| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. оваад̣̇аваг̇г̇о
3. Ovādavaggo
1. оваад̣̇асигкаабад̣̇аван̣н̣анаа
1. Ovādasikkhāpadavaṇṇanā
адтан̇г̇асаманнааг̇ад̇ассаад̇и ‘‘сийлаваа ход̇ий’’д̇иаад̣̇ийхи (баажи. 147) адтахи ан̇г̇зхи саманнааг̇ад̇асса. анун̃н̃аад̇аад̇и имасса сигкаабад̣̇асса нид̣̇аанз анун̃н̃аад̇аа . ‘‘вассасад̇уубасамбаннааяаа’’д̇иаад̣̇и вагкамаанаадтаг̇аруд̇хаммад̣̇ассанам̣. д̇ад̇т̇а саамийжигамманд̇и маг̇г̇асамбад̣̇аанаб̣ийж̇анабаанийяаабужчанаад̣̇игам̣ анужчавигам̣ вад̇д̇ам̣. аад̣̇исад̣̇д̣̇зна –
Aṭṭhaṅgasamannāgatassāti ‘‘sīlavā hotī’’tiādīhi (pāci. 147) aṭṭhahi aṅgehi samannāgatassa. Anuññātāti imassa sikkhāpadassa nidāne anuññātā . ‘‘Vassasatūpasampannāyā’’tiādi vakkhamānaaṭṭhagarudhammadassanaṃ. Tattha sāmīcikammanti maggasampadānabījanapānīyāpucchanādikaṃ anucchavikaṃ vattaṃ. Ādisaddena –
‘‘на бхигкунияаа абхигкугз ааваасз вассам̣ васид̇аб̣б̣ам̣, анвад̣̇д̇хамаасам̣ бхигкунияаа бхигкусан̇гхад̇о д̣̇вз д̇хаммаа бажжаасийсид̇аб̣б̣аа убосат̇абужчаган̃жа оваад̣̇уубасан̇гаманан̃жа, вассам̣вудтааяа бхигкунияаа убхад̇осан̇гхз д̇ийхи таанзхи баваарзд̇аб̣б̣ам̣ д̣̇идтзна ваа суд̇зна ваа барисан̇гааяа ваа, г̇аруд̇хаммам̣ аж̇жхаабаннааяа бхигкунияаа убхад̇осан̇гхз багкамаанад̇д̇ам̣ жарид̇аб̣б̣ам̣, д̣̇вз вассаани часу д̇хаммзсу сигкид̇асигкааяа сигкамаанааяа убхад̇осан̇гхз убасамбад̣̇аа бариязсид̇аб̣б̣аа, на бхигкунияаа гзнажи барияааязна бхигку аггосид̇аб̣б̣о барибхаасид̇аб̣б̣о, аж̇ж̇ад̇аг̇г̇з овадо бхигкунийнам̣ бхигкуусу важанабат̇о, ановадо бхигкуунам̣ бхигкунийсу важанабат̇о’’д̇и (жуул̣ава. 403; а. ни. 8.51) –
‘‘Na bhikkhuniyā abhikkhuke āvāse vassaṃ vasitabbaṃ, anvaddhamāsaṃ bhikkhuniyā bhikkhusaṅghato dve dhammā paccāsīsitabbā uposathapucchakañca ovādūpasaṅkamanañca, vassaṃvuṭṭhāya bhikkhuniyā ubhatosaṅghe tīhi ṭhānehi pavāretabbaṃ diṭṭhena vā sutena vā parisaṅkāya vā, garudhammaṃ ajjhāpannāya bhikkhuniyā ubhatosaṅghe pakkhamānattaṃ caritabbaṃ, dve vassāni chasu dhammesu sikkhitasikkhāya sikkhamānāya ubhatosaṅghe upasampadā pariyesitabbā, na bhikkhuniyā kenaci pariyāyena bhikkhu akkositabbo paribhāsitabbo, ajjatagge ovaṭo bhikkhunīnaṃ bhikkhūsu vacanapatho, anovaṭo bhikkhūnaṃ bhikkhunīsu vacanapatho’’ti (cūḷava. 403; a. ni. 8.51) –
имз сад̇д̇а д̇хаммз сан̇г̇ан̣хаад̇и. г̇аруд̇хаммзд̇и г̇аругз д̇хаммз. д̇з хи г̇ааравам̣ гад̇ваа бхигкунийхи самбадижчид̇аб̣б̣ад̇д̇аа ‘‘г̇аруд̇хаммаа’’д̇и вужжанд̇и.
Ime satta dhamme saṅgaṇhāti. Garudhammeti garuke dhamme. Te hi gāravaṃ katvā bhikkhunīhi sampaṭicchitabbattā ‘‘garudhammā’’ti vuccanti.
ан̃н̃зна ваа д̇хаммзнаад̇и табзд̇ваа адта г̇аруд̇хаммз ан̃н̃зна язна гзнажи д̇хаммзна. бхигкунийсу убасамбаннамад̇д̇ам̣ ваа овад̣̇ад̇од̇и бхигкунийсу убасамбаннамад̇д̇ам̣ г̇аруд̇хаммзна овад̣̇ад̇о ваа. бхигкуунам̣ санд̇игз убасамбаннааяа яат̇аавад̇т̇угамзва. ‘‘ад̇хаммагаммз’’д̇иаад̣̇ийсу бхигкуноваад̣̇асаммуд̇игаммам̣ ‘‘гамма’’нд̇и взд̣̇ид̇аб̣б̣анд̇и ааха ‘‘саммад̇ассаабий’’д̇иаад̣̇и. ваг̇г̇з бхигкунисан̇гхз овад̣̇ад̇о д̇игабаажид̇д̇ияанд̇и ваг̇г̇з бхигкунисан̇гхз овад̣̇ад̇о ваг̇г̇асан̃н̃ивзмад̇игасамаг̇г̇асан̃н̃ийнам̣ васзна д̇ийн̣и баажид̇д̇ияаани. д̇ат̇аа взмад̇игасса жаад̇и ад̇хаммагаммз взмад̇игасса жа ваг̇г̇з бхигкунисан̇гхз овад̣̇ад̇о д̇игабаажид̇д̇ияанд̇и ад̇т̇о. зса наяо д̇хаммагаммасан̃н̃ино жаад̇и зд̇т̇ааби. яат̇аа жа ваг̇г̇з бхигкунисан̇гхз овад̣̇ад̇о нава баажид̇д̇ияаани, звам̣ ад̇хаммагаммз ад̇хаммагаммасан̃н̃ино самаг̇г̇з бхигкунисан̇гхз овад̣̇ад̇о д̇асмим̣ сан̇гхз ваг̇г̇асан̃н̃ивзмад̇игасамаг̇г̇асан̃н̃ийнам̣ васзна д̇игабаажид̇д̇ияам̣, д̇ат̇аа взмад̇игасса жа д̇хаммагаммасан̃н̃ино жаад̇и нава баажид̇д̇ияаани. д̇знааха ‘‘самаг̇г̇зби бхигкунисан̇гхз наваа’’д̇иаад̣̇и. д̇хаммагаммз бана ад̇хаммагаммасан̃н̃ино ваг̇г̇ам̣ бхигкунисан̇гхам̣ овад̣̇ад̇о д̇игад̣̇уггадам̣, д̇ат̇аа взмад̇игасса, д̇хаммагаммасан̃н̃ино жаад̇и нава д̣̇уггадаани. самаг̇г̇ам̣ бана бхигкунисан̇гхам̣ овад̣̇ад̇о адтаад̇и сад̇д̇араса д̣̇уггадаани. д̇знааха ‘‘сажз банаа’’д̇иаад̣̇и. ан̃н̃ам̣ д̇хамманд̇и ан̃н̃ам̣ суд̇д̇анд̇ам̣ ваа абхид̇хаммам̣ ваа. ‘‘самаг̇г̇аамхааяяаа’’д̇и важанзна хи оваад̣̇ам̣ бажжаасийсанд̇и. д̇асмаа табзд̇ваа оваад̣̇ам̣ ан̃н̃ам̣ д̇хаммам̣ бхан̣анд̇асса д̣̇уггадам̣. оваад̣̇ан̃жа анияяаад̇зд̇ваад̇и ‘‘зсо бхаг̇ини оваад̣̇о’’д̇и авад̇ваа. барибужчам̣ д̣̇зд̇ийд̇и д̇ассааязва баг̇ун̣ааяа г̇аруд̇хаммабаал̣ияаа ад̇т̇ам̣ бхан̣ад̇и. осаарзхийд̇и ужжаарзхи, гат̇зхийд̇и ад̇т̇о. осаарзд̇ийд̇и адтаг̇аруд̇хаммабаал̣им̣ вад̣̇ад̇и. бан̃хам̣ будтод̇и г̇аруд̇хамманиссид̇ам̣ ваа канд̇хаад̣̇иниссид̇ам̣ ваа бан̃хам̣ бхигкунияаа будто.
