| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
3. оваад̣̇аваг̇г̇о
3. Ovādavaggo
1. оваад̣̇асигкаабад̣̇а-ад̇т̇аяож̇анаа
1. Ovādasikkhāpada-atthayojanā
144. бхигкуниваг̇г̇асса батамз д̇зсанд̇и т̇зраанам̣. махаагулзхи нигкамид̇ваа баб̣б̣аж̇ид̇аад̇и яож̇анаа. гулад̇хийд̇аро виж̇ж̇амаанаг̇ун̣ам̣ гат̇аяанд̇ийд̇и самб̣анд̇хо. ‘‘н̃аад̇имануссаана’’нд̇ибад̣̇ам̣ ‘‘гат̇аяанд̇ий’’д̇ибад̣̇з самбад̣̇аанам̣. гуд̇од̇и гасса т̇зрасса санд̇игаад̇и ад̇т̇о. д̇зсанд̇и т̇зраанам̣ г̇ун̣анд̇и самб̣анд̇хо. ‘‘гат̇зд̇у’’нд̇ибад̣̇амабзгкид̇ваа ‘‘виж̇ж̇амаанаг̇ун̣з’’д̇и вад̇д̇аб̣б̣з авад̇ваа ‘‘вадданд̇ий’’д̇ибад̣̇амабзгкияа ‘‘виж̇ж̇амаанаг̇ун̣аа’’д̇и вуд̇д̇ам̣. хийд̇и сажжам̣, яасмаа ваа. д̇ад̇од̇и гат̇анагааран̣аа абхихарим̣сууд̇и самб̣анд̇хо. д̇знаад̇и абхихаран̣ахзд̇унаа.
144. Bhikkhunivaggassa paṭhame tesanti therānaṃ. Mahākulehi nikkhamitvā pabbajitāti yojanā. Kuladhītaro vijjamānaguṇaṃ kathayantīti sambandho. ‘‘Ñātimanussāna’’ntipadaṃ ‘‘kathayantī’’tipade sampadānaṃ. Kutoti kassa therassa santikāti attho. Tesanti therānaṃ guṇanti sambandho. ‘‘Kathetu’’ntipadamapekkhitvā ‘‘vijjamānaguṇe’’ti vattabbe avatvā ‘‘vaṭṭantī’’tipadamapekkhiya ‘‘vijjamānaguṇā’’ti vuttaṃ. Hīti saccaṃ, yasmā vā. Tatoti kathanakāraṇā abhihariṃsūti sambandho. Tenāti abhiharaṇahetunā.
д̇зсанд̇и чаб̣б̣аг̇г̇ияаанам̣. д̇аасууд̇и бхигкунийсу. ‘‘бхигкунияо’’д̇ибад̣̇ам̣ ‘‘убасан̇гамид̇ваа’’д̇ибад̣̇з гаммам̣. чаб̣б̣аг̇г̇ияаанам̣ бхигкунийсу убасан̇гаманам̣ лаабхад̇ан̣хааяа ход̇и, бхигкунийнам̣ чаб̣б̣аг̇г̇ийсу убасан̇гаманам̣ жалажид̇д̇ад̇ааяа ход̇ийд̇и ан̃н̃аман̃н̃уубасан̇гаманд̇аанам̣ висзсо. д̇иражчаанабхууд̇аа гат̇аа д̇иражчаанагат̇аа нирад̇т̇агагат̇аад̇и д̣̇ассзнд̇о ааха ‘‘д̇иражчаанагат̇анд̇ий’’д̇и. саг̇г̇амаг̇г̇аг̇аманзбийд̇и бисад̣̇д̣̇о могкаг̇аманз бана гаа наама гат̇аад̇и д̣̇ассзд̇и. рааж̇аано аараб̣бха бавад̇д̇аа гат̇аа рааж̇агат̇аа. аад̣̇исад̣̇д̣̇зна жорагат̇аад̣̇аяо сан̇г̇ан̣хаад̇и.
Tesanti chabbaggiyānaṃ. Tāsūti bhikkhunīsu. ‘‘Bhikkhuniyo’’tipadaṃ ‘‘upasaṅkamitvā’’tipade kammaṃ. Chabbaggiyānaṃ bhikkhunīsu upasaṅkamanaṃ lābhataṇhāya hoti, bhikkhunīnaṃ chabbaggīsu upasaṅkamanaṃ calacittatāya hotīti aññamaññūpasaṅkamantānaṃ viseso. Tiracchānabhūtā kathā tiracchānakathā niratthakakathāti dassento āha ‘‘tiracchānakathantī’’ti. Saggamaggagamanepīti pisaddo mokkhagamane pana kā nāma kathāti dasseti. Rājāno ārabbha pavattā kathā rājakathā. Ādisaddena corakathādayo saṅgaṇhāti.
147. д̇з бхигкууд̇и чаб̣б̣аг̇г̇ияаа бхигкуу бхавзяяунд̇и самб̣анд̇хо. ад̣̇идтам̣ сажжам̣ язхийд̇и ад̣̇идтасажжаа, д̇зсам̣ бхааво ад̣̇идтасажжад̇д̇ам̣, д̇асмаа ад̣̇идтасажжад̇д̇аа б̣анд̇хид̇ваад̇и яож̇анаа. нзсанд̇и чаб̣б̣аг̇г̇ияаанам̣. ан̃н̃знзва убааязнаад̇и алад̣̇д̇хасаммуд̇ид̇о ан̃н̃знзва лад̣̇д̇хасаммуд̇исан̇каад̇зна гааран̣зна гад̇д̇угаамод̇и самб̣анд̇хо. барад̇од̇и барасмим̣ бажчаа, убарийд̇и ад̇т̇о. гаронд̇о ваад̇и бариб̣аахирз гаронд̇о зва худ̇ваа аахаад̇и яож̇анаа. хийд̇и сажжам̣, яасмаа ваа. яасмаа на бхууд̇абуб̣б̣аани, ид̇и д̇асмаа бариб̣аахирам̣ гаронд̇о ваад̇и ад̇т̇о.
147.Te bhikkhūti chabbaggiyā bhikkhū bhaveyyunti sambandho. Adiṭṭhaṃ saccaṃ yehīti adiṭṭhasaccā, tesaṃ bhāvo adiṭṭhasaccattaṃ, tasmā adiṭṭhasaccattā bandhitvāti yojanā. Nesanti chabbaggiyānaṃ. Aññeneva upāyenāti aladdhasammutito aññeneva laddhasammutisaṅkhātena kāraṇena kattukāmoti sambandho. Paratoti parasmiṃ pacchā, uparīti attho. Karonto vāti paribāhire karonto eva hutvā āhāti yojanā. Hīti saccaṃ, yasmā vā. Yasmā na bhūtapubbāni, iti tasmā paribāhiraṃ karonto vāti attho.
д̇ад̇т̇аад̇и ‘‘ануж̇аанаамий’’д̇иаад̣̇иважанз. сийлаваад̇и зд̇т̇а ванд̇усад̣̇д̣̇о басам̣сад̇т̇з жа ад̇исаяад̇т̇з жа нижжаяог̇ад̇т̇з жа ход̇и. д̇ассаад̇и лад̣̇д̇хасаммуд̇игасса. д̇анд̇и сийлам̣. баад̇имогкасам̣варасад̣̇д̣̇аанам̣ гаммад̇хаараяабхаавам̣, д̇зхи жа сам̣вуд̇асад̣̇д̣̇асса д̇аббурисабхаавам̣ д̣̇ассзд̇ум̣ вуд̇д̇ам̣ ‘‘баад̇имогковаа’’д̇иаад̣̇и. д̇ад̇т̇а звасад̣̇д̣̇зна гаммад̇хаараяабхаавам̣, знасад̣̇д̣̇зна жа д̇аббурисабхаавам̣ д̣̇ассзд̇ийд̇и д̣̇адтаб̣б̣ам̣.
Tatthāti ‘‘anujānāmī’’tiādivacane. Sīlavāti ettha vantusaddo pasaṃsatthe ca atisayatthe ca niccayogatthe ca hoti. Tassāti laddhasammutikassa. Tanti sīlaṃ. Pātimokkhasaṃvarasaddānaṃ kammadhārayabhāvaṃ, tehi ca saṃvutasaddassa tappurisabhāvaṃ dassetuṃ vuttaṃ ‘‘pātimokkhovā’’tiādi. Tattha evasaddena kammadhārayabhāvaṃ, enasaddena ca tappurisabhāvaṃ dassetīti daṭṭhabbaṃ.
вад̇д̇ад̇ийд̇и ад̇д̇абхаавам̣ бавад̇д̇зд̇и. гаарид̇абажжаяо хи ад̣̇ассанам̣ г̇ад̇о. иминаа ирияаабат̇авихаара д̣̇иб̣б̣авихаара б̣рахмавихаара арияавихаарзсу жад̇уусу вихаарзсу ад̇д̇абхаававад̇д̇анам̣ ирияаабат̇авихаарам̣ д̣̇ассзд̇и. хийд̇и сажжам̣. зд̇анд̇и ‘‘баад̇имогкасам̣варасам̣вуд̇о вихарад̇ий’’д̇иважанам̣. вибхан̇г̇зд̇и жхаанавибхан̇г̇з.
Vattatīti attabhāvaṃ pavatteti. Kāritapaccayo hi adassanaṃ gato. Iminā iriyāpathavihāra dibbavihāra brahmavihāra ariyavihāresu catūsu vihāresu attabhāvavattanaṃ iriyāpathavihāraṃ dasseti. Hīti saccaṃ. Etanti ‘‘pātimokkhasaṃvarasaṃvuto viharatī’’tivacanaṃ. Vibhaṅgeti jhānavibhaṅge.
