Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga

    3. оваад̣̇аваг̇г̇о

    3. Ovādavaggo

    1. оваад̣̇асигкаабад̣̇ам̣

    1. Ovādasikkhāpadaṃ

    144. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇зраа бхигкуу бхигкунияо овад̣̇анд̇аа лаабхино хонд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ат̇а ко чаб̣б̣аг̇г̇ияаанам̣ бхигкуунам̣ зд̇ад̣̇ахоси – ‘‘зд̇арахи ко, аавусо, т̇зраа бхигкуу бхигкунияо овад̣̇анд̇аа лаабхино хонд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ханд̣̇аавусо, маяамби бхигкунияо овад̣̇аамаа’’д̇и. ат̇а ко чаб̣б̣аг̇г̇ияаа бхигкуу бхигкунияо убасан̇гамид̇ваа зд̇ад̣̇авожум̣ – ‘‘амхзби, бхаг̇инияо, убасан̇гамат̇а; маяамби овад̣̇иссаамаа’’д̇и.

    144. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena therā bhikkhū bhikkhuniyo ovadantā lābhino honti cīvarapiṇḍapātasenāsanagilānappaccayabhesajjaparikkhārānaṃ. Atha kho chabbaggiyānaṃ bhikkhūnaṃ etadahosi – ‘‘etarahi kho, āvuso, therā bhikkhū bhikkhuniyo ovadantā lābhino honti cīvarapiṇḍapātasenāsanagilānappaccayabhesajjaparikkhārānaṃ. Handāvuso, mayampi bhikkhuniyo ovadāmā’’ti. Atha kho chabbaggiyā bhikkhū bhikkhuniyo upasaṅkamitvā etadavocuṃ – ‘‘amhepi, bhaginiyo, upasaṅkamatha; mayampi ovadissāmā’’ti.

    ат̇а ко д̇аа бхигкунияо язна чаб̣б̣аг̇г̇ияаа бхигкуу д̇знубасан̇гамим̣су; убасан̇гамид̇ваа чаб̣б̣аг̇г̇ияз бхигкуу абхиваад̣̇зд̇ваа згаманд̇ам̣ нисийд̣̇им̣су. ат̇а ко чаб̣б̣аг̇г̇ияаа бхигкуу бхигкунийнам̣ барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зсум̣ – ‘‘г̇ажчат̇а, бхаг̇инияо’’д̇и. ат̇а ко д̇аа бхигкунияо язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇аа бхигкунияо бхаг̇аваа зд̇ад̣̇авожа – ‘‘гажжи, бхигкунияо, оваад̣̇о ид̣̇д̇хо ахосий’’д̇и? ‘‘гуд̇о, бханд̇з, оваад̣̇о ид̣̇д̇хо бхависсад̇и! аяяаа чаб̣б̣аг̇г̇ияаа барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зсу’’нд̇и. ат̇а ко бхаг̇аваа д̇аа бхигкунияо д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси . ат̇а ко д̇аа бхигкунияо бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су.

    Atha kho tā bhikkhuniyo yena chabbaggiyā bhikkhū tenupasaṅkamiṃsu; upasaṅkamitvā chabbaggiye bhikkhū abhivādetvā ekamantaṃ nisīdiṃsu. Atha kho chabbaggiyā bhikkhū bhikkhunīnaṃ parittaññeva dhammiṃ kathaṃ katvā divasaṃ tiracchānakathāya vītināmetvā uyyojesuṃ – ‘‘gacchatha, bhaginiyo’’ti. Atha kho tā bhikkhuniyo yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tā bhikkhuniyo bhagavā etadavoca – ‘‘kacci, bhikkhuniyo, ovādo iddho ahosī’’ti? ‘‘Kuto, bhante, ovādo iddho bhavissati! Ayyā chabbaggiyā parittaññeva dhammiṃ kathaṃ katvā divasaṃ tiracchānakathāya vītināmetvā uyyojesu’’nti. Atha kho bhagavā tā bhikkhuniyo dhammiyā kathāya sandassesi samādapesi samuttejesi sampahaṃsesi . Atha kho tā bhikkhuniyo bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ abhivādetvā padakkhiṇaṃ katvā pakkamiṃsu.

    ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа чаб̣б̣аг̇г̇ияз бхигкуу бадибужчи – ‘‘сажжам̣ гира д̇умхз, бхигкавз, бхигкунийнам̣ барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, бхигкунийнам̣ барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бхигкуноваад̣̇агам̣ самманнид̇ум̣. зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о. яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –

    Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā chabbaggiye bhikkhū paṭipucchi – ‘‘saccaṃ kira tumhe, bhikkhave, bhikkhunīnaṃ parittaññeva dhammiṃ kathaṃ katvā divasaṃ tiracchānakathāya vītināmetvā uyyojethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhunīnaṃ parittaññeva dhammiṃ kathaṃ katvā divasaṃ tiracchānakathāya vītināmetvā uyyojessatha! Netaṃ, moghapurisā, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘anujānāmi, bhikkhave, bhikkhunovādakaṃ sammannituṃ. Evañca pana, bhikkhave, sammannitabbo. Paṭhamaṃ bhikkhu yācitabbo. Yācitvā byattena bhikkhunā paṭibalena saṅgho ñāpetabbo –

    145. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ бхигкуноваад̣̇агам̣ самманнзяяа. зсаа н̃ад̇д̇и.