Aññena vā dhammenāti ṭhapetvā aṭṭha garudhamme aññena yena kenaci dhammena. Bhikkhunīsu upasampannamattaṃ vā ovadatoti bhikkhunīsu upasampannamattaṃ garudhammena ovadato vā. Bhikkhūnaṃ santike upasampannāya yathāvatthukameva. ‘‘Adhammakamme’’tiādīsu bhikkhunovādasammutikammaṃ ‘‘kamma’’nti veditabbanti āha ‘‘sammatassāpī’’tiādi. Vagge bhikkhunisaṅghe ovadato tikapācittiyanti vagge bhikkhunisaṅghe ovadato vaggasaññivematikasamaggasaññīnaṃ vasena tīṇi pācittiyāni. Tathā vematikassa cāti adhammakamme vematikassa ca vagge bhikkhunisaṅghe ovadato tikapācittiyanti attho. Esa nayo dhammakammasaññino cāti etthāpi. Yathā ca vagge bhikkhunisaṅghe ovadato nava pācittiyāni, evaṃ adhammakamme adhammakammasaññino samagge bhikkhunisaṅghe ovadato tasmiṃ saṅghe vaggasaññivematikasamaggasaññīnaṃ vasena tikapācittiyaṃ, tathā vematikassa ca dhammakammasaññino cāti nava pācittiyāni. Tenāha ‘‘samaggepi bhikkhunisaṅghe navā’’tiādi. Dhammakamme pana adhammakammasaññino vaggaṃ bhikkhunisaṅghaṃ ovadato tikadukkaṭaṃ, tathā vematikassa, dhammakammasaññino cāti nava dukkaṭāni. Samaggaṃ pana bhikkhunisaṅghaṃ ovadato aṭṭhāti sattarasa dukkaṭāni. Tenāha ‘‘sace panā’’tiādi. Aññaṃ dhammanti aññaṃ suttantaṃ vā abhidhammaṃ vā. ‘‘Samaggāmhāyyā’’ti vacanena hi ovādaṃ paccāsīsanti. Tasmā ṭhapetvā ovādaṃ aññaṃ dhammaṃ bhaṇantassa dukkaṭaṃ. Ovādañca aniyyātetvāti ‘‘eso bhagini ovādo’’ti avatvā. Paripucchaṃ detīti tassāyeva paguṇāya garudhammapāḷiyā atthaṃ bhaṇati. Osārehīti uccārehi, kathehīti attho. Osāretīti aṭṭhagarudhammapāḷiṃ vadati. Pañhaṃ puṭṭhoti garudhammanissitaṃ vā khandhādinissitaṃ vā pañhaṃ bhikkhuniyā puṭṭho.
оваад̣̇асигкаабад̣̇аван̣н̣анаа нидтид̇аа.
Ovādasikkhāpadavaṇṇanā niṭṭhitā.
