| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
12. од̇аран̣ахааравибхан̇г̇аван̣н̣анаа
12. Otaraṇahāravibhaṅgavaṇṇanā
42. д̇ад̇т̇а гад̇амо од̇аран̣о хаарод̇и од̇аран̣ахааравибхан̇г̇о. д̇ад̇т̇а асзгкаа вимуд̇д̇ийд̇и аяам̣ д̇зд̇хаад̇угз вийд̇арааг̇ад̇аа асзгкаа палавимуд̇д̇и. д̇ааниязваад̇и д̇аани асзгкааяам̣ вимуд̇д̇ияам̣ сад̣̇д̇хаад̣̇ийни . аяам̣ инд̣̇риязхи од̇аран̣аад̇и асзгкааяа вимуд̇д̇ияаа нид̣̇д̇хаарид̇зхи сад̣̇д̇хаад̣̇ийхи инд̣̇риязхи сам̣ван̣н̣анааяа од̇аран̣аа.
42.Tattha katamo otaraṇo hāroti otaraṇahāravibhaṅgo. Tattha asekkhā vimuttīti ayaṃ tedhātuke vītarāgatā asekkhā phalavimutti. Tāniyevāti tāni asekkhāyaṃ vimuttiyaṃ saddhādīni . Ayaṃ indriyehi otaraṇāti asekkhāya vimuttiyā niddhāritehi saddhādīhi indriyehi saṃvaṇṇanāya otaraṇā.
бан̃жинд̣̇рияаани виж̇ж̇аад̇и саммаасан̇габбо вияа саммаад̣̇идтияаа убагаарагад̇д̇аа бан̃н̃аагканд̇хз сад̣̇д̇хаад̣̇ийни жад̇д̇аари инд̣̇рияаани виж̇ж̇ааяа убагаарагад̇д̇аа сан̇г̇ан̣ханавасзна вуд̇д̇аани. сан̇каарабарияаабаннаанийд̇и бан̃жасу канд̇хзсу сан̇каарагканд̇хз анд̇ог̇ад̇хаани. яз сан̇каараа анаасаваад̇и д̇ам̣ сан̇каарагканд̇хам̣ висзсзд̇и, аг̇г̇апаласса ад̇хиббзд̇ад̇д̇аа. д̇ад̇о зва жа но бхаван̇г̇аа. д̇хаммад̇хаад̇усан̇г̇ахид̇аад̇и адтаарасад̇хаад̇уусу д̇хаммад̇хаад̇усан̇г̇ахид̇аа. яад̣̇иби буб̣б̣з вийд̇арааг̇ад̇аа асзгкаа вимуд̇д̇и д̣̇ассид̇аа, д̇ассаа бана бадибад̇д̇ид̣̇ассанад̇т̇ам̣ ‘‘аяам̣ ахамасмийд̇и анаанубассий’’д̇и д̣̇ассанамаг̇г̇о ид̇ха вуд̇д̇од̇и имамад̇т̇ам̣ д̣̇ассзд̇ум̣ ‘‘аяам̣ ахамасмийд̇и анаанубассий’’д̇иаад̣̇и вуд̇д̇ам̣. саб̣б̣ам̣ вуд̇д̇анаяамзва.
Pañcindriyāni vijjāti sammāsaṅkappo viya sammādiṭṭhiyā upakārakattā paññākkhandhe saddhādīni cattāri indriyāni vijjāya upakārakattā saṅgaṇhanavasena vuttāni. Saṅkhārapariyāpannānīti pañcasu khandhesu saṅkhārakkhandhe antogadhāni. Ye saṅkhārā anāsavāti taṃ saṅkhārakkhandhaṃ viseseti, aggaphalassa adhippetattā. Tato eva ca no bhavaṅgā. Dhammadhātusaṅgahitāti aṭṭhārasadhātūsu dhammadhātusaṅgahitā. Yadipi pubbe vītarāgatā asekkhā vimutti dassitā, tassā pana paṭipattidassanatthaṃ ‘‘ayaṃ ahamasmīti anānupassī’’ti dassanamaggo idha vuttoti imamatthaṃ dassetuṃ ‘‘ayaṃ ahamasmīti anānupassī’’tiādi vuttaṃ. Sabbaṃ vuttanayameva.