    145. ‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ bhikkhunovādakaṃ sammanneyya. Esā ñatti.

    ‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ бхигкуноваад̣̇агам̣ самманнад̇и. яассааяасмад̇о камад̇и ид̇т̇аннаамасса бхигкуно бхигкуноваад̣̇агасса саммуд̇и, со д̇ун̣хасса; яасса нагкамад̇и, со бхаасзяяа.

    ‘‘Suṇātu me, bhante, saṅgho. Saṅgho itthannāmaṃ bhikkhuṃ bhikkhunovādakaṃ sammannati. Yassāyasmato khamati itthannāmassa bhikkhuno bhikkhunovādakassa sammuti, so tuṇhassa; yassa nakkhamati, so bhāseyya.

    ‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ бхигкуноваад̣̇агам̣ самманнад̇и. яассааяасмад̇о камад̇и ид̇т̇аннаамасса бхигкуно бхигкуноваад̣̇агасса саммуд̇и, со д̇ун̣хасса; яасса нагкамад̇и, со бхаасзяяа.

    ‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Saṅgho itthannāmaṃ bhikkhuṃ bhikkhunovādakaṃ sammannati. Yassāyasmato khamati itthannāmassa bhikkhuno bhikkhunovādakassa sammuti, so tuṇhassa; yassa nakkhamati, so bhāseyya.

    ‘‘саммад̇о сан̇гхзна ид̇т̇аннаамо бхигку бхигкуноваад̣̇аго. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.

    ‘‘Sammato saṅghena itthannāmo bhikkhu bhikkhunovādako. Khamati saṅghassa, tasmā tuṇhī, evametaṃ dhārayāmī’’ti.

    ат̇а ко бхаг̇аваа чаб̣б̣аг̇г̇ияз бхигкуу анзгабарияааязна виг̇арахид̇ваа д̣̇уб̣бхарад̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    Atha kho bhagavā chabbaggiye bhikkhū anekapariyāyena vigarahitvā dubbharatāya…pe… evañca pana, bhikkhave, imaṃ sikkhāpadaṃ uddiseyyātha –

    146. ‘‘яо бана бхигку асаммад̇о бхигкунияо овад̣̇зяяа баажид̇д̇ияа’’нд̇и.

    146.‘‘Yo pana bhikkhu asammato bhikkhuniyo ovadeyya pācittiya’’nti.

    зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

    Evañcidaṃ bhagavatā bhikkhūnaṃ sikkhāpadaṃ paññattaṃ hoti.

    147. д̇зна ко бана самаязна т̇зраа бхигкуу саммад̇аа бхигкунияо овад̣̇анд̇аа д̇ат̇зва лаабхино хонд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ат̇а ко чаб̣б̣аг̇г̇ияаанам̣ бхигкуунам̣ зд̇ад̣̇ахоси – ‘‘зд̇арахи ко, аавусо, т̇зраа бхигкуу саммад̇аа бхигкунияо овад̣̇анд̇аа д̇ат̇зва лаабхино хонд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ханд̣̇аавусо, маяамби ниссиймам̣ г̇анд̇ваа ан̃н̃аман̃н̃ам̣ бхигкуноваад̣̇агам̣ самманнид̇ваа бхигкунияо овад̣̇аамаа’’д̇и. ат̇а ко чаб̣б̣аг̇г̇ияаа бхигкуу ниссиймам̣ г̇анд̇ваа ан̃н̃аман̃н̃ам̣ бхигкуноваад̣̇агам̣ самманнид̇ваа бхигкунияо убасан̇гамид̇ваа зд̇ад̣̇авожум̣ – ‘‘маяамби, бхаг̇инияо, саммад̇аа. амхзби убасан̇гамат̇а. маяамби овад̣̇иссаамаа’’д̇и.

    147. Tena kho pana samayena therā bhikkhū sammatā bhikkhuniyo ovadantā tatheva lābhino honti cīvarapiṇḍapātasenāsanagilānappaccayabhesajjaparikkhārānaṃ. Atha kho chabbaggiyānaṃ bhikkhūnaṃ etadahosi – ‘‘etarahi kho, āvuso, therā bhikkhū sammatā bhikkhuniyo ovadantā tatheva lābhino honti cīvarapiṇḍapātasenāsanagilānappaccayabhesajjaparikkhārānaṃ. Handāvuso, mayampi nissīmaṃ gantvā aññamaññaṃ bhikkhunovādakaṃ sammannitvā bhikkhuniyo ovadāmā’’ti. Atha kho chabbaggiyā bhikkhū nissīmaṃ gantvā aññamaññaṃ bhikkhunovādakaṃ sammannitvā bhikkhuniyo upasaṅkamitvā etadavocuṃ – ‘‘mayampi, bhaginiyo, sammatā. Amhepi upasaṅkamatha. Mayampi ovadissāmā’’ti.