‘‘сийла’’нд̇иаад̣̇ийни адта бад̣̇аани д̇уляаад̇хигаран̣аани. аяам̣ банзд̇т̇а самб̣анд̇хо – сийлам̣ гусалаанам̣ д̇хаммаанам̣ самаабад̇д̇ияаа бад̇идтаа аад̣̇и жаран̣ам̣ сам̣яамо сам̣варо могкам̣ бамогканд̇и. самаабад̇д̇ияаад̇и самаабад̇д̇ад̇т̇ааяа. ‘‘убзд̇о’’д̇иаад̣̇ийни сад̇д̇а бад̣̇аани ан̃н̃аман̃н̃авзважанаани. д̇ад̇т̇а убабаннод̇и яуд̇д̇о ануяуд̇д̇о. саманнааг̇ад̇од̇и саманд̇ад̇о ану бунаббунам̣ ааг̇ад̇од̇и саманнааг̇ад̇о, саман̇г̇ийбхууд̇од̇и ад̇т̇о. зд̇т̇а хи сам̣сад̣̇д̣̇о саманд̇ад̇т̇аваажаго, анусад̣̇д̣̇о наубажчиннад̇т̇аваажаго. д̇знаад̇и д̇зна гааран̣зна. баалзд̇ийд̇и ад̇д̇абхаавам̣ б̣аад̇ханад̇о рагкад̇и. яабзд̇ийд̇и ад̇д̇абхааво бавад̇д̇ад̇и. яаабзд̇ийд̇и ад̇д̇абхаавам̣ бавад̇д̇аабзд̇и. яаба яаабанз. яаабанам̣ бавад̇д̇ананд̇и хи д̇хаад̇убаатзсу вуд̇д̇ам̣ (сад̣̇д̣̇анийд̇ид̇хаад̇умаалааяам̣ 18 багааранд̇ад̇хаад̇у). вихарад̇ийд̇и зд̇т̇а зго аагаарад̇т̇аваажаго ид̇исад̣̇д̣̇о луд̇д̇анид̣̇д̣̇идто, ид̇и вужжад̇и, ид̇и вуд̇д̇анд̇и ваа яож̇анаа.
‘‘Sīla’’ntiādīni aṭṭha padāni tulyādhikaraṇāni. Ayaṃ panettha sambandho – sīlaṃ kusalānaṃ dhammānaṃ samāpattiyā patiṭṭhā ādi caraṇaṃ saṃyamo saṃvaro mokkhaṃ pamokkhanti. Samāpattiyāti samāpattatthāya. ‘‘Upeto’’tiādīni satta padāni aññamaññavevacanāni. Tattha upapannoti yutto anuyutto. Samannāgatoti samantato anu punappunaṃ āgatoti samannāgato, samaṅgībhūtoti attho. Ettha hi saṃsaddo samantatthavācako, anusaddo naupacchinnatthavācako. Tenāti tena kāraṇena. Pāletīti attabhāvaṃ bādhanato rakkhati. Yapetīti attabhāvo pavattati. Yāpetīti attabhāvaṃ pavattāpeti. Yapa yāpane. Yāpanaṃ pavattananti hi dhātupāṭhesu vuttaṃ (saddanītidhātumālāyaṃ 18 pakārantadhātu). Viharatīti ettha eko ākāratthavācako itisaddo luttaniddiṭṭho, iti vuccati, iti vuttanti vā yojanā.
аажаараг̇ожарасад̣̇д̣̇аанам̣ д̣̇ванд̣̇абхаавам̣, д̇зхи жа самбаннасад̣̇д̣̇асса д̇аббурисабхаавам̣ д̣̇ассзнд̇о ааха ‘‘аажаараг̇ожарасамбанно’’д̇иаад̣̇и. д̇ад̇т̇а жасад̣̇д̣̇зна д̣̇ванд̣̇абхаавам̣, знасад̣̇д̣̇зна жа д̇аббурисабхаавам̣ д̣̇ассзд̇и. ан̣усад̣̇д̣̇о аббад̇т̇о, мад̇д̇асад̣̇д̣̇о бамаан̣ад̇т̇од̇и ааха ‘‘аббамад̇д̇агзсуу’’д̇и. ‘‘д̣̇ассанасийло’’д̇ииминаа ‘‘д̣̇ассаавий’’д̇изд̇т̇а аавийсад̣̇д̣̇асса д̇ассийлад̇т̇абхаавам̣ д̣̇ассзд̇и. ‘‘самаад̣̇ааяаа’’д̇и зд̇т̇а сам̣буб̣б̣ааабуб̣б̣асса д̣̇аасад̣̇д̣̇асса гаммаабзгкад̇д̇аа д̇асса гаммам̣ д̣̇ассзд̇ум̣ вуд̇д̇ам̣ ‘‘д̇ам̣ д̇ам̣ сигкаабад̣̇а’’нд̇и. иминаа ‘‘сигкаабад̣̇зсуу’’д̇и убаяог̇ад̇т̇з бхуммаважананд̇и д̣̇ассзд̇и. ат̇а ваа сигкаабад̣̇зсууд̇и нид̣̇д̇хааран̣ад̇т̇з бхуммаважанамзд̇ам̣. ‘‘д̇ам̣ д̇ам̣ сигкаабад̣̇а’’нд̇и гаммам̣ бана аж̇жхаахарид̇аб̣б̣анд̇и д̣̇ассзд̇и. ‘‘самаад̣̇ааяаа’’д̇и зд̇т̇а сам̣сад̣̇д̣̇асса жа аабуб̣б̣асса д̣̇аасад̣̇д̣̇асса жа яагаарасса жа ад̇т̇ам̣ д̣̇ассзд̇ум̣ ‘‘саад̇хугам̣ г̇ахзд̇ваа’’д̇и вуд̇д̇ам̣. зд̇т̇аад̇и имиссам̣ адтагат̇ааяам̣. вид̇т̇ааро бана г̇ахзд̇аб̣б̣од̇и яож̇анаа. яод̇и гулабуд̇д̇о.
Ācāragocarasaddānaṃ dvandabhāvaṃ, tehi ca sampannasaddassa tappurisabhāvaṃ dassento āha ‘‘ācāragocarasampanno’’tiādi. Tattha casaddena dvandabhāvaṃ, enasaddena ca tappurisabhāvaṃ dasseti. Aṇusaddo appattho, mattasaddo pamāṇatthoti āha ‘‘appamattakesū’’ti. ‘‘Dassanasīlo’’tiiminā ‘‘dassāvī’’tiettha āvīsaddassa tassīlatthabhāvaṃ dasseti. ‘‘Samādāyā’’ti ettha saṃpubbaāpubbassa dāsaddassa kammāpekkhattā tassa kammaṃ dassetuṃ vuttaṃ ‘‘taṃ taṃ sikkhāpada’’nti. Iminā ‘‘sikkhāpadesū’’ti upayogatthe bhummavacananti dasseti. Atha vā sikkhāpadesūti niddhāraṇatthe bhummavacanametaṃ. ‘‘Taṃ taṃ sikkhāpada’’nti kammaṃ pana ajjhāharitabbanti dasseti. ‘‘Samādāyā’’ti ettha saṃsaddassa ca āpubbassa dāsaddassa ca yakārassa ca atthaṃ dassetuṃ ‘‘sādhukaṃ gahetvā’’ti vuttaṃ. Etthāti imissaṃ aṭṭhakathāyaṃ. Vitthāro pana gahetabboti yojanā. Yoti kulaputto.
ассаад̇и лад̣̇д̇хасаммуд̇игасса. яам̣ д̇ам̣ б̣аху суд̇ам̣ наама ад̇т̇и, д̇ам̣ на суд̇амад̇д̇амзваад̇и яож̇анаа. ман̃ж̇уусааяанд̇и бзл̣ааяам̣. саа хи саамигасса сад̇ханад̇д̇ам̣ ман̃н̃ад̇з имааяаад̇и ‘‘ман̃ж̇уусаа’’д̇и вужжад̇и. ман̃ж̇уусааяам̣ рад̇анам̣ саннижид̇ам̣ вияа суд̇ам̣ саннижид̇ам̣ асмим̣ буг̇г̇алзд̇и яож̇анаа, зд̇знаад̇и ‘‘саннижид̇а’’нд̇ибад̣̇зна, д̣̇ассзд̇ийд̇и самб̣анд̇хо. сод̇и лад̣̇д̇хасаммуд̇иго бхигку. саннижид̇арад̇анассзваад̇и саннижид̇арад̇анасса ива. д̇анд̇и ‘‘яз д̇з д̇хаммаа’’д̇иаад̣̇иважанам̣. зд̇т̇аад̇и имасмим̣ сигкаабад̣̇з. ассаад̇и лад̣̇д̇хасаммуд̇игасса бхигкуно. д̇ад̇т̇аад̇и ‘‘важасаа барижид̇аа’’д̇иаад̣̇иважанз. звамад̇т̇о взд̣̇ид̇аб̣б̣од̇и яож̇анаа. баг̇ун̣аад̇и уж̇угаа. уж̇уго хи аж̇имхад̇д̇аа багадто уд̇д̇амо г̇ун̣од̇и ад̇т̇зна ‘‘баг̇ун̣о’’д̇и вужжад̇и. анубзгкид̇аад̇и бунаббунам̣ убаг̇анд̇ваа игкид̇аа, бассид̇аа д̣̇ассид̇аад̇и ад̇т̇о. ад̇т̇ад̇од̇и абхид̇хзяяад̇т̇ад̇о, адтагат̇аад̇од̇и ад̇т̇о. гааран̣ад̇од̇и д̇хаммад̇о, баал̣ид̇од̇и ад̇т̇о. д̣̇идтисад̣̇д̣̇асса бан̃н̃аасад̣̇д̣̇авзважанад̇д̇аа ‘‘бан̃н̃ааяаа’’д̇и вуд̇д̇ам̣. субажжагкагад̇аад̇и судту агкаанам̣ инд̣̇рияаанам̣ бадимукам̣ гад̇аа.
Assāti laddhasammutikassa. Yaṃ taṃ bahu sutaṃ nāma atthi, taṃ na sutamattamevāti yojanā. Mañjūsāyanti peḷāyaṃ. Sā hi sāmikassa sadhanattaṃ maññate imāyāti ‘‘mañjūsā’’ti vuccati. Mañjūsāyaṃ ratanaṃ sannicitaṃ viya sutaṃ sannicitaṃ asmiṃ puggaleti yojanā, etenāti ‘‘sannicita’’ntipadena, dassetīti sambandho. Soti laddhasammutiko bhikkhu. Sannicitaratanassevāti sannicitaratanassa iva. Tanti ‘‘ye te dhammā’’tiādivacanaṃ. Etthāti imasmiṃ sikkhāpade. Assāti laddhasammutikassa bhikkhuno. Tatthāti ‘‘vacasā paricitā’’tiādivacane. Evamattho veditabboti yojanā. Paguṇāti ujukā. Ujuko hi ajimhattā pakaṭṭho uttamo guṇoti atthena ‘‘paguṇo’’ti vuccati. Anupekkhitāti punappunaṃ upagantvā ikkhitā, passitā dassitāti attho. Atthatoti abhidheyyatthato, aṭṭhakathātoti attho. Kāraṇatoti dhammato, pāḷitoti attho. Diṭṭhisaddassa paññāsaddavevacanattā ‘‘paññāyā’’ti vuttaṃ. Supaccakkhakatāti suṭṭhu akkhānaṃ indriyānaṃ paṭimukhaṃ katā.
‘‘б̣ахуссуд̇о’’д̇и зд̇т̇а б̣ахуссуд̇асса д̇ивид̇хабхаавам̣ д̣̇ассзнд̇о ааха ‘‘аяам̣ банаа’’д̇иаад̣̇и. ниссаяад̇о мужжад̇ийд̇и ниссаяамужжанаго. барисам̣ убадтаабзд̇ийд̇и барисубадтааго. бхигкунияо овад̣̇ад̇ийд̇и бхигкуноваад̣̇аго. д̇ад̇т̇аад̇и д̇ивид̇хзсу б̣ахуссуд̇зсу. ниссаяамужжанагзна зд̇д̇агам̣ уг̇г̇ахзд̇аб̣б̣анд̇и самб̣анд̇хо. убасамбад̣̇ааяаад̇и убасамбаад̣̇зд̇ваа. бан̃жа вассаани зд̇ассаад̇и бан̃жавассо. д̇зна уг̇г̇ахзд̇аб̣б̣анд̇и яож̇анаа. саб̣б̣анд̇имзнаад̇и саб̣б̣зсам̣ барижчзд̣̇аанам̣ анд̇з лаамагз бавад̇д̇зна. баг̇ун̣аад̇и аж̇имхаа уж̇угаа. ваажуг̇г̇ад̇аад̇и д̇ассзва взважанам̣. яасса хи баал̣ибаатаа саж̇жхааяанагаалз баг̇ун̣аа хонд̇и, д̇асса ваажуг̇г̇ад̇аа. яасса ваа бана ваажуг̇г̇ад̇аа хонд̇и, д̇асса баг̇ун̣аа. д̇асмаа д̇аани бад̣̇аани ан̃н̃аман̃н̃агааран̣авзважанаани. багкад̣̇ивасзсууд̇и ж̇ун̣хабагкагаал̣абагкабарияаабаннзсу д̣̇ивасзсу. д̇хаммасааванад̇т̇ааяаад̇и самбад̇д̇аанам̣ барисаанам̣ д̇хаммасса сааванад̇т̇ааяа сун̣аабанад̇т̇ааяаад̇и ад̇хиббааяо. сааванад̇т̇ааяаад̇и зд̇т̇а яубажжаяабарад̇д̇аа гаарид̇абажжаяо лобо ход̇ийд̇и д̣̇адтаб̣б̣ам̣. д̇асмаа саавийяад̇з сун̣аабийяад̇з саавананд̇и важанад̇т̇о гаад̇аб̣б̣о. бхаан̣аваараа уг̇г̇ахзд̇аб̣б̣аад̇и самб̣анд̇хо. самбад̇д̇аананд̇и ад̇д̇ано санд̇игам̣ самбад̇д̇аанам̣. баригат̇анад̇т̇ааяаад̇и бариссан̇г̇зна аалин̇г̇анзна гат̇анад̇т̇ам̣, аббасад̣̇д̣̇асан̇каад̇ааяа ваажааяа гат̇анад̇т̇анд̇и ад̇т̇о. ‘‘гат̇аамаг̇г̇о’’д̇и вуд̇д̇ад̇д̇аа вад̇т̇угат̇ааязва ад̇хиббзд̇аа, на суд̇д̇асан̇каад̇о баал̣ибаато. ану бажчаа, бунаббунам̣ ваа д̣̇ааяагаа мод̣̇анд̇и зд̇ааяаад̇и анумод̣̇анаа. жхаанам̣ ваа маг̇г̇о ваа палам̣ ваа саман̣ад̇хаммо наама. д̇асса гаран̣ад̇т̇ам̣ уг̇г̇ахзд̇аб̣б̣анд̇и яож̇анаа. хийд̇и сажжам̣, яасмаа ваа. жад̇уусу д̣̇исаасу абадихад̇од̇и жаад̇уд̣̇д̣̇исо, абадихад̇ад̇т̇з н̣абажжаяо.
‘‘Bahussuto’’ti ettha bahussutassa tividhabhāvaṃ dassento āha ‘‘ayaṃ panā’’tiādi. Nissayato muccatīti nissayamuccanako. Parisaṃ upaṭṭhāpetīti parisupaṭṭhāko. Bhikkhuniyo ovadatīti bhikkhunovādako. Tatthāti tividhesu bahussutesu. Nissayamuccanakena ettakaṃ uggahetabbanti sambandho. Upasampadāyāti upasampādetvā. Pañca vassāni etassāti pañcavasso. Tena uggahetabbanti yojanā. Sabbantimenāti sabbesaṃ paricchedānaṃ ante lāmake pavattena. Paguṇāti ajimhā ujukā. Vācuggatāti tasseva vevacanaṃ. Yassa hi pāḷipāṭhā sajjhāyanakāle paguṇā honti, tassa vācuggatā. Yassa vā pana vācuggatā honti, tassa paguṇā. Tasmā tāni padāni aññamaññakāraṇavevacanāni. Pakkhadivasesūti juṇhapakkhakāḷapakkhapariyāpannesu divasesu. Dhammasāvanatthāyāti sampattānaṃ parisānaṃ dhammassa sāvanatthāya suṇāpanatthāyāti adhippāyo. Sāvanatthāyāti ettha yupaccayaparattā kāritapaccayo lopo hotīti daṭṭhabbaṃ. Tasmā sāvīyate suṇāpīyate sāvananti vacanattho kātabbo. Bhāṇavārā uggahetabbāti sambandho. Sampattānanti attano santikaṃ sampattānaṃ. Parikathanatthāyāti parissaṅgena āliṅganena kathanatthaṃ, appasaddasaṅkhātāya vācāya kathanatthanti attho. ‘‘Kathāmaggo’’ti vuttattā vatthukathāyeva adhippetā, na suttasaṅkhāto pāḷipāṭho. Anu pacchā, punappunaṃ vā dāyakā modanti etāyāti anumodanā. Jhānaṃ vā maggo vā phalaṃ vā samaṇadhammo nāma. Tassa karaṇatthaṃ uggahetabbanti yojanā. Hīti saccaṃ, yasmā vā. Catūsu disāsu apaṭihatoti cātuddiso, apaṭihatatthe ṇapaccayo.
барисубадтаабагзна гаад̇аб̣б̣аад̇и яож̇анаа. абхивинаязд̇и ан̃н̃аман̃н̃абарижчиннз винаяабидагз. д̣̇вз вибхан̇г̇аад̇и бхигкувибхан̇г̇о жа бхигкунивибхан̇г̇о жа. асаггонд̇зна барисубадтаабагзна бхигкунаад̇и самб̣анд̇хо. звам̣ ад̇д̇ано ад̇т̇ааяа уг̇г̇ахзд̇аб̣б̣ам̣ д̣̇ассзд̇ваа ид̣̇аани барисааяа ад̇т̇ааяа уг̇г̇ахзд̇аб̣б̣ам̣ д̣̇ассзнд̇о ааха ‘‘барисааяа банаа’’д̇иаад̣̇и. абхид̇хаммзд̇и ан̃н̃аман̃н̃абарижчиннз суд̇д̇анд̇абидагз зва, на абхид̇хаммабидагз. д̇аяо ваг̇г̇аад̇и саг̇аат̇ааваг̇г̇о нид̣̇аанаваг̇г̇о канд̇хаваг̇г̇од̇и д̇аяо ваг̇г̇аа. ваасад̣̇д̣̇о анияамавигаббад̇т̇о. зганд̇и згам̣ нибаад̇ам̣. д̇ад̇о д̇ад̇од̇и нигааяад̇о. самужжаяам̣ гад̇ваад̇и раасим̣ гад̇ваа. на вуд̇д̇анд̇и адтагат̇аасу на гат̇ид̇ам̣. яасса бана над̇т̇и, со на лабхад̇ийд̇и яож̇анаа. суд̇д̇анд̇з жаад̇и суд̇д̇анд̇абидагз бана. уг̇г̇ахид̇од̇и саруубагат̇анзна г̇ахид̇о, ужжаарид̇од̇и ад̇т̇о. д̣̇исаабаамогкод̇и д̣̇исаасу тид̇аанам̣ бхигкуаад̣̇ийнам̣ баамогко. язна гаамам̣ г̇амод̇и яат̇аагаамам̣ г̇амо.
Parisupaṭṭhāpakena kātabbāti yojanā. Abhivinayeti aññamaññaparicchinne vinayapiṭake. Dve vibhaṅgāti bhikkhuvibhaṅgo ca bhikkhunivibhaṅgo ca. Asakkontena parisupaṭṭhāpakena bhikkhunāti sambandho. Evaṃ attano atthāya uggahetabbaṃ dassetvā idāni parisāya atthāya uggahetabbaṃ dassento āha ‘‘parisāya panā’’tiādi. Abhidhammeti aññamaññaparicchinne suttantapiṭake eva, na abhidhammapiṭake. Tayo vaggāti sagāthāvaggo nidānavaggo khandhavaggoti tayo vaggā. Vāsaddo aniyamavikappattho. Ekanti ekaṃ nipātaṃ. Tato tatoti nikāyato. Samuccayaṃ katvāti rāsiṃ katvā. Na vuttanti aṭṭhakathāsu na kathitaṃ. Yassa pana natthi, so na labhatīti yojanā. Suttante cāti suttantapiṭake pana. Uggahitoti sarūpakathanena gahito, uccāritoti attho. Disāpāmokkhoti disāsu ṭhitānaṃ bhikkhuādīnaṃ pāmokkho. Yena kāmaṃ gamoti yathākāmaṃ gamo.
жад̇уусу нигааязсууд̇и куд̣̇д̣̇аганигааяад̇о ан̃н̃зсу д̣̇ийгханигааяаад̣̇ийсу. згассаад̇и ан̃н̃ад̇арасса згасса . зганигааязнаад̇и згасмим̣ нигааяз лад̣̇д̇ханаязна. хийд̇и сажжам̣, яасмаа ваа. д̇ад̇т̇аад̇и жад̇уббагаран̣асса адтагат̇ааяам̣. наанад̇т̇анд̇и наанаабаяож̇анам̣. д̇анд̇и винаяабидагам̣. зд̇д̇аавад̇аад̇и зд̇д̇агабамаан̣зна баг̇ун̣зна. ход̇ийд̇и ид̇исад̣̇д̣̇о барисамаабанад̇т̇о. ид̇и барисамаабанам̣ взд̣̇ид̇аб̣б̣анд̇и яож̇анаа.
Catūsu nikāyesūti khuddakanikāyato aññesu dīghanikāyādīsu. Ekassāti aññatarassa ekassa . Ekanikāyenāti ekasmiṃ nikāye laddhanayena. Hīti saccaṃ, yasmā vā. Tatthāti catuppakaraṇassa aṭṭhakathāyaṃ. Nānatthanti nānāpayojanaṃ. Tanti vinayapiṭakaṃ. Ettāvatāti ettakapamāṇena paguṇena. Hotīti itisaddo parisamāpanattho. Iti parisamāpanaṃ veditabbanti yojanā.
убхаяаани ко банассаад̇и аад̣̇и бана вуд̇д̇анд̇и самб̣анд̇хо. ан̃н̃асминд̇и винаяабидагад̇о ид̇арасмим̣. д̇ад̇т̇аад̇и ‘‘убхаяаани ко банассаа’’д̇иаад̣̇иважанз. яат̇аа язнаагаарзна ааг̇ад̇аани, д̇ам̣ аагаарам̣ д̣̇ассзд̇унд̇и яож̇анаа. бад̣̇абажжаабхадтасан̇гарад̣̇осавирахид̇аанийд̇и бад̣̇аанам̣ бажжаабхадтасан̇гарабхууд̇зхи д̣̇осзхи вирахид̇аани. зд̇т̇а жа бад̣̇абажжаабхадтанд̇и бад̣̇аанам̣ бадинивад̇д̇ид̇ваа аабхассанам̣ г̇ал̣анам̣, жуд̇анд̇и ад̇т̇о. бад̣̇асан̇гаранд̇и бад̣̇аанам̣ вибад̇д̇и, винаасод̇и ад̇т̇о. ‘‘суд̇д̇асо’’д̇и сааман̃н̃ад̇о вуд̇д̇зби канд̇хагабариваарасуд̇д̇ам̣ зва г̇ахзд̇аб̣б̣анд̇и ааха ‘‘канд̇хагабариваарад̇о’’д̇и. ануб̣яан̃ж̇анасод̇и зд̇т̇а б̣яан̃ж̇анасад̣̇д̣̇о агкарасса жа бад̣̇асса жа ваажагод̇и ааха ‘‘агкарабад̣̇абаарибуурияаа жаа’’д̇и. хийд̇и сажжам̣, яасмаа ваа.
Ubhayāni kho panassāti ādi pana vuttanti sambandho. Aññasminti vinayapiṭakato itarasmiṃ. Tatthāti ‘‘ubhayāni kho panassā’’tiādivacane. Yathā yenākārena āgatāni, taṃ ākāraṃ dassetunti yojanā. Padapaccābhaṭṭhasaṅkaradosavirahitānīti padānaṃ paccābhaṭṭhasaṅkarabhūtehi dosehi virahitāni. Ettha ca padapaccābhaṭṭhanti padānaṃ paṭinivattitvā ābhassanaṃ gaḷanaṃ, cutanti attho. Padasaṅkaranti padānaṃ vipatti, vināsoti attho. ‘‘Suttaso’’ti sāmaññato vuttepi khandhakaparivārasuttaṃ eva gahetabbanti āha ‘‘khandhakaparivārato’’ti. Anubyañjanasoti ettha byañjanasaddo akkharassa ca padassa ca vācakoti āha ‘‘akkharapadapāripūriyā cā’’ti. Hīti saccaṃ, yasmā vā.
‘‘сит̇илад̇ханид̇аад̣̇ийна’’нд̇ибад̣̇ам̣ ‘‘важанзнаа’’д̇ибад̣̇з гаммам̣, ‘‘важанзнаа’’д̇ибад̣̇ам̣ ‘‘самбаннааг̇ад̇о’’д̇ибад̣̇з хзд̇у, ‘‘виссадтааяа анзлаг̇ал̣ааяа ад̇т̇асса вин̃н̃аабанияаа’’д̇ибад̣̇аани ‘‘ваажааяаа’’д̇ибад̣̇з висзсанаани. сит̇илад̇ханид̇аад̣̇ийнанд̇и аад̣̇исад̣̇д̣̇зна ниг̇г̇ахид̇авимуд̇д̇асамб̣анд̇хававад̇т̇ид̇ад̣̇ийгха расса г̇ару лаху сан̇каад̇аа адта б̣яан̃ж̇анаб̣уд̣̇д̇хияо сан̇г̇ан̣хаад̇и. яат̇аавид̇хаанаважанзнаад̇и агкаражинд̇агаанам̣ яат̇аа сам̣вид̣̇аханаважанзна. ваажааязва гарийяад̇и гат̇ийяад̇и ужжаарийяад̇и вааггаран̣ам̣ жагаарасса гагаарам̣ гад̇ваа. хийд̇и д̇ад̣̇зва яуд̇д̇ам̣. маад̇уг̇аамо яасмаа сарасамбад̇д̇ирад̇о, д̇асмаа хийл̣зд̇ийд̇и яож̇анаа. ‘‘сарасамбад̇д̇ирахид̇а’’нд̇ибад̣̇ам̣ ‘‘важана’’нд̇ибад̣̇з висзсанабхаавзна висзсам̣ гад̇ваа ‘‘хийл̣зд̇ий’’д̇ибад̣̇з хзд̇убхаавзна самбаж̇ж̇анад̇о хзд̇уанд̇ог̇ад̇хависзсананд̇и д̣̇адтаб̣б̣ам̣. саб̣б̣аасанд̇и бхигкунийнам̣. ‘‘сийлаажаарасамбад̇д̇ияаа’’д̇ииминаа ж̇аад̇и г̇од̇д̇а рууба бхог̇аад̣̇инаад̇иад̇т̇ам̣ нивад̇д̇зд̇и. гааран̣ан̃жаад̇и адтагат̇ан̃жа. д̇аж̇ж̇зд̇ваад̇и уб̣б̣зж̇зд̇ваа. д̇аасанд̇и бхигкунийнам̣. г̇ихигаалзд̇и бхигкуноваад̣̇агасса г̇ихигаалз анаж̇жхаабаннабуб̣б̣о ход̇ийд̇и самб̣анд̇хо. хи д̇ад̣̇зва яуд̇д̇ам̣. ‘‘маад̇уг̇аамо’’д̇ибад̣̇ам̣ ‘‘на гарод̇ий’’д̇ибад̣̇з суд̣̇д̇хагад̇д̇аа, ‘‘уббаад̣̇зд̇ий’’д̇ибад̣̇з хзд̇угад̇д̇аа. тид̇асса бхигкуно д̇хаммад̣̇зсанааяаабийд̇и яож̇анаа. абисад̣̇д̣̇о г̇арахад̇т̇о. висабхааг̇зхийд̇и вируд̣̇д̇хзхи вад̇т̇аарамман̣зхи. аяуд̇д̇адтаанзд̇и баб̣б̣аж̇ид̇аанам̣ анануруубадтаанз. чанд̣̇арааг̇анд̇и б̣алавад̇ан̣хам̣. д̇знаад̇и д̇зна хзд̇унаа.
‘‘Sithiladhanitādīna’’ntipadaṃ ‘‘vacanenā’’tipade kammaṃ, ‘‘vacanenā’’tipadaṃ ‘‘sampannāgato’’tipade hetu, ‘‘vissaṭṭhāya anelagaḷāya atthassa viññāpaniyā’’tipadāni ‘‘vācāyā’’tipade visesanāni. Sithiladhanitādīnanti ādisaddena niggahitavimuttasambandhavavatthitadīgha rassa garu lahu saṅkhātā aṭṭha byañjanabuddhiyo saṅgaṇhāti. Yathāvidhānavacanenāti akkharacintakānaṃ yathā saṃvidahanavacanena. Vācāyeva karīyati kathīyati uccārīyati vākkaraṇaṃ cakārassa kakāraṃ katvā. Hīti tadeva yuttaṃ. Mātugāmo yasmā sarasampattirato, tasmā hīḷetīti yojanā. ‘‘Sarasampattirahita’’ntipadaṃ ‘‘vacana’’ntipade visesanabhāvena visesaṃ katvā ‘‘hīḷetī’’tipade hetubhāvena sampajjanato hetuantogadhavisesananti daṭṭhabbaṃ. Sabbāsanti bhikkhunīnaṃ. ‘‘Sīlācārasampattiyā’’tiiminā jāti gotta rūpa bhogādinātiatthaṃ nivatteti. Kāraṇañcāti aṭṭhakathañca. Tajjetvāti ubbejetvā. Tāsanti bhikkhunīnaṃ. Gihikāleti bhikkhunovādakassa gihikāle anajjhāpannapubbo hotīti sambandho. Hi tadeva yuttaṃ. ‘‘Mātugāmo’’tipadaṃ ‘‘na karotī’’tipade suddhakattā, ‘‘uppādetī’’tipade hetukattā. Ṭhitassa bhikkhuno dhammadesanāyāpīti yojanā. Apisaddo garahattho. Visabhāgehīti viruddhehi vatthārammaṇehi. Ayuttaṭṭhāneti pabbajitānaṃ ananurūpaṭṭhāne. Chandarāganti balavataṇhaṃ. Tenāti tena hetunā.
‘‘зд̇т̇а жаа’’д̇иаад̣̇имхи аяам̣ бана сан̇г̇ахо –
‘‘Ettha cā’’tiādimhi ayaṃ pana saṅgaho –
‘‘сийлаваа б̣ахуссуд̇о жа, свааг̇ад̇о жа суваажаго;
‘‘Sīlavā bahussuto ca, svāgato ca suvācako;
бияо бадиб̣ало жааби, наж̇жхаабанно жа вийсад̇ий’’д̇и.
Piyo paṭibalo cāpi, najjhāpanno ca vīsatī’’ti.
