| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
12. од̇аран̣ахааравибхан̇г̇авибхааванаа
12. Otaraṇahāravibhaṅgavibhāvanā
42. язна язна сам̣ван̣н̣анаависзсабхууд̇зна бан̃н̃ад̇д̇ихааравибхан̇г̇зна бан̃н̃ад̇д̇ияо вибхад̇д̇аа, со сам̣ван̣н̣анаависзсабхууд̇о вибхан̇г̇о барибун̣н̣о, ‘‘гад̇амо од̇аран̣о хааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо од̇аран̣о хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо од̇аран̣о хааро од̇аран̣ахааравибхан̇г̇о наамаад̇и бужчад̇и. ‘‘яо жа бадижжуббаад̣̇о’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘уд̣̇д̇хам̣ ад̇хо саб̣б̣ад̇хи виббамуд̇д̇о’’д̇иаад̣̇иго вид̇т̇аарасам̣ван̣н̣анаависзсо од̇аран̣о хааро од̇аран̣ахааравибхан̇г̇о наамаад̇и г̇ахзд̇аб̣б̣о.
42. Yena yena saṃvaṇṇanāvisesabhūtena paññattihāravibhaṅgena paññattiyo vibhattā, so saṃvaṇṇanāvisesabhūto vibhaṅgo paripuṇṇo, ‘‘katamo otaraṇo hāravibhaṅgo’’ti pucchitabbattā ‘‘tattha katamo otaraṇo hāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu katamo saṃvaṇṇanāviseso otaraṇo hāro otaraṇahāravibhaṅgo nāmāti pucchati. ‘‘Yo ca paṭiccuppādo’’tiādiniddesassa idāni mayā vuccamāno ‘‘uddhaṃ adho sabbadhi vippamutto’’tiādiko vitthārasaṃvaṇṇanāviseso otaraṇo hāro otaraṇahāravibhaṅgo nāmāti gahetabbo.
д̇ад̇т̇а баатз ‘‘гад̇амз бадижжасамуббаад̣̇аад̣̇аяо нид̣̇д̇хаарзд̇ваа гад̇амзхи нид̣̇д̇хаарид̇зхи д̇хаммзхи од̇арад̇ий’’д̇и бужчид̇аб̣б̣ад̇д̇аа имасмим̣ баатз имз бадижжасамуббаад̣̇аад̣̇аяо нид̣̇д̇хаарзд̇ваа имзхи нид̣̇д̇хаарид̇зхи д̇хаммзхи од̇арад̇ийд̇и д̣̇ассзд̇ум̣ ‘‘уд̣̇д̇хам̣ ад̇хо саб̣б̣ад̇хи виббамуд̇д̇о’’д̇иаад̣̇и вуд̇д̇ам̣. д̇ад̇т̇а уд̣̇д̇ханд̇и гаамад̇хаад̇уд̇о уд̣̇д̇хам̣ убарибхааг̇з бавад̇д̇ааяа руубад̇хаад̇уаруубад̇хаад̇уяаа. ад̇ход̇и руубад̇хаад̇уд̇о хздтаабхааг̇з бавад̇д̇ааяа гаамад̇хаад̇уяаа. саб̣б̣ад̇хийд̇и саб̣б̣асмим̣ гаамаруубааруубад̇хаад̇умхи. виббамуд̇д̇од̇и бадисанд̇хивасзна аббавад̇д̇анад̇о виббамуд̇д̇о асзгко. аяам̣ сзгко д̣̇ассанамаг̇г̇зна саггааяад̣̇идтияаа самуг̇гхаад̇ад̇д̇аа ‘‘ахам̣ асмий’’д̇и анаанубассий вихарад̇и. звам̣ сзгкааяа вимуд̇д̇ияаа жзва асзгкааяа вимуд̇д̇ияаа жа сзгко жзва асзгко жа ад̇ин̣н̣абуб̣б̣ам̣ огхам̣ абунаб̣бхавааяа вимуд̇д̇о уд̣̇ад̇аарийд̇и г̇аат̇аад̇т̇о г̇ахзд̇аб̣б̣о.
