| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਓવਾਦਸੁਤ੍ਤવਣ੍ਣਨਾ
6. Ovādasuttavaṇṇanā
੧੪੯. ਅਤ੍ਤਨੋ ਠਾਨੇਤਿ ਸਬ੍ਰਹ੍ਮਚਾਰੀਨਂ ਓવਾਦਕવਿਞ੍ਞਾਪਕਭਾવੇਨ ਅਤ੍ਤਨੋ ਮਹਾਸਾવਕਟ੍ਠਾਨੇ ਠਪਨਤ੍ਥਂ। ਅਥ વਾ ਯਸ੍ਮਾ ‘‘ਅਹਂ ਦਾਨਿ ਨ ਚਿਰਂ ਠਸ੍ਸਾਮਿ, ਤਥਾ ਸਾਰਿਪੁਤ੍ਤਮੋਗ੍ਗਲ੍ਲਾਨਾ, ਅਯਂ ਪਨ વੀਸਂવਸ੍ਸਤਾਯੁਕੋ, ਓવਦਨ੍ਤੋ ਅਨੁਸਾਸਨ੍ਤੋ ਮਮਚ੍ਚਯੇਨ ਭਿਕ੍ਖੂਨਂ ਮਯਾ ਕਾਤਬ੍ਬਕਿਚ੍ਚਂ ਕਰਿਸ੍ਸਤੀ’’ਤਿ ਅਧਿਪ੍ਪਾਯੇਨ ਭਗવਾ ਇਮਂ ਦੇਸਨਂ ਆਰਭਿ। ਤਸ੍ਮਾ ਅਤ੍ਤਨੋ ਠਾਨੇਤਿ ਸਤ੍ਥਾਰਾ ਕਾਤਬ੍ਬਓવਾਦਦਾਯਕਟ੍ਠਾਨੇ। ਤੇਨਾਹ ‘‘ਏવਂ ਪਨਸ੍ਸਾ’’ਤਿਆਦਿ। ਯਥਾਹ ਭਗવਾ ‘‘ਓવਦ, ਕਸ੍ਸਪ…ਪੇ॰… ਤ੍વਂ વਾ’’ਤਿ। ਦੁਕ੍ਖੇਨ વਤ੍ਤਬ੍ਬਾ ਅਪ੍ਪਦਕ੍ਖਿਣਗ੍ਗਾਹਿਭਾવਤੋ। ਦੁਬ੍ਬਚਭਾવਕਰਣੇਹੀਤਿ ਕੋਧੂਪਨਾਹਾਦੀਹਿ। ਅਨੁਸਾਸਨਿਯਾ ਪਦਕ੍ਖਿਣਗ੍ਗਹਣਂ ਨਾਮ ਅਨੁਧਮ੍ਮਚਰਣਂ, ਛਿਨ੍ਨਪਟਿਪਤ੍ਤਿ ਕਤਾ વਾਮਗ੍ਗਾਹੋ ਨਾਮਾਤਿ ਆਹ ‘‘ਅਨੁਸਾਸਨਿ’’ਨ੍ਤਿਆਦਿ। ਅਤਿਕ੍ਕਮ੍ਮ વਦਨ੍ਤੇਤਿ ਅਞ੍ਞਮਞ੍ਞਂ ਅਤਿਕ੍ਕਮਿਤ੍વਾ ਅਤਿਮਞ੍ਞਿਤ੍વਾ વਦਨ੍ਤੇ। ਬਹੁਂ ਭਾਸਿਸ੍ਸਤੀਤਿ ਧਮ੍ਮਂ ਕਥੇਨ੍ਤੋ ਕੋ વਿਪੁਲਂ ਕਤ੍વਾ ਕਥੇਸ੍ਸਤਿ। ਅਸਹਿਤਨ੍ਤਿ ਪੁਬ੍ਬੇਨਾਪਰਂ ਨਸਹਿਤਂ ਹੇਤੁਪਮਾવਿਰਹਿਤਂ। ਅਮਧੁਰਨ੍ਤਿ ਨ ਮਧੁਰਂ ਨ ਕਣ੍ਣਸੁਖਂ ਨ ਪੇਮਨੀਯਂ। ਲਹੁਞ੍ਞੇવ ਉਟ੍ਠਾਤਿ ਅਪ੍ਪવਤ੍ਤਨੇਨ ਕੂਲਟ੍ਠਾਨਂ વਿਯ ਤਸ੍ਸ ਕਥਨਂ।
149.Attano ṭhāneti sabrahmacārīnaṃ ovādakaviññāpakabhāvena attano mahāsāvakaṭṭhāne ṭhapanatthaṃ. Atha vā yasmā ‘‘ahaṃ dāni na ciraṃ ṭhassāmi, tathā sāriputtamoggallānā, ayaṃ pana vīsaṃvassatāyuko, ovadanto anusāsanto mamaccayena bhikkhūnaṃ mayā kātabbakiccaṃ karissatī’’ti adhippāyena bhagavā imaṃ desanaṃ ārabhi. Tasmā attano ṭhāneti satthārā kātabbaovādadāyakaṭṭhāne. Tenāha ‘‘evaṃ panassā’’tiādi. Yathāha bhagavā ‘‘ovada, kassapa…pe… tvaṃ vā’’ti. Dukkhena vattabbā appadakkhiṇaggāhibhāvato. Dubbacabhāvakaraṇehīti kodhūpanāhādīhi. Anusāsaniyā padakkhiṇaggahaṇaṃ nāma anudhammacaraṇaṃ, chinnapaṭipatti katā vāmaggāho nāmāti āha ‘‘anusāsani’’ntiādi. Atikkamma vadanteti aññamaññaṃ atikkamitvā atimaññitvā vadante. Bahuṃ bhāsissatīti dhammaṃ kathento ko vipulaṃ katvā kathessati. Asahitanti pubbenāparaṃ nasahitaṃ hetupamāvirahitaṃ. Amadhuranti na madhuraṃ na kaṇṇasukhaṃ na pemanīyaṃ. Lahuññeva uṭṭhāti appavattanena kūlaṭṭhānaṃ viya tassa kathanaṃ.
ਓવਾਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ovādasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਓવਾਦਸੁਤ੍ਤਂ • 6. Ovādasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਓવਾਦਸੁਤ੍ਤવਣ੍ਣਨਾ • 6. Ovādasuttavaṇṇanā