    ат̇а ко д̇аа бхигкунияо язна чаб̣б̣аг̇г̇ияаа бхигкуу д̇знубасан̇гамим̣су; убасан̇гамид̇ваа чаб̣б̣аг̇г̇ияз бхигкуу абхиваад̣̇зд̇ваа згаманд̇ам̣ нисийд̣̇им̣су. ат̇а ко чаб̣б̣аг̇г̇ияаа бхигкуу бхигкунийнам̣ барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зсум̣ – ‘‘г̇ажчат̇а бхаг̇инияо’’д̇и. ат̇а ко д̇аа бхигкунияо язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇аа бхигкунияо бхаг̇аваа зд̇ад̣̇авожа – ‘‘гажжи, бхигкунияо, оваад̣̇о ид̣̇д̇хо ахосий’’д̇и? ‘‘гуд̇о, бханд̇з, оваад̣̇о ид̣̇д̇хо бхависсад̇и! аяяаа чаб̣б̣аг̇г̇ияаа барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зсу’’нд̇и.

    Atha kho tā bhikkhuniyo yena chabbaggiyā bhikkhū tenupasaṅkamiṃsu; upasaṅkamitvā chabbaggiye bhikkhū abhivādetvā ekamantaṃ nisīdiṃsu. Atha kho chabbaggiyā bhikkhū bhikkhunīnaṃ parittaññeva dhammiṃ kathaṃ katvā divasaṃ tiracchānakathāya vītināmetvā uyyojesuṃ – ‘‘gacchatha bhaginiyo’’ti. Atha kho tā bhikkhuniyo yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tā bhikkhuniyo bhagavā etadavoca – ‘‘kacci, bhikkhuniyo, ovādo iddho ahosī’’ti? ‘‘Kuto, bhante, ovādo iddho bhavissati! Ayyā chabbaggiyā parittaññeva dhammiṃ kathaṃ katvā divasaṃ tiracchānakathāya vītināmetvā uyyojesu’’nti.

    ат̇а ко бхаг̇аваа д̇аа бхигкунияо д̇хаммияаа гат̇ааяа санд̣̇ассзси…бз… ат̇а ко д̇аа бхигкунияо бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа чаб̣б̣аг̇г̇ияз бхигкуу бадибужчи – ‘‘сажжам̣ гира д̇умхз, бхигкавз, бхигкунийнам̣ барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, бхигкунийнам̣ барид̇д̇ан̃н̃зва д̇хаммим̣ гат̇ам̣ гад̇ваа д̣̇ивасам̣ д̇иражчаанагат̇ааяа вийд̇инаамзд̇ваа уяяож̇зссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, адтахан̇г̇зхи саманнааг̇ад̇ам̣ бхигкум̣ бхигкуноваад̣̇агам̣ самманнид̇ум̣. сийлаваа ход̇и , баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу; б̣ахуссуд̇о ход̇и суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаа анубзгкид̇аа д̣̇идтияаа суббадивид̣̇д̇хаа; убхаяаани ко банасса баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо; галяаан̣аваажо ход̇и галяаан̣авааггаран̣о; язбхуяязна бхигкунийнам̣ бияо ход̇и манаабо; бадиб̣ало ход̇и бхигкунияо овад̣̇ид̇ум̣; на ко банзд̇ам̣ 1 бхаг̇аванд̇ам̣ уд̣̇д̣̇исса баб̣б̣аж̇ид̇ааяа гаасааяавад̇т̇авасанааяа г̇аруд̇хаммам̣ аж̇жхаабаннабуб̣б̣о ход̇и; вийсад̇ивассо ваа ход̇и ад̇ирзгавийсад̇ивассо ваа – ануж̇аанаами, бхигкавз, имзхи адтахан̇г̇зхи саманнааг̇ад̇ам̣ бхигкум̣ бхигкуноваад̣̇агам̣ самманнид̇у’’нд̇и.

    Atha kho bhagavā tā bhikkhuniyo dhammiyā kathāya sandassesi…pe… atha kho tā bhikkhuniyo bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ abhivādetvā padakkhiṇaṃ katvā pakkamiṃsu. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā chabbaggiye bhikkhū paṭipucchi – ‘‘saccaṃ kira tumhe, bhikkhave, bhikkhunīnaṃ parittaññeva dhammiṃ kathaṃ katvā divasaṃ tiracchānakathāya vītināmetvā uyyojethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhunīnaṃ parittaññeva dhammiṃ kathaṃ katvā divasaṃ tiracchānakathāya vītināmetvā uyyojessatha! Netaṃ, moghapurisā, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘anujānāmi, bhikkhave, aṭṭhahaṅgehi samannāgataṃ bhikkhuṃ bhikkhunovādakaṃ sammannituṃ. Sīlavā hoti , pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti tathārūpāssa dhammā bahussutā honti dhātā vacasā paricitā manasā anupekkhitā diṭṭhiyā suppaṭividdhā; ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso; kalyāṇavāco hoti kalyāṇavākkaraṇo; yebhuyyena bhikkhunīnaṃ piyo hoti manāpo; paṭibalo hoti bhikkhuniyo ovadituṃ; na kho panetaṃ 2 bhagavantaṃ uddissa pabbajitāya kāsāyavatthavasanāya garudhammaṃ ajjhāpannapubbo hoti; vīsativasso vā hoti atirekavīsativasso vā – anujānāmi, bhikkhave, imehi aṭṭhahaṅgehi samannāgataṃ bhikkhuṃ bhikkhunovādakaṃ sammannitu’’nti.

    148. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    148.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    асаммад̇о наама н̃ад̇д̇ижад̇уд̇т̇зна гаммзна асаммад̇о.

    Asammato nāma ñatticatutthena kammena asammato.

    бхигкунияо наама убхад̇осан̇гхз убасамбаннаа.

