| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਓਪਮ੍ਮਕਥਾਪਞ੍ਹੋ
6. Opammakathāpañho
ਮਾਤਿਕਾ
Mātikā
ਭਨ੍ਤੇ ਨਾਗਸੇਨ, ਕਤਿਹਙ੍ਗੇਹਿ ਸਮਨ੍ਨਾਗਤੋ ਭਿਕ੍ਖੁ ਅਰਹਤ੍ਤਂ ਸਚ੍ਛਿਕਰੋਤੀਤਿ?
Bhante nāgasena, katihaṅgehi samannāgato bhikkhu arahattaṃ sacchikarotīti?
ਇਧ, ਮਹਾਰਾਜ, ਅਰਹਤ੍ਤਂ ਸਚ੍ਛਿਕਾਤੁਕਾਮੇਨ ਭਿਕ੍ਖੁਨਾ –
Idha, mahārāja, arahattaṃ sacchikātukāmena bhikkhunā –
ਕੁਕ੍ਕੁਟਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Kukkuṭassa pañca aṅgāni gahetabbāni.
ਕਲਨ੍ਦਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Kalandakassa ekaṃ aṅgaṃ gahetabbaṃ.
ਦੀਪਿਨਿਯਾ ਏਕਂ ਅਙ੍ਗਂ ਗਹੇਤਬ੍ਬਂ।
Dīpiniyā ekaṃ aṅgaṃ gahetabbaṃ.
ਦੀਪਿਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Dīpikassa dve aṅgāni gahetabbāni.
ਕੁਮ੍ਮਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Kummassa pañca aṅgāni gahetabbāni.
વਂਸਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Vaṃsassa ekaṃ aṅgaṃ gahetabbaṃ.
ਚਾਪਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Cāpassa ekaṃ aṅgaṃ gahetabbaṃ.
વਾਯਸਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Vāyasassa dve aṅgāni gahetabbāni.
ਮਕ੍ਕਟਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Makkaṭassa dve aṅgāni gahetabbāni.
ਗਦ੍ਰਭવਗ੍ਗੋ ਪਠਮੋ।
Gadrabhavaggo paṭhamo.
ਲਾਬੁਲਤਾਯ ਏਕਂ ਅਙ੍ਗਂ ਗਹੇਤਬ੍ਬਂ।
Lābulatāya ekaṃ aṅgaṃ gahetabbaṃ.
ਪਦੁਮਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Padumassa tīṇi aṅgāni gahetabbāni.
ਬੀਜਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Bījassa dve aṅgāni gahetabbāni.
ਸਾਲਕਲ੍ਯਾਣਿਕਾਯ ਏਕਂ ਅਙ੍ਗਂ ਗਹੇਤਬ੍ਬਂ।
Sālakalyāṇikāya ekaṃ aṅgaṃ gahetabbaṃ.
ਨਾવਾਯ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Nāvāya tīṇi aṅgāni gahetabbāni.
ਨਿਯਾਮਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Niyāmakassa tīṇi aṅgāni gahetabbāni.
ਕਮ੍ਮਕਾਰਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Kammakārassa ekaṃ aṅgaṃ gahetabbaṃ.
ਸਮੁਦ੍ਦਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Samuddassa pañca aṅgāni gahetabbāni.
ਸਮੁਦ੍ਦવਗ੍ਗੋ ਦੁਤਿਯੋ।
Samuddavaggo dutiyo.
ਪਥવਿਯਾ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Pathaviyā pañca aṅgāni gahetabbāni.
ਆਪਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Āpassa pañca aṅgāni gahetabbāni.
ਤੇਜਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Tejassa pañca aṅgāni gahetabbāni.
વਾਯੁਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Vāyussa pañca aṅgāni gahetabbāni.
ਪਬ੍ਬਤਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Pabbatassa pañca aṅgāni gahetabbāni.
ਆਕਾਸਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Ākāsassa pañca aṅgāni gahetabbāni.
ਚਨ੍ਦਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Candassa pañca aṅgāni gahetabbāni.
ਸੂਰਿਯਸ੍ਸ ਸਤ੍ਤ ਅਙ੍ਗਾਨਿ ਗਹੇਤਬ੍ਬਾਨਿ।
Sūriyassa satta aṅgāni gahetabbāni.
ਸਕ੍ਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Sakkassa tīṇi aṅgāni gahetabbāni.
ਚਕ੍ਕવਤ੍ਤਿਸ੍ਸ ਚਤ੍ਤਾਰਿ ਅਙ੍ਗਾਨਿ ਗਹੇਤਬ੍ਬਾਨਿ।
Cakkavattissa cattāri aṅgāni gahetabbāni.
ਪਥવੀવਗ੍ਗੋ ਤਤਿਯੋ।
Pathavīvaggo tatiyo.
ਉਪਚਿਕਾਯ ਏਕਂ ਅਙ੍ਗਂ ਗਹੇਤਬ੍ਬਂ।
Upacikāya ekaṃ aṅgaṃ gahetabbaṃ.
ਬਿਲ਼ਾਰਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Biḷārassa dve aṅgāni gahetabbāni.
ਉਨ੍ਦੂਰਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Undūrassa ekaṃ aṅgaṃ gahetabbaṃ.
વਿਚ੍ਛਿਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Vicchikassa ekaṃ aṅgaṃ gahetabbaṃ.
ਨਕੁਲਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Nakulassa ekaṃ aṅgaṃ gahetabbaṃ.
ਜਰਸਿਙ੍ਗਾਲਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Jarasiṅgālassa dve aṅgāni gahetabbāni.
ਮਿਗਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Migassa tīṇi aṅgāni gahetabbāni.
ਗੋਰੂਪਸ੍ਸ ਚਤ੍ਤਾਰਿ ਅਙ੍ਗਾਨਿ ਗਹੇਤਬ੍ਬਾਨਿ।
Gorūpassa cattāri aṅgāni gahetabbāni.
વਰਾਹਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Varāhassa dve aṅgāni gahetabbāni.
ਹਤ੍ਥਿਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Hatthissa pañca aṅgāni gahetabbāni.
ਉਪਚਿਕਾવਗ੍ਗੋ ਚਤੁਤ੍ਥੋ।
Upacikāvaggo catuttho.
ਸੀਹਸ੍ਸ ਸਤ੍ਤ ਅਙ੍ਗਾਨਿ ਗਹੇਤਬ੍ਬਾਨਿ।
Sīhassa satta aṅgāni gahetabbāni.
ਚਕ੍ਕવਾਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Cakkavākassa tīṇi aṅgāni gahetabbāni.
ਪੇਣਾਹਿਕਾਯ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Peṇāhikāya dve aṅgāni gahetabbāni.
ਘਰਕਪੋਤਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Gharakapotassa ekaṃ aṅgaṃ gahetabbaṃ.
ਉਲੂਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Ulūkassa dve aṅgāni gahetabbāni.
ਸਤਪਤ੍ਤਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Satapattassa ekaṃ aṅgaṃ gahetabbaṃ.
વਗ੍ਗੁਲਿਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Vaggulissa dve aṅgāni gahetabbāni.
ਜਲੂਕਾਯ ਏਕਂ ਅਙ੍ਗਂ ਗਹੇਤਬ੍ਬਂ।
Jalūkāya ekaṃ aṅgaṃ gahetabbaṃ.
ਸਪ੍ਪਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Sappassa tīṇi aṅgāni gahetabbāni.
ਅਜਗਰਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Ajagarassa ekaṃ aṅgaṃ gahetabbaṃ.
ਸੀਹવਗ੍ਗੋ ਪਞ੍ਚਮੋ।
Sīhavaggo pañcamo.
ਪਨ੍ਥਮਕ੍ਕਟਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Panthamakkaṭakassa ekaṃ aṅgaṃ gahetabbaṃ.
ਪવਨਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Pavanassa pañca aṅgāni gahetabbāni.
ਰੁਕ੍ਖਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Rukkhassa tīṇi aṅgāni gahetabbāni.
ਮੇਘਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨਿ।
Meghassa pañca aṅgāni gahetabbāni.
ਮਣਿਰਤਨਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Maṇiratanassa tīṇi aṅgāni gahetabbāni.
ਮਾਗવਿਕਸ੍ਸ ਚਤ੍ਤਾਰਿ ਅਙ੍ਗਾਨਿ ਗਹੇਤਬ੍ਬਾਨਿ।
Māgavikassa cattāri aṅgāni gahetabbāni.
ਬਾਲ਼ਿਸਿਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Bāḷisikassa dve aṅgāni gahetabbāni.
ਤਚ੍ਛਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Tacchakassa dve aṅgāni gahetabbāni.
ਮਕ੍ਕਟવਗ੍ਗੋ ਛਟ੍ਠੋ।
Makkaṭavaggo chaṭṭho.
ਕੁਮ੍ਭਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Kumbhassa ekaṃ aṅgaṃ gahetabbaṃ.
ਛਤ੍ਤਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Chattassa tīṇi aṅgāni gahetabbāni.
ਖੇਤ੍ਤਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Khettassa tīṇi aṅgāni gahetabbāni.
ਅਗਦਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Agadassa dve aṅgāni gahetabbāni.
ਭੋਜਨਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Bhojanassa tīṇi aṅgāni gahetabbāni.
ਇਸ੍ਸਾਸਸ੍ਸ ਚਤ੍ਤਾਰਿ ਅਙ੍ਗਾਨਿ ਗਹੇਤਬ੍ਬਾਨਿ।
Issāsassa cattāri aṅgāni gahetabbāni.
ਕੁਮ੍ਭવਗ੍ਗੋ ਸਤ੍ਤਮੋ।
Kumbhavaggo sattamo.
ਰਞ੍ਞੋ ਚਤ੍ਤਾਰਿ ਅਙ੍ਗਾਨਿ ਗਹੇਤਬ੍ਬਾਨਿ।
Rañño cattāri aṅgāni gahetabbāni.
ਦੋવਾਰਿਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Dovārikassa dve aṅgāni gahetabbāni.
ਨਿਸਦਾਯ ਏਕਂ ਅਙ੍ਗਂ ਗਹੇਤਬ੍ਬਂ।
Nisadāya ekaṃ aṅgaṃ gahetabbaṃ.
ਪਦੀਪਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Padīpassa dve aṅgāni gahetabbāni.
ਮਯੂਰਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Mayūrassa dve aṅgāni gahetabbāni.
ਤੁਰਙ੍ਗਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Turaṅgassa dve aṅgāni gahetabbāni.
ਸੋਣ੍ਡਿਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Soṇḍikassa dve aṅgāni gahetabbāni.
ਇਨ੍ਦਖੀਲਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Indakhīlassa dve aṅgāni gahetabbāni.
ਤੁਲਾਯ ਏਕਂ ਅਙ੍ਗਂ ਗਹੇਤਬ੍ਬਂ।
Tulāya ekaṃ aṅgaṃ gahetabbaṃ.
ਖਗ੍ਗਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Khaggassa dve aṅgāni gahetabbāni.
ਮਚ੍ਛਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Macchassa dve aṅgāni gahetabbāni.
ਇਣਗ੍ਗਾਹਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Iṇaggāhakassa ekaṃ aṅgaṃ gahetabbaṃ.
ਬ੍ਯਾਧਿਤਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Byādhitassa dve aṅgāni gahetabbāni.
ਮਤਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Matassa dve aṅgāni gahetabbāni.
ਨਦਿਯਾ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Nadiyā dve aṅgāni gahetabbāni.
ਉਸਭਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Usabhassa ekaṃ aṅgaṃ gahetabbaṃ.
ਮਗ੍ਗਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Maggassa dve aṅgāni gahetabbāni.
ਸੁਙ੍ਕਸਾਯਿਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Suṅkasāyikassa ekaṃ aṅgaṃ gahetabbaṃ.
ਚੋਰਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Corassa tīṇi aṅgāni gahetabbāni.
ਸਕੁਣਗ੍ਘਿਯਾ ਏਕਂ ਅਙ੍ਗਂ ਗਹੇਤਬ੍ਬਂ।
Sakuṇagghiyā ekaṃ aṅgaṃ gahetabbaṃ.
ਸੁਨਖਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Sunakhassa ekaṃ aṅgaṃ gahetabbaṃ.
ਤਿਕਿਚ੍ਛਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Tikicchakassa tīṇi aṅgāni gahetabbāni.
ਗਬ੍ਭਿਨਿਯਾ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Gabbhiniyā dve aṅgāni gahetabbāni.
ਚਮਰਿਯਾ ਏਕਂ ਅਙ੍ਗਂ ਗਹੇਤਬ੍ਬਂ।
Camariyā ekaṃ aṅgaṃ gahetabbaṃ.
ਕਿਕਿਯਾ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Kikiyā dve aṅgāni gahetabbāni.
ਕਪੋਤਿਕਾਯ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Kapotikāya tīṇi aṅgāni gahetabbāni.
ਏਕਨਯਨਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Ekanayanassa dve aṅgāni gahetabbāni.
ਕਸ੍ਸਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Kassakassa tīṇi aṅgāni gahetabbāni.
ਜਮ੍ਬੁਕਸਿਙ੍ਗਾਲਿਯਾ ਏਕਂ ਅਙ੍ਗਂ ਗਹੇਤਬ੍ਬਂ।
Jambukasiṅgāliyā ekaṃ aṅgaṃ gahetabbaṃ.
ਚਙ੍ਗવਾਰਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Caṅgavārakassa dve aṅgāni gahetabbāni.
ਦਬ੍ਬਿਯਾ ਏਕਂ ਅਙ੍ਗਂ ਗਹੇਤਬ੍ਬਂ।
Dabbiyā ekaṃ aṅgaṃ gahetabbaṃ.
ਇਣਸਾਧਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨਿ।
Iṇasādhakassa tīṇi aṅgāni gahetabbāni.
ਅਨੁવਿਚਿਨਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Anuvicinakassa ekaṃ aṅgaṃ gahetabbaṃ.
ਸਾਰਥਿਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Sārathissa dve aṅgāni gahetabbāni.
ਭੋਜਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨਿ।
Bhojakassa dve aṅgāni gahetabbāni.
ਤੁਨ੍ਨવਾਯਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Tunnavāyassa ekaṃ aṅgaṃ gahetabbaṃ.
ਨਾવਿਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ।
Nāvikassa ekaṃ aṅgaṃ gahetabbaṃ.
ਭਮਰਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀਤਿ।
Bhamarassa dve aṅgāni gahetabbānīti.
ਮਾਤਿਕਾ ਨਿਟ੍ਠਿਤਾ।
Mātikā niṭṭhitā.
Footnotes:
