| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
277. осааран̣аануж̇аананаа
277. Osāraṇānujānanā
474. ат̇а ко д̇асса угкид̇д̇агасса бхигкуно д̇хамман̃жа винаяан̃жа бажжавзгканд̇асса зд̇ад̣̇ахоси – ‘‘аабад̇д̇и зсаа, нзсаа анаабад̇д̇и. аабанномхи, намхи анаабанно. угкид̇д̇омхи, намхи анугкид̇д̇о. д̇хаммигзнамхи гаммзна угкид̇д̇о агуббзна таанаарахзнаа’’д̇и. ат̇а ко со угкид̇д̇аго бхигку язна угкид̇д̇аанувад̇д̇агаа бхигкуу д̇знубасан̇гами, убасан̇гамид̇ваа угкид̇д̇аанувад̇д̇агз бхигкуу зд̇ад̣̇авожа – ‘‘аабад̇д̇и зсаа, аавусо; нзсаа анаабад̇д̇и. аабанномхи, намхи анаабанно. угкид̇д̇омхи, намхи анугкид̇д̇о. д̇хаммигзнамхи гаммзна угкид̇д̇о агуббзна таанаарахзна. зт̇а мам̣ ааяасманд̇о осаарзт̇аа’’д̇и. ат̇а ко д̇з угкид̇д̇аанувад̇д̇агаа бхигкуу д̇ам̣ угкид̇д̇агам̣ бхигкум̣ аад̣̇ааяа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘аяам̣, бханд̇з, угкид̇д̇аго бхигку звамааха – ‘аабад̇д̇и зсаа , аавусо; нзсаа анаабад̇д̇и. аабанномхи, намхи анаабанно. угкид̇д̇омхи, намхи анугкид̇д̇о. д̇хаммигзнамхи гаммзна угкид̇д̇о агуббзна таанаарахзна. зт̇а мам̣ ааяасманд̇о осаарзт̇аа’д̇и. гат̇ам̣ ну ко, бханд̇з, бадибаж̇ж̇ид̇аб̣б̣а’’нд̇и? ‘‘аабад̇д̇и зсаа, бхигкавз; нзсаа анаабад̇д̇и. аабанно зсо бхигку, нзсо бхигку анаабанно. угкид̇д̇о зсо бхигку, нзсо бхигку анугкид̇д̇о . д̇хаммигзна гаммзна угкид̇д̇о агуббзна таанаарахзна. яад̇о жа ко со, бхигкавз, бхигку аабанно жа угкид̇д̇о жа бассад̇и жа, д̇зна хи, бхигкавз, д̇ам̣ бхигкум̣ осаарзт̇аа’’д̇и.
474. Atha kho tassa ukkhittakassa bhikkhuno dhammañca vinayañca paccavekkhantassa etadahosi – ‘‘āpatti esā, nesā anāpatti. Āpannomhi, namhi anāpanno. Ukkhittomhi, namhi anukkhitto. Dhammikenamhi kammena ukkhitto akuppena ṭhānārahenā’’ti. Atha kho so ukkhittako bhikkhu yena ukkhittānuvattakā bhikkhū tenupasaṅkami, upasaṅkamitvā ukkhittānuvattake bhikkhū etadavoca – ‘‘āpatti esā, āvuso; nesā anāpatti. Āpannomhi, namhi anāpanno. Ukkhittomhi, namhi anukkhitto. Dhammikenamhi kammena ukkhitto akuppena ṭhānārahena. Etha maṃ āyasmanto osārethā’’ti. Atha kho te ukkhittānuvattakā bhikkhū taṃ ukkhittakaṃ bhikkhuṃ ādāya yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘ayaṃ, bhante, ukkhittako bhikkhu evamāha – ‘āpatti esā , āvuso; nesā anāpatti. Āpannomhi, namhi anāpanno. Ukkhittomhi, namhi anukkhitto. Dhammikenamhi kammena ukkhitto akuppena ṭhānārahena. Etha maṃ āyasmanto osārethā’ti. Kathaṃ nu kho, bhante, paṭipajjitabba’’nti? ‘‘Āpatti esā, bhikkhave; nesā anāpatti. Āpanno eso bhikkhu, neso bhikkhu anāpanno. Ukkhitto eso bhikkhu, neso bhikkhu anukkhitto . Dhammikena kammena ukkhitto akuppena ṭhānārahena. Yato ca kho so, bhikkhave, bhikkhu āpanno ca ukkhitto ca passati ca, tena hi, bhikkhave, taṃ bhikkhuṃ osārethā’’ti.
осааран̣аануж̇аананаа нидтид̇аа.
Osāraṇānujānanā niṭṭhitā.
