| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੩. ਓવਾਦવਗ੍ਗੋ
3. Ovādavaggo
੧. ਓવਾਦਸਿਕ੍ਖਾਪਦવਣ੍ਣਨਾ
1. Ovādasikkhāpadavaṇṇanā
੧੪੪. ਤਤਿਯવਗ੍ਗਸ੍ਸ ਪਠਮੇ ਤਿਰਚ੍ਛਾਨਭੂਤਨ੍ਤਿ ਤਿਰੋਕਰਣਭੂਤਂ, ਬਾਹਿਰਭੂਤਨ੍ਤਿ ਅਤ੍ਥੋ। ਸਮਿਦ੍ਧੋਤਿ ਪਰਿਪੁਣ੍ਣੋ। ਸਹਿਤਤ੍ਥੋ ਅਤ੍ਥਯੁਤ੍ਤੋ। ਅਤ੍ਥਗਮ੍ਭੀਰਤਾਦਿਨਾ ਗਮ੍ਭੀਰੋ।
144. Tatiyavaggassa paṭhame tiracchānabhūtanti tirokaraṇabhūtaṃ, bāhirabhūtanti attho. Samiddhoti paripuṇṇo. Sahitattho atthayutto. Atthagambhīratādinā gambhīro.
੧੪੫-੧੪੭. ਪਰਤੋਤਿ ਉਤ੍ਤਰਿ। ਕਰੋਨ੍ਤੋવਾਤਿ ਪਰਿਬਾਹਿਰੇ ਕਰੋਨ੍ਤੋ। વਿਭਙ੍ਗੇਤਿ ਝਾਨવਿਭਙ੍ਗੇ। ਚਰਣਨ੍ਤਿ ਨਿਬ੍ਬਾਨਗਮਨਾਯ ਪਾਦਂ।
145-147.Paratoti uttari. Karontovāti paribāhire karonto. Vibhaṅgeti jhānavibhaṅge. Caraṇanti nibbānagamanāya pādaṃ.
ਯਦਸ੍ਸਾਤਿ ਯਂ ਅਸ੍ਸ। ਧਾਰੇਤੀਤਿ ਅવਿਨਸ੍ਸਮਾਨਂ ਧਾਰੇਤਿ। ਪਰਿਕਥਨਤ੍ਥਨ੍ਤਿ ਪਕਿਣ੍ਣਕਕਥਾવਸੇਨ ਪਰਿਚ੍ਛਿਨ੍ਨਧਮ੍ਮਕਥਨਤ੍ਥਂ। ਤਿਸ੍ਸੋ ਅਨੁਮੋਦਨਾਤਿ ਸਙ੍ਘਭਤ੍ਤਾਦੀਸੁ ਦਾਨਾਨਿਸਂਸਪ੍ਪਟਿਸਂਯੁਤ੍ਤਾ ਨਿਧਿਕੁਣ੍ਡਸੁਤ੍ਤਾਦਿ (ਖੁ॰ ਪਾ॰ ੮.੧ ਆਦਯੋ) -ਅਨੁਮੋਦਨਾ, ਗੇਹਪ੍ਪવੇਸਮਙ੍ਗਲਾਦੀਸੁ ਮਙ੍ਗਲਸੁਤ੍ਤਾਦਿ (ਖੁ॰ ਪਾ॰ ੫.੧ ਆਦਯੋ; ਸੁ॰ ਨਿ॰ ਮਙ੍ਗਲਸੁਤ੍ਤ) -ਅਨੁਮੋਦਨਾ, ਮਤਕਭਤ੍ਤਾਦਿਅਮਙ੍ਗਲੇਸੁ ਤਿਰੋਕੁਟ੍ਟਾਦਿ (ਖੁ॰ ਪਾ॰ ੭.੧ ਆਦਯੋ; ਪੇ॰ વ॰ ੧੪ ਆਦਯੋ) -ਅਨੁਮੋਦਨਾਤਿ ਇਮਾ ਤਿਸ੍ਸੋ ਅਨੁਮੋਦਨਾ। ਕਮ੍ਮਾਕਮ੍ਮવਿਨਿਚ੍ਛਯੋਤਿ ਪਰਿવਾਰਾવਸਾਨੇ ਕਮ੍ਮવਗ੍ਗੇ (ਪਰਿ॰ ੪੮੨ ਆਦਯੋ) વੁਤ੍ਤવਿਨਿਚ੍ਛਯੋ। ਸਮਾਧਿવਸੇਨਾਤਿ ਸਮਥਪੁਬ੍ਬਕવਸੇਨ। વਿਪਸ੍ਸਨਾવਸੇਨ વਾਤਿ ਦਿਟ੍ਠਿવਿਸੁਦ੍ਧਿਆਦਿਕਾਯ ਸੁਕ੍ਖવਿਪਸ੍ਸਨਾਯ વਸੇਨ। ਅਤ੍ਤਨੋ ਸੀਲਰਕ੍ਖਣਤ੍ਥਂ ਅਪਰਾਨਪੇਕ੍ਖਤਾਯ ਯੇਨ ਕਾਮਂ ਗਨ੍ਤੁਂ ਚਤਸ੍ਸੋ ਦਿਸਾ ਅਰਹਤਿ, ਅਸ੍ਸ વਾ ਸਨ੍ਤਿ, ਤਾਸੁ વਾ ਸਾਧੂਤਿ ਚਾਤੁਦ੍ਦਿਸੋ।
Yadassāti yaṃ assa. Dhāretīti avinassamānaṃ dhāreti. Parikathanatthanti pakiṇṇakakathāvasena paricchinnadhammakathanatthaṃ. Tisso anumodanāti saṅghabhattādīsu dānānisaṃsappaṭisaṃyuttā nidhikuṇḍasuttādi (khu. pā. 8.1 ādayo) -anumodanā, gehappavesamaṅgalādīsu maṅgalasuttādi (khu. pā. 5.1 ādayo; su. ni. maṅgalasutta) -anumodanā, matakabhattādiamaṅgalesu tirokuṭṭādi (khu. pā. 7.1 ādayo; pe. va. 14 ādayo) -anumodanāti imā tisso anumodanā. Kammākammavinicchayoti parivārāvasāne kammavagge (pari. 482 ādayo) vuttavinicchayo. Samādhivasenāti samathapubbakavasena. Vipassanāvasena vāti diṭṭhivisuddhiādikāya sukkhavipassanāya vasena. Attano sīlarakkhaṇatthaṃ aparānapekkhatāya yena kāmaṃ gantuṃ catasso disā arahati, assa vā santi, tāsu vā sādhūti cātuddiso.