Tattha pāṭhe ‘‘katame paṭiccasamuppādādayo niddhāretvā katamehi niddhāritehi dhammehi otaratī’’ti pucchitabbattā imasmiṃ pāṭhe ime paṭiccasamuppādādayo niddhāretvā imehi niddhāritehi dhammehi otaratīti dassetuṃ ‘‘uddhaṃ adho sabbadhi vippamutto’’tiādi vuttaṃ. Tattha uddhanti kāmadhātuto uddhaṃ uparibhāge pavattāya rūpadhātuarūpadhātuyā. Adhoti rūpadhātuto heṭṭhābhāge pavattāya kāmadhātuyā. Sabbadhīti sabbasmiṃ kāmarūpaarūpadhātumhi. Vippamuttoti paṭisandhivasena appavattanato vippamutto asekkho. Ayaṃ sekkho dassanamaggena sakkāyadiṭṭhiyā samugghātattā ‘‘ahaṃ asmī’’ti anānupassī viharati. Evaṃ sekkhāya vimuttiyā ceva asekkhāya vimuttiyā ca sekkho ceva asekkho ca atiṇṇapubbaṃ oghaṃ apunabbhavāya vimutto udatārīti gāthāttho gahetabbo.
д̇асмим̣ г̇аат̇аабаатз ‘‘гад̇амз нид̣̇д̇хаарзд̇ваа гад̇амзхи од̇арад̇ий’’д̇и бужчид̇аб̣б̣ад̇д̇аа ‘‘уд̣̇д̇ханд̇и руубад̇хаад̇уу’’д̇иаад̣̇и вуд̇д̇ам̣. уд̣̇д̇ханд̇и мануссалогад̇о уд̣̇д̇хам̣ жаад̇умахаарааж̇игаад̣̇аяоби г̇ахид̇аад̇и ад̇т̇асамбхавад̇о д̇ам̣ нивад̇д̇зд̇ум̣ ‘‘руубад̇хаад̇у аруубад̇хаад̇уу’’д̇и вуд̇д̇ам̣. ад̇ход̇и мануссабхавад̇о ад̇хо жад̇д̇ааро абааяабхуумияо жа г̇ахид̇аад̇и ад̇т̇асамбхавад̇о д̇ам̣ нивад̇д̇зд̇ум̣ ‘‘гаамад̇хаад̇уу’’д̇и вуд̇д̇ам̣. саб̣б̣ад̇хийд̇и жад̇убхуумигзд̇и ад̇т̇асамбхавад̇о ‘‘д̇зд̇хаад̇угз’’д̇и вуд̇д̇ам̣. аяам̣ асзгкаа вимуд̇д̇ийд̇и вимуд̇д̇асса асзгкасса яаа вирааг̇ад̇аа ад̇т̇и, аяамби вирааг̇ад̇аа асзгкапалавимуд̇д̇и. ‘‘уд̣̇д̇хам̣ ад̇хо саб̣б̣ад̇хи виббамуд̇д̇о’’д̇и баатз вуд̇д̇аббагаараа аяам̣ асзгкаа вимуд̇д̇и нид̣̇д̇хаарид̇аад̇и ад̇т̇о. нид̣̇д̇хаарид̇ааяа асзгкааяа вимуд̇д̇ияаа яаани сад̣̇д̇хаад̣̇ибан̃жинд̣̇рияаани нид̣̇д̇хаарид̇аани, д̇ааниязва асзгкаани бан̃жинд̣̇рияаани бхаванд̇и. аяам̣ вуд̇д̇аббагаараа од̇аран̣аа инд̣̇риязхи вимуд̇д̇ияаа од̇аран̣аа наама бавзсанаа наама.
