| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
12. од̇аран̣ахааравибхан̇г̇аван̣н̣анаа
12. Otaraṇahāravibhaṅgavaṇṇanā
42. инд̣̇риязхийд̇и гаран̣з гаран̣аважанам̣ ‘‘маг̇г̇зна г̇ажчад̇ий’’д̇иаад̣̇ийсу вияа, ‘‘парасунаа чинд̣̇ад̇ий’’д̇и звамаад̣̇ийсу вияа жа. од̇аран̣аад̇и ануббавзсанаа.
42.Indriyehīti karaṇe karaṇavacanaṃ ‘‘maggena gacchatī’’tiādīsu viya, ‘‘pharasunā chindatī’’ti evamādīsu viya ca. Otaraṇāti anuppavesanā.
бан̃н̃аагканд̇хз сан̇г̇ан̣ханавасзна саммаасан̇габбо вияаад̇и яож̇анаа. ад̇хижид̇д̇аануяуд̇д̇аанам̣ сад̣̇д̣̇ахануссаханубадтаанасамаад̣̇аханзхи сад̣̇д̇хаад̣̇ийсу убагаронд̇зсу зва бан̃н̃аа д̣̇ассанагижжам̣ саад̇хзд̇ийд̇и д̣̇ассзнд̇о ‘‘сад̣̇д̇хаа..бз… вуд̇д̇ааний’’д̇и ааха. но жа бхаван̇г̇аад̇и д̇зсам̣ сан̇каараанам̣ бавад̇д̇игааран̣ад̇аабхаавам̣ д̣̇ассзд̇и.
Paññākkhandhe saṅgaṇhanavasena sammāsaṅkappo viyāti yojanā. Adhicittaanuyuttānaṃ saddahanussahanupaṭṭhānasamādahanehi saddhādīsu upakarontesu eva paññā dassanakiccaṃ sādhetīti dassento ‘‘saddhā..pe… vuttānī’’ti āha. No ca bhavaṅgāti tesaṃ saṅkhārānaṃ pavattikāraṇatābhāvaṃ dasseti.
43. д̇ат̇аа вуд̇д̇од̇и ‘‘ниссаяо’’д̇и вуд̇д̇о. жзд̇анаасийсзна д̇ан̣хам̣ зва вад̣̇ад̇и жзд̇анаасахажаран̣ад̇о.
43.Tathā vuttoti ‘‘nissayo’’ti vutto. Cetanāsīsena taṇhaṃ eva vadati cetanāsahacaraṇato.
рад̇д̇ассаад̇и маг̇г̇зна асамужчиннарааг̇асса. язна буг̇г̇ало ‘‘рад̇д̇о’’д̇и вужжад̇и, д̇асса рааг̇асса самб̣анд̇хиний сукаа взд̣̇анаа вуд̇д̇аа д̇ад̇т̇а д̇асса анусаяанад̇о. д̇знааха ‘‘сукааяа…бз… вуд̇д̇а’’нд̇и. зса наяо сзсзсуби. д̇знааха ‘‘д̇ат̇аа’’д̇иаад̣̇и.
Rattassāti maggena asamucchinnarāgassa. Yena puggalo ‘‘ratto’’ti vuccati, tassa rāgassa sambandhinī sukhā vedanā vuttā tattha tassa anusayanato. Tenāha ‘‘sukhāya…pe… vutta’’nti. Esa nayo sesesupi. Tenāha ‘‘tathā’’tiādi.
д̇аани зва инд̣̇рияаанийд̇и сукасоманассубзгкинд̣̇рияаани. ‘‘сан̇каарабарияаабаннааний’’д̇и важанам̣ санд̇хааяааха ‘‘ид̇ха взд̣̇анаасийсзна жзд̇анаа вуд̇д̇аа’’д̇и. на хи взд̣̇анаа сан̇каарагканд̇хабарияаабаннаа ход̇и. д̇ан̣хааяа, д̣̇идтияаад̇и жа убаяог̇з гаран̣аважананд̇и д̣̇ассзнд̇о ‘‘д̇ан̣хааяаа’’д̇иаад̣̇имааха. ид̣̇аани убаяог̇авасзнзва ‘‘д̇ан̣хааяаа’’д̇иаад̣̇ийнам̣ ад̇т̇ам̣ д̣̇ассзд̇ум̣ ‘‘яат̇аа ваа’’д̇иаад̣̇имааха. д̇ад̇т̇а сзсад̇хаммаананд̇и д̇ан̣хааваж̇ж̇ид̇аависидтад̇хаммаанам̣. д̇ан̣хааяа ниссаяабхаавзд̇и яад̣̇аа д̇ан̣хаа д̇зсам̣ ниссаяо ход̇и.
Tāni eva indriyānīti sukhasomanassupekkhindriyāni. ‘‘Saṅkhārapariyāpannānī’’ti vacanaṃ sandhāyāha ‘‘idha vedanāsīsena cetanā vuttā’’ti. Na hi vedanā saṅkhārakkhandhapariyāpannā hoti. Taṇhāya, diṭṭhiyāti ca upayoge karaṇavacananti dassento ‘‘taṇhāyā’’tiādimāha. Idāni upayogavaseneva ‘‘taṇhāyā’’tiādīnaṃ atthaṃ dassetuṃ ‘‘yathā vā’’tiādimāha. Tattha sesadhammānanti taṇhāvajjitaavisiṭṭhadhammānaṃ. Taṇhāya nissayabhāveti yadā taṇhā tesaṃ nissayo hoti.
д̇ан̣хааяа сзсад̇хаммаанам̣ бажжаяабхаавзд̇и яад̣̇аа сзсад̇хаммаа д̇ан̣хаабажжаяаа хонд̇и. ‘‘гараж̇агааяасанниссид̇аа’’д̇и иминаа взд̣̇анаад̣̇игканд̇хад̇д̇аяаниссид̇ааби г̇ахид̇аа гааяаббассад̣̇д̇хибхаавад̇о. гааран̣абхааванд̇и барамбарахзд̇убхаавам̣. д̇ан̣хаад̣̇идтиубаязнаад̇и д̣̇идтиубаязна жа д̣̇идтисахаг̇ад̇ад̇ан̣хааубаязна жа.
Taṇhāya sesadhammānaṃ paccayabhāveti yadā sesadhammā taṇhāpaccayā honti. ‘‘Karajakāyasannissitā’’ti iminā vedanādikkhandhattayanissitāpi gahitā kāyappassaddhibhāvato. Kāraṇabhāvanti paramparahetubhāvaṃ. Taṇhādiṭṭhiupayenāti diṭṭhiupayena ca diṭṭhisahagatataṇhāupayena ca.
‘‘ааг̇ад̇ийд̇и ид̇хааг̇ад̇и, г̇ад̇ийд̇и бзжжабхаво’’д̇и бад̣̇ад̣̇ваязна вуд̇д̇амзвад̇т̇ам̣ баагадад̇арам̣ гаад̇ум̣ баал̣ияам̣ ‘‘ааг̇ад̇иг̇ад̇ийби на бхаванд̇ий’’д̇и вуд̇д̇ам̣. ид̇ха хуранд̇и д̣̇ваараарамман̣ад̇хаммаа д̣̇ассид̇аа аасаннад̣̇уурабхаавзхи д̣̇ваараарамман̣зхи винивад̇д̇зд̇ваа г̇ахид̇ад̇д̇аа. ид̇ха д̣̇ваараббавад̇д̇ад̇хаммаа ‘‘убхаяаманд̇арзнаа’’д̇и бад̣̇асса ад̇т̇абхаавзна вуд̇д̇аа. жад̇уб̣яуухахаарз бана анинд̣̇рияаб̣ад̣̇д̇харуубад̇хаммаа д̇ат̇аа вуд̇д̇аа. гааран̣абхууд̇зна ананд̇арабажжаяабхууд̇зна, убаниссаяабажжаяабхууд̇зна жа. яз д̇хаммаа убаад̣̇ааяа ‘‘ад̇д̇аа’’д̇и саман̃н̃аа, д̇зсам̣ вин̃н̃аан̣аад̣̇ид̇хаммаанам̣ абхаавзна ануббаад̣̇ад̇хаммад̇ам̣ аабаад̣̇ид̇ад̇д̇аад̇и ад̇т̇о. ‘‘аниссид̇асса жалид̇ам̣ над̇т̇ий’’д̇иаад̣̇инаа бадиломад̇о бажжаяабхааво д̣̇ассид̇од̇и д̣̇ассзнд̇о баал̣ияам̣ ‘‘зсзванд̇о д̣̇угкассаад̇и бадижжасамуббаад̣̇о’’д̇и вад̇ваа нану ‘‘авиж̇ж̇аабажжаяаа сан̇каараа’’д̇иаад̣̇иго бадижжасамуббаад̣̇од̇и жод̣̇анам̣ санд̇хааяа яат̇аавуд̇д̇асса бадижжасамуббаад̣̇абхаавам̣ д̣̇ассзд̇ум̣ ‘‘со д̣̇увид̇хо’’д̇иаад̣̇инаа логияалогуд̇д̇аравасзна бадижжасамуббаад̣̇о вибхад̇д̇о. д̇ад̣̇ад̇т̇ад̇ааяаад̇и вийд̇арааг̇авимуд̇д̇иад̇т̇ад̇ааяа. д̇аб̣бхааванд̇и логуд̇д̇арабадижжасамуббаад̣̇абхаавам̣.
‘‘Āgatītiidhāgati, gatīti peccabhavo’’ti padadvayena vuttamevatthaṃ pākaṭataraṃ kātuṃ pāḷiyaṃ ‘‘āgatigatīpi na bhavantī’’ti vuttaṃ. Idha huranti dvārārammaṇadhammā dassitā āsannadūrabhāvehi dvārārammaṇehi vinivattetvā gahitattā. Idha dvārappavattadhammā ‘‘ubhayamantarenā’’ti padassa atthabhāvena vuttā. Catubyūhahāre pana anindriyabaddharūpadhammā tathā vuttā. Kāraṇabhūtena anantarapaccayabhūtena, upanissayapaccayabhūtena ca. Ye dhammā upādāya ‘‘attā’’ti samaññā, tesaṃ viññāṇādidhammānaṃ abhāvena anuppādadhammataṃ āpāditattāti attho. ‘‘Anissitassa calitaṃ natthī’’tiādinā paṭilomato paccayabhāvo dassitoti dassento pāḷiyaṃ ‘‘esevanto dukkhassāti paṭiccasamuppādo’’ti vatvā nanu ‘‘avijjāpaccayā saṅkhārā’’tiādiko paṭiccasamuppādoti codanaṃ sandhāya yathāvuttassa paṭiccasamuppādabhāvaṃ dassetuṃ ‘‘so duvidho’’tiādinā lokiyalokuttaravasena paṭiccasamuppādo vibhatto. Tadatthatāyāti vītarāgavimuttiatthatāya. Tabbhāvanti lokuttarapaṭiccasamuppādabhāvaṃ.
од̇аран̣ахааравибхан̇г̇аван̣н̣анаа нидтид̇аа.
Otaraṇahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 12. од̇аран̣ахааравибхан̇г̇о • 12. Otaraṇahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 12. од̇аран̣ахааравибхан̇г̇аван̣н̣анаа • 12. Otaraṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 12. од̇аран̣ахааравибхан̇г̇авибхааванаа • 12. Otaraṇahāravibhaṅgavibhāvanā