    Bhikkhuniyo nāma ubhatosaṅghe upasampannā.

    овад̣̇зяяаад̇и адтахи г̇аруд̇хаммзхи овад̣̇ад̇и, аабад̇д̇и баажид̇д̇ияасса. ан̃н̃зна д̇хаммзна овад̣̇ад̇и, аабад̇д̇и д̣̇уггадасса. згад̇оубасамбаннам̣ овад̣̇ад̇и, аабад̇д̇и д̣̇уггадасса.

    Ovadeyyāti aṭṭhahi garudhammehi ovadati, āpatti pācittiyassa. Aññena dhammena ovadati, āpatti dukkaṭassa. Ekatoupasampannaṃ ovadati, āpatti dukkaṭassa.

    149. д̇зна саммад̇зна бхигкунаа баривзн̣ам̣ саммаж̇ж̇ид̇ваа баанийяам̣ барибхож̇анийяам̣ убадтаабзд̇ваа аасанам̣ бан̃н̃абзд̇ваа д̣̇уд̇ияам̣ г̇ахзд̇ваа нисийд̣̇ид̇аб̣б̣ам̣. бхигкунийхи д̇ад̇т̇а г̇анд̇ваа д̇ам̣ бхигкум̣ абхиваад̣̇зд̇ваа згаманд̇ам̣ нисийд̣̇ид̇аб̣б̣ам̣. д̇зна бхигкунаа бужчид̇аб̣б̣аа – ‘‘самаг̇г̇аад̇т̇а, бхаг̇инияо’’д̇и? сажз ‘‘самаг̇г̇аамхааяяаа’’д̇и бхан̣анд̇и, ‘‘вад̇д̇анд̇и, бхаг̇инияо, адта г̇аруд̇хаммаа’’д̇и? сажз ‘‘вад̇д̇анд̇ааяяаа’’д̇и бхан̣анд̇и, ‘‘зсо, бхаг̇инияо, оваад̣̇о’’д̇и нияяаад̣̇зд̇аб̣б̣о 3. сажз ‘‘на вад̇д̇анд̇ааяяаа’’д̇и бхан̣анд̇и, осаарзд̇аб̣б̣аа. ‘‘вассасад̇уубасамбаннааяа бхигкунияаа д̇ад̣̇ахубасамбаннасса бхигкуно абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гаад̇аб̣б̣ам̣; аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо. на бхигкунияаа абхигкугз ааваасз вассам̣ васид̇аб̣б̣ам̣; аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо. анвад̣̇д̇хамаасам̣ бхигкунияаа бхигкусан̇гхад̇о д̣̇вз д̇хаммаа бажжаасийсид̇аб̣б̣аа 4 убосат̇абужчаган̃жа оваад̣̇убасан̇гаманан̃жа, аяамби д̇хаммо…бз… вассам̣ вудтааяа бхигкунияаа убхад̇осан̇гхз д̇ийхи таанзхи баваарзд̇аб̣б̣ам̣ д̣̇идтзна ваа суд̇зна ваа барисан̇гааяа ваа; аяамби д̇хаммо…бз… г̇аруд̇хаммам̣ аж̇жхаабаннааяа бхигкунияаа убхад̇осан̇гхз багкамаанад̇д̇ам̣ жарид̇аб̣б̣ам̣; аяамби д̇хаммо…бз… д̣̇вз вассаани часу д̇хаммзсу сигкид̇асигкааяа сигкамаанааяа убхад̇осан̇гхз убасамбад̣̇аа бариязсид̇аб̣б̣аа; аяамби д̇хаммо…бз… на бхигкунияаа гзна жи барияааязна бхигку аггосид̇аб̣б̣о барибхаасид̇аб̣б̣о; аяамби д̇хаммо…бз… аж̇ж̇ад̇аг̇г̇з овадо бхигкунийнам̣ бхигкуусу важанабат̇о, ановадо бхигкуунам̣ бхигкунийсу важанабат̇о; аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо’’д̇и.

    149. Tena sammatena bhikkhunā pariveṇaṃ sammajjitvā pānīyaṃ paribhojanīyaṃ upaṭṭhāpetvā āsanaṃ paññapetvā dutiyaṃ gahetvā nisīditabbaṃ. Bhikkhunīhi tattha gantvā taṃ bhikkhuṃ abhivādetvā ekamantaṃ nisīditabbaṃ. Tena bhikkhunā pucchitabbā – ‘‘samaggāttha, bhaginiyo’’ti? Sace ‘‘samaggāmhāyyā’’ti bhaṇanti, ‘‘vattanti, bhaginiyo, aṭṭha garudhammā’’ti? Sace ‘‘vattantāyyā’’ti bhaṇanti, ‘‘eso, bhaginiyo, ovādo’’ti niyyādetabbo 5. Sace ‘‘na vattantāyyā’’ti bhaṇanti, osāretabbā. ‘‘Vassasatūpasampannāya bhikkhuniyā tadahupasampannassa bhikkhuno abhivādanaṃ paccuṭṭhānaṃ añjalikammaṃ sāmīcikammaṃ kātabbaṃ; ayampi dhammo sakkatvā garukatvā mānetvā pūjetvā yāvajīvaṃ anatikkamanīyo. Na bhikkhuniyā abhikkhuke āvāse vassaṃ vasitabbaṃ; ayampi dhammo sakkatvā garukatvā mānetvā pūjetvā yāvajīvaṃ anatikkamanīyo. Anvaddhamāsaṃ bhikkhuniyā bhikkhusaṅghato dve dhammā paccāsīsitabbā 6 uposathapucchakañca ovādupasaṅkamanañca, ayampi dhammo…pe… vassaṃ vuṭṭhāya bhikkhuniyā ubhatosaṅghe tīhi ṭhānehi pavāretabbaṃ diṭṭhena vā sutena vā parisaṅkāya vā; ayampi dhammo…pe… garudhammaṃ ajjhāpannāya bhikkhuniyā ubhatosaṅghe pakkhamānattaṃ caritabbaṃ; ayampi dhammo…pe… dve vassāni chasu dhammesu sikkhitasikkhāya sikkhamānāya ubhatosaṅghe upasampadā pariyesitabbā; ayampi dhammo…pe… na bhikkhuniyā kena ci pariyāyena bhikkhu akkositabbo paribhāsitabbo; ayampi dhammo…pe… ajjatagge ovaṭo bhikkhunīnaṃ bhikkhūsu vacanapatho, anovaṭo bhikkhūnaṃ bhikkhunīsu vacanapatho; ayampi dhammo sakkatvā garukatvā mānetvā pūjetvā yāvajīvaṃ anatikkamanīyo’’ti.