Tasmiṃ gāthāpāṭhe ‘‘katame niddhāretvā katamehi otaratī’’ti pucchitabbattā ‘‘uddhanti rūpadhātū’’tiādi vuttaṃ. Uddhanti manussalokato uddhaṃ cātumahārājikādayopi gahitāti atthasambhavato taṃ nivattetuṃ ‘‘rūpadhātu arūpadhātū’’ti vuttaṃ. Adhoti manussabhavato adho cattāro apāyabhūmiyo ca gahitāti atthasambhavato taṃ nivattetuṃ ‘‘kāmadhātū’’ti vuttaṃ. Sabbadhīti catubhūmiketi atthasambhavato ‘‘tedhātuke’’ti vuttaṃ. Ayaṃ asekkhā vimuttīti vimuttassa asekkhassa yā virāgatā atthi, ayampi virāgatā asekkhaphalavimutti. ‘‘Uddhaṃ adho sabbadhi vippamutto’’ti pāṭhe vuttappakārā ayaṃ asekkhā vimutti niddhāritāti attho. Niddhāritāya asekkhāya vimuttiyā yāni saddhādipañcindriyāni niddhāritāni, tāniyeva asekkhāni pañcindriyāni bhavanti. Ayaṃ vuttappakārā otaraṇā indriyehi vimuttiyā otaraṇā nāma pavesanā nāma.
д̇ааниязва асзгкаани бан̃жинд̣̇рияаани виж̇ж̇ааяа убагаарагад̇д̇аа, бан̃н̃аабад̣̇адтаанад̇д̇аа ваа виж̇ж̇аа бхаванд̇и. виж̇ж̇уббаад̣̇аа д̇аад̣̇исааяа виж̇ж̇ааяа уббаад̣̇аа уббаад̣̇ахзд̇уд̇о авиж̇ж̇аанирод̇хо авиж̇ж̇ааяа нирод̇хо ход̇и…бз… д̣̇угкагканд̇хасса нирод̇хо ход̇и, аяам̣ вуд̇д̇аббагаараа од̇аран̣аа бадижжасамуббаад̣̇зхи од̇аран̣аа наама.
Tāniyeva asekkhāni pañcindriyāni vijjāya upakārakattā, paññāpadaṭṭhānattā vā vijjā bhavanti. Vijjuppādā tādisāya vijjāya uppādā uppādahetuto avijjānirodho avijjāya nirodho hoti…pe… dukkhakkhandhassa nirodho hoti, ayaṃ vuttappakārā otaraṇā paṭiccasamuppādehi otaraṇā nāma.
д̇ааниязва асзгкаани бан̃жинд̣̇рияаани д̇ийхи канд̇хзхи сан̇г̇ахид̇аани сад̣̇д̇хаавийриязхи сийласамбхавад̇о, сад̇ияаа жа бан̃н̃аанувад̇д̇агад̇д̇аа. сзсаа вуд̇д̇анаяаанусаарзна взд̣̇ид̇аб̣б̣аа.
Tāniyeva asekkhāni pañcindriyāni tīhi khandhehi saṅgahitāni saddhāvīriyehi sīlasambhavato, satiyā ca paññānuvattakattā. Sesā vuttanayānusārena veditabbā.
