္သ ဒ္ဝေ အင္ဂာနိ ဂဟေတဗ္ဗာနိ။
Ulūkassa dve aṅgāni gahetabbāni.
သတပတ္တသ္သ ဧကံ အင္ဂံ ဂဟေတဗ္ဗံ။
Satapattassa ekaṃ aṅgaṃ gahetabbaṃ.
ဝဂ္ဂုလိသ္သ ဒ္ဝေ အင္ဂာနိ ဂဟေတဗ္ဗာနိ။
Vaggulissa dve aṅgāni gahetabbāni.
ဇလူကာယ ဧကံ အင္ဂံ ဂဟေတဗ္ဗံ။
Jalūkāya ekaṃ aṅgaṃ gahetabbaṃ.
သပ္ပသ္သ တီဏိ အင္ဂာနိ ဂဟေတဗ္ဗာနိ။
Sappassa tīṇi aṅgāni gahetabbāni.
အဇဂရသ္သ ဧကံ အင္ဂံ ဂဟေတဗ္ဗံ။
Ajagarassa ekaṃ aṅgaṃ gahetabbaṃ.
သီဟဝဂ္ဂော ပဉ္စမော။
Sīhavaggo pañcamo.
ပန္ထမက္ကဋကသ္သ ဧကံ အင္ဂံ ဂဟေတဗ္ဗံ။
Panthamakkaṭakassa ekaṃ aṅgaṃ gahetabbaṃ.
ပဝနသ္သ ပဉ္စ အင္ဂာနိ ဂဟေတဗ္ဗာနိ။
Pavanassa pañca aṅgāni gahetabbāni.
ရုက္ခသ္သ တီဏိ အင္ဂာနိ ဂဟေတဗ္ဗာနိ။
Rukkhassa tīṇi aṅgāni gahetabbāni.
မေဃသ္သ ပဉ္စ အင္ဂာနိ ဂဟေတဗ္ဗာနိ။
Meghassa pañca aṅgāni gahetabbāni.
မဏိရတနသ္သ တီဏိ အင္ဂာနိ ဂဟေတဗ္ဗာနိ။
Maṇiratanassa tīṇi aṅgāni gahetabbāni.
မာဂဝိကသ္သ စတ္တာရိ အင္ဂာနိ ဂဟေတဗ္ဗာနိ။
Māgavikassa cattāri aṅgāni gahetabbāni.
ဗာဠိသိကသ္သ ဒ္ဝေ အင္ဂာနိ ဂဟေတဗ္ဗာနိ။
Bāḷisikassa dve aṅgāni gahetabbāni.
တစ္ဆကသ္သ ဒ္ဝေ အင္ဂာနိ ဂဟေတဗ္ဗာနိ။
Tacchakassa dve aṅgāni gahetabbāni.
မက္ကဋဝဂ္ဂော ဆဋ္ဌော။
Makkaṭavaggo chaṭṭho.
ကုမ္ဘသ္သ ဧကံ အင္ဂံ ဂဟေတဗ္ဗံ။
Kumbhassa ekaṃ aṅgaṃ gahetabbaṃ.
ဆတ္တသ္သ တီဏိ အင္ဂာနိ ဂဟေတဗ္ဗာနိ။
Chattassa tīṇi aṅgāni gahetabbāni.
ခေတ္တသ္သ တီဏိ အင္ဂာနိ ဂဟေတဗ္ဗာနိ။
Khettassa tīṇi aṅgāni gahetabbāni.
အဂဒသ္သ ဒ္ဝေ အင္ဂာနိ ဂဟေတဗ္ဗာနိ။
Agadassa dve aṅgāni gahetabbāni.
ဘောဇနသ္သ တီဏိ အင္ဂာနိ ဂဟေတဗ္ဗာနိ။
Bhojanassa tīṇi aṅgāni gahetabbāni.
ဣသ္သာသသ္သ စတ္တာရိ အင္ဂာနိ ဂဟေတဗ္ဗာနိ။
Issāsassa cattāri aṅgāni gahetabbāni.
ကုမ္ဘဝဂ္ဂော သတ္တမော။
Kumbhavaggo sattamo.
ရညော စတ္တာရိ အင္ဂာနိ ဂဟေတဗ္ဗာနိ။
Rañño cattāri aṅgāni gahetabbāni.
ဒောဝာရိကသ္သ ဒ္ဝေ အင္ဂာနိ ဂဟေတဗ္ဗာနိ။
Dovārikassa dve aṅgāni gahetabbāni.
နိသဒာယ ဧကံ အင္ဂံ ဂဟေတဗ္ဗံ။
Nisadāya ekaṃ aṅgaṃ gahetabbaṃ.
ပဒီပသ္သ ဒ္ဝေ အင္ဂာနိ ဂဟေတဗ္ဗာနိ။
Padīpassa dve aṅgāni gahetabbāni.
မယူရသ္သ ဒ္ဝေ အင္ဂာနိ ဂဟေတဗ္ဗာနိ။
Mayūrassa dve aṅgāni gahetabbāni.
တုရင္ဂသ္သ ဒ္ဝေ အင္ဂာနိ ဂဟေတဗ္ဗာနိ။
Turaṅgassa dve aṅgāni gahetabbāni.
သောဏ္ဍိကသ္သ ဒ္ဝေ အင္ဂာနိ ဂဟေတဗ္ဗာနိ။
Soṇḍikassa dve aṅgāni gahetabbāni.
ဣန္ဒခီလသ္သ ဒ္ဝေ အင္ဂာနိ ဂဟေတဗ္ဗာနိ။
Indakhīlassa dve aṅgāni gahetabbāni.
တုလာယ ဧကံ အင္ဂံ ဂဟေတဗ္ဗံ။
Tulāya ekaṃ aṅgaṃ gahetabbaṃ.
