| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. оваад̣̇асуд̇д̇аван̣н̣анаа
6. Ovādasuttavaṇṇanā
149. ад̇д̇ано таанзд̇и саб̣рахмажаарийнам̣ оваад̣̇агавин̃н̃аабагабхаавзна ад̇д̇ано махаасаавагадтаанз табанад̇т̇ам̣. ат̇а ваа яасмаа ‘‘ахам̣ д̣̇аани на жирам̣ тассаами, д̇ат̇аа саарибуд̇д̇амог̇г̇аллаанаа, аяам̣ бана вийсам̣вассад̇ааяуго, овад̣̇анд̇о анусаасанд̇о мамажжаязна бхигкуунам̣ маяаа гаад̇аб̣б̣агижжам̣ гариссад̇ий’’д̇и ад̇хиббааязна бхаг̇аваа имам̣ д̣̇зсанам̣ аарабхи. д̇асмаа ад̇д̇ано таанзд̇и сад̇т̇аараа гаад̇аб̣б̣аоваад̣̇ад̣̇ааяагадтаанз. д̇знааха ‘‘звам̣ банассаа’’д̇иаад̣̇и. яат̇ааха бхаг̇аваа ‘‘овад̣̇а, гассаба…бз… д̇вам̣ ваа’’д̇и. д̣̇угкзна вад̇д̇аб̣б̣аа аббад̣̇агкин̣аг̇г̇аахибхаавад̇о. д̣̇уб̣б̣ажабхаавагаран̣зхийд̇и год̇хуубанаахаад̣̇ийхи. анусаасанияаа бад̣̇агкин̣аг̇г̇ахан̣ам̣ наама ануд̇хаммажаран̣ам̣, чиннабадибад̇д̇и гад̇аа ваамаг̇г̇аахо наамаад̇и ааха ‘‘анусаасани’’нд̇иаад̣̇и. ад̇иггамма вад̣̇анд̇зд̇и ан̃н̃аман̃н̃ам̣ ад̇иггамид̇ваа ад̇иман̃н̃ид̇ваа вад̣̇анд̇з. б̣ахум̣ бхаасиссад̇ийд̇и д̇хаммам̣ гат̇знд̇о го вибулам̣ гад̇ваа гат̇зссад̇и. асахид̇анд̇и буб̣б̣знаабарам̣ насахид̇ам̣ хзд̇убамаавирахид̇ам̣. амад̇хуранд̇и на мад̇хурам̣ на ган̣н̣асукам̣ на бзманийяам̣. лахун̃н̃зва удтаад̇и аббавад̇д̇анзна гууладтаанам̣ вияа д̇асса гат̇анам̣.
149.Attano ṭhāneti sabrahmacārīnaṃ ovādakaviññāpakabhāvena attano mahāsāvakaṭṭhāne ṭhapanatthaṃ. Atha vā yasmā ‘‘ahaṃ dāni na ciraṃ ṭhassāmi, tathā sāriputtamoggallānā, ayaṃ pana vīsaṃvassatāyuko, ovadanto anusāsanto mamaccayena bhikkhūnaṃ mayā kātabbakiccaṃ karissatī’’ti adhippāyena bhagavā imaṃ desanaṃ ārabhi. Tasmā attano ṭhāneti satthārā kātabbaovādadāyakaṭṭhāne. Tenāha ‘‘evaṃ panassā’’tiādi. Yathāha bhagavā ‘‘ovada, kassapa…pe… tvaṃ vā’’ti. Dukkhena vattabbā appadakkhiṇaggāhibhāvato. Dubbacabhāvakaraṇehīti kodhūpanāhādīhi. Anusāsaniyā padakkhiṇaggahaṇaṃ nāma anudhammacaraṇaṃ, chinnapaṭipatti katā vāmaggāho nāmāti āha ‘‘anusāsani’’ntiādi. Atikkamma vadanteti aññamaññaṃ atikkamitvā atimaññitvā vadante. Bahuṃ bhāsissatīti dhammaṃ kathento ko vipulaṃ katvā kathessati. Asahitanti pubbenāparaṃ nasahitaṃ hetupamāvirahitaṃ. Amadhuranti na madhuraṃ na kaṇṇasukhaṃ na pemanīyaṃ. Lahuññeva uṭṭhāti appavattanena kūlaṭṭhānaṃ viya tassa kathanaṃ.
оваад̣̇асуд̇д̇аван̣н̣анаа нидтид̇аа.
Ovādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. оваад̣̇асуд̇д̇ам̣ • 6. Ovādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. оваад̣̇асуд̇д̇аван̣н̣анаа • 6. Ovādasuttavaṇṇanā
