| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. оваад̣̇асуд̇д̇аван̣н̣анаа
6. Ovādasuttavaṇṇanā
149. чадтз ахам̣ ваад̇и гасмаа ааха? т̇зрам̣ ад̇д̇ано таанз табанад̇т̇ам̣. гим̣ саарибуд̇д̇амог̇г̇аллаанаа над̇т̇ийд̇и? ад̇т̇и. звам̣ банасса ахоси ‘‘имз на жирам̣ тассанд̇и, гассабо бана вийсавассасад̇ааяуго, со маяи бариниб̣б̣уд̇з сад̇д̇абан̣н̣иг̇ухааяам̣ нисийд̣̇ид̇ваа д̇хаммавинаяасан̇г̇ахам̣ гад̇ваа мама саасанам̣ бан̃жавассасахассабаримаан̣агаалабавад̇д̇анагам̣ гариссад̇и, ад̇д̇ано д̇ам̣ таанз табзми, звам̣ бхигкуу гассабасса суссуусид̇аб̣б̣ам̣ ман̃н̃иссанд̇ий’’д̇и. д̇асмаа звамааха. д̣̇уб̣б̣ажаад̇и д̣̇угкзна вад̇д̇аб̣б̣аа. д̣̇оважассагаран̣зхийд̇и д̣̇уб̣б̣ажабхаавагаран̣зхи. аббад̣̇агкин̣аг̇г̇аахинод̇и анусаасаним̣ суд̇ваа бад̣̇агкин̣ам̣ на г̇ан̣ханд̇и яат̇аанусидтам̣ на бадибаж̇ж̇анд̇и, аббадибаж̇ж̇анд̇аа ваамаг̇аахино наама ж̇аад̇аад̇и д̣̇ассзд̇и. ажжаавад̣̇анд̇зд̇и ад̇иггамма вад̣̇анд̇з, суд̇абарияад̇д̇им̣ ниссааяа ад̇ивияа ваад̣̇ам̣ гаронд̇зд̇и ад̇т̇о. го б̣ахуд̇арам̣ бхаасиссад̇ийд̇и д̇хаммам̣ гат̇знд̇о го б̣ахум̣ бхаасиссад̇и, гим̣ д̇вам̣, уд̣̇ааху аханд̇и? го сунд̣̇арад̇аранд̇и, зго б̣ахум̣ бхаасанд̇о асахид̇ам̣ амад̇хурам̣ бхаасад̇и, зго сахид̇ам̣ мад̇хурам̣, д̇ам̣ санд̇хааяааха ‘‘го сунд̣̇арад̇ара’’нд̇и? зго бана б̣ахун̃жа сунд̣̇аран̃жа гат̇знд̇о жирам̣ на бхаасад̇и, лахун̃н̃зва удтаад̇и, зго ад̣̇д̇хаанам̣ баабзд̇и, д̇ам̣ санд̇хааяааха ‘‘го жирад̇ара’’нд̇и? чадтам̣.
149. Chaṭṭhe ahaṃ vāti kasmā āha? Theraṃ attano ṭhāne ṭhapanatthaṃ. Kiṃ sāriputtamoggallānā natthīti? Atthi. Evaṃ panassa ahosi ‘‘ime na ciraṃ ṭhassanti, kassapo pana vīsavassasatāyuko, so mayi parinibbute sattapaṇṇiguhāyaṃ nisīditvā dhammavinayasaṅgahaṃ katvā mama sāsanaṃ pañcavassasahassaparimāṇakālapavattanakaṃ karissati, attano taṃ ṭhāne ṭhapemi, evaṃ bhikkhū kassapassa sussūsitabbaṃ maññissantī’’ti. Tasmā evamāha. Dubbacāti dukkhena vattabbā. Dovacassakaraṇehīti dubbacabhāvakaraṇehi. Appadakkhiṇaggāhinoti anusāsaniṃ sutvā padakkhiṇaṃ na gaṇhanti yathānusiṭṭhaṃ na paṭipajjanti, appaṭipajjantā vāmagāhino nāma jātāti dasseti. Accāvadanteti atikkamma vadante, sutapariyattiṃ nissāya ativiya vādaṃ karonteti attho. Ko bahutaraṃ bhāsissatīti dhammaṃ kathento ko bahuṃ bhāsissati, kiṃ tvaṃ, udāhu ahanti? Ko sundarataranti, eko bahuṃ bhāsanto asahitaṃ amadhuraṃ bhāsati, eko sahitaṃ madhuraṃ, taṃ sandhāyāha ‘‘ko sundaratara’’nti? Eko pana bahuñca sundarañca kathento ciraṃ na bhāsati, lahuññeva uṭṭhāti, eko addhānaṃ pāpeti, taṃ sandhāyāha ‘‘ko ciratara’’nti? Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. оваад̣̇асуд̇д̇ам̣ • 6. Ovādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. оваад̣̇асуд̇д̇аван̣н̣анаа • 6. Ovādasuttavaṇṇanā