43. ниссид̇асса жалид̇анд̇и д̇ан̣хаад̣̇идтивасзна гаммам̣ анавадтаанам̣. жуд̇уубабаад̇од̇и абараабарам̣ жаванам̣ убабад̇анан̃жа. ниссид̇абад̣̇з лаб̣бхамаанам̣ ниссаяанам̣ уд̣̇д̇харанд̇о ааха – ‘‘ниссаяо наамаа’’д̇и. д̇ан̣хааниссаяод̇и д̇ан̣хаабхинивзсо. со хи д̇ан̣хаажарид̇асса бад̇идтаабхаавзна д̇ат̇аа вуд̇д̇о. звам̣ д̣̇идтиниссаяоби д̣̇адтаб̣б̣о. рад̇д̇асса жзд̇анаад̇и жзд̇анаабад̇хаанад̇д̇аа сан̇каарагканд̇хад̇хаммаанам̣ жзд̇анаасийсзна д̇ан̣хам̣ зва вад̣̇ад̇и. д̇знзвааха – ‘‘аяам̣ д̇ан̣хааниссаяо’’д̇и. яасмаа бана вибарийд̇аабхинивзсо мохасса б̣алавабхаавз зва ход̇и, д̇асмаа ‘‘яаа муул̣хасса жзд̇анаа, аяам̣ д̣̇идтиниссаяо’’д̇и вуд̇д̇ам̣.
43.Nissitassa calitanti taṇhādiṭṭhivasena kammaṃ anavaṭṭhānaṃ. Cutūpapātoti aparāparaṃ cavanaṃ upapatanañca. Nissitapade labbhamānaṃ nissayanaṃ uddharanto āha – ‘‘nissayo nāmā’’ti. Taṇhānissayoti taṇhābhiniveso. So hi taṇhācaritassa patiṭṭhābhāvena tathā vutto. Evaṃ diṭṭhinissayopi daṭṭhabbo. Rattassa cetanāti cetanāpadhānattā saṅkhārakkhandhadhammānaṃ cetanāsīsena taṇhaṃ eva vadati. Tenevāha – ‘‘ayaṃ taṇhānissayo’’ti. Yasmā pana viparītābhiniveso mohassa balavabhāve eva hoti, tasmā ‘‘yā mūḷhassa cetanā, ayaṃ diṭṭhinissayo’’ti vuttaṃ.
звам̣ жзд̇анаасийсзна д̇ан̣хаад̣̇идтияо вад̇ваа ид̣̇аани д̇ад̇т̇а ниббарияааязна жзд̇анам̣язва г̇ан̣ханд̇о ‘‘жзд̇анаа бана сан̇каараа’’д̇и ааха. яаа рад̇д̇асса взд̣̇анаа, аяам̣ сукаа взд̣̇анаад̇и сукааяа взд̣̇анааяа рааг̇о анусзд̇ийд̇и гад̇ваа вуд̇д̇ам̣. д̇ат̇аа ад̣̇угкамасукааяа взд̣̇анааяа авиж̇ж̇аа анусзд̇ийд̇и ааха – ‘‘яаа саммуул̣хасса взд̣̇анаа, аяам̣ ад̣̇угкамасукаа взд̣̇анаа’’д̇и. ид̇ха взд̣̇анаасийсзна жзд̇анаа вуд̇д̇аа. д̇ан̣хааяаад̇и д̇ан̣хам̣. д̣̇идтияаад̇и д̣̇идтим̣. яат̇аа ваа сзсад̇хаммаанам̣ д̇ан̣хааяа ниссаяабхаавз буг̇г̇ало д̇ан̣хааяа ниссид̇од̇и вужжад̇и. звам̣ д̇ан̣хааяа сзсад̇хаммаанам̣ бажжаяабхаавз буг̇г̇ало д̇ан̣хааяа ниссид̇од̇и вужжад̇ийд̇и ааха – ‘‘д̇ан̣хааяа аниссид̇о’’д̇и.