    сажз ‘‘самаг̇г̇аамхааяяаа’’д̇и бхан̣анд̇ам̣ ан̃н̃ам̣ д̇хаммам̣ бхан̣ад̇и, аабад̇д̇и д̣̇уггадасса. сажз ‘‘ваг̇г̇аамхааяяаа’’д̇и бхан̣анд̇ам̣ адта г̇аруд̇хаммз бхан̣ад̇и, аабад̇д̇и д̣̇уггадасса. оваад̣̇ам̣ анияяаад̣̇зд̇ваа ан̃н̃ам̣ д̇хаммам̣ бхан̣ад̇и, аабад̇д̇и д̣̇уггадасса.

    Sace ‘‘samaggāmhāyyā’’ti bhaṇantaṃ aññaṃ dhammaṃ bhaṇati, āpatti dukkaṭassa. Sace ‘‘vaggāmhāyyā’’ti bhaṇantaṃ aṭṭha garudhamme bhaṇati, āpatti dukkaṭassa. Ovādaṃ aniyyādetvā aññaṃ dhammaṃ bhaṇati, āpatti dukkaṭassa.

    150. ад̇хаммагаммз ад̇хаммагаммасан̃н̃ий ваг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и, аабад̇д̇и баажид̇д̇ияасса. ад̇хаммагаммз ад̇хаммагаммасан̃н̃ий ваг̇г̇ам̣ бхигкунийсан̇гхам̣ взмад̇иго овад̣̇ад̇и, аабад̇д̇и баажид̇д̇ияасса. ад̇хаммагаммз ад̇хаммагаммасан̃н̃ий ваг̇г̇ам̣ бхигкунисан̇гхам̣ самаг̇г̇асан̃н̃ий овад̣̇ад̇и, аабад̇д̇и баажид̇д̇ияасса.

    150. Adhammakamme adhammakammasaññī vaggaṃ bhikkhunisaṅghaṃ vaggasaññī ovadati, āpatti pācittiyassa. Adhammakamme adhammakammasaññī vaggaṃ bhikkhunīsaṅghaṃ vematiko ovadati, āpatti pācittiyassa. Adhammakamme adhammakammasaññī vaggaṃ bhikkhunisaṅghaṃ samaggasaññī ovadati, āpatti pācittiyassa.

    ад̇хаммагаммз взмад̇иго ваг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и, аабад̇д̇и баажид̇д̇ияасса. ад̇хаммагаммз взмад̇иго ваг̇г̇ам̣ бхигкунисан̇гхам̣ взмад̇иго овад̣̇ад̇и, аабад̇д̇и баажид̇д̇ияасса . ад̇хаммагаммз взмад̇иго ваг̇г̇ам̣ бхигкунисан̇гхам̣ самаг̇г̇асан̃н̃ий овад̣̇ад̇и, аабад̇д̇и баажид̇д̇ияасса.

    Adhammakamme vematiko vaggaṃ bhikkhunisaṅghaṃ vaggasaññī ovadati, āpatti pācittiyassa. Adhammakamme vematiko vaggaṃ bhikkhunisaṅghaṃ vematiko ovadati, āpatti pācittiyassa . Adhammakamme vematiko vaggaṃ bhikkhunisaṅghaṃ samaggasaññī ovadati, āpatti pācittiyassa.

    ад̇хаммагаммз д̇хаммагаммасан̃н̃ий ваг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и, аабад̇д̇и баажид̇д̇ияасса. ад̇хаммагаммз д̇хаммагаммасан̃н̃ий ваг̇г̇ам̣ бхигкунисан̇гхам̣ взмад̇иго овад̣̇ад̇и, аабад̇д̇и баажид̇д̇ияасса. ад̇хаммагаммз д̇хаммагаммасан̃н̃ий ваг̇г̇ам̣ бхигкунисан̇гхам̣ самаг̇г̇асан̃н̃ий овад̣̇ад̇и, аабад̇д̇и баажид̇д̇ияасса.

    Adhammakamme dhammakammasaññī vaggaṃ bhikkhunisaṅghaṃ vaggasaññī ovadati, āpatti pācittiyassa. Adhammakamme dhammakammasaññī vaggaṃ bhikkhunisaṅghaṃ vematiko ovadati, āpatti pācittiyassa. Adhammakamme dhammakammasaññī vaggaṃ bhikkhunisaṅghaṃ samaggasaññī ovadati, āpatti pācittiyassa.

    ад̇хаммагаммз ад̇хаммагаммасан̃н̃ий самаг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и, аабад̇д̇и баажид̇д̇ияасса. ад̇хаммагаммз ад̇хаммагаммасан̃н̃ий самаг̇г̇ам̣ бхигкунисан̇гхам̣ взмад̇иго овад̣̇ад̇и, аабад̇д̇и баажид̇д̇ияасса. ад̇хаммагаммз ад̇хаммагаммасан̃н̃ий самаг̇г̇ам̣ бхигкунисан̇гхам̣ самаг̇г̇асан̃н̃ий овад̣̇ад̇и, аабад̇д̇и баажид̇д̇ияасса.

    Adhammakamme adhammakammasaññī samaggaṃ bhikkhunisaṅghaṃ vaggasaññī ovadati, āpatti pācittiyassa. Adhammakamme adhammakammasaññī samaggaṃ bhikkhunisaṅghaṃ vematiko ovadati, āpatti pācittiyassa. Adhammakamme adhammakammasaññī samaggaṃ bhikkhunisaṅghaṃ samaggasaññī ovadati, āpatti pācittiyassa.

    ад̇хаммагаммз взмад̇иго самаг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и…бз… взмад̇иго овад̣̇ад̇и…бз… самаг̇г̇асан̃н̃ий овад̣̇ад̇и, аабад̇д̇и баажид̇д̇ияасса.

    Adhammakamme vematiko samaggaṃ bhikkhunisaṅghaṃ vaggasaññī ovadati…pe… vematiko ovadati…pe… samaggasaññī ovadati, āpatti pācittiyassa.

    ад̇хаммагаммз д̇хаммагаммасан̃н̃ий самаг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и…бз… взмад̇иго овад̣̇ад̇и…бз… самаг̇г̇асан̃н̃ий овад̣̇ад̇и, аабад̇д̇и баажид̇д̇ияасса.

    Adhammakamme dhammakammasaññī samaggaṃ bhikkhunisaṅghaṃ vaggasaññī ovadati…pe… vematiko ovadati…pe… samaggasaññī ovadati, āpatti pācittiyassa.

    151. д̇хаммагаммз ад̇хаммагаммасан̃н̃ий ваг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и, аабад̇д̇и д̣̇уггадасса. д̇хаммагаммз ад̇хаммагаммасан̃н̃ий ваг̇г̇ам̣ бхигкунисан̇гхам̣ взмад̇иго овад̣̇ад̇и…бз… самаг̇г̇асан̃н̃ий овад̣̇ад̇и, аабад̇д̇и д̣̇уггадасса.

    151. Dhammakamme adhammakammasaññī vaggaṃ bhikkhunisaṅghaṃ vaggasaññī ovadati, āpatti dukkaṭassa. Dhammakamme adhammakammasaññī vaggaṃ bhikkhunisaṅghaṃ vematiko ovadati…pe… samaggasaññī ovadati, āpatti dukkaṭassa.

    д̇хаммагаммз взмад̇иго ваг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и…бз… взмад̇иго овад̣̇ад̇и…бз… самаг̇г̇асан̃н̃ий овад̣̇ад̇и, аабад̇д̇и д̣̇уггадасса.

    Dhammakamme vematiko vaggaṃ bhikkhunisaṅghaṃ vaggasaññī ovadati…pe… vematiko ovadati…pe… samaggasaññī ovadati, āpatti dukkaṭassa.

    д̇хаммагаммз д̇хаммагаммасан̃н̃ий ваг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и…бз… взмад̇иго овад̣̇ад̇и…бз… самаг̇г̇асан̃н̃ий овад̣̇ад̇и, аабад̇д̇и д̣̇уггадасса.

    Dhammakamme dhammakammasaññī vaggaṃ bhikkhunisaṅghaṃ vaggasaññī ovadati…pe… vematiko ovadati…pe… samaggasaññī ovadati, āpatti dukkaṭassa.

    д̇хаммагаммз ад̇хаммагаммасан̃н̃ий самаг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и…бз… взмад̇иго овад̣̇ад̇и…бз… самаг̇г̇асан̃н̃ий овад̣̇ад̇и, аабад̇д̇и д̣̇уггадасса.

    Dhammakamme adhammakammasaññī samaggaṃ bhikkhunisaṅghaṃ vaggasaññī ovadati…pe… vematiko ovadati…pe… samaggasaññī ovadati, āpatti dukkaṭassa.

    д̇хаммагаммз взмад̇иго самаг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и…бз… взмад̇иго овад̣̇ад̇и…бз… самаг̇г̇асан̃н̃ий овад̣̇ад̇и, аабад̇д̇и д̣̇уггадасса.

    Dhammakamme vematiko samaggaṃ bhikkhunisaṅghaṃ vaggasaññī ovadati…pe… vematiko ovadati…pe… samaggasaññī ovadati, āpatti dukkaṭassa.

    д̇хаммагаммз д̇хаммагаммасан̃н̃ий самаг̇г̇ам̣ бхигкунисан̇гхам̣ ваг̇г̇асан̃н̃ий овад̣̇ад̇и, аабад̇д̇и д̣̇уггадасса. д̇хаммагаммз д̇хаммагаммасан̃н̃ий самаг̇г̇ам̣ бхигкунисан̇гхам̣ взмад̇иго овад̣̇ад̇и, аабад̇д̇и д̣̇уггадасса. д̇хаммагаммз д̇хаммагаммасан̃н̃ий самаг̇г̇ам̣ бхигкунисан̇гхам̣ самаг̇г̇асан̃н̃ий овад̣̇ад̇и, анаабад̇д̇и.

    Dhammakamme dhammakammasaññī samaggaṃ bhikkhunisaṅghaṃ vaggasaññī ovadati, āpatti dukkaṭassa. Dhammakamme dhammakammasaññī samaggaṃ bhikkhunisaṅghaṃ vematiko ovadati, āpatti dukkaṭassa. Dhammakamme dhammakammasaññī samaggaṃ bhikkhunisaṅghaṃ samaggasaññī ovadati, anāpatti.

    152. анаабад̇д̇и уд̣̇д̣̇зсам̣ д̣̇знд̇о, барибужчам̣ д̣̇знд̇о, ‘‘осаарзхи аяяаа’’д̇и вужжамаано, осаарзд̇и, бан̃хам̣ бужчад̇и, бан̃хам̣ будто гат̇зд̇и, ан̃н̃ассад̇т̇ааяа бхан̣анд̇ам̣ бхигкунияо сун̣анд̇и, сигкамаанааяа, сааман̣зрияаа, уммад̇д̇агасса, аад̣̇игаммигассаад̇и.

    152. Anāpatti uddesaṃ dento, paripucchaṃ dento, ‘‘osārehi ayyā’’ti vuccamāno, osāreti, pañhaṃ pucchati, pañhaṃ puṭṭho katheti, aññassatthāya bhaṇantaṃ bhikkhuniyo suṇanti, sikkhamānāya, sāmaṇeriyā, ummattakassa, ādikammikassāti.

    оваад̣̇асигкаабад̣̇ам̣ нидтид̇ам̣ батамам̣.

    Ovādasikkhāpadaṃ niṭṭhitaṃ paṭhamaṃ.

    2. ад̇т̇ан̇г̇ад̇асигкаабад̣̇ам̣

    2. Atthaṅgatasikkhāpadaṃ

    153. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇зраа бхигкуу бхигкунияо овад̣̇анд̇и барияааязна. д̇зна ко бана самаязна ааяасмад̇о жуул̣абант̇агасса барияааяо ход̇и бхигкунияо овад̣̇ид̇ум̣. бхигкунияо звамаахам̣су – ‘‘на д̣̇аани аж̇ж̇а оваад̣̇о ид̣̇д̇хо бхависсад̇и, д̇ан̃н̃зва д̣̇аани уд̣̇аанам̣ аяяо жуул̣абант̇аго бунаббунам̣ бхан̣иссад̇ий’’д̇и. ат̇а ко д̇аа бхигкунияо язнааяасмаа жуул̣абант̇аго д̇знубасан̇гамим̣су; убасан̇гамид̇ваа ааяасманд̇ам̣ жуул̣абант̇агам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇аа бхигкунияо ааяасмаа жуул̣абант̇аго зд̇ад̣̇авожа – ‘‘самаг̇г̇аад̇т̇а, бхаг̇инияо’’д̇и? ‘‘самаг̇г̇аамхааяяаа’’д̇и. ‘‘вад̇д̇анд̇и, бхаг̇инияо, адта г̇аруд̇хаммаа’’д̇и? ‘‘вад̇д̇анд̇ааяяаа’’д̇и. ‘‘зсо, бхаг̇инияо, оваад̣̇о’’д̇и нияяаад̣̇зд̇ваа имам̣ уд̣̇аанам̣ бунаббунам̣ абхааси –

    153. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena therā bhikkhū bhikkhuniyo ovadanti pariyāyena. Tena kho pana samayena āyasmato cūḷapanthakassa pariyāyo hoti bhikkhuniyo ovadituṃ. Bhikkhuniyo evamāhaṃsu – ‘‘na dāni ajja ovādo iddho bhavissati, taññeva dāni udānaṃ ayyo cūḷapanthako punappunaṃ bhaṇissatī’’ti. Atha kho tā bhikkhuniyo yenāyasmā cūḷapanthako tenupasaṅkamiṃsu; upasaṅkamitvā āyasmantaṃ cūḷapanthakaṃ abhivādetvā ekamantaṃ nisīdiṃsu. Ekamantaṃ nisinnā kho tā bhikkhuniyo āyasmā cūḷapanthako etadavoca – ‘‘samaggāttha, bhaginiyo’’ti? ‘‘Samaggāmhāyyā’’ti. ‘‘Vattanti, bhaginiyo, aṭṭha garudhammā’’ti? ‘‘Vattantāyyā’’ti. ‘‘Eso, bhaginiyo, ovādo’’ti niyyādetvā imaṃ udānaṃ punappunaṃ abhāsi –

    7 ‘‘ад̇хижзд̇асо аббамаж̇ж̇ад̇о, мунино монабат̇зсу сигкад̇о;

    8 ‘‘Adhicetaso appamajjato, munino monapathesu sikkhato;

    согаа на бхаванд̇и д̇аад̣̇ино, убасанд̇асса сад̣̇аа сад̇иймад̇о’’д̇и.

