| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
12. од̇аран̣ахааравибхан̇г̇о
12. Otaraṇahāravibhaṅgo
42. д̇ад̇т̇а гад̇амо од̇аран̣о хааро? ‘‘яо жа бадижжуббаад̣̇о’’д̇и.
42. Tattha katamo otaraṇo hāro? ‘‘Yo ca paṭiccuppādo’’ti.
‘‘уд̣̇д̇хам̣ ад̇хо саб̣б̣ад̇хи виббамуд̇д̇о, аяам̣ ахасмийд̇и 1 анаанубассий;
‘‘Uddhaṃ adho sabbadhi vippamutto, ayaṃ ahasmīti 2 anānupassī;
звам̣ вимуд̇д̇о уд̣̇ад̇аари огхам̣, ад̇ин̣н̣абуб̣б̣ам̣ абунаб̣бхавааяаа’’д̇и.
Evaṃ vimutto udatāri oghaṃ, atiṇṇapubbaṃ apunabbhavāyā’’ti.
‘‘уд̣̇д̇ха’’нд̇и руубад̇хаад̇у жа аруубад̇хаад̇у жа. ‘‘ад̇хо’’д̇и гаамад̇хаад̇у. ‘‘саб̣б̣ад̇хи виббамуд̇д̇о’’д̇и д̇зд̇хаад̇угз аяам̣ асзгкаавимуд̇д̇и. д̇ааниязва асзгкаани бан̃жинд̣̇рияаани, аяам̣ инд̣̇риязхи од̇аран̣аа.
‘‘Uddha’’nti rūpadhātu ca arūpadhātu ca. ‘‘Adho’’ti kāmadhātu. ‘‘Sabbadhi vippamutto’’ti tedhātuke ayaṃ asekkhāvimutti. Tāniyeva asekkhāni pañcindriyāni, ayaṃ indriyehi otaraṇā.
д̇ааниязва асзгкаани бан̃жинд̣̇рияаани виж̇ж̇аа, виж̇ж̇уббаад̣̇аа авиж̇ж̇аанирод̇хо, авиж̇ж̇аанирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, вин̃н̃аан̣анирод̇хаа наамаруубанирод̇хо, наамаруубанирод̇хаа сал̣ааяад̇ананирод̇хо, сал̣ааяад̇ананирод̇хаа пассанирод̇хо, пассанирод̇хаа взд̣̇анаанирод̇хо, взд̣̇анаанирод̇хаа д̇ан̣хаанирод̇хо, д̇ан̣хаанирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и. аяам̣ бадижжасамуббаад̣̇зхи од̇аран̣аа.
Tāniyeva asekkhāni pañcindriyāni vijjā, vijjuppādā avijjānirodho, avijjānirodhā saṅkhāranirodho, saṅkhāranirodhā viññāṇanirodho, viññāṇanirodhā nāmarūpanirodho, nāmarūpanirodhā saḷāyatananirodho, saḷāyatananirodhā phassanirodho, phassanirodhā vedanānirodho, vedanānirodhā taṇhānirodho, taṇhānirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti. Ayaṃ paṭiccasamuppādehi otaraṇā.
д̇ааниязва асзгкаани бан̃жинд̣̇рияаани д̇ийхи канд̇хзхи сан̇г̇ахид̇аани – сийлагканд̇хзна самаад̇хигканд̇хзна бан̃н̃аагканд̇хзна, аяам̣ канд̇хзхи од̇аран̣аа.
Tāniyeva asekkhāni pañcindriyāni tīhi khandhehi saṅgahitāni – sīlakkhandhena samādhikkhandhena paññākkhandhena, ayaṃ khandhehi otaraṇā.
д̇ааниязва асзгкаани бан̃жинд̣̇рияаани сан̇каарабарияаабаннаани яз сан̇каараа анаасаваа, но жа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа. аяам̣ д̇хаад̇уухи од̇аран̣аа.
Tāniyeva asekkhāni pañcindriyāni saṅkhārapariyāpannāni ye saṅkhārā anāsavā, no ca bhavaṅgā, te saṅkhārā dhammadhātusaṅgahitā. Ayaṃ dhātūhi otaraṇā.
саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ анаасавам̣, но жа бхаван̇г̇ам̣. аяам̣ ааяад̇анзхи од̇аран̣аа.
Sā dhammadhātu dhammāyatanapariyāpannā, yaṃ āyatanaṃ anāsavaṃ, no ca bhavaṅgaṃ. Ayaṃ āyatanehi otaraṇā.
‘‘аяам̣ ахасмийд̇и анаанубассий’’д̇и аяам̣ саггааяад̣̇идтияаа самуг̇гхаад̇о, саа сзгкаавимуд̇д̇и, д̇ааниязва сзгкаани бан̃жинд̣̇рияаани. аяам̣ инд̣̇риязхи од̇аран̣аа.
‘‘Ayaṃ ahasmīti anānupassī’’ti ayaṃ sakkāyadiṭṭhiyā samugghāto, sā sekkhāvimutti, tāniyeva sekkhāni pañcindriyāni. Ayaṃ indriyehi otaraṇā.
д̇ааниязва сзгкаани бан̃жинд̣̇рияаани виж̇ж̇аа, виж̇ж̇уббаад̣̇аа авиж̇ж̇аанирод̇хо, авиж̇ж̇аанирод̇хаа сан̇кааранирод̇хо, звам̣ саб̣б̣о бадижжасамуббаад̣̇о. аяам̣ бадижжасамуббаад̣̇зхи од̇аран̣аа.
Tāniyeva sekkhāni pañcindriyāni vijjā, vijjuppādā avijjānirodho, avijjānirodhā saṅkhāranirodho, evaṃ sabbo paṭiccasamuppādo. Ayaṃ paṭiccasamuppādehi otaraṇā.
сааязва виж̇ж̇аа бан̃н̃аагканд̇хо. аяам̣ канд̇хзхи од̇аран̣аа.
Sāyeva vijjā paññākkhandho. Ayaṃ khandhehi otaraṇā.
сааязва виж̇ж̇аа сан̇каарабарияаабаннаа, яз сан̇каараа анаасаваа, но жа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа, аяам̣ д̇хаад̇уухи од̇аран̣аа.
Sāyeva vijjā saṅkhārapariyāpannā, ye saṅkhārā anāsavā, no ca bhavaṅgā, te saṅkhārā dhammadhātusaṅgahitā, ayaṃ dhātūhi otaraṇā.
саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ анаасавам̣, но жа бхаван̇г̇ам̣, аяам̣ ааяад̇анзхи од̇аран̣аа.
Sā dhammadhātu dhammāyatanapariyāpannā, yaṃ āyatanaṃ anāsavaṃ, no ca bhavaṅgaṃ, ayaṃ āyatanehi otaraṇā.
сзгкааяа жа вимуд̇д̇ияаа асзгкааяа жа вимуд̇д̇ияаа вимуд̇д̇о уд̣̇ад̇аари огхам̣ ад̇ин̣н̣абуб̣б̣ам̣ абунаб̣бхавааяа. д̇знааха бхаг̇аваа ‘‘уд̣̇д̇хам̣ ад̇хо’’д̇и.
Sekkhāya ca vimuttiyā asekkhāya ca vimuttiyā vimutto udatāri oghaṃ atiṇṇapubbaṃ apunabbhavāya. Tenāha bhagavā ‘‘uddhaṃ adho’’ti.
43. ‘‘ниссид̇асса 3 жалид̇ам̣, аниссид̇асса жалид̇ам̣ над̇т̇и, жалид̇з асад̇и бассад̣̇д̇хи, бассад̣̇д̇хияаа сад̇и над̇и на ход̇и, над̇ияаа асад̇и ааг̇ад̇иг̇ад̇и на ход̇и, ааг̇ад̇иг̇ад̇ияаа асад̇и жуд̇уубабаад̇о на ход̇и, жуд̇уубабаад̇з асад̇и нзвид̇ха на хурам̣ на убхаяаманд̇арзна зсзванд̇о д̣̇угкассаа’’д̇и.
43. ‘‘Nissitassa 4 calitaṃ, anissitassa calitaṃ natthi, calite asati passaddhi, passaddhiyā sati nati na hoti, natiyā asati āgatigati na hoti, āgatigatiyā asati cutūpapāto na hoti, cutūpapāte asati nevidha na huraṃ na ubhayamantarena esevanto dukkhassā’’ti.
‘‘ниссид̇асса жалид̇а’’нд̇и ниссаяо наама д̣̇увид̇хо д̇ан̣хааниссаяо жа д̣̇идтиниссаяо жа. д̇ад̇т̇а яаа рад̇д̇асса жзд̇анаа, аяам̣ д̇ан̣хааниссаяо; яаа муул̣хасса жзд̇анаа, аяам̣ д̣̇идтиниссаяо. жзд̇анаа бана сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, звам̣ саб̣б̣о бадижжасамуббаад̣̇о. аяам̣ бадижжасамуббаад̣̇зхи од̇аран̣аа.
‘‘Nissitassa calita’’nti nissayo nāma duvidho taṇhānissayo ca diṭṭhinissayo ca. Tattha yā rattassa cetanā, ayaṃ taṇhānissayo; yā mūḷhassa cetanā, ayaṃ diṭṭhinissayo. Cetanā pana saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, evaṃ sabbo paṭiccasamuppādo. Ayaṃ paṭiccasamuppādehi otaraṇā.
д̇ад̇т̇а яаа рад̇д̇асса взд̣̇анаа, аяам̣ сукаа взд̣̇анаа. яаа саммуул̣хасса взд̣̇анаа, аяам̣ ад̣̇угкамасукаа взд̣̇анаа, имаа д̣̇вз взд̣̇анаа взд̣̇анаагканд̇хо. аяам̣ канд̇хзхи од̇аран̣аа.
Tattha yā rattassa vedanā, ayaṃ sukhā vedanā. Yā sammūḷhassa vedanā, ayaṃ adukkhamasukhā vedanā, imā dve vedanā vedanākkhandho. Ayaṃ khandhehi otaraṇā.
д̇ад̇т̇а сукаа взд̣̇анаа д̣̇вз инд̣̇рияаани сукинд̣̇рияам̣ соманассинд̣̇рияан̃жа, ад̣̇угкамасукаа взд̣̇анаа убзгкинд̣̇рияам̣. аяам̣ инд̣̇риязхи од̇аран̣аа.
Tattha sukhā vedanā dve indriyāni sukhindriyaṃ somanassindriyañca, adukkhamasukhā vedanā upekkhindriyaṃ. Ayaṃ indriyehi otaraṇā.
д̇ааниязва инд̣̇рияаани сан̇каарабарияаабаннаани, яз сан̇каараа саасаваа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа. аяам̣ д̇хаад̇уухи од̇аран̣аа.
Tāniyeva indriyāni saṅkhārapariyāpannāni, ye saṅkhārā sāsavā bhavaṅgā, te saṅkhārā dhammadhātusaṅgahitā. Ayaṃ dhātūhi otaraṇā.
саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ саасавам̣ бхаван̇г̇ам̣, аяам̣ ааяад̇анзхи од̇аран̣аа.
Sā dhammadhātu dhammāyatanapariyāpannā, yaṃ āyatanaṃ sāsavaṃ bhavaṅgaṃ, ayaṃ āyatanehi otaraṇā.
‘‘аниссид̇асса жалид̇ам̣ над̇т̇ий’’д̇и самат̇авасзна ваа д̇ан̣хааяа аниссид̇о вибассанаавасз ваа д̣̇идтияаа аниссид̇о. яаа вибассанаа аяам̣ виж̇ж̇аа, виж̇ж̇уббаад̣̇аа авиж̇ж̇аанирод̇хо, авиж̇ж̇аанирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, звам̣ саб̣б̣о бадижжасамуббаад̣̇о. аяам̣ бадижжасамуббаад̣̇зхи од̇аран̣аа.
‘‘Anissitassa calitaṃ natthī’’ti samathavasena vā taṇhāya anissito vipassanāvase vā diṭṭhiyā anissito. Yā vipassanā ayaṃ vijjā, vijjuppādā avijjānirodho, avijjānirodhā saṅkhāranirodho, saṅkhāranirodhā viññāṇanirodho, evaṃ sabbo paṭiccasamuppādo. Ayaṃ paṭiccasamuppādehi otaraṇā.
сааязва вибассанаа бан̃н̃аагканд̇хо. аяам̣ канд̇хзхи од̇аран̣аа.
Sāyeva vipassanā paññākkhandho. Ayaṃ khandhehi otaraṇā.
сааязва вибассанаа д̣̇вз инд̣̇рияаани – вийрияинд̣̇рияан̃жа бан̃н̃инд̣̇рияан̃жа. аяам̣ инд̣̇риязхи од̇аран̣аа.
Sāyeva vipassanā dve indriyāni – vīriyindriyañca paññindriyañca. Ayaṃ indriyehi otaraṇā.
сааязва вибассанаа сан̇каарабарияаабаннаа, яз сан̇каараа анаасаваа, но жа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа. аяам̣ д̇хаад̇уухи од̇аран̣аа.
Sāyeva vipassanā saṅkhārapariyāpannā, ye saṅkhārā anāsavā, no ca bhavaṅgā, te saṅkhārā dhammadhātusaṅgahitā. Ayaṃ dhātūhi otaraṇā.
саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ анаасавам̣, но жа бхаван̇г̇ам̣. аяам̣ ааяад̇анзхи од̇аран̣аа.
Sā dhammadhātu dhammāyatanapariyāpannā, yaṃ āyatanaṃ anāsavaṃ, no ca bhavaṅgaṃ. Ayaṃ āyatanehi otaraṇā.
‘‘бассад̣̇д̇хияаа сад̇ий’’д̇и д̣̇увид̇хаа бассад̣̇д̇хи гааяигаа жа жзд̇асигаа жа. яам̣ гааяигам̣ сукам̣, аяам̣ гааяабассад̣̇д̇хи. яам̣ жзд̇асигам̣ сукам̣, аяам̣ жзд̇асигаа бассад̣̇д̇хи. бассад̣̇д̇хагааяо сукам̣ взд̣̇ияад̇и 5, сукино жид̇д̇ам̣ самаад̇хияад̇и, самаахид̇о яат̇аабхууд̇ам̣ баж̇аанаад̇и, яат̇аабхууд̇ам̣ баж̇аананд̇о ниб̣б̣инд̣̇ад̇и, ниб̣б̣инд̣̇анд̇о вираж̇ж̇ад̇и, вирааг̇аа вимужжад̇и, вимуд̇д̇асмим̣ ‘‘вимуд̇д̇а’’мид̇и 6 н̃аан̣ам̣ ход̇и, ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и баж̇аанаад̇и. со на намад̇и руубзсу, на сад̣̇д̣̇зсу, на г̇анд̇хзсу, на расзсу, на подтаб̣б̣зсу, на д̇хаммзсу каяаа рааг̇асса каяаа д̣̇осасса каяаа мохасса язна руубзна д̇ат̇ааг̇ад̇ам̣ д̇идтанд̇ам̣ жаранд̇ам̣ бан̃н̃аабаяамаано бан̃н̃аабзяяа, д̇асса руубасса каяаа вирааг̇аа нирод̇хаа жааг̇аа бадиниссаг̇г̇аа руубасан̇каяз вимуд̇д̇о, д̇ат̇ааг̇ад̇о ад̇т̇ийд̇иби на убзд̇и, над̇т̇ийд̇иби на убзд̇и, ад̇т̇и над̇т̇ийд̇иби на убзд̇и, нзвад̇т̇и но над̇т̇ийд̇иби на убзд̇и. ат̇а ко г̇амбхийро аббамзяяо асан̇кзяяо ниб̣б̣уд̇од̇иязва сан̇кам̣ г̇ажчад̇и каяаа рааг̇асса, каяаа д̣̇осасса, каяаа мохасса.
‘‘Passaddhiyā satī’’ti duvidhā passaddhi kāyikā ca cetasikā ca. Yaṃ kāyikaṃ sukhaṃ, ayaṃ kāyapassaddhi. Yaṃ cetasikaṃ sukhaṃ, ayaṃ cetasikā passaddhi. Passaddhakāyo sukhaṃ vediyati 7, sukhino cittaṃ samādhiyati, samāhito yathābhūtaṃ pajānāti, yathābhūtaṃ pajānanto nibbindati, nibbindanto virajjati, virāgā vimuccati, vimuttasmiṃ ‘‘vimutta’’miti 8 ñāṇaṃ hoti, ‘‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti pajānāti. So na namati rūpesu, na saddesu, na gandhesu, na rasesu, na phoṭṭhabbesu, na dhammesu khayā rāgassa khayā dosassa khayā mohassa yena rūpena tathāgataṃ tiṭṭhantaṃ carantaṃ paññāpayamāno paññāpeyya, tassa rūpassa khayā virāgā nirodhā cāgā paṭinissaggā rūpasaṅkhaye vimutto, tathāgato atthītipi na upeti, natthītipi na upeti, atthi natthītipi na upeti, nevatthi no natthītipi na upeti. Atha kho gambhīro appameyyo asaṅkheyyo nibbutotiyeva saṅkhaṃ gacchati khayā rāgassa, khayā dosassa, khayā mohassa.
яааяа взд̣̇анааяа…бз… яааяа сан̃н̃ааяа. язхи сан̇каарзхи. язна вин̃н̃аан̣зна д̇ат̇ааг̇ад̇ам̣ д̇идтанд̇ам̣ жаранд̇ам̣ бан̃н̃аабаяамаано бан̃н̃аабзяяа, д̇асса вин̃н̃аан̣асса каяаа вирааг̇аа нирод̇хаа жааг̇аа бадиниссаг̇г̇аа вин̃н̃аан̣асан̇каяз вимуд̇д̇о, д̇ат̇ааг̇ад̇о ад̇т̇ийд̇иби на убзд̇и, над̇т̇ийд̇иби на убзд̇и, ад̇т̇и над̇т̇ийд̇иби на убзд̇и, нзвад̇т̇и но над̇т̇ийд̇иби на убзд̇и. ат̇а ко г̇амбхийро аббамзяяо асан̇кзяяо ниб̣б̣уд̇од̇иязва сан̇кам̣ г̇ажчад̇и каяаа рааг̇асса, каяаа д̣̇осасса, каяаа мохасса. ‘‘ааг̇ад̇ий’’д̇и ид̇хааг̇ад̇и. ‘‘г̇ад̇ий’’д̇и бзжжабхаво. ааг̇ад̇иг̇ад̇ийби на бхаванд̇и, ‘‘нзвид̇хаа’’д̇и часу аж̇жхад̇д̇игзсу ааяад̇анзсу. ‘‘на хура’’нд̇и часу б̣аахирзсу ааяад̇анзсу. ‘‘на убхаяаманд̇арзнаа’’д̇и пассасамуд̣̇ид̇зсу д̇хаммзсу ад̇д̇аанам̣ на бассад̇и. ‘‘зсзванд̇о д̣̇угкассаа’’д̇и бадижжасамуббаад̣̇о. со д̣̇увид̇хо логияо жа логуд̇д̇аро жа. д̇ад̇т̇а логияо авиж̇ж̇аабажжаяаа сан̇каараа, яаава ж̇араамаран̣аа. логуд̇д̇аро сийлавад̇о авиббадисааро ж̇ааяад̇и, яаава наабарам̣ ид̇т̇ад̇д̇ааяаад̇и баж̇аанаад̇и. д̇знааха бхаг̇аваа ‘‘ниссид̇асса жалид̇ам̣ аниссид̇асса жалид̇ам̣ над̇т̇и…бз… зсзванд̇о д̣̇угкассаа’’д̇и.
Yāya vedanāya…pe… yāya saññāya. Yehi saṅkhārehi. Yena viññāṇena tathāgataṃ tiṭṭhantaṃ carantaṃ paññāpayamāno paññāpeyya, tassa viññāṇassa khayā virāgā nirodhā cāgā paṭinissaggā viññāṇasaṅkhaye vimutto, tathāgato atthītipi na upeti, natthītipi na upeti, atthi natthītipi na upeti, nevatthi no natthītipi na upeti. Atha kho gambhīro appameyyo asaṅkheyyo nibbutotiyeva saṅkhaṃ gacchati khayā rāgassa, khayā dosassa, khayā mohassa. ‘‘Āgatī’’ti idhāgati. ‘‘Gatī’’ti peccabhavo. Āgatigatīpi na bhavanti, ‘‘nevidhā’’ti chasu ajjhattikesu āyatanesu. ‘‘Na hura’’nti chasu bāhiresu āyatanesu. ‘‘Na ubhayamantarenā’’ti phassasamuditesu dhammesu attānaṃ na passati. ‘‘Esevanto dukkhassā’’ti paṭiccasamuppādo. So duvidho lokiyo ca lokuttaro ca. Tattha lokiyo avijjāpaccayā saṅkhārā, yāva jarāmaraṇā. Lokuttaro sīlavato avippaṭisāro jāyati, yāva nāparaṃ itthattāyāti pajānāti. Tenāha bhagavā ‘‘nissitassa calitaṃ anissitassa calitaṃ natthi…pe… esevanto dukkhassā’’ti.
44.
44.
‘‘яз гзжи согаа барид̣̇звид̇аа ваа, д̣̇угкаа 9 жа логасмиманзгаруубаа.
‘‘Ye keci sokā paridevitā vā, dukkhā 10 ca lokasmimanekarūpā.
бияам̣ бадижжаббабхаванд̇и зд̇з, бияз асанд̇з на бхаванд̇и зд̇з.
Piyaṃ paṭiccappabhavanti ete, piye asante na bhavanti ete.
д̇асмаа хи д̇з сукино вийд̇асогаа, язсам̣ бияам̣ над̇т̇и гухин̃жи логз;
Tasmā hi te sukhino vītasokā, yesaṃ piyaṃ natthi kuhiñci loke;
д̇асмаа асогам̣ вираж̇ам̣ бад̇т̇аяаано, бияам̣ на гаяираат̇а гухин̃жи логз’’д̇и.
Tasmā asokaṃ virajaṃ patthayāno, piyaṃ na kayirātha kuhiñci loke’’ti.
‘‘яз гзжи согаа барид̣̇звид̇аа ваа, д̣̇угкаа жа логасмиманзгаруубаа бияам̣ бадижжаббабхаванд̇и зд̇з’’д̇и – аяам̣ д̣̇угкаа взд̣̇анаа. ‘‘бияз асанд̇з на бхаванд̇и зд̇з’’д̇и – аяам̣ сукаа взд̣̇анаа. взд̣̇анаа взд̣̇анаагканд̇хо. аяам̣ канд̇хзхи од̇аран̣аа.
‘‘Ye keci sokā paridevitā vā, dukkhā ca lokasmimanekarūpā piyaṃ paṭiccappabhavanti ete’’ti – ayaṃ dukkhā vedanā. ‘‘Piye asante na bhavanti ete’’ti – ayaṃ sukhā vedanā. Vedanā vedanākkhandho. Ayaṃ khandhehi otaraṇā.
взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣, звам̣ саб̣б̣ам̣. аяам̣ бадижжасамуббаад̣̇зхи од̇аран̣аа.
Vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ, evaṃ sabbaṃ. Ayaṃ paṭiccasamuppādehi otaraṇā.
д̇ад̇т̇а сукаа взд̣̇анаа д̣̇вз инд̣̇рияаани – сукинд̣̇рияам̣ соманассинд̣̇рияан̃жа. д̣̇угкаа взд̣̇анаа д̣̇вз инд̣̇рияаани – д̣̇угкинд̣̇рияам̣ д̣̇оманассинд̣̇рияан̃жа. аяам̣ инд̣̇риязхи од̇аран̣аа.
Tattha sukhā vedanā dve indriyāni – sukhindriyaṃ somanassindriyañca. Dukkhā vedanā dve indriyāni – dukkhindriyaṃ domanassindriyañca. Ayaṃ indriyehi otaraṇā.
д̇ааниязва инд̣̇рияаани сан̇каарабарияаабаннаани, яз сан̇каараа саасаваа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа. аяам̣ д̇хаад̇уухи од̇аран̣аа.
Tāniyeva indriyāni saṅkhārapariyāpannāni, ye saṅkhārā sāsavā bhavaṅgā, te saṅkhārā dhammadhātusaṅgahitā. Ayaṃ dhātūhi otaraṇā.
саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ саасавам̣ бхаван̇г̇ам̣. аяам̣ ааяад̇анзхи од̇аран̣аа.
Sā dhammadhātu dhammāyatanapariyāpannā, yaṃ āyatanaṃ sāsavaṃ bhavaṅgaṃ. Ayaṃ āyatanehi otaraṇā.
д̇асмаа хи д̇з сукино вийд̇асогаа, язсам̣ бияам̣ над̇т̇и гухин̃жи логз;
Tasmā hi te sukhino vītasokā, yesaṃ piyaṃ natthi kuhiñci loke;
д̇асмаа асогам̣ вираж̇ам̣ бад̇т̇аяаано, бияам̣ на гаяираат̇а гухин̃жи логзд̇и.
Tasmā asokaṃ virajaṃ patthayāno, piyaṃ na kayirātha kuhiñci loketi.
ид̣̇ам̣ д̇ан̣хаабахаанам̣. д̇ан̣хаанирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, звам̣ саб̣б̣ам̣. аяам̣ бадижжасамуббаад̣̇зхи од̇аран̣аа.
Idaṃ taṇhāpahānaṃ. Taṇhānirodhā upādānanirodho, upādānanirodhā bhavanirodho, evaṃ sabbaṃ. Ayaṃ paṭiccasamuppādehi otaraṇā.
д̇ам̣язва д̇ан̣хаабахаанам̣ самат̇о. со самат̇о д̣̇вз инд̣̇рияаани сад̇инд̣̇рияам̣ самаад̇хинд̣̇рияан̃жа. аяам̣ инд̣̇риязхи од̇аран̣аа.
Taṃyeva taṇhāpahānaṃ samatho. So samatho dve indriyāni satindriyaṃ samādhindriyañca. Ayaṃ indriyehi otaraṇā.
соязва самат̇о самаад̇хигканд̇хо. аяам̣ канд̇хзхи од̇аран̣аа.
Soyeva samatho samādhikkhandho. Ayaṃ khandhehi otaraṇā.
соязва самат̇о сан̇каарабарияаабанно, яз сан̇каараа анаасаваа, но жа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа. аяам̣ д̇хаад̇уухи од̇аран̣аа.
Soyeva samatho saṅkhārapariyāpanno, ye saṅkhārā anāsavā, no ca bhavaṅgā, te saṅkhārā dhammadhātusaṅgahitā. Ayaṃ dhātūhi otaraṇā.
саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ анаасавам̣, но жа бхаван̇г̇ам̣. аяам̣ ааяад̇анзхи од̇аран̣аа. д̇знааха бхаг̇аваа ‘‘яз гзжи согаа’’д̇и.
Sā dhammadhātu dhammāyatanapariyāpannā, yaṃ āyatanaṃ anāsavaṃ, no ca bhavaṅgaṃ. Ayaṃ āyatanehi otaraṇā. Tenāha bhagavā ‘‘ye keci sokā’’ti.
гаамам̣ гаамаяамаанасса, д̇асса жз д̇ам̣ самиж̇жхад̇и;
Kāmaṃ kāmayamānassa, tassa ce taṃ samijjhati;
ад̣̇д̇хаа бийд̇имано ход̇и, лад̣̇д̇хаа мажжо яад̣̇ижчад̇и.
Addhā pītimano hoti, laddhā macco yadicchati.
д̇асса жз гаамаяаанасса, чанд̣̇аж̇аад̇асса ж̇анд̇уно;
Tassa ce kāmayānassa, chandajātassa jantuno;
д̇з гаамаа барихааяанд̇и, саллавид̣̇д̇хова руббад̇и.
Te kāmā parihāyanti, sallaviddhova ruppati.
сомам̣ висад̇д̇игам̣ логз, сад̇о самад̇ивад̇д̇ад̇ийд̇и.
Somaṃ visattikaṃ loke, sato samativattatīti.
д̇ад̇т̇а яаа бийд̇иманад̇аа, аяам̣ анунаяо. яад̣̇ааха саллавид̣̇д̇хова руббад̇ийд̇и, ид̣̇ам̣ бадигхам̣. анунаяам̣ бадигхан̃жа бана д̇ан̣хаабагко, д̇ан̣хааяа жа бана д̣̇асаруубийни ааяад̇анаани бад̣̇адтаанам̣. аяам̣ ааяад̇анзхи од̇аран̣аа.
Tattha yā pītimanatā, ayaṃ anunayo. Yadāha sallaviddhova ruppatīti, idaṃ paṭighaṃ. Anunayaṃ paṭighañca pana taṇhāpakkho, taṇhāya ca pana dasarūpīni āyatanāni padaṭṭhānaṃ. Ayaṃ āyatanehi otaraṇā.
д̇ааниязва д̣̇аса руубийни руубагааяо наамасамбаяуд̇д̇о, д̇ад̣̇убхаяам̣ наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, звам̣ саб̣б̣ам̣. аяам̣ бадижжасамуббаад̣̇зхи од̇аран̣аа.
Tāniyeva dasa rūpīni rūpakāyo nāmasampayutto, tadubhayaṃ nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, evaṃ sabbaṃ. Ayaṃ paṭiccasamuppādehi otaraṇā.
д̇ад̣̇зва наамаруубам̣ бан̃жагканд̇хо; аяам̣ канд̇хзхи од̇аран̣аа;
Tadeva nāmarūpaṃ pañcakkhandho; Ayaṃ khandhehi otaraṇā;
д̇ад̣̇зва наамаруубам̣ адтаараса д̇хаад̇уяо; аяам̣ д̇хаад̇уухи од̇аран̣аа;
Tadeva nāmarūpaṃ aṭṭhārasa dhātuyo; Ayaṃ dhātūhi otaraṇā;
д̇ад̇т̇а яо руубагааяо имаани бан̃жа руубийни инд̣̇рияаани, яо наамагааяо имаани бан̃жа аруубийни инд̣̇рияаани, имаани д̣̇аса инд̣̇рияаани. аяам̣ инд̣̇риязхи од̇аран̣аа.
Tattha yo rūpakāyo imāni pañca rūpīni indriyāni, yo nāmakāyo imāni pañca arūpīni indriyāni, imāni dasa indriyāni. Ayaṃ indriyehi otaraṇā.
д̇ад̇т̇а яад̣̇ааха –
Tattha yadāha –
‘‘яо гаамз бариваж̇ж̇зд̇и, саббассзва бад̣̇аа сиро;
‘‘Yo kāme parivajjeti, sappasseva padā siro;
сомам̣ висад̇д̇игам̣ логз, сад̇о самад̇ивад̇д̇ад̇ий’’д̇и.
Somaṃ visattikaṃ loke, sato samativattatī’’ti.
аяам̣ саубаад̣̇исзсаа ниб̣б̣аанад̇хаад̇у, аяам̣ д̇хаад̇уухи од̇аран̣аа.
Ayaṃ saupādisesā nibbānadhātu, ayaṃ dhātūhi otaraṇā.
сааязва саубаад̣̇исзсаа ниб̣б̣аанад̇хаад̇у виж̇ж̇аа, виж̇ж̇уббаад̣̇аа авиж̇ж̇аанирод̇хо, авиж̇ж̇аанирод̇хаа сан̇кааранирод̇хо, звам̣ саб̣б̣ам̣. аяам̣ бадижжасамуббаад̣̇зхи од̇аран̣аа.
Sāyeva saupādisesā nibbānadhātu vijjā, vijjuppādā avijjānirodho, avijjānirodhā saṅkhāranirodho, evaṃ sabbaṃ. Ayaṃ paṭiccasamuppādehi otaraṇā.
сааязва виж̇ж̇аа бан̃н̃аагканд̇хо. аяам̣ канд̇хзхи од̇аран̣аа.
Sāyeva vijjā paññākkhandho. Ayaṃ khandhehi otaraṇā.
сааязва виж̇ж̇аа д̣̇вз инд̣̇рияаани – вийрияинд̣̇рияам̣ бан̃н̃инд̣̇рияан̃жа. аяам̣ инд̣̇риязхи од̇аран̣аа.
Sāyeva vijjā dve indriyāni – vīriyindriyaṃ paññindriyañca. Ayaṃ indriyehi otaraṇā.
сааязва виж̇ж̇аа сан̇каарабарияаабаннаа, яз сан̇каараа анаасаваа, но жа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа. аяам̣ д̇хаад̇уухи од̇аран̣аа.
Sāyeva vijjā saṅkhārapariyāpannā, ye saṅkhārā anāsavā, no ca bhavaṅgā, te saṅkhārā dhammadhātusaṅgahitā. Ayaṃ dhātūhi otaraṇā.
саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ анаасавам̣, но жа бхаван̇г̇ам̣. аяам̣ ааяад̇анзхи од̇аран̣аа. д̇знааха бхаг̇аваа ‘‘гаамам̣ гаамаяамаанассаа’’д̇и.
Sā dhammadhātu dhammāyatanapariyāpannā, yaṃ āyatanaṃ anāsavaṃ, no ca bhavaṅgaṃ. Ayaṃ āyatanehi otaraṇā. Tenāha bhagavā ‘‘kāmaṃ kāmayamānassā’’ti.
зд̇д̇аавад̇аа бадижжа инд̣̇рияаканд̇хад̇хаад̇уааяад̇анаани самосаран̣од̇аран̣аани бхаванд̇и. звам̣ бадижжа инд̣̇рияаканд̇хад̇хаад̇уааяад̇анаани од̇аарзд̇аб̣б̣аани. д̇знааха ааяасмаа махаагажжааяано ‘‘яо жа бадижжуббаад̣̇о’’д̇и.
Ettāvatā paṭicca indriyakhandhadhātuāyatanāni samosaraṇotaraṇāni bhavanti. Evaṃ paṭicca indriyakhandhadhātuāyatanāni otāretabbāni. Tenāha āyasmā mahākaccāyano ‘‘yo ca paṭiccuppādo’’ti.
нияуд̇д̇о од̇аран̣о хааро.
Niyutto otaraṇo hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 12. од̇аран̣ахааравибхан̇г̇аван̣н̣анаа • 12. Otaraṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 12. од̇аран̣ахааравибхан̇г̇аван̣н̣анаа • 12. Otaraṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 12. од̇аран̣ахааравибхан̇г̇авибхааванаа • 12. Otaraṇahāravibhaṅgavibhāvanā