‘‘уд̣̇д̇хам̣ ад̇хо саб̣б̣ад̇хи виббамуд̇д̇о’’д̇и баатз нид̣̇д̇хаарзд̇ваа од̇аран̣аа аажариязна вибхад̇д̇аа, амхзхи жа н̃аад̇аа, ‘‘аяам̣ ахасмийд̇и анаанубассий’’д̇и баатз ‘‘гад̇амз нид̣̇д̇хаарзд̇ваа гад̇амзхи од̇аран̣зхи од̇арад̇ий’’д̇и вад̇д̇аб̣б̣ад̇д̇аа ‘‘аяам̣ ахасмийд̇и анаанубассийд̇и аяам̣ саггааяад̣̇идтияаа’’д̇иаад̣̇и вуд̇д̇ам̣. яо аяам̣ сзгко ‘‘ахамасмий’’д̇и наанубассий, д̇асса сзгкасса саггааяад̣̇идтияаа яо самуг̇гхаад̇о ад̇т̇и, яаа самуг̇гхаад̇асан̇каад̇аа самуг̇гхаад̇авимуд̇д̇и сзгкаа вимуд̇д̇и ход̇и, д̇ассаа сзгкааяа вимуд̇д̇ияаа яаани сад̣̇д̇хаад̣̇ибан̃жинд̣̇рияаани нид̣̇д̇хаарид̇аани, д̇ааниязва сзгкаани бан̃жинд̣̇рияаани бхаванд̇и. аяам̣ вуд̇д̇аббагаараа од̇аран̣аа инд̣̇риязхи од̇аран̣аа наама. сзсаа вуд̇д̇анаяаанусаарзна взд̣̇ид̇аб̣б̣аа.
‘‘Uddhaṃ adho sabbadhi vippamutto’’ti pāṭhe niddhāretvā otaraṇā ācariyena vibhattā, amhehi ca ñātā, ‘‘ayaṃ ahasmīti anānupassī’’ti pāṭhe ‘‘katame niddhāretvā katamehi otaraṇehi otaratī’’ti vattabbattā ‘‘ayaṃ ahasmīti anānupassīti ayaṃ sakkāyadiṭṭhiyā’’tiādi vuttaṃ. Yo ayaṃ sekkho ‘‘ahamasmī’’ti nānupassī, tassa sekkhassa sakkāyadiṭṭhiyā yo samugghāto atthi, yā samugghātasaṅkhātā samugghātavimutti sekkhā vimutti hoti, tassā sekkhāya vimuttiyā yāni saddhādipañcindriyāni niddhāritāni, tāniyeva sekkhāni pañcindriyāni bhavanti. Ayaṃ vuttappakārā otaraṇā indriyehi otaraṇā nāma. Sesā vuttanayānusārena veditabbā.
43. ‘‘уд̣̇д̇хам̣ ад̇хо’’д̇иаад̣̇иг̇аат̇ааяам̣ од̇аран̣аа аажариязна вибхад̇д̇аа, амхзхи жа н̃аад̇аа, ‘‘ниссид̇асса жалид̇а’’нд̇иаад̣̇ибаатз ‘‘гад̇амз нид̣̇д̇хаарзд̇ваа гад̇амзхи од̇арад̇ий’’д̇и бужчид̇аб̣б̣ад̇д̇аа ‘‘ниссид̇асса жалид̇ам̣, аниссид̇асса жалид̇ам̣ над̇т̇ий’’д̇иаад̣̇и вуд̇д̇ам̣. ниссид̇асса буг̇г̇аласса жалид̇ам̣ жаланам̣ ад̇т̇и, аниссид̇асса буг̇г̇аласса жалид̇ам̣ жаланам̣ над̇т̇и. жалид̇з жаланз асад̇и бассад̣̇д̇хи бхавад̇и, бассад̣̇д̇хияаа сад̇и виж̇ж̇амаанааяа над̇и на ход̇и, над̇ияаа асад̇и авиж̇ж̇амаанааяа ааг̇ад̇иг̇ад̇и на ход̇и, ааг̇ад̇иг̇ад̇ияаа асад̇и авиж̇ж̇амаанааяа жуд̇уубабаад̇о на ход̇и, жуд̇уубабаад̇з асад̇и авиж̇ж̇амаанз ид̇ха часу аж̇жхад̇д̇игааяад̇анзсу ад̇д̇аанам̣ нзва бассад̇и, хурам̣ ваа часу б̣аахирааяад̇анзсу ад̇д̇аанам̣ на бассад̇и, убхаяам̣ анд̇арзна важ̇ж̇зд̇ваа пассаад̣̇исамуд̣̇ааязсу д̇хаммзсу ад̇д̇аанам̣ на бассад̇и, зсова бадижжасамуббаад̣̇о ‘‘авиж̇ж̇аанирод̇хаа’’д̇иаад̣̇иго д̣̇угкасса анд̇о авасаанам̣ гарод̇ийд̇и ад̇т̇о.
43. ‘‘Uddhaṃ adho’’tiādigāthāyaṃ otaraṇā ācariyena vibhattā, amhehi ca ñātā, ‘‘nissitassa calita’’ntiādipāṭhe ‘‘katame niddhāretvā katamehi otaratī’’ti pucchitabbattā ‘‘nissitassa calitaṃ, anissitassa calitaṃ natthī’’tiādi vuttaṃ. Nissitassa puggalassa calitaṃ calanaṃ atthi, anissitassa puggalassa calitaṃ calanaṃ natthi. Calite calane asati passaddhi bhavati, passaddhiyā sati vijjamānāya nati na hoti, natiyā asati avijjamānāya āgatigati na hoti, āgatigatiyā asati avijjamānāya cutūpapāto na hoti, cutūpapāte asati avijjamāne idha chasu ajjhattikāyatanesu attānaṃ neva passati, huraṃ vā chasu bāhirāyatanesu attānaṃ na passati, ubhayaṃ antarena vajjetvā phassādisamudāyesu dhammesu attānaṃ na passati, esova paṭiccasamuppādo ‘‘avijjānirodhā’’tiādiko dukkhassa anto avasānaṃ karotīti attho.
ниссид̇асса жалид̇анд̇и зд̇т̇а ‘‘ниссаяо гад̇ивид̇хо’’д̇и бужчид̇аб̣б̣ад̇д̇аа ‘‘ниссид̇асса жалид̇анд̇и ниссаяо наамаа’’д̇иаад̣̇и вуд̇д̇ам̣. д̇ад̇т̇аад̇и д̇зсу д̣̇увид̇хзсу д̇ан̣хааниссаяад̣̇идтиниссаязсу яаа жзд̇анаа рад̇д̇асса буг̇г̇аласса нид̣̇д̇хаарид̇аа, аяам̣ жзд̇анаад̇хаммо д̇ан̣хааниссаяо наама. яаа жзд̇анаа муул̣хасса буг̇г̇аласса нид̣̇д̇хаарид̇аа. аяам̣ жзд̇анаад̇хаммо д̣̇идтиниссаяо наама. саа д̣̇увид̇хаа жзд̇анаа бана сан̇каараа наама. сан̇каарабажжаяаа вин̃н̃аан̣ам̣…бз… саб̣б̣о бадижжасамуббаад̣̇о нид̣̇д̇хаарид̇о. аяам̣ вуд̇д̇аббагаараа од̇аран̣аа бадижжасамуббаад̣̇зхи од̇аран̣аа наама.
Nissitassacalitanti ettha ‘‘nissayo katividho’’ti pucchitabbattā ‘‘nissitassa calitanti nissayo nāmā’’tiādi vuttaṃ. Tatthāti tesu duvidhesu taṇhānissayadiṭṭhinissayesu yā cetanā rattassa puggalassa niddhāritā, ayaṃ cetanādhammo taṇhānissayo nāma. Yā cetanā mūḷhassa puggalassa niddhāritā. Ayaṃ cetanādhammo diṭṭhinissayo nāma. Sā duvidhā cetanā pana saṅkhārā nāma. Saṅkhārapaccayā viññāṇaṃ…pe… sabbo paṭiccasamuppādo niddhārito. Ayaṃ vuttappakārā otaraṇā paṭiccasamuppādehi otaraṇā nāma.
д̇ад̇т̇аад̇и д̇асмим̣ д̇ан̣хааниссаяад̣̇идтиниссаяз яаа взд̣̇анаа рад̇д̇асса буг̇г̇аласса нид̣̇д̇хаарид̇аа, аяам̣ сукаа взд̣̇анаа. яаа жзд̇анаа саммуул̣хасса буг̇г̇аласса нид̣̇д̇хаарид̇аа, аяам̣ ад̣̇угкамасукаа взд̣̇анаа. язбхуяязна сзсаа вуд̇д̇анаяаанусаарзна взд̣̇ид̇аб̣б̣аа.
Tatthāti tasmiṃ taṇhānissayadiṭṭhinissaye yā vedanā rattassa puggalassa niddhāritā, ayaṃ sukhā vedanā. Yā cetanā sammūḷhassa puggalassa niddhāritā, ayaṃ adukkhamasukhā vedanā. Yebhuyyena sesā vuttanayānusārena veditabbā.
44. ‘‘ниссид̇асса жалид̇а’’нд̇иаад̣̇ибаатз од̇аран̣аа аажариязна вибхад̇д̇аа, амхзхи жа н̃аад̇аа.
44. ‘‘Nissitassa calita’’ntiādipāṭhe otaraṇā ācariyena vibhattā, amhehi ca ñātā.
‘‘яз гзжи согаа барид̣̇звид̇аа ваа…бз…
‘‘Ye keci sokā paridevitā vā…pe…
бияам̣ на гаяираат̇а гухин̃жи логз’’д̇и. –
Piyaṃ na kayirātha kuhiñci loke’’ti. –
г̇аат̇аабаатз ‘‘гад̇амз нид̣̇д̇хаарзд̇ваа гад̇амзхи од̇арад̇ий’’д̇и бужчид̇аб̣б̣ад̇д̇аа ‘‘яз гзжи согаа’’д̇иаад̣̇и вуд̇д̇ам̣. яз гзжи согаа ваа яаа гаажи барид̣̇звид̇аа ваа анзгаруубаа яаа гаажи д̣̇угкаа ваа логасмим̣ самбхаванд̇и. зд̇з согаад̣̇аяо бияам̣ бадижжа бабхаванд̇и, бияз асанд̇з зд̇з согаад̣̇аяо на бхаванд̇и. д̇асмаа бияз асанд̇з согаад̣̇ийнам̣ абхаавад̇о язсам̣ вийд̇асогаанам̣ гухин̃жи логзби над̇т̇и, д̇з вийд̇асогаа сукино бхаванд̇и. д̇асмаа вийд̇асогаанам̣ сукасамбаннад̇д̇аа асогам̣ вираж̇ам̣ бад̇т̇аяаано саббурисо гухин̃жи логз бияам̣ на гаяираат̇аад̇и г̇аат̇аад̇т̇о.
Gāthāpāṭhe ‘‘katame niddhāretvā katamehi otaratī’’ti pucchitabbattā ‘‘ye keci sokā’’tiādi vuttaṃ. Ye keci sokā vā yā kāci paridevitā vā anekarūpā yā kāci dukkhā vā lokasmiṃ sambhavanti. Ete sokādayo piyaṃ paṭicca pabhavanti, piye asante ete sokādayo na bhavanti. Tasmā piye asante sokādīnaṃ abhāvato yesaṃ vītasokānaṃ kuhiñci lokepi natthi, te vītasokā sukhino bhavanti. Tasmā vītasokānaṃ sukhasampannattā asokaṃ virajaṃ patthayāno sappuriso kuhiñci loke piyaṃ na kayirāthāti gāthāttho.
‘‘яз гзжи согаа барид̣̇звид̇аа ваа, д̣̇угкаа жа логасмиманзгаруубаа бияам̣ бадижжа бабхаванд̇и зд̇з’’д̇и зд̇т̇а баатз яаа взд̣̇анаа нид̣̇д̇хаарид̇аа, аяам̣ д̣̇угкаа взд̣̇анаа. сзсаа вуд̇д̇анаяаанусаарзна взд̣̇ид̇аб̣б̣аа.