148. вад̇т̇усминд̇и адтуббад̇д̇ияам̣. гагааралобам̣ гад̇ваа г̇аруд̇хаммаад̇и вужжанд̇ийд̇и ааха ‘‘г̇аругзхи д̇хаммзхий’’д̇и. д̇зд̇и г̇аруд̇хаммаа. хийд̇и яасмаа. ‘‘згад̇о’’д̇и сааман̃н̃зна вуд̇д̇аважанасса висзсзна г̇ахзд̇аб̣б̣ад̇ам̣ д̣̇ассзд̇ум̣ вуд̇д̇ам̣ ‘‘бхигкунийнам̣ санд̇игз’’д̇и. яат̇аавад̇т̇угамзваад̇и баажид̇д̇ияамзва. д̇ан̃хи вад̇т̇усса аабад̇д̇игааран̣асса ануруубам̣ бавад̇д̇ад̇д̇аа ‘‘яат̇аавад̇т̇уга’’нд̇и вужжад̇и.
148.Vatthusminti aṭṭhuppattiyaṃ. Kakāralopaṃ katvā garudhammāti vuccantīti āha ‘‘garukehi dhammehī’’ti. Teti garudhammā. Hīti yasmā. ‘‘Ekato’’ti sāmaññena vuttavacanassa visesena gahetabbataṃ dassetuṃ vuttaṃ ‘‘bhikkhunīnaṃ santike’’ti. Yathāvatthukamevāti pācittiyameva. Tañhi vatthussa āpattikāraṇassa anurūpaṃ pavattattā ‘‘yathāvatthuka’’nti vuccati.
149. баад̇од̇и баг̇зва, батаманд̇и ад̇т̇о. асаммадтам̣ саммаж̇ж̇ийд̇аб̣б̣анд̇и самб̣анд̇хо. асаммаж̇ж̇анз д̣̇осам̣ баагадам̣ гаронд̇о ааха ‘‘асаммадтам̣ хий’’д̇иаад̣̇и. хийд̇и д̇аббаагадийгаран̣аж̇од̇аго. д̇анд̇и баривзн̣ам̣. д̣̇исваа бхавзяяунд̇и самб̣анд̇хо. д̇знаад̇и асод̇угаамаанам̣ вияа бхаванахзд̇унаа. баривзн̣асаммаж̇ж̇анасса аанисам̣сам̣ д̣̇ассзд̇ваа баанийяабарибхож̇анийяаубадтаанасса д̇амзва д̣̇ассзнд̇о ааха ‘‘анд̇о г̇аамад̇о банаа’’д̇и аад̣̇и. д̇асминд̇и баанийяабарибхож̇анийяз.
149.Pātoti pageva, paṭhamanti attho. Asammaṭṭhaṃ sammajjītabbanti sambandho. Asammajjane dosaṃ pākaṭaṃ karonto āha ‘‘asammaṭṭhaṃ hī’’tiādi. Hīti tappākaṭīkaraṇajotako. Tanti pariveṇaṃ. Disvā bhaveyyunti sambandho. Tenāti asotukāmānaṃ viya bhavanahetunā. Pariveṇasammajjanassa ānisaṃsaṃ dassetvā pānīyaparibhojanīyaupaṭṭhānassa tameva dassento āha ‘‘anto gāmato panā’’ti ādi. Tasminti pānīyaparibhojanīye.
саакаабхан̇г̇амбийд̇и бхан̃ж̇ид̇аб̣б̣асаакамби. д̣̇уд̇ияод̇и вин̃н̃уу бурисо д̣̇уд̇ияо. нисийд̣̇ид̇аб̣б̣адтаанам̣ д̣̇ассзнд̇о ааха ‘‘нисийд̣̇ид̇аб̣б̣а’’нд̇иаад̣̇и. ‘‘вихаарамаж̇жхз’’д̇и сааман̃н̃ад̇о вад̇ваа висзсад̇о д̣̇ассзд̇ум̣ вуд̇д̇ам̣ ‘‘д̣̇ваарз’’д̇и. осаранд̇и авасаранд̇и зд̇т̇аад̇и осаран̣ам̣, д̇ан̃жа д̇ам̣ таанан̃жзд̇и осаран̣адтаанам̣, д̇асмим̣. самаг̇г̇ад̇т̇аад̇и зд̇т̇а сам̣буб̣б̣о жа аабуб̣б̣о жа г̇амусад̣̇д̣̇о ход̇и, д̇ад̇о хияяад̇д̇анийсан̇каад̇ам̣ д̇т̇аважанам̣ ваа ход̇и, бан̃жамийсан̇каад̇асса т̇аважанасса д̇т̇ад̇д̇ам̣ ваа ход̇и, сам̣яог̇абарад̇д̇аа аа убасаг̇г̇о рассо жа ход̇и, ид̇и ад̇т̇ам̣ д̣̇ассзнд̇о ааха ‘‘саммаа ааг̇ад̇ад̇т̇аа’’д̇и. д̇ад̇т̇а ‘‘саммаа’’д̇ибад̣̇зна сам̣сад̣̇д̣̇асса ад̇т̇ам̣ д̣̇ассзд̇и, ‘‘аа’’ид̇ибад̣̇зна аад̇яуубасаг̇г̇ам̣, ‘‘г̇ад̇а’’ид̇ибад̣̇зна г̇амуд̇хаад̇ум̣, ‘‘д̇т̇а’’ид̇ибад̣̇зна хияяад̇д̇анийсан̇каад̇ам̣ д̇т̇аважанам̣ ваа, бан̃жамийсан̇каад̇асса т̇аважанасса д̇т̇ад̇д̇ам̣ ваа д̣̇ассзд̇и. аяам̣ банзд̇т̇ад̇т̇о – самам̣ д̇умхз ааг̇ад̇ад̇т̇аад̇и. бан̃жамийсан̇каад̇асса т̇аважанасса д̇т̇ад̇д̇агаалз самам̣ д̇умхз ааг̇аа ад̇т̇а бхават̇аад̇и. ‘‘ааг̇ажчанд̇ий’’д̇ибад̣̇зна ‘‘вад̇д̇анд̇ий’’д̇и зд̇т̇а вад̇уд̇хаад̇уяаа ад̇т̇ам̣ д̣̇ассзд̇и, ‘‘баг̇ун̣аа ваажуг̇г̇ад̇аа’’д̇ибад̣̇зхи ад̇хиббааяам̣ д̣̇ассзд̇и. баал̣ийд̇и г̇аруд̇хаммабаал̣и.
Sākhābhaṅgampīti bhañjitabbasākhampi. Dutiyoti viññū puriso dutiyo. Nisīditabbaṭṭhānaṃ dassento āha ‘‘nisīditabba’’ntiādi. ‘‘Vihāramajjhe’’ti sāmaññato vatvā visesato dassetuṃ vuttaṃ ‘‘dvāre’’ti. Osaranti avasaranti etthāti osaraṇaṃ, tañca taṃ ṭhānañceti osaraṇaṭṭhānaṃ, tasmiṃ. Samaggatthāti ettha saṃpubbo ca āpubbo ca gamusaddo hoti, tato hiyyattanīsaṅkhātaṃ tthavacanaṃ vā hoti, pañcamīsaṅkhātassa thavacanassa tthattaṃ vā hoti, saṃyogaparattā ā upasaggo rasso ca hoti, iti atthaṃ dassento āha ‘‘sammā āgatatthā’’ti. Tattha ‘‘sammā’’tipadena saṃsaddassa atthaṃ dasseti, ‘‘ā’’itipadena ātyūpasaggaṃ, ‘‘gata’’itipadena gamudhātuṃ, ‘‘ttha’’itipadena hiyyattanīsaṅkhātaṃ tthavacanaṃ vā, pañcamīsaṅkhātassa thavacanassa tthattaṃ vā dasseti. Ayaṃ panetthattho – samaṃ tumhe āgatatthāti. Pañcamīsaṅkhātassa thavacanassa tthattakāle samaṃ tumhe āgā attha bhavathāti. ‘‘Āgacchantī’’tipadena ‘‘vattantī’’ti ettha vatudhātuyā atthaṃ dasseti, ‘‘paguṇā vācuggatā’’tipadehi adhippāyaṃ dasseti. Pāḷīti garudhammapāḷi.
д̇ад̇т̇аад̇и д̇ассам̣ баал̣ияам̣, д̇зсу ваа абхиваад̣̇анаад̣̇ийсу жад̇уусу. маг̇г̇асамбад̣̇аананд̇и маг̇г̇ам̣ барихарид̇ваа бхигкусса огаасад̣̇аанам̣. б̣ийж̇ананд̇и б̣ийж̇анияаа вид̇хуубанам̣. баанийяаабужчананд̇и баанийяасса аабужчанам̣. аад̣̇исад̣̇д̣̇зна барибхож̇анийяаабужчанаад̣̇игам̣ сан̇г̇ан̣хаад̇и. зд̇т̇а жаад̇и зд̇зсу жад̇уусу абхиваад̣̇анаад̣̇ийсу. ‘‘анд̇о г̇аамз ваа’’д̇иаад̣̇ийни ча бад̣̇аани ‘‘гаад̇аб̣б̣амзваа’’д̇ибад̣̇з аад̇хааро. рааж̇уссааран̣ааяаад̇и ран̃н̃о аанубхаавзна ж̇анаанам̣ уссааран̣ааяа. махаабхигкусан̇гхо саннибад̇ад̇и зд̇т̇аад̇и махаасаннибаад̇ам̣, д̇асмим̣ махаасаннибаад̇з таанз нисиннз сад̇ийд̇и яож̇анаа. бажжудтаананд̇и бадигажжзва удтаанам̣. д̇ам̣ д̇анд̇и саамийжигаммам̣.
Tatthāti tassaṃ pāḷiyaṃ, tesu vā abhivādanādīsu catūsu. Maggasampadānanti maggaṃ pariharitvā bhikkhussa okāsadānaṃ. Bījananti bījaniyā vidhūpanaṃ. Pānīyāpucchananti pānīyassa āpucchanaṃ. Ādisaddena paribhojanīyāpucchanādikaṃ saṅgaṇhāti. Ettha cāti etesu catūsu abhivādanādīsu. ‘‘Anto gāme vā’’tiādīni cha padāni ‘‘kātabbamevā’’tipade ādhāro. Rājussāraṇāyāti rañño ānubhāvena janānaṃ ussāraṇāya. Mahābhikkhusaṅgho sannipatati etthāti mahāsannipātaṃ, tasmiṃ mahāsannipāte ṭhāne nisinne satīti yojanā. Paccuṭṭhānanti paṭikacceva uṭṭhānaṃ. Taṃ tanti sāmīcikammaṃ.
саггад̇ваад̇и жид̇д̇им̣ гад̇ваа, сам̣ аад̣̇арам̣ гад̇ваад̇и ад̇т̇о. д̇знааха ‘‘яат̇аа гад̇о’’д̇иаад̣̇и. д̇ин̣н̣ам̣ гижжаананд̇и ‘‘саггад̇ваа г̇арум̣гад̇ваа маанзд̇ваа’’д̇исан̇каад̇аанам̣ д̇ин̣н̣ам̣ гижжаанам̣. анийяасад̣̇д̣̇о гаммад̇т̇од̇и ааха ‘‘на ад̇иггамид̇аб̣б̣о’’д̇и.
Sakkatvāti cittiṃ katvā, saṃ ādaraṃ katvāti attho. Tenāha ‘‘yathā kato’’tiādi. Tiṇṇaṃ kiccānanti ‘‘sakkatvā garuṃkatvā mānetvā’’tisaṅkhātānaṃ tiṇṇaṃ kiccānaṃ. Anīyasaddo kammatthoti āha ‘‘na atikkamitabbo’’ti.
над̇т̇и бхигку зд̇т̇аад̇и абхигкуго ааваасо, со гид̇д̇агз таанз абхигкуго, яо ааваасо абхигкуго наама ход̇ийд̇и ааха ‘‘сажз’’д̇и аад̣̇и. ‘‘убассаяад̇о’’д̇ибад̣̇ам̣ ‘‘аб̣бханд̇арз’’д̇ибад̣̇з абаад̣̇аанам̣. зд̇т̇аад̇и абхигкугз ааваасз. хийд̇и сажжам̣. д̇ад̇од̇и ад̣дхаяож̇анаб̣бханд̇арз тид̇аааваасад̇о. баранд̇и ан̃н̃асмим̣ ааваасз, бхуммад̇т̇з жзд̇ам̣ убаяог̇аважанам̣. бажчаабхад̇д̇анд̇и бхад̇д̇ад̇о бажчаа. д̇ад̇т̇аад̇и абхигкугз ааваасз. ‘‘бхигкунияо’’д̇ибад̣̇ам̣ ‘‘вад̣̇анд̇ий’’д̇ибад̣̇з гаммам̣. вуд̇д̇аббамаан̣зд̇и ад̣дхаяож̇анаб̣бханд̇арасан̇каад̇з вуд̇д̇аббамаан̣з. саакааман̣д̣абзбийд̇и саакааяа чаад̣̇ид̇аман̣д̣абзби. бисад̣̇д̣̇зна ааваасз бана гаа наама гат̇аад̇и д̣̇ассзд̇и. вуд̇д̇аад̇и васид̇аа. зд̇д̇аавад̇аад̇и згарад̇д̇ам̣ васид̇амад̇д̇зна. зд̇т̇аад̇и сабхигкугз ааваасз. убаг̇ажчанд̇ийхи бхигкунийхи яаажид̇аб̣б̣аад̇и яож̇анаа. багкассаад̇и аасал̣хиймаасасса ж̇ун̣хабагкасса. ‘‘д̇зрасияа’’нд̇ибад̣̇зна аваяавиаваяавабхаавзна яож̇зд̇аб̣б̣ам̣. маяанд̇и амхз. яад̇од̇и язна уж̇унаа маг̇г̇знаад̇и самб̣анд̇хо. д̇знааха ‘‘д̇зна маг̇г̇знаа’’д̇и. ан̃н̃зна маг̇г̇знаад̇и уж̇умаг̇г̇ад̇о ан̃н̃зна ж̇имхамаг̇г̇зна. аяанд̇и аяам̣ ааваасо. д̇ад̇од̇и бхигкуунам̣ ааваасад̇о, бхигкуниубассаяад̇о ваа, ид̣̇амзва яуд̇д̇ад̇арам̣. вагкад̇и хи ‘‘амхаагам̣ убассаяад̇о г̇аавуд̇амад̇д̇з’’д̇и. кзмадтаанзд̇и абхаяадтаанз. д̇ан̃хи кийяанд̇и бхаяаа зд̇т̇аад̇и кзмам̣, кзман̃жа д̇ам̣ таанан̃жзд̇и кзмадтаананд̇и гад̇ваа ‘‘кзмадтаана’’нд̇и вужжад̇и. д̇аахи бхигкунийхийд̇и ад̣дхаяож̇анамад̇д̇з таанз васанд̇ийхи. д̇аа бхигкунияод̇и г̇аавуд̇амад̇д̇з таанз васанд̇ияо. анд̇араад̇и д̇умхаагам̣, амхааган̃жа ниваасанадтаанасса, ниваасанадтаанад̇о ваа анд̇арз взмаж̇жхз. бхуммад̇т̇з жзд̇ам̣ ниссаггаважанам̣. тид̇з маг̇г̇зд̇и самб̣анд̇хо ‘‘санд̇игаа’’д̇ибад̣̇ам̣ ‘‘ааг̇ад̇а’’ид̇ибад̣̇з абаад̣̇аанам̣. д̇ад̇т̇аад̇и ан̃н̃аасам̣ бхигкунийнам̣ убассаяз. ид̇и яаажид̇аб̣б̣аад̇и яож̇анаа. д̇ад̇од̇и бхигкуунам̣ яаажид̇аб̣б̣ад̇о, баранд̇и самб̣анд̇хо.
Natthi bhikkhu etthāti abhikkhuko āvāso, so kittake ṭhāne abhikkhuko, yo āvāso abhikkhuko nāma hotīti āha ‘‘sace’’ti ādi. ‘‘Upassayato’’tipadaṃ ‘‘abbhantare’’tipade apādānaṃ. Etthāti abhikkhuke āvāse. Hīti saccaṃ. Tatoti aḍḍhayojanabbhantare ṭhitaāvāsato. Paranti aññasmiṃ āvāse, bhummatthe cetaṃ upayogavacanaṃ. Pacchābhattanti bhattato pacchā. Tatthāti abhikkhuke āvāse. ‘‘Bhikkhuniyo’’tipadaṃ ‘‘vadantī’’tipade kammaṃ. Vuttappamāṇeti aḍḍhayojanabbhantarasaṅkhāte vuttappamāṇe. Sākhāmaṇḍapepīti sākhāya chāditamaṇḍapepi. Pisaddena āvāse pana kā nāma kathāti dasseti. Vuttāti vasitā. Ettāvatāti ekarattaṃ vasitamattena. Etthāti sabhikkhuke āvāse. Upagacchantīhi bhikkhunīhi yācitabbāti yojanā. Pakkhassāti āsaḷhīmāsassa juṇhapakkhassa. ‘‘Terasiya’’ntipadena avayaviavayavabhāvena yojetabbaṃ. Mayanti amhe. Yatoti yena ujunā maggenāti sambandho. Tenāha ‘‘tena maggenā’’ti. Aññena maggenāti ujumaggato aññena jimhamaggena. Ayanti ayaṃ āvāso. Tatoti bhikkhūnaṃ āvāsato, bhikkhuniupassayato vā, idameva yuttataraṃ. Vakkhati hi ‘‘amhākaṃ upassayato gāvutamatte’’ti. Khemaṭṭhāneti abhayaṭṭhāne. Tañhi khīyanti bhayā etthāti khemaṃ, khemañca taṃ ṭhānañceti khemaṭṭhānanti katvā ‘‘khemaṭṭhāna’’nti vuccati. Tāhi bhikkhunīhīti aḍḍhayojanamatte ṭhāne vasantīhi. Tā bhikkhuniyoti gāvutamatte ṭhāne vasantiyo. Antarāti tumhākaṃ, amhākañca nivāsanaṭṭhānassa, nivāsanaṭṭhānato vā antare vemajjhe. Bhummatthe cetaṃ nissakkavacanaṃ. Ṭhite maggeti sambandho ‘‘santikā’’tipadaṃ ‘‘āgata’’itipade apādānaṃ. Tatthāti aññāsaṃ bhikkhunīnaṃ upassaye. Iti yācitabbāti yojanā. Tatoti bhikkhūnaṃ yācitabbato, paranti sambandho.
жаад̇уд̣̇д̣̇асзд̇и аасал̣хиймаасасса ж̇ун̣хабагкасса жад̇уд̣̇д̣̇асаннам̣ д̣̇ивасаанам̣ бууран̣з д̣̇ивасз. ид̇хаад̇и имасмим̣ вихаарз. ‘‘оваад̣̇а’’нд̇ибад̣̇ам̣ ‘‘ану’’ид̇ибад̣̇з гаммам̣. ануж̇ийванд̇ияод̇и ануг̇анд̇ваа ж̇ийванам̣ вуд̇д̇им̣ гаронд̇ияо. вуд̇д̇аа бхигкууд̇и самб̣анд̇хо. д̣̇уд̇ияад̣̇ивасзд̇и аасал̣хийбун̣н̣амияам̣. ат̇аад̇и баггаманаананд̇арам̣. зд̇т̇аад̇и бхигкуунам̣ багганд̇ад̇д̇аа абассанз. ‘‘аабхог̇ам̣ гад̇ваа’’д̇ииминаа аабхог̇ам̣ агад̇ваа васид̇ум̣ на ваддад̇ийд̇и д̣̇ийбзд̇и. сабхигкугааваасам̣ г̇анд̇аб̣б̣амзваад̇и ад̇хиббааяо. саад̇и вассажчзд̣̇аабад̇д̇и. хийд̇и сажжам̣, яасмаа ваа. гзнажи гааран̣знаад̇и бхигкаажаарасса асамбад̣̇аад̣̇инаа гзнажи нимид̇д̇зна. хийд̇и сажжам̣. бхигкуунам̣ багганд̇аад̣̇игааран̣аа абхигкугааваасз васанд̇ияаа гим̣ абхигкугааваасзва баваарзд̇аб̣б̣анд̇и ааха ‘‘баваарзнд̇ияаа банаа’’д̇иаад̣̇и.
Cātuddaseti āsaḷhīmāsassa juṇhapakkhassa catuddasannaṃ divasānaṃ pūraṇe divase. Idhāti imasmiṃ vihāre. ‘‘Ovāda’’ntipadaṃ ‘‘anu’’itipade kammaṃ. Anujīvantiyoti anugantvā jīvanaṃ vuttiṃ karontiyo. Vuttā bhikkhūti sambandho. Dutiyadivaseti āsaḷhīpuṇṇamiyaṃ. Athāti pakkamanānantaraṃ. Etthāti bhikkhūnaṃ pakkantattā apassane. ‘‘Ābhogaṃ katvā’’tiiminā ābhogaṃ akatvā vasituṃ na vaṭṭatīti dīpeti. Sabhikkhukāvāsaṃ gantabbamevāti adhippāyo. Sāti vassacchedāpatti. Hīti saccaṃ, yasmā vā. Kenaci kāraṇenāti bhikkhācārassa asampadādinā kenaci nimittena. Hīti saccaṃ. Bhikkhūnaṃ pakkantādikāraṇā abhikkhukāvāse vasantiyā kiṃ abhikkhukāvāseva pavāretabbanti āha ‘‘pavārentiyā panā’’tiādi.
анвад̣̇д̇хамаасанд̇и зд̇т̇а анусад̣̇д̣̇о вижчад̇т̇аваажаго гаммаббаважанийяо, д̇зна баяог̇ад̇д̇аа бхуммад̇т̇з убаяог̇аважананд̇и ааха ‘‘ад̣̇д̇хамаасз ад̣̇д̇хамаасз’’д̇и. бажжаасийсид̇аб̣б̣аад̇и зд̇т̇а бад̇ибуб̣б̣о жа аабуб̣б̣о жа сид̇хаад̇у ижчад̇т̇зд̇и ааха ‘‘ижчид̇аб̣б̣аа’’д̇и. сид̇хаад̇уяаа д̣̇взбхааво ход̇и. аабуб̣б̣о сиси ижчааяанд̇иби д̇хаад̇убаатзсу вуд̇д̇ам̣. д̇ад̇т̇аад̇и ‘‘убосат̇абужчага’’нд̇иважанз. багкассаад̇и яасса гассажи багкасса. махаабажжарияам̣ бана вуд̇д̇анд̇и самб̣анд̇хо. оваад̣̇асса яаажанам̣ оваад̣̇о уд̇д̇арабад̣̇алобзна, соязва ад̇т̇о баяож̇анам̣ оваад̣̇ад̇т̇о, д̇ад̣̇ад̇т̇ааяа. баадибад̣̇ад̣̇ивасад̇од̇и д̣̇уд̇ияад̣̇ивасад̇о. со хи жанд̣̇о вуд̣̇д̇хин̃жа хаанин̃жа бадимукам̣ баж̇ж̇ад̇и зд̇т̇а, зд̇знаад̇и ваа баадибад̣̇од̇и вужжад̇и. ид̇ийд̇и звам̣ вуд̇д̇анаязна. бхаг̇аваа бан̃н̃абзд̇ийд̇и яож̇анаа. ан̃н̃ассаад̇и д̇хаммассаванагаммад̇о ан̃н̃асса. ниранд̇аранд̇и абхигкан̣ам̣, ‘‘бан̃н̃абзд̇ий’’д̇ибад̣̇з бхааванабум̣сагам̣. хийд̇и вид̇т̇ааро. зван̃жа сад̇ийд̇и звам̣ б̣ахуубагаарз сад̇и жа. яанд̇и яам̣ д̇хаммам̣. саад̇т̇иганд̇и сабаяож̇анам̣. яат̇аанусидтанд̇и анусидтияаа ануруубам̣. саб̣б̣ааязва бхигкунияобийд̇и яож̇анаа. хийд̇и сажжам̣.
Anvaddhamāsanti ettha anusaddo vicchatthavācako kammappavacanīyo, tena payogattā bhummatthe upayogavacananti āha ‘‘addhamāse addhamāse’’ti. Paccāsīsitabbāti ettha patipubbo ca āpubbo ca sidhātu icchattheti āha ‘‘icchitabbā’’ti. Sidhātuyā dvebhāvo hoti. Āpubbo sisi icchāyantipi dhātupāṭhesu vuttaṃ. Tatthāti ‘‘uposathapucchaka’’ntivacane. Pakkhassāti yassa kassaci pakkhassa. Mahāpaccariyaṃ pana vuttanti sambandho. Ovādassa yācanaṃ ovādo uttarapadalopena, soyeva attho payojanaṃ ovādattho, tadatthāya. Pāṭipadadivasatoti dutiyadivasato. So hi cando vuddhiñca hāniñca paṭimukhaṃ pajjati ettha, etenāti vā pāṭipadoti vuccati. Itīti evaṃ vuttanayena. Bhagavā paññapetīti yojanā. Aññassāti dhammassavanakammato aññassa. Nirantaranti abhikkhaṇaṃ, ‘‘paññapetī’’tipade bhāvanapuṃsakaṃ. Hīti vitthāro. Evañca satīti evaṃ bahūpakāre sati ca. Yanti yaṃ dhammaṃ. Sātthikanti sapayojanaṃ. Yathānusiṭṭhanti anusiṭṭhiyā anurūpaṃ. Sabbāyeva bhikkhuniyopīti yojanā. Hīti saccaṃ.
оваад̣̇ам̣ г̇ажчад̇ийд̇и оваад̣̇ам̣ яаажид̇ум̣ бхигкусан̇гхасса аараамам̣ г̇ажчад̇и. на оваад̣̇о г̇анд̇аб̣б̣од̇и оваад̣̇ам̣ яаажид̇ум̣ бхигкусан̇гхасса аараамо на г̇анд̇аб̣б̣о. оваад̣̇од̇и жа убаяог̇ад̇т̇з бажжад̇д̇аважананд̇и д̣̇адтаб̣б̣ам̣. ид̇арат̇аа хи сад̣̇д̣̇абаяог̇о вируж̇жхзяяа. оваад̣̇ам̣ г̇анд̇унд̇и оваад̣̇ам̣ яаажанад̇т̇ааяа бхигкусан̇гхасса аараамам̣ г̇анд̇ум̣.
Ovādaṃ gacchatīti ovādaṃ yācituṃ bhikkhusaṅghassa ārāmaṃ gacchati. Na ovādo gantabboti ovādaṃ yācituṃ bhikkhusaṅghassa ārāmo na gantabbo. Ovādoti ca upayogatthe paccattavacananti daṭṭhabbaṃ. Itarathā hi saddapayogo virujjheyya. Ovādaṃ gantunti ovādaṃ yācanatthāya bhikkhusaṅghassa ārāmaṃ gantuṃ.
‘‘д̣̇вз д̇иссо бхигкунияо’’д̇ибад̣̇ам̣ ‘‘яаажид̇ваа’’д̇ибад̣̇з д̣̇уд̇ияаагаммам̣. ‘‘бзсзд̇аб̣б̣аа’’д̇ибад̣̇з батамаагаммам̣. оваад̣̇уубасан̇гамананд̇и оваад̣̇асса г̇ахан̣ад̇т̇ааяа убасан̇гаманам̣. аарааманд̇и бхигкусан̇гхасса аараамам̣. д̇ад̇од̇и г̇аманад̇о баранд̇и самб̣анд̇хо. д̇зна бхигкунаад̇и оваад̣̇абадиг̇г̇аахагзна бхигкунаа. д̇анд̇и саммад̇ам̣ бхигкум̣.
‘‘Dve tisso bhikkhuniyo’’tipadaṃ ‘‘yācitvā’’tipade dutiyākammaṃ. ‘‘Pesetabbā’’tipade paṭhamākammaṃ. Ovādūpasaṅkamananti ovādassa gahaṇatthāya upasaṅkamanaṃ. Ārāmanti bhikkhusaṅghassa ārāmaṃ. Tatoti gamanato paranti sambandho. Tena bhikkhunāti ovādapaṭiggāhakena bhikkhunā. Tanti sammataṃ bhikkhuṃ.
уссахад̇ийд̇и саггод̇и. баасаад̣̇игзнаад̇и басаад̣̇ам̣ аавахзна басаад̣̇аж̇анагзна гааяаважийманогаммзнаад̇и ад̇т̇о. самбаад̣̇зд̇ууд̇и д̇ивид̇хам̣ сигкам̣ самбаад̣̇зд̇у. зд̇д̇аавад̇аад̇и зд̇д̇агзна ‘‘баасаад̣̇игзна самбаад̣̇зд̇уу’’д̇и важанамад̇д̇зна. хийд̇и палаж̇од̇аго. зд̇анд̇и ‘‘д̇аахий’’д̇иважанам̣.
Ussahatīti sakkoti. Pāsādikenāti pasādaṃ āvahena pasādajanakena kāyavacīmanokammenāti attho. Sampādetūti tividhaṃ sikkhaṃ sampādetu. Ettāvatāti ettakena ‘‘pāsādikena sampādetū’’ti vacanamattena. Hīti phalajotako. Etanti ‘‘tāhī’’tivacanaṃ.
зд̇т̇а жа бхигкуунам̣ сан̇гхаг̇ан̣абуг̇г̇алавасзна важанавааро д̇ивид̇хо ход̇и, д̇ам̣ д̇ивид̇хам̣ важанаваарам̣ бхигкунийнам̣ сан̇гхаг̇ан̣абуг̇г̇алавасзна д̇ийхи важанаваарзхи г̇ун̣ид̇ам̣ гад̇ваа нава важанаваараа хонд̇и, д̇ам̣ аагаарам̣ д̣̇ассзнд̇о ааха ‘‘д̇ад̇рааяам̣ важанаггамо’’д̇и. д̇ад̇раад̇и буримаважанаабзгкам̣. важанаагааро баагадова.
Ettha ca bhikkhūnaṃ saṅghagaṇapuggalavasena vacanavāro tividho hoti, taṃ tividhaṃ vacanavāraṃ bhikkhunīnaṃ saṅghagaṇapuggalavasena tīhi vacanavārehi guṇitaṃ katvā nava vacanavārā honti, taṃ ākāraṃ dassento āha ‘‘tatrāyaṃ vacanakkamo’’ti. Tatrāti purimavacanāpekkhaṃ. Vacanākāro pākaṭova.
згаа бхигкуний ваа б̣ахуухи бхигкунийубассаязхи оваад̣̇ад̇т̇ааяа бзсид̇з важанаагаарам̣ д̣̇ассзнд̇о ааха ‘‘бхигкунисан̇гхо жа аяяаа’’д̇иаад̣̇и.
Ekā bhikkhunī vā bahūhi bhikkhunīupassayehi ovādatthāya pesite vacanākāraṃ dassento āha ‘‘bhikkhunisaṅgho ca ayyā’’tiādi.
д̇знаабийд̇и оваад̣̇абадиг̇г̇аахагзнааби ‘‘оваад̣̇а’’нд̇ибад̣̇ам̣ ‘‘бадиг̇г̇аахагзнаа’’д̇и бад̣̇з гаммам̣. буна ‘‘оваад̣̇а’’нд̇ибад̣̇ам̣ ‘‘абадиг̇г̇ахзд̇у’’нд̇ибад̣̇з гаммам̣. б̣алад̇и ассаасабассаасамад̇д̇зна ж̇ийвад̇и, на бан̃н̃ааж̇ийвид̇знаад̇и б̣аало. г̇илааяад̇и руж̇ад̇ийд̇и г̇илаано. г̇амиссад̇и г̇анд̇ум̣ бхаб̣б̣од̇и г̇амиго. аяам̣ банзд̇т̇а яож̇анаа – г̇анд̇ум̣ бхаб̣б̣о яо бхигку г̇амиссад̇и г̇аманам̣ гариссад̇и, ид̇и д̇асмаа со бхигку г̇амиго наама. ат̇а ваа яо бхигку г̇анд̇ум̣ бхаб̣б̣ад̇д̇аа г̇амиссад̇и г̇аманам̣ гариссад̇и, ид̇и д̇асмаа со бхигку г̇амиго наамаад̇и. ‘‘бхаб̣б̣о’’д̇и жа хзд̇уанд̇ог̇ад̇хависзсанам̣.
Tenāpīti ovādapaṭiggāhakenāpi ‘‘ovāda’’ntipadaṃ ‘‘paṭiggāhakenā’’ti pade kammaṃ. Puna ‘‘ovāda’’ntipadaṃ ‘‘apaṭiggahetu’’ntipade kammaṃ. Balati assāsapassāsamattena jīvati, na paññājīvitenāti bālo. Gilāyati rujatīti gilāno. Gamissati gantuṃ bhabboti gamiko. Ayaṃ panettha yojanā – gantuṃ bhabbo yo bhikkhu gamissati gamanaṃ karissati, iti tasmā so bhikkhu gamiko nāma. Atha vā yo bhikkhu gantuṃ bhabbattā gamissati gamanaṃ karissati, iti tasmā so bhikkhu gamiko nāmāti. ‘‘Bhabbo’’ti ca hetuantogadhavisesanaṃ.
д̇ад̇т̇аад̇и б̣аалаад̣̇ийсу д̇ийсу буг̇г̇алзсу. д̣̇уд̇ияабагкад̣̇ивасзд̇и баадибад̣̇ад̇о д̣̇уд̇ияабагкад̣̇ивасз. убосат̇аг̇г̇зд̇и убосат̇аг̇зхз. д̇ан̃хи убосат̇ам̣ г̇ан̣ханд̇и, убосат̇о ваа г̇аяхад̇и асминд̇и ‘‘убосат̇аг̇г̇а’’нд̇и вужжад̇и. д̇асмим̣ убосат̇аг̇г̇з. ‘‘анаарожзд̇у’’нд̇и важанасса н̃аабагам̣ д̣̇ассзд̇ваа ‘‘абажжаахарид̇у’’нд̇и важанасса д̇амзва д̣̇ассзнд̇о ааха ‘‘абарамби вуд̇д̇а’’нд̇иаад̣̇и.
Tatthāti bālādīsu tīsu puggalesu. Dutiyapakkhadivaseti pāṭipadato dutiyapakkhadivase. Uposathaggeti uposathagehe. Tañhi uposathaṃ gaṇhanti, uposatho vā gayhati asminti ‘‘uposathagga’’nti vuccati. Tasmiṃ uposathagge. ‘‘Anārocetu’’nti vacanassa ñāpakaṃ dassetvā ‘‘apaccāharitu’’nti vacanassa tameva dassento āha ‘‘aparampi vutta’’ntiādi.
д̇ад̇т̇аад̇и оваад̣̇абадиг̇г̇аахагзсу бхигкуусу. но жассаад̇и но жз асса. сабхам̣ ваад̇и самаж̇ж̇ам̣ ваа. саа хи саха бхаасанд̇и зд̇т̇а, санд̇зхи ваа бхаад̇и д̣̇иб̣б̣ад̇ийд̇и ‘‘сабхаа’’д̇и вужжад̇и, д̇ам̣ сабхам̣ ваа убасан̇гамиссаамийд̇и яож̇анаа. д̇ад̇раад̇и д̇асмим̣ сабхаад̣̇игз. звам̣ ‘‘д̇ад̇т̇аа’’д̇ибад̣̇зби.
Tatthāti ovādapaṭiggāhakesu bhikkhūsu. No cassāti no ce assa. Sabhaṃ vāti samajjaṃ vā. Sā hi saha bhāsanti ettha, santehi vā bhāti dibbatīti ‘‘sabhā’’ti vuccati, taṃ sabhaṃ vā upasaṅkamissāmīti yojanā. Tatrāti tasmiṃ sabhādike. Evaṃ ‘‘tatthā’’tipadepi.
жад̇уд̣̇д̣̇асаннам̣ бууран̣о жаад̇уд̣̇д̣̇асо, д̇асмим̣ баваарзд̇ваад̇и самб̣анд̇хо. бхигкусан̇гхзд̇и бхигкусан̇гхасса санд̇игз, самийбад̇т̇з жзд̇ам̣ бхуммаважанам̣. аж̇ж̇ад̇анаад̇и зд̇т̇а асмим̣ ахани аж̇ж̇а, имасад̣̇д̣̇ад̇о аханийд̇и ад̇т̇з ж̇ж̇абажжаяо, имасад̣̇д̣̇асса жа агааро, аж̇ж̇а зва аж̇ж̇ад̇анаа, свад̇т̇о хи д̇анабажжаяо. абарасмим̣ ахани абараж̇ж̇а, абарасад̣̇д̣̇ад̇о аханийд̇и ад̇т̇з ж̇ж̇абажжаяо сад̇д̇амяанд̇оязва. зд̇т̇аад̇и бавааран̣з, ‘‘ануж̇аанаамий’’д̇иаад̣̇иважанз ваа. хийд̇и сажжам̣.
Catuddasannaṃ pūraṇo cātuddaso, tasmiṃ pavāretvāti sambandho. Bhikkhusaṅgheti bhikkhusaṅghassa santike, samīpatthe cetaṃ bhummavacanaṃ. Ajjatanāti ettha asmiṃ ahani ajja, imasaddato ahanīti atthe jjapaccayo, imasaddassa ca akāro, ajja eva ajjatanā, svattho hi tanapaccayo. Aparasmiṃ ahani aparajja, aparasaddato ahanīti atthe jjapaccayo sattamyantoyeva. Etthāti pavāraṇe, ‘‘anujānāmī’’tiādivacane vā. Hīti saccaṃ.
голаахаланд̇и год̇уухалам̣. батамам̣ бхигкуний яаажид̇аб̣б̣аад̇и сан̇гхзна батамам̣ бхигкуний яаажид̇аб̣б̣аа.
Kolāhalanti kotūhalaṃ. Paṭhamaṃ bhikkhunī yācitabbāti saṅghena paṭhamaṃ bhikkhunī yācitabbā.
д̇ааяа бхигкунияаа важанийяо ассаад̇и яож̇анаа. бассанд̇о бадигариссад̇ийд̇и важ̇ж̇ааваж̇ж̇ам̣ бассанд̇о худ̇ваа бадигариссад̇и.
Tāya bhikkhuniyā vacanīyo assāti yojanā. Passanto paṭikarissatīti vajjāvajjaṃ passanto hutvā paṭikarissati.
убхиннанд̇и бхигкубхигкунийнам̣. яат̇аатаанзязваад̇и яам̣ яам̣ таанам̣ яат̇аатаанам̣, д̇асмим̣ яат̇аатаанзязва. гзнажи барияааязнаад̇и гзнажи гааран̣зна. авабуб̣б̣о варасад̣̇д̣̇о бихид̇ад̇т̇од̇и ааха ‘‘бихид̇о’’д̇и. важанам̣язваад̇и оваад̣̇аважанам̣язва. бат̇од̇и ж̇здтагадтаанз таанасса гааран̣ад̇д̇аа бат̇о. д̣̇осам̣ банаад̇и абхиггаманаад̣̇ийсу аад̣̇ийнавам̣ бана. ан̃ж̇знд̇ийд̇и магкзнд̇и. бхигкуухи бана овад̣̇ид̇ум̣ анусаасид̇ум̣ ваддад̇ийд̇и яож̇анаа.
Ubhinnanti bhikkhubhikkhunīnaṃ. Yathāṭhāneyevāti yaṃ yaṃ ṭhānaṃ yathāṭhānaṃ, tasmiṃ yathāṭhāneyeva. Kenaci pariyāyenāti kenaci kāraṇena. Avapubbo varasaddo pihitatthoti āha ‘‘pihito’’ti. Vacanaṃyevāti ovādavacanaṃyeva. Pathoti jeṭṭhakaṭṭhāne ṭhānassa kāraṇattā patho. Dosaṃ panāti abhikkamanādīsu ādīnavaṃ pana. Añjentīti makkhenti. Bhikkhūhi pana ovadituṃ anusāsituṃ vaṭṭatīti yojanā.
ан̃н̃анд̇и оваад̣̇ад̇о ан̃н̃ам̣. зсод̇и г̇аруд̇хаммо.
Aññanti ovādato aññaṃ. Esoti garudhammo.
150. ‘‘ад̇хаммагаммз’’д̇и зд̇т̇а гад̇амам̣ гаммам̣ наамаад̇и ааха ‘‘ад̇хаммагаммзд̇иаад̣̇ийсуу’’д̇иаад̣̇и. д̇ад̇т̇аад̇и ад̇хаммагаммад̇хаммагаммзсу.
150. ‘‘Adhammakamme’’ti ettha katamaṃ kammaṃ nāmāti āha ‘‘adhammakammetiādīsū’’tiādi. Tatthāti adhammakammadhammakammesu.
152. уд̣̇д̣̇зсам̣ д̣̇знд̇о бхан̣ад̇и, анаабад̇д̇ийд̇и яож̇анаа. осаарзд̇ийд̇и гат̇зд̇и. жад̇убарисад̇ийд̇и жад̇убарисасмим̣. д̇ад̇раабийд̇и д̇зна бхигкунийнам̣ сун̣анагааран̣знаад̇и. батамам̣.
152. Uddesaṃ dento bhaṇati, anāpattīti yojanā. Osāretīti katheti. Catuparisatīti catuparisasmiṃ. Tatrāpīti tena bhikkhunīnaṃ suṇanakāraṇenāti. Paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