Evaṃ cetanāsīsena taṇhādiṭṭhiyo vatvā idāni tattha nippariyāyena cetanaṃyeva gaṇhanto ‘‘cetanā pana saṅkhārā’’ti āha. Yā rattassa vedanā, ayaṃ sukhā vedanāti sukhāya vedanāya rāgo anusetīti katvā vuttaṃ. Tathā adukkhamasukhāya vedanāya avijjā anusetīti āha – ‘‘yā sammūḷhassa vedanā, ayaṃ adukkhamasukhā vedanā’’ti. Idha vedanāsīsena cetanā vuttā. Taṇhāyāti taṇhaṃ. Diṭṭhiyāti diṭṭhiṃ. Yathā vā sesadhammānaṃ taṇhāya nissayabhāve puggalo taṇhāya nissitoti vuccati. Evaṃ taṇhāya sesadhammānaṃ paccayabhāve puggalo taṇhāya nissitoti vuccatīti āha – ‘‘taṇhāya anissito’’ti.
бассад̣̇д̇хийд̇и д̣̇арат̇абадиббассамбханаа. гааяигаад̇и гараж̇агааяасанниссид̇аа. жзд̇асигаад̇и жид̇д̇асанниссид̇аа. яасмаа бана саа д̣̇арат̇абадиббассад̣̇д̇хи гааяажид̇д̇аанам̣ сукз сад̇и баагадаа ход̇и, д̇асмаа ‘‘яам̣ гааяигам̣ сука’’нд̇иаад̣̇инаа палуубажаарзна вуд̇д̇ааяа бассад̣̇д̇хияаа над̇иабхаавасса гааран̣абхаавам̣ д̣̇ассзд̇ум̣ ‘‘бассад̣̇д̇хагааяо’’д̇иаад̣̇и вуд̇д̇ам̣. сод̇и звам̣ вимуд̇д̇ажид̇д̇о кийн̣аасаво. руубасан̇каяз вимуд̇д̇од̇и руубаанам̣ сан̇каяасан̇каад̇з ниб̣б̣аанз вимуд̇д̇о. ад̇т̇ийд̇иби на убзд̇ийд̇и сассад̇о ад̇д̇аа жа лого жаад̇иби д̇ан̣хаад̣̇идтиубаязна на убзд̇и на г̇ан̣хаад̇и. над̇т̇ийд̇и асассад̇од̇и. ад̇т̇и над̇т̇ийд̇и згажжам̣ сассад̇ам̣ згажжам̣ асассад̇анд̇и. нзвад̇т̇и но над̇т̇ийд̇и амараавигкзбавасзна. г̇амбхийрод̇и уд̇д̇аанабхаавахзд̇уунам̣ гилзсаанам̣ абхаавзна г̇амбхийро. ниб̣б̣уд̇од̇и ад̇т̇ийд̇иаад̣̇инаа убаг̇аманагилзсаанам̣ вуубасамзна бариниб̣б̣уд̇о сийд̇ибхууд̇о.
Passaddhīti darathapaṭippassambhanā. Kāyikāti karajakāyasannissitā. Cetasikāti cittasannissitā. Yasmā pana sā darathapaṭippassaddhi kāyacittānaṃ sukhe sati pākaṭā hoti, tasmā ‘‘yaṃ kāyikaṃ sukha’’ntiādinā phalūpacārena vuttāya passaddhiyā natiabhāvassa kāraṇabhāvaṃ dassetuṃ ‘‘passaddhakāyo’’tiādi vuttaṃ. Soti evaṃ vimuttacitto khīṇāsavo. Rūpasaṅkhaye vimuttoti rūpānaṃ saṅkhayasaṅkhāte nibbāne vimutto. Atthītipi na upetīti sassato attā ca loko cātipi taṇhādiṭṭhiupayena na upeti na gaṇhāti. Natthīti asassatoti. Atthi natthīti ekaccaṃ sassataṃ ekaccaṃ asassatanti. Nevatthi no natthīti amarāvikkhepavasena. Gambhīroti uttānabhāvahetūnaṃ kilesānaṃ abhāvena gambhīro. Nibbutoti atthītiādinā upagamanakilesānaṃ vūpasamena parinibbuto sītibhūto.