‘‘Ye keci sokā paridevitā vā, dukkhā ca lokasmimanekarūpā piyaṃ paṭicca pabhavanti ete’’ti ettha pāṭhe yā vedanā niddhāritā, ayaṃ dukkhā vedanā. Sesā vuttanayānusārena veditabbā.
‘‘яз гзжи согаа’’д̇иаад̣̇иг̇аат̇аабаатз од̇аран̣аа аажариязна вибхад̇д̇аа, амхзхи жа н̃аад̇аа , ‘‘гаамам̣ гаамаяамаанассаа’’д̇иаад̣̇иг̇аат̇аабаатз ‘‘гад̇амз нид̣̇д̇хаарзд̇ваа гад̇амзхи од̇арад̇ий’’д̇и вад̇д̇аб̣б̣ад̇д̇аа ‘‘гаамам̣ гаамаяамаанассаа’’д̇иаад̣̇и вуд̇д̇ам̣. д̇ассам̣ г̇аат̇ааяам̣ ад̇т̇о хздтаа вуд̇д̇ова.
‘‘Ye keci sokā’’tiādigāthāpāṭhe otaraṇā ācariyena vibhattā, amhehi ca ñātā , ‘‘kāmaṃ kāmayamānassā’’tiādigāthāpāṭhe ‘‘katame niddhāretvā katamehi otaratī’’ti vattabbattā ‘‘kāmaṃ kāmayamānassā’’tiādi vuttaṃ. Tassaṃ gāthāyaṃ attho heṭṭhā vuttova.
д̇ад̇т̇аад̇и д̇асмим̣ ‘‘бийд̇имано ход̇ий’’д̇и баатз яаа бийд̇иманад̇аа вуд̇д̇аа нид̣̇д̇хаарид̇аа, аяам̣ бийд̇иманад̇аа анунаяо ход̇и. ‘‘саллавид̣̇д̇хова руббад̇ий’’д̇и баатз яам̣ руббанам̣ ааха, ид̣̇ам̣ руббанам̣ бадигхам̣ ход̇и, анунаяо жа бадигхан̃жа нид̣̇д̇хаарид̇аад̇и ад̇т̇о.
Tatthāti tasmiṃ ‘‘pītimano hotī’’ti pāṭhe yā pītimanatā vuttā niddhāritā, ayaṃ pītimanatā anunayo hoti. ‘‘Sallaviddhova ruppatī’’ti pāṭhe yaṃ ruppanaṃ āha, idaṃ ruppanaṃ paṭighaṃ hoti, anunayo ca paṭighañca niddhāritāti attho.
‘‘анунаяз жа бадигхз жа нид̣̇д̇хаарид̇з гад̇амо д̇хаммо нид̣̇д̇хаарид̇о’’д̇и вад̇д̇аб̣б̣ад̇д̇аа ‘‘анунаяо бадигхан̃жа бана д̇ан̣хаабагко’’д̇и вуд̇д̇ам̣. д̇ан̣хаабагкод̇и д̇ан̣хаабагкад̇д̇аа д̇ан̣хаа нид̣̇д̇хаарид̇аа. ‘‘анунаяо д̇ан̣хаабагко ход̇у, бадигхам̣ бана д̇ан̣хаабагкам̣ на сияаа’’д̇и жз вад̣̇зяяа? бадигхасса ад̇д̇асинзхавасзна бавад̇д̇анад̇о бадигхамби д̇ан̣хаабагкам̣ ход̇и. ‘‘д̇ан̣хааяа нид̣̇д̇хаарид̇ааяа гад̇амо нид̣̇д̇хаарид̇о’’д̇и вад̇д̇аб̣б̣ад̇д̇аа ‘‘д̇ан̣хааяа жа банаа’’д̇иаад̣̇и вуд̇д̇ам̣. д̣̇асаннам̣ руубааяад̇анаанам̣ д̇ан̣хааяа бад̣̇адтаанад̇д̇аа д̣̇аса руубаани ааяад̇анаани нид̣̇д̇хаарид̇аани. аяам̣ вуд̇д̇аббагаараа од̇аран̣аа ааяад̇анзхи од̇аран̣аа наама. суд̇д̇з ааг̇ад̇аа бадижжасамуббаад̣̇аад̣̇аяо д̇зна сам̣ван̣н̣анаависзсзна наязна нид̣̇д̇хаарид̇аа, суд̇д̇ад̇т̇амукзна ваа нид̣̇д̇хаарид̇аа, д̇зна…бз… наязна нид̣̇д̇хаарид̇зсу бадижжасамуббаад̣̇аад̣̇ийсу яо сам̣ван̣н̣анаанаяависзсо д̇ад̣̇ад̇т̇аваажагавасзна ваа д̇ад̣̇ад̇т̇ан̃аабагавасзна ваа од̇арад̇и бависад̇и самосарад̇и, со сам̣ван̣н̣анаанаяависзсо од̇аран̣о хааро наамаад̇и ад̇хиббааяо д̣̇адтаб̣б̣о. сзсзсуби вуд̇д̇анаяаанусаарзна од̇аран̣аа г̇ахзд̇аб̣б̣аа. ‘‘д̇знааха ааяасмаа’’д̇иаад̣̇яаанусанд̇хяаад̣̇иад̇т̇о жзва ‘‘нияуд̇д̇о од̇аран̣о хааро’’д̇и анусанд̇хяаад̣̇иад̇т̇о жа вуд̇д̇анаяаанусаарзна взд̣̇ид̇аб̣б̣о.
‘‘Anunaye ca paṭighe ca niddhārite katamo dhammo niddhārito’’ti vattabbattā ‘‘anunayo paṭighañca pana taṇhāpakkho’’ti vuttaṃ. Taṇhāpakkhoti taṇhāpakkhattā taṇhā niddhāritā. ‘‘Anunayo taṇhāpakkho hotu, paṭighaṃ pana taṇhāpakkhaṃ na siyā’’ti ce vadeyya? Paṭighassa attasinehavasena pavattanato paṭighampi taṇhāpakkhaṃ hoti. ‘‘Taṇhāya niddhāritāya katamo niddhārito’’ti vattabbattā ‘‘taṇhāya ca panā’’tiādi vuttaṃ. Dasannaṃ rūpāyatanānaṃ taṇhāya padaṭṭhānattā dasa rūpāni āyatanāni niddhāritāni. Ayaṃ vuttappakārā otaraṇā āyatanehi otaraṇā nāma. Sutte āgatā paṭiccasamuppādādayo tena saṃvaṇṇanāvisesena nayena niddhāritā, suttatthamukhena vā niddhāritā, tena…pe… nayena niddhāritesu paṭiccasamuppādādīsu yo saṃvaṇṇanānayaviseso tadatthavācakavasena vā tadatthañāpakavasena vā otarati pavisati samosarati, so saṃvaṇṇanānayaviseso otaraṇo hāro nāmāti adhippāyo daṭṭhabbo. Sesesupi vuttanayānusārena otaraṇā gahetabbā. ‘‘Tenāha āyasmā’’tiādyānusandhyādiattho ceva ‘‘niyutto otaraṇo hāro’’ti anusandhyādiattho ca vuttanayānusārena veditabbo.
ид̇и од̇аран̣ахааравибхан̇г̇з сад̇д̇иб̣алаануруубаа ражид̇аа
Iti otaraṇahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 12. од̇аран̣ахааравибхан̇г̇о • 12. Otaraṇahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 12. од̇аран̣ахааравибхан̇г̇аван̣н̣анаа • 12. Otaraṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 12. од̇аран̣ахааравибхан̇г̇аван̣н̣анаа • 12. Otaraṇahāravibhaṅgavaṇṇanā