ခဂ္ဂသ္သ ဒ္ဝေ အင္ဂာနိ ဂဟေတဗ္ဗာနိ။
Khaggassa dve aṅgāni gahetabbāni.
မစ္ဆသ္သ ဒ္ဝေ အင္ဂာနိ ဂဟေတဗ္ဗာနိ။
Macchassa dve aṅgāni gahetabbāni.
ဣဏဂ္ဂာဟကသ္သ ဧကံ အင္ဂံ ဂဟေတဗ္ဗံ။
Iṇaggāhakassa ekaṃ aṅgaṃ gahetabbaṃ.
ဗ္ယာဓိတသ္သ ဒ္ဝေ အင္ဂာနိ ဂဟေတဗ္ဗာနိ။
Byādhitassa dve aṅgāni gahetabbāni.
မတသ္သ ဒ္ဝေ အင္ဂာနိ ဂဟေတဗ္ဗာနိ။
Matassa dve aṅgāni gahetabbāni.
နဒိယာ ဒ္ဝေ အင္ဂာနိ ဂဟေတဗ္ဗာနိ။
Nadiyā dve aṅgāni gahetabbāni.
ဥသဘသ္သ ဧကံ အင္ဂံ ဂဟေတဗ္ဗံ။
Usabhassa ekaṃ aṅgaṃ gahetabbaṃ.
မဂ္ဂသ္သ ဒ္ဝေ အင္ဂာနိ ဂဟေတဗ္ဗာနိ။
Maggassa dve aṅgāni gahetabbāni.
သုင္ကသာယိကသ္သ ဧကံ အင္ဂံ ဂဟေတဗ္ဗံ။
Suṅkasāyikassa ekaṃ aṅgaṃ gahetabbaṃ.
စောရသ္သ တီဏိ အင္ဂာနိ ဂဟေတဗ္ဗာနိ။
Corassa tīṇi aṅgāni gahetabbāni.
သကုဏဂ္ဃိယာ ဧကံ အင္ဂံ ဂဟေတဗ္ဗံ။
Sakuṇagghiyā ekaṃ aṅgaṃ gahetabbaṃ.
သုနခသ္သ ဧကံ အင္ဂံ ဂဟေတဗ္ဗံ။
Sunakhassa ekaṃ aṅgaṃ gahetabbaṃ.
တိကိစ္ဆကသ္သ တီဏိ အင္ဂာနိ ဂဟေတဗ္ဗာနိ။
Tikicchakassa tīṇi aṅgāni gahetabbāni.
ဂဗ္ဘိနိယာ ဒ္ဝေ အင္ဂာနိ ဂဟေတဗ္ဗာနိ။
Gabbhiniyā dve aṅgāni gahetabbāni.
စမရိယာ ဧကံ အင္ဂံ ဂဟေတဗ္ဗံ။
Camariyā ekaṃ aṅgaṃ gahetabbaṃ.
ကိကိယာ ဒ္ဝေ အင္ဂာနိ ဂဟေတဗ္ဗာနိ။
Kikiyā dve aṅgāni gahetabbāni.
ကပောတိကာယ တီဏိ အင္ဂာနိ ဂဟေတဗ္ဗာနိ။
Kapotikāya tīṇi aṅgāni gahetabbāni.
ဧကနယနသ္သ ဒ္ဝေ အင္ဂာနိ ဂဟေတဗ္ဗာနိ။
Ekanayanassa dve aṅgāni gahetabbāni.
ကသ္သကသ္သ တီဏိ အင္ဂာနိ ဂဟေတဗ္ဗာနိ။
Kassakassa tīṇi aṅgāni gahetabbāni.
ဇမ္ဗုကသိင္ဂာလိယာ ဧကံ အင္ဂံ ဂဟေတဗ္ဗံ။
Jambukasiṅgāliyā ekaṃ aṅgaṃ gahetabbaṃ.
စင္ဂဝာရကသ္သ ဒ္ဝေ အင္ဂာနိ ဂဟေတဗ္ဗာနိ။
Caṅgavārakassa dve aṅgāni gahetabbāni.
ဒဗ္ဗိယာ ဧကံ အင္ဂံ ဂဟေတဗ္ဗံ။
Dabbiyā ekaṃ aṅgaṃ gahetabbaṃ.
ဣဏသာဓကသ္သ တီဏိ အင္ဂာနိ ဂဟေတဗ္ဗာနိ။
Iṇasādhakassa tīṇi aṅgāni gahetabbāni.
အနုဝိစိနကသ္သ ဧကံ အင္ဂံ ဂဟေတဗ္ဗံ။
Anuvicinakassa ekaṃ aṅgaṃ gahetabbaṃ.
သာရထိသ္သ ဒ္ဝေ အင္ဂာနိ ဂဟေတဗ္ဗာနိ။
Sārathissa dve aṅgāni gahetabbāni.
ဘောဇကသ္သ ဒ္ဝေ အင္ဂာနိ ဂဟေတဗ္ဗာနိ။
Bhojakassa dve aṅgāni gahetabbāni.
တုန္နဝာယသ္သ ဧကံ အင္ဂံ ဂဟေတဗ္ဗံ။
Tunnavāyassa ekaṃ aṅgaṃ gahetabbaṃ.
နာဝိကသ္သ ဧကံ အင္ဂံ ဂဟေတဗ္ဗံ။
Nāvikassa ekaṃ aṅgaṃ gahetabbaṃ.
ဘမရသ္သ ဒ္ဝေ အင္ဂာနိ ဂဟေတဗ္ဗာနီတိ။
Bhamarassa dve aṅgāni gahetabbānīti.
မာတိကာ နိဋ္ဌိတာ။
Mātikā niṭṭhitā.
Footnotes:
