| Library / Tipiṭaka / তিপিটক • Tipiṭaka / নেত্তিপ্পকরণপাল়ি • Nettippakaraṇapāḷi |
১২. ওতরণহারসম্পাতো
12. Otaraṇahārasampāto
৭৪. তত্থ কতমো ওতরণো হারসম্পাতো?
74. Tattha katamo otaraṇo hārasampāto?
‘‘তস্মা রক্খিতচিত্তস্স, সম্মাসঙ্কপ্পগোচরো’’তি গাথা। ‘‘তস্মা রক্খিতচিত্তস্স, সম্মাসঙ্কপ্পগোচরো’’ । ‘‘সম্মাদিট্ঠিপুরেক্খারো’’তি সম্মাদিট্ঠিযা গহিতায গহিতানি ভৰন্তি পঞ্চিন্দ্রিযানি, অযং ইন্দ্রিযেহি ওতরণা।
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassa, sammāsaṅkappagocaro’’ . ‘‘Sammādiṭṭhipurekkhāro’’ti sammādiṭṭhiyā gahitāya gahitāni bhavanti pañcindriyāni, ayaṃ indriyehi otaraṇā.
তানিযেৰ ইন্দ্রিযানি ৰিজ্জা, ৰিজ্জুপ্পাদা অৰিজ্জানিরোধো, অৰিজ্জানিরোধা সঙ্খারনিরোধো, সঙ্খারনিরোধা ৰিঞ্ঞাণনিরোধো, এৰং সব্বং, অযং পটিচ্চসমুপ্পাদেন ওতরণা।
Tāniyeva indriyāni vijjā, vijjuppādā avijjānirodho, avijjānirodhā saṅkhāranirodho, saṅkhāranirodhā viññāṇanirodho, evaṃ sabbaṃ, ayaṃ paṭiccasamuppādena otaraṇā.
তানিযেৰ পঞ্চিন্দ্রিযানি তীহি খন্ধেহি সঙ্গহিতানি – সীলক্খন্ধেন সমাধিক্খন্ধেন পঞ্ঞাক্খন্ধেন। অযং খন্ধেহি ওতরণা।
Tāniyeva pañcindriyāni tīhi khandhehi saṅgahitāni – sīlakkhandhena samādhikkhandhena paññākkhandhena. Ayaṃ khandhehi otaraṇā.
তানি যেৰ পঞ্চিন্দ্রিযানি সঙ্খারপরিযাপন্নানি। যে সঙ্খারা অনাসৰা নো চ ভৰঙ্গা, তে সঙ্খারা ধম্মধাতুসঙ্গহিতা, অযং ধাতূহি ওতরণা।
Tāni yeva pañcindriyāni saṅkhārapariyāpannāni. Ye saṅkhārā anāsavā no ca bhavaṅgā, te saṅkhārā dhammadhātusaṅgahitā, ayaṃ dhātūhi otaraṇā.
সা ধম্মধাতু ধম্মাযতনপরিযাপন্না, যং আযতনং অনাসৰং নো চ ভৰঙ্গং, অযং আযতনেহি ওতরণা।
Sā dhammadhātu dhammāyatanapariyāpannā, yaṃ āyatanaṃ anāsavaṃ no ca bhavaṅgaṃ, ayaṃ āyatanehi otaraṇā.
নিযুত্তো ওতরণো হারসম্পাতো।
Niyutto otaraṇo hārasampāto.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিৰিভাৰিনী • Nettivibhāvinī / ১২. ওতরণহারসম্পাতৰিভাৰনা • 12. Otaraṇahārasampātavibhāvanā
