| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. ཨོཝཱདསུཏྟཾ
2. Ovādasuttaṃ
༥༢. ཨེཀཾ སམཡཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ། ཨཐ ཁོ ཨཱཡསྨཱ ཨཱནནྡོ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཀཏིཧི ནུ ཁོ, བྷནྟེ, དྷམྨེཧི སམནྣཱགཏོ བྷིཀྑུ བྷིཀྑུནོཝཱདཀོ སམྨནྣིཏབྦོ’’ཏི?
52. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘katihi nu kho, bhante, dhammehi samannāgato bhikkhu bhikkhunovādako sammannitabbo’’ti?
1 ‘‘ཨཊྛཧི ཁོ, ཨཱནནྡ, དྷམྨེཧི སམནྣཱགཏོ བྷིཀྑུ བྷིཀྑུནོཝཱདཀོ སམྨནྣིཏབྦོ། ཀཏམེཧི ཨཊྛཧི? ཨིདྷཱནནྡ, བྷིཀྑུ སཱིལཝཱ ཧོཏི…པེ॰… སམཱདཱཡ སིཀྑཏི སིཀྑཱཔདེསུ; བཧུསྶུཏོ ཧོཏི…པེ॰… དིཊྛིཡཱ སུཔྤཊིཝིདྡྷཱ; ཨུབྷཡཱནི ཁོ པནསྶ པཱཏིམོཀྑཱནི ཝིཏྠཱརེན སྭཱགཏཱནི ཧོནྟི སུཝིབྷཏྟཱནི སུཔྤཝཏྟཱིནི སུཝིནིཙྪིཏཱནི སུཏྟསོ ཨནུབྱཉྫནསོ; ཀལྱཱཎཝཱཙོ ཧོཏི ཀལྱཱཎཝཱཀྐརཎོ, པོརིཡཱ ཝཱཙཱཡ སམནྣཱགཏོ ཝིསྶཊྛཱཡ 2 ཨནེལགལཱ༹ཡ 3 ཨཏྠསྶ ཝིཉྙཱཔནིཡཱ; པཊིབལོ ཧོཏི བྷིཀྑུནིསངྒྷསྶ དྷམྨིཡཱ ཀཐཱཡ སནྡསྶེཏུཾ སམཱདཔེཏུཾ སམུཏྟེཛེཏུཾ སམྤཧཾསེཏུཾ; ཡེབྷུཡྻེན བྷིཀྑུནཱིནཾ པིཡོ ཧོཏི མནཱཔོ; ན ཁོ པནེཏཾ བྷགཝནྟཾ ཨུདྡིསྶ པབྦཛིཏཱཡ ཀཱསཱཡཝཏྠནིཝསནཱཡ གརུདྷམྨཾ ཨཛ྄ཛྷཱཔནྣཔུབྦོ ཧོཏི; ཝཱིསཏིཝསྶོ ཝཱ ཧོཏི ཨཏིརེཀཝཱིསཏིཝསྶོ ཝཱ། ཨིམེཧི ཁོ, ཨཱནནྡ, ཨཊྛཧི དྷམྨེཧི སམནྣཱགཏོ བྷིཀྑུ བྷིཀྑུནོཝཱདཀོ སམྨནྣིཏབྦོ’’ཏི། དུཏིཡཾ།
4 ‘‘Aṭṭhahi kho, ānanda, dhammehi samannāgato bhikkhu bhikkhunovādako sammannitabbo. Katamehi aṭṭhahi? Idhānanda, bhikkhu sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso; kalyāṇavāco hoti kalyāṇavākkaraṇo, poriyā vācāya samannāgato vissaṭṭhāya 5 anelagaḷāya 6 atthassa viññāpaniyā; paṭibalo hoti bhikkhunisaṅghassa dhammiyā kathāya sandassetuṃ samādapetuṃ samuttejetuṃ sampahaṃsetuṃ; yebhuyyena bhikkhunīnaṃ piyo hoti manāpo; na kho panetaṃ bhagavantaṃ uddissa pabbajitāya kāsāyavatthanivasanāya garudhammaṃ ajjhāpannapubbo hoti; vīsativasso vā hoti atirekavīsativasso vā. Imehi kho, ānanda, aṭṭhahi dhammehi samannāgato bhikkhu bhikkhunovādako sammannitabbo’’ti. Dutiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. ཨོཝཱདསུཏྟཝཎྞནཱ • 2. Ovādasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༣. གོཏམཱིསུཏྟཱདིཝཎྞནཱ • 1-3. Gotamīsuttādivaṇṇanā