ਅਭਿવਿਨਯੇਤਿ ਪਾਤਿਮੋਕ੍ਖਸਂવਰਸਙ੍ਖਾਤੇ ਸਂવਰવਿਨਯੇ, ਤਪ੍ਪਕਾਸਕੇ વਾ વਿਨਯਪਿਟਕੇ। વਿਨੇਤੁਨ੍ਤਿ ਸਿਕ੍ਖਾਪੇਤੁਂ ਪਕਾਸੇਤੁਂ। ਪਗੁਣਾ વਾਚੁਗ੍ਗਤਾਤਿ ਪਾਠਤੋ ਚ ਅਤ੍ਥਤੋ ਚ ਪਗੁਣਾ ਮੁਖੇ ਸਨ੍ਨਿਧਾਪਨવਸੇਨ વਾਚੁਗ੍ਗਤਾ ਕਾਤਬ੍ਬਾ। ਅਤ੍ਥਮਤ੍ਤવਸੇਨਪੇਤ੍ਥ ਯੋਜਨਂ ਕਰੋਨ੍ਤਿ। ਅਭਿਧਮ੍ਮੇਤਿ ਲਕ੍ਖਣਰਸਾਦਿવਸੇਨ ਪਰਿਚ੍ਛਿਨ੍ਨੇ ਨਾਮਰੂਪਧਮ੍ਮੇ। ਪੁਬ੍ਬੇ ਕਿਰ ਮਹਾਥੇਰਾ ਪਰਿਯਤ੍ਤਿਅਨਨ੍ਤਰਧਾਨਾਯ ਏਕੇਕਸ੍ਸ ਗਣਸ੍ਸ ਦੀਘਨਿਕਾਯਾਦਿਏਕੇਕਧਮ੍ਮਕੋਟ੍ਠਾਸਂ ਨਿਯ੍ਯਾਤੇਨ੍ਤਾ ‘‘ਤੁਮ੍ਹੇ ਏਤਂ ਪਾਲ਼ਿਤੋ ਚ ਅਟ੍ਠਕਥਾਤੋ ਚ ਪਰਿਹਰਥ, ਸਕ੍ਕੋਨ੍ਤਾ ਉਤ੍ਤਰਿਪਿ ਉਗ੍ਗਣ੍ਹਥਾ’’ਤਿ ਏવਂ ਸਕਲਧਮ੍ਮਂ ਗਨ੍ਥવਸੇਨ ਨਿਯ੍ਯਾਤੇਨ੍ਤਿ, ਤਤ੍ਥ ਤੇ ਚ ਭਿਕ੍ਖੂ ਗਨ੍ਥਨਾਮੇਨ ਦੀਘਭਾਣਕਾ ਮਜ੍ਝਿਮਭਾਣਕਾਤਿ વੋਹਰੀਯਨ੍ਤਿ, ਤੇ ਚ ਅਤ੍ਤਨੋ ਭਾਰਭੂਤਂ ਕੋਟ੍ਠਾਸਂ ਪਰਿਚ੍ਚਜਿਤ੍વਾ ਅਞ੍ਞਂ ਉਗ੍ਗਹੇਤੁਂ ਨ ਲਭਨ੍ਤਿ। ਤਂ ਸਨ੍ਧਾਯਾਹ ‘‘ਸਚੇ ਮਜ੍ਝਿਮਭਾਣਕੋ ਹੋਤੀ’’ਤਿਆਦਿ।
Abhivinayeti pātimokkhasaṃvarasaṅkhāte saṃvaravinaye, tappakāsake vā vinayapiṭake. Vinetunti sikkhāpetuṃ pakāsetuṃ. Paguṇā vācuggatāti pāṭhato ca atthato ca paguṇā mukhe sannidhāpanavasena vācuggatā kātabbā. Atthamattavasenapettha yojanaṃ karonti. Abhidhammeti lakkhaṇarasādivasena paricchinne nāmarūpadhamme. Pubbe kira mahātherā pariyattianantaradhānāya ekekassa gaṇassa dīghanikāyādiekekadhammakoṭṭhāsaṃ niyyātentā ‘‘tumhe etaṃ pāḷito ca aṭṭhakathāto ca pariharatha, sakkontā uttaripi uggaṇhathā’’ti evaṃ sakaladhammaṃ ganthavasena niyyātenti, tattha te ca bhikkhū ganthanāmena dīghabhāṇakā majjhimabhāṇakāti voharīyanti, te ca attano bhārabhūtaṃ koṭṭhāsaṃ pariccajitvā aññaṃ uggahetuṃ na labhanti. Taṃ sandhāyāha ‘‘sace majjhimabhāṇako hotī’’tiādi.