    Sokā na bhavanti tādino, upasantassa sadā satīmato’’ti.

    бхигкунияо звамаахам̣су – ‘‘нану авожумхаа – на д̣̇аани аж̇ж̇а оваад̣̇о ид̣̇д̇хо бхависсад̇и, д̇ан̃н̃зва д̣̇аани уд̣̇аанам̣ аяяо жуул̣абант̇аго бунаббунам̣ бхан̣иссад̇ий’’д̇и! ассоси ко ааяасмаа жуул̣абант̇аго д̇аасам̣ бхигкунийнам̣ имам̣ гат̇аасаллаабам̣. ат̇а ко ааяасмаа жуул̣абант̇аго взхаасам̣ аб̣бхуг̇г̇анд̇ваа аагаасз анд̇алигкз жан̇гамад̇иби д̇идтад̇иби нисийд̣̇ад̇иби сзяяамби габбзд̇и д̇хуумааяад̇иби баж̇ж̇алад̇иби анд̇арад̇хааяад̇иби, д̇ан̃жзва 9 уд̣̇аанам̣ бхан̣ад̇и ан̃н̃ан̃жа б̣ахум̣ б̣уд̣̇д̇хаважанам̣. бхигкунияо звамаахам̣су – ‘‘ажчарияам̣ вад̇а бхо, аб̣бхуд̇ам̣ вад̇а бхо, на вад̇а но ид̇о буб̣б̣з оваад̣̇о звам̣ ид̣̇д̇хо бхууд̇абуб̣б̣о яат̇аа аяяасса жуул̣абант̇агассаа’’д̇и. ат̇а ко ааяасмаа жуул̣абант̇аго д̇аа бхигкунияо яаава саманд̇хагаараа овад̣̇ид̇ваа уяяож̇зси – г̇ажчат̇а бхаг̇инияод̇и.

    Bhikkhuniyo evamāhaṃsu – ‘‘nanu avocumhā – na dāni ajja ovādo iddho bhavissati, taññeva dāni udānaṃ ayyo cūḷapanthako punappunaṃ bhaṇissatī’’ti! Assosi kho āyasmā cūḷapanthako tāsaṃ bhikkhunīnaṃ imaṃ kathāsallāpaṃ. Atha kho āyasmā cūḷapanthako vehāsaṃ abbhuggantvā ākāse antalikkhe caṅkamatipi tiṭṭhatipi nisīdatipi seyyampi kappeti dhūmāyatipi pajjalatipi antaradhāyatipi, tañceva 10 udānaṃ bhaṇati aññañca bahuṃ buddhavacanaṃ. Bhikkhuniyo evamāhaṃsu – ‘‘acchariyaṃ vata bho, abbhutaṃ vata bho, na vata no ito pubbe ovādo evaṃ iddho bhūtapubbo yathā ayyassa cūḷapanthakassā’’ti. Atha kho āyasmā cūḷapanthako tā bhikkhuniyo yāva samandhakārā ovaditvā uyyojesi – gacchatha bhaginiyoti.

    ат̇а ко д̇аа бхигкунияо наг̇арад̣̇ваарз т̇агид̇з б̣ахинаг̇арз васид̇ваа гаалассзва наг̇арам̣ бависанд̇и. мануссаа уж̇жхааяанд̇и кияяанд̇и вибаажзнд̇и – ‘‘аб̣рахмажааринияо имаа бхигкунияо; аараамз бхигкуухи сад̣̇д̇хим̣ васид̇ваа ид̣̇аани наг̇арам̣ бависанд̇ий’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа жуул̣абант̇аго ад̇т̇ан̇г̇ад̇з суурияз бхигкунияо овад̣̇иссад̇ий’’д̇и…бз… ‘‘сажжам̣ гира д̇вам̣, жуул̣абант̇ага, ад̇т̇ан̇г̇ад̇з суурияз бхигкунияо овад̣̇асий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, жуул̣абант̇ага, ад̇т̇ан̇г̇ад̇з суурияз бхигкунияо овад̣̇иссаси! нзд̇ам̣, жуул̣абант̇ага, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    Atha kho tā bhikkhuniyo nagaradvāre thakite bahinagare vasitvā kālasseva nagaraṃ pavisanti. Manussā ujjhāyanti khiyyanti vipācenti – ‘‘abrahmacāriniyo imā bhikkhuniyo; ārāme bhikkhūhi saddhiṃ vasitvā idāni nagaraṃ pavisantī’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā cūḷapanthako atthaṅgate sūriye bhikkhuniyo ovadissatī’’ti…pe… ‘‘saccaṃ kira tvaṃ, cūḷapanthaka, atthaṅgate sūriye bhikkhuniyo ovadasī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, cūḷapanthaka, atthaṅgate sūriye bhikkhuniyo ovadissasi! Netaṃ, cūḷapanthaka, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    154. ‘‘саммад̇оби жз бхигку ад̇т̇ан̇г̇ад̇з суурияз бхигкунияо овад̣̇зяяа, баажид̇д̇ияа’’нд̇и.

    154.‘‘Sammatopi ce bhikkhu atthaṅgate sūriye bhikkhuniyo ovadeyya, pācittiya’’nti.

    155. саммