| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
5. ஓபவய்ஹத்தே²ரஅபதா³னவண்ணனா
5. Opavayhattheraapadānavaṇṇanā
பது³முத்தரபு³த்³த⁴ஸ்ஸாதிஆதி³கங் ஆயஸ்மதோ ஓபவய்ஹத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பது³முத்தரஜினாதி³ச்சே லோகே பாதுபூ⁴தே ஏகஸ்மிங் விப⁴வஸம்பன்னகுலே நிப்³ப³த்தோ வுத்³தி⁴மன்வாய மஹத்³த⁴னோ மஹாபோ⁴கோ³ க⁴ராவாஸங் வஸமானோ ஸாஸனே பஸன்னோ ஸத்த²ரி பஸாத³ப³ஹுமானோ ஆஜானீயேன ஸிந்த⁴வேன பூஜங் அகாஸி, பூஜெத்வா ச பன ‘‘பு³த்³தா⁴தீ³னங் ஸமணானங் ஹத்தி²அஸ்ஸாத³யோ ந கப்பந்தி, கப்பியப⁴ண்ட³ங் த³ஸ்ஸாமீ’’தி சிந்தெத்வா தங் அக்³கா⁴பெத்வா தத³க்³க⁴னகேன கஹாபணேன கப்பியங் கப்பாஸிககம்ப³லகோஜவாதி³கங் சீவரங் கப்பூரதக்கோலாதி³கங் பே⁴ஸஜ்ஜபரிக்கா²ரஞ்ச அதா³ஸி. ஸோ தேன புஞ்ஞகம்மேன யாவதாயுகங் ட²த்வா ததோ சுதோ தே³வேஸு ச மனுஸ்ஸேஸு ச ஹத்தி²அஸ்ஸாதி³அனேகவாஹனஸம்பன்னோ ஸுக²ங் அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ விஞ்ஞுதங் பத்தோ ஸத்³தா⁴ஸம்பன்னோ ஸாஸனே பப்³ப³ஜித்வா கம்மட்டா²னங் க³ஹெத்வா விபஸ்ஸனங் வட்³டெ⁴த்வா மக்³க³படிபாடியா அரஹத்தே பதிட்டா²ஸி, புப்³பே³ கதபுஞ்ஞஸம்பா⁴ரவஸேன ஓபவய்ஹத்தே²ரோதி பாகடோ அஹோஸி.
Padumuttarabuddhassātiādikaṃ āyasmato opavayhattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarajinādicce loke pātubhūte ekasmiṃ vibhavasampannakule nibbatto vuddhimanvāya mahaddhano mahābhogo gharāvāsaṃ vasamāno sāsane pasanno satthari pasādabahumāno ājānīyena sindhavena pūjaṃ akāsi, pūjetvā ca pana ‘‘buddhādīnaṃ samaṇānaṃ hatthiassādayo na kappanti, kappiyabhaṇḍaṃ dassāmī’’ti cintetvā taṃ agghāpetvā tadagghanakena kahāpaṇena kappiyaṃ kappāsikakambalakojavādikaṃ cīvaraṃ kappūratakkolādikaṃ bhesajjaparikkhārañca adāsi. So tena puññakammena yāvatāyukaṃ ṭhatvā tato cuto devesu ca manussesu ca hatthiassādianekavāhanasampanno sukhaṃ anubhavitvā imasmiṃ buddhuppāde ekasmiṃ kulagehe nibbatto viññutaṃ patto saddhāsampanno sāsane pabbajitvā kammaṭṭhānaṃ gahetvā vipassanaṃ vaḍḍhetvā maggapaṭipāṭiyā arahatte patiṭṭhāsi, pubbe katapuññasambhāravasena opavayhattheroti pākaṭo ahosi.
33. ஸோ ‘‘கேன நு கோ² காரணேன இத³ங் மயா ஸந்திபத³ங் அதி⁴க³த’’ந்தி உபதா⁴ரெந்தோ புப்³ப³கம்மங் ஞாணேன பச்சக்க²தோ ஞத்வா ஸோமனஸ்ஸஜாதோ புப்³ப³சரிதாபதா³னங் உதா³னவஸேன பகாஸெந்தோ பது³முத்தரபு³த்³த⁴ஸ்ஸாதிஆதி³மாஹ. தங் வுத்தத்த²மேவ. ஆஜானீயமதா³ஸஹந்தி ஆஜானீயங் உத்தமஜாதிஸிந்த⁴வங் அஹங் அதா³ஸிங் பூஜேஸிந்தி அத்தோ².
33. So ‘‘kena nu kho kāraṇena idaṃ mayā santipadaṃ adhigata’’nti upadhārento pubbakammaṃ ñāṇena paccakkhato ñatvā somanassajāto pubbacaritāpadānaṃ udānavasena pakāsento padumuttarabuddhassātiādimāha. Taṃ vuttatthameva. Ājānīyamadāsahanti ājānīyaṃ uttamajātisindhavaṃ ahaṃ adāsiṃ pūjesinti attho.
35. ஸபத்தபா⁴ரோதி ஸஸ்ஸ அத்தனோ பத்தானி அட்ட² பரிக்கா²ரானி பா⁴ரானி யஸ்ஸ ஸோ ஸபத்தபா⁴ரோ, அட்ட²பரிக்கா²ரயுத்தோதி அத்தோ².
35.Sapattabhāroti sassa attano pattāni aṭṭha parikkhārāni bhārāni yassa so sapattabhāro, aṭṭhaparikkhārayuttoti attho.
36. க²மனீயமதா³ஸஹந்தி க²மனீயயொக்³க³ங் சீவராதி³கப்பியபரிக்கா²ரந்தி அத்தோ².
36.Khamanīyamadāsahanti khamanīyayoggaṃ cīvarādikappiyaparikkhāranti attho.
40. சரிமோதி பரியோஸானோ கோடிப்பத்தோ ப⁴வோதி அத்தோ². ஸேஸங் ஸுவிஞ்ஞெய்யமேவாதி.
40.Carimoti pariyosāno koṭippatto bhavoti attho. Sesaṃ suviññeyyamevāti.
ஓபவய்ஹத்தே²ரஅபதா³னவண்ணனா ஸமத்தா.
Opavayhattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 5. ஓபவய்ஹத்தே²ரஅபதா³னங் • 5. Opavayhattheraapadānaṃ