ид̇хааг̇ад̇ийд̇и баралогад̇о ид̇ха ааг̇ад̇и. г̇ад̇ийд̇и ид̇халогад̇о баралогаг̇аманам̣. д̇ам̣ бана бунаб̣бхавод̇и ааха ‘‘бзжжабхаво’’д̇и. ид̇ха хуранд̇и д̣̇ваараарамман̣ад̇хаммаа д̣̇ассид̇аад̇и ‘‘убхаяаманд̇арзнаа’’д̇и бад̣̇зна д̣̇ваараббавад̇д̇ад̇хаммз д̣̇ассзнд̇о ‘‘пассасамуд̣̇ид̇зсу д̇хаммзсуу’’д̇и ааха. д̇ассад̇т̇о – пассзна сад̣̇д̇хим̣ пассзна гааран̣абхууд̇зна жа самуд̣̇ид̇зсу самбхууд̇зсу вин̃н̃аан̣авзд̣̇анаасан̃н̃аажзд̇анаавид̇аггавижаараад̣̇ид̇хаммзсу. ад̇д̇аанам̣ на бассад̇ийд̇и д̇зсам̣ д̇хаммаанам̣ анад̇д̇абхаавзнзва д̇ад̇т̇а ад̇д̇аанам̣ на бассад̇и. вираж̇ж̇ад̇и вирааг̇аа вимужжад̇ийд̇и бад̣̇зхи логуд̇д̇арад̇хаммаанам̣ бадижжасамуббаад̣̇абхаавам̣ д̣̇ассзнд̇о д̇ад̣̇ад̇т̇ад̇ааяа сийлаад̣̇ийнамби барияааязна д̇аб̣бхаавамааха ‘‘логуд̇д̇аро’’д̇иаад̣̇инаа.
Idhāgatīti paralokato idha āgati. Gatīti idhalokato paralokagamanaṃ. Taṃ pana punabbhavoti āha ‘‘peccabhavo’’ti. Idha huranti dvārārammaṇadhammā dassitāti ‘‘ubhayamantarenā’’ti padena dvārappavattadhamme dassento ‘‘phassasamuditesu dhammesū’’ti āha. Tassattho – phassena saddhiṃ phassena kāraṇabhūtena ca samuditesu sambhūtesu viññāṇavedanāsaññācetanāvitakkavicārādidhammesu. Attānaṃ na passatīti tesaṃ dhammānaṃ anattabhāveneva tattha attānaṃ na passati. Virajjati virāgā vimuccatīti padehi lokuttaradhammānaṃ paṭiccasamuppādabhāvaṃ dassento tadatthatāya sīlādīnampi pariyāyena tabbhāvamāha ‘‘lokuttaro’’tiādinā.
44. наамасамбаяуд̇д̇од̇и наамзна миссид̇о. саубаад̣̇исзсаа ниб̣б̣аанад̇хаад̇ууд̇и арахад̇д̇апалам̣ ад̇хиббзд̇ам̣. д̇ан̃жа бан̃н̃аабад̇хаананд̇и ааха – ‘‘саубаад̣̇исзсаа ниб̣б̣аанад̇хаад̇у виж̇ж̇аад̇и. сзсам̣ саб̣б̣ам̣ уд̇д̇аанамзва.
44.Nāmasampayuttoti nāmena missito. Saupādisesā nibbānadhātūti arahattaphalaṃ adhippetaṃ. Tañca paññāpadhānanti āha – ‘‘saupādisesā nibbānadhātu vijjāti. Sesaṃ sabbaṃ uttānameva.
од̇аран̣ахааравибхан̇г̇аван̣н̣анаа нидтид̇аа.
Otaraṇahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 12. од̇аран̣ахааравибхан̇г̇о • 12. Otaraṇahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 12. од̇аран̣ахааравибхан̇г̇аван̣н̣анаа • 12. Otaraṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 12. од̇аран̣ахааравибхан̇г̇авибхааванаа • 12. Otaraṇahāravibhaṅgavibhāvanā