ਤਤ੍ਥ ਹੇਟ੍ਠਿਮਾ વਾ ਤਯੋ વਗ੍ਗਾਤਿ ਮਹਾવਗ੍ਗਤੋ ਹੇਟ੍ਠਿਮਾ ਸਗਾਥਕવਗ੍ਗੋ (ਸਂ॰ ਨਿ॰ ੧.੧ ਆਦਯੋ), ਨਿਦਾਨવਗ੍ਗੋ (ਸਂ॰ ਨਿ॰ ੨.੧ ਆਦਯੋ), ਖਨ੍ਧવਗ੍ਗੋਤਿ (ਸਂ॰ ਨਿ॰ ੩.੧ ਆਦਿਯੋ) ਇਮੇ ਤਯੋ વਗ੍ਗਾ। ਤਿਕਨਿਪਾਤਤੋ ਪਟ੍ਠਾਯ ਹੇਟ੍ਠਾਤਿ ਏਕਕਨਿਪਾਤਦੁਕਨਿਪਾਤੇ ਸਨ੍ਧਾਯ વੁਤ੍ਤਂ। ਧਮ੍ਮਪਦਮ੍ਪਿ ਸਹ વਤ੍ਥੁਨਾ ਜਾਤਕਭਾਣਕੇਨ ਅਤ੍ਤਨੋ ਜਾਤਕੇਨ ਸਦ੍ਧਿਂ ਉਗ੍ਗਹੇਤਬ੍ਬਂ। ਤਤੋ ਓਰਂ ਨ વਟ੍ਟਤੀਤਿ ਮਹਾਪਚ੍ਚਰਿવਾਦਸ੍ਸ ਅਧਿਪ੍ਪਾਯੋ। ਤਤੋ ਤਤੋਤਿ ਦੀਘਨਿਕਾਯਾਦਿਤੋ। ਉਚ੍ਚਿਨਿਤ੍વਾ ਉਗ੍ਗਹਿਤਂ ਸਦ੍ਧਮ੍ਮਸ੍ਸ ਠਿਤਿਯਾ, ਭਿਕ੍ਖੁਨੋਪਿ ਪੁਬ੍ਬਾਪਰਾਨੁਸਨ੍ਧਿਆਦਿਕੁਸਲਤਾਯ ਚ ਨ ਹੋਤੀਤਿ ‘‘ਤਂ ਨ વਟ੍ਟਤੀ’’ਤਿ ਪਟਿਕ੍ਖਿਤ੍ਤਂ। ਅਭਿਧਮ੍ਮੇ ਕਿਞ੍ਚਿ ਉਗ੍ਗਹੇਤਬ੍ਬਨ੍ਤਿ ਨ વੁਤ੍ਤਨ੍ਤਿ ਏਤ੍ਥ ਯਸ੍ਮਾ વਿਨਯੇ ਕੁਸਲਤ੍ਤਿਕਾਦਿવਿਭਾਗੋ, ਸੁਤ੍ਤਨ੍ਤੇਸੁ ਸਮਥવਿਪਸ੍ਸਨਾਮਗ੍ਗੋ ਚ ਅਭਿਧਮ੍ਮਪਾਠਂ વਿਨਾ ਨ વਿਞ੍ਞਾਯਤਿ, ਅਨ੍ਧਕਾਰੇ ਪવਿਟ੍ਠਕਾਲੋ વਿਯ ਹੋਤਿ, ਤਸ੍ਮਾ ਸੁਤ੍ਤવਿਨਯਾਨਂ ਗਹਣવਸੇਨ ਅਭਿਧਮ੍ਮਗ੍ਗਹਣਂ વੁਤ੍ਤਮੇવਾਤਿ વਿਸੁਂ ਨ વੁਤ੍ਤਨ੍ਤਿ વੇਦਿਤਬ੍ਬਂ। ਯਥਾ ‘‘ਭੋਜਨਂ ਭੁਞ੍ਜਿਤਬ੍ਬ’’ਨ੍ਤਿ વੁਤ੍ਤੇ ‘‘ਬ੍ਯਞ੍ਜਨਂ ਖਾਦਿਤਬ੍ਬ’’ਨ੍ਤਿ ਅવੁਤ੍ਤਮ੍ਪਿ વੁਤ੍ਤਮੇવ ਹੋਤਿ ਤਦવਿਨਾਭਾવਤੋ, ਏવਂਸਮ੍ਪਦਮਿਦਂ ਦਟ੍ਠਬ੍ਬਂ।
Tattha heṭṭhimā vā tayo vaggāti mahāvaggato heṭṭhimā sagāthakavaggo (saṃ. ni. 1.1 ādayo), nidānavaggo (saṃ. ni. 2.1 ādayo), khandhavaggoti (saṃ. ni. 3.1 ādiyo) ime tayo vaggā. Tikanipātato paṭṭhāya heṭṭhāti ekakanipātadukanipāte sandhāya vuttaṃ. Dhammapadampi saha vatthunā jātakabhāṇakena attano jātakena saddhiṃ uggahetabbaṃ. Tato oraṃ na vaṭṭatīti mahāpaccarivādassa adhippāyo. Tato tatoti dīghanikāyādito. Uccinitvā uggahitaṃ saddhammassa ṭhitiyā, bhikkhunopi pubbāparānusandhiādikusalatāya ca na hotīti ‘‘taṃ na vaṭṭatī’’ti paṭikkhittaṃ. Abhidhamme kiñci uggahetabbanti na vuttanti ettha yasmā vinaye kusalattikādivibhāgo, suttantesu samathavipassanāmaggo ca abhidhammapāṭhaṃ vinā na viññāyati, andhakāre paviṭṭhakālo viya hoti, tasmā suttavinayānaṃ gahaṇavasena abhidhammaggahaṇaṃ vuttamevāti visuṃ na vuttanti veditabbaṃ. Yathā ‘‘bhojanaṃ bhuñjitabba’’nti vutte ‘‘byañjanaṃ khāditabba’’nti avuttampi vuttameva hoti tadavinābhāvato, evaṃsampadamidaṃ daṭṭhabbaṃ.
ਪਰਿਮਣ੍ਡਲਪਦਬ੍ਯਞ੍ਜਨਾਯਾਤਿ ਪਰਿਮਣ੍ਡਲਾਨਿ ਪਰਿਪੁਣ੍ਣਾਨਿ ਪਦੇਸੁ ਸਿਥਿਲਧਨਿਤਾਦਿਬ੍ਯਞ੍ਜਨਾਨਿ ਯਸ੍ਸਂ, ਤਾਯ। ਪੁਰਸ੍ਸ ਏਸਾਤਿ ਪੋਰੀ, ਨਗਰવਾਸੀਨਂ ਕਥਾਤਿ ਅਤ੍ਥੋ। ਅਨੇਲਗਲ਼ਾਯਾਤਿ ਏਤ੍ਥ ਏਲਾਤਿ ਖੇਲ਼ਂ ਤਗ੍ਗਲ਼ਨવਿਰਹਿਤਾਯ। ਕਲ੍ਯਾਣવਾਕ੍ਕਰਣੋਤਿ ਏਤ੍ਥ વਾਚਾ ਏવ વਾਕ੍ਕਰਣਂ, ਉਦਾਹਰਣਘੋਸੋ। ਕਲ੍ਯਾਣਂ ਮਧੁਰਂ વਾਕ੍ਕਰਣਮਸ੍ਸਾਤਿ ਕਲ੍ਯਾਣવਾਕ੍ਕਰਣੋ। ਉਪਸਮ੍ਪਨ੍ਨਾਯ ਮੇਥੁਨੇਨੇવ ਅਭਬ੍ਬੋ ਹੋਤਿ, ਨ ਸਿਕ੍ਖਮਾਨਾਸਾਮਣੇਰੀਸੂਤਿ ਆਹ ‘‘ਭਿਕ੍ਖੁਨਿਯਾ ਕਾਯਸਂਸਗ੍ਗਂ વਾ’’ਤਿਆਦਿ।
Parimaṇḍalapadabyañjanāyāti parimaṇḍalāni paripuṇṇāni padesu sithiladhanitādibyañjanāni yassaṃ, tāya. Purassa esāti porī, nagaravāsīnaṃ kathāti attho. Anelagaḷāyāti ettha elāti kheḷaṃ taggaḷanavirahitāya. Kalyāṇavākkaraṇoti ettha vācā eva vākkaraṇaṃ, udāharaṇaghoso. Kalyāṇaṃ madhuraṃ vākkaraṇamassāti kalyāṇavākkaraṇo. Upasampannāya methuneneva abhabbo hoti, na sikkhamānāsāmaṇerīsūti āha ‘‘bhikkhuniyā kāyasaṃsaggaṃ vā’’tiādi.
੧੪੮. ਗਰੁਕੇਹੀਤਿ ਗਰੁਕਭਣ੍ਡੇਹਿ। ਏਕਤੋਉਪਸਮ੍ਪਨ੍ਨਾਯਾਤਿ ਉਪਯੋਗਤ੍ਥੇ ਭੁਮ੍ਮવਚਨਂ। ਭਿਕ੍ਖੂਨਂ ਸਨ੍ਤਿਕੇ ਉਪਸਮ੍ਪਨ੍ਨਾ ਨਾਮ ਪਰਿવਤ੍ਤਲਿਙ੍ਗਾ વਾ ਪਞ੍ਚਸਤਸਾਕਿਯਾਨਿਯੋ વਾ। ਏਤਾ ਪਨ ਏਕਤੋਉਪਸਮ੍ਪਨ੍ਨਾ ਓવਦਨ੍ਤਸ੍ਸ ਪਾਚਿਤ੍ਤਿਯਮੇવ।
148.Garukehīti garukabhaṇḍehi. Ekatoupasampannāyāti upayogatthe bhummavacanaṃ. Bhikkhūnaṃ santike upasampannā nāma parivattaliṅgā vā pañcasatasākiyāniyo vā. Etā pana ekatoupasampannā ovadantassa pācittiyameva.
੧੪੯. ਨ ਨਿਮਨ੍ਤਿਤਾ ਹੁਤ੍વਾ ਗਨ੍ਤੁਕਾਮਾਤਿ ਨਿਮਨ੍ਤਿਤਾ ਹੁਤ੍વਾ ਭੋਜਨਪਰਿਯੋਸਾਨੇ ਗਨ੍ਤੁਕਾਮਾ ਨ ਹੋਨ੍ਤਿ, ਤਤ੍ਥੇવ વਸਿਤੁਕਾਮਾ ਹੋਨ੍ਤੀਤਿ ਅਤ੍ਥੋ। ਯਤੋਤਿ ਭਿਕ੍ਖੁਨੁਪਸ੍ਸਯਤੋ। ਯਾਚਿਤ੍વਾਤਿ ‘‘ਤੁਮ੍ਹੇਹਿ ਆਨੀਤਓવਾਦੇਨੇવ ਮਯਮ੍ਪਿ વਸਿਸ੍ਸਾਮਾ’’ਤਿ ਯਾਚਿਤ੍વਾ। ਤਤ੍ਥਾਤਿ ਤਸ੍ਮਿਂ ਭਿਕ੍ਖੁਨੁਪਸ੍ਸਯੇ। ਅਭਿਕ੍ਖੁਕਾવਾਸੇ વਸ੍ਸਂ વਸਨ੍ਤਿਯਾ ਪਾਚਿਤ੍ਤਿਯਂ, ਅਪਗਚ੍ਛਨ੍ਤਿਯਾ ਦੁਕ੍ਕਟਂ।
149.Na nimantitā hutvā gantukāmāti nimantitā hutvā bhojanapariyosāne gantukāmā na honti, tattheva vasitukāmā hontīti attho. Yatoti bhikkhunupassayato. Yācitvāti ‘‘tumhehi ānītaovādeneva mayampi vasissāmā’’ti yācitvā. Tatthāti tasmiṃ bhikkhunupassaye. Abhikkhukāvāse vassaṃ vasantiyā pācittiyaṃ, apagacchantiyā dukkaṭaṃ.
ਇਮਾਸੁ ਕਤਰਾਪਤ੍ਤਿ ਪਰਿਹਰਿਤਬ੍ਬਾਤਿ ਚੋਦਨਂ ਪਰਿਹਰਨ੍ਤੋ ਆਹ ‘‘ਸਾ ਰਕ੍ਖਿਤਬ੍ਬਾ’’ਤਿ। ਸਾ વਸ੍ਸਾਨੁਗਮਨਮੂਲਿਕਾ ਆਪਤ੍ਤਿ ਰਕ੍ਖਿਤਬ੍ਬਾ, ਇਤਰਾਯ ਅਨਾਪਤ੍ਤਿਕਾਰਣਂ ਅਤ੍ਥੀਤਿ ਅਧਿਪ੍ਪਾਯੋ। ਤੇਨਾਹ ‘‘ਆਪਦਾਸੁ ਹੀ’’ਤਿਆਦਿ।
Imāsu katarāpatti pariharitabbāti codanaṃ pariharanto āha ‘‘sā rakkhitabbā’’ti. Sā vassānugamanamūlikā āpatti rakkhitabbā, itarāya anāpattikāraṇaṃ atthīti adhippāyo. Tenāha ‘‘āpadāsu hī’’tiādi.
ਓવਾਦਤ੍ਥਾਯਾਤਿ ਓવਾਦੇ ਯਾਚਨਤ੍ਥਾਯ। ਦ੍વੇ ਤਿਸ੍ਸੋਤਿ ਦ੍વੀਹਿ ਤੀਹਿ, ਕਰਣਤ੍ਥੇ ਚੇਤਂ ਪਚ੍ਚਤ੍ਤવਚਨਂ। ਪਾਸਾਦਿਕੇਨਾਤਿ ਪਸਾਦਜਨਕੇਨ ਕਾਯਕਮ੍ਮਾਦਿਨਾ। ਸਮ੍ਪਾਦੇਤੂਤਿ ਤਿવਿਧਂ ਸਿਕ੍ਖਂ ਸਮ੍ਪਾਦੇਤੁ। ਅਸਮ੍ਮਤਤਾ, ਭਿਕ੍ਖੁਨਿਯਾ ਪਰਿਪੁਣ੍ਣੂਪਸਮ੍ਪਨ੍ਨਤਾ, ਓવਾਦવਸੇਨ ਅਟ੍ਠਗਰੁਧਮ੍ਮਦਾਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
Ovādatthāyāti ovāde yācanatthāya. Dve tissoti dvīhi tīhi, karaṇatthe cetaṃ paccattavacanaṃ. Pāsādikenāti pasādajanakena kāyakammādinā. Sampādetūti tividhaṃ sikkhaṃ sampādetu. Asammatatā, bhikkhuniyā paripuṇṇūpasampannatā, ovādavasena aṭṭhagarudhammadānanti imānettha tīṇi aṅgāni.
ਓવਾਦਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ovādasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਓવਾਦਸਿਕ੍ਖਾਪਦવਣ੍ਣਨਾ • 1. Ovādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਓવਾਦਸਿਕ੍ਖਾਪਦવਣ੍ਣਨਾ • 1. Ovādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਓવਾਦਸਿਕ੍ਖਾਪਦવਣ੍ਣਨਾ • 1. Ovādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਓવਾਦਸਿਕ੍ਖਾਪਦ-ਅਤ੍ਥਯੋਜਨਾ • 1. Ovādasikkhāpada-atthayojanā
