| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. обаваяхад̇т̇зраабад̣̇аанаван̣н̣анаа
5. Opavayhattheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о обаваяхад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇араж̇инаад̣̇ижжз логз баад̇убхууд̇з згасмим̣ вибхавасамбаннагулз ниб̣б̣ад̇д̇о вуд̣̇д̇химанвааяа махад̣̇д̇хано махаабхог̇о гхарааваасам̣ васамаано саасанз басанно сад̇т̇ари басаад̣̇аб̣ахумаано ааж̇аанийязна синд̇хавзна бууж̇ам̣ агааси, бууж̇зд̇ваа жа бана ‘‘б̣уд̣̇д̇хаад̣̇ийнам̣ саман̣аанам̣ хад̇т̇иассаад̣̇аяо на габбанд̇и, габбияабхан̣д̣ам̣ д̣̇ассаамий’’д̇и жинд̇зд̇ваа д̇ам̣ аг̇гхаабзд̇ваа д̇ад̣̇аг̇гханагзна гахаабан̣зна габбияам̣ габбаасигагамб̣алагож̇аваад̣̇игам̣ жийварам̣ габбуурад̇агголаад̣̇игам̣ бхзсаж̇ж̇абаригкааран̃жа ад̣̇ааси. со д̇зна бун̃н̃агаммзна яаавад̇ааяугам̣ тад̇ваа д̇ад̇о жуд̇о д̣̇звзсу жа мануссзсу жа хад̇т̇иассаад̣̇ианзгавааханасамбанно сукам̣ анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̣̇д̇хаасамбанно саасанз баб̣б̣аж̇ид̇ваа гаммадтаанам̣ г̇ахзд̇ваа вибассанам̣ вад̣дхзд̇ваа маг̇г̇абадибаадияаа арахад̇д̇з бад̇идтааси, буб̣б̣з гад̇абун̃н̃асамбхааравасзна обаваяхад̇т̇зрод̇и баагадо ахоси.
Padumuttarabuddhassātiādikaṃ āyasmato opavayhattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarajinādicce loke pātubhūte ekasmiṃ vibhavasampannakule nibbatto vuddhimanvāya mahaddhano mahābhogo gharāvāsaṃ vasamāno sāsane pasanno satthari pasādabahumāno ājānīyena sindhavena pūjaṃ akāsi, pūjetvā ca pana ‘‘buddhādīnaṃ samaṇānaṃ hatthiassādayo na kappanti, kappiyabhaṇḍaṃ dassāmī’’ti cintetvā taṃ agghāpetvā tadagghanakena kahāpaṇena kappiyaṃ kappāsikakambalakojavādikaṃ cīvaraṃ kappūratakkolādikaṃ bhesajjaparikkhārañca adāsi. So tena puññakammena yāvatāyukaṃ ṭhatvā tato cuto devesu ca manussesu ca hatthiassādianekavāhanasampanno sukhaṃ anubhavitvā imasmiṃ buddhuppāde ekasmiṃ kulagehe nibbatto viññutaṃ patto saddhāsampanno sāsane pabbajitvā kammaṭṭhānaṃ gahetvā vipassanaṃ vaḍḍhetvā maggapaṭipāṭiyā arahatte patiṭṭhāsi, pubbe katapuññasambhāravasena opavayhattheroti pākaṭo ahosi.
33. со ‘‘гзна ну ко гааран̣зна ид̣̇ам̣ маяаа санд̇ибад̣̇ам̣ ад̇хиг̇ад̇а’’нд̇и убад̇хаарзнд̇о буб̣б̣агаммам̣ н̃аан̣зна бажжагкад̇о н̃ад̇ваа соманассаж̇аад̇о буб̣б̣ажарид̇аабад̣̇аанам̣ уд̣̇аанавасзна багаасзнд̇о бад̣̇умуд̇д̇араб̣уд̣̇д̇хассаад̇иаад̣̇имааха. д̇ам̣ вуд̇д̇ад̇т̇амзва. ааж̇аанийяамад̣̇аасаханд̇и ааж̇аанийяам̣ уд̇д̇амаж̇аад̇исинд̇хавам̣ ахам̣ ад̣̇аасим̣ бууж̇зсинд̇и ад̇т̇о.
33. So ‘‘kena nu kho kāraṇena idaṃ mayā santipadaṃ adhigata’’nti upadhārento pubbakammaṃ ñāṇena paccakkhato ñatvā somanassajāto pubbacaritāpadānaṃ udānavasena pakāsento padumuttarabuddhassātiādimāha. Taṃ vuttatthameva. Ājānīyamadāsahanti ājānīyaṃ uttamajātisindhavaṃ ahaṃ adāsiṃ pūjesinti attho.
35. сабад̇д̇абхаарод̇и сасса ад̇д̇ано бад̇д̇аани адта баригкаараани бхаараани яасса со сабад̇д̇абхааро, адтабаригкаараяуд̇д̇од̇и ад̇т̇о.
35.Sapattabhāroti sassa attano pattāni aṭṭha parikkhārāni bhārāni yassa so sapattabhāro, aṭṭhaparikkhārayuttoti attho.
36. каманийяамад̣̇аасаханд̇и каманийяаяог̇г̇ам̣ жийвараад̣̇игаббияабаригкааранд̇и ад̇т̇о.
36.Khamanīyamadāsahanti khamanīyayoggaṃ cīvarādikappiyaparikkhāranti attho.
40. жаримод̇и барияосаано годиббад̇д̇о бхавод̇и ад̇т̇о. сзсам̣ сувин̃н̃зяяамзваад̇и.
40.Carimoti pariyosāno koṭippatto bhavoti attho. Sesaṃ suviññeyyamevāti.
обаваяхад̇т̇зраабад̣̇аанаван̣н̣анаа самад̇д̇аа.
Opavayhattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. обаваяхад̇т̇зраабад̣̇аанам̣ • 5. Opavayhattheraapadānaṃ
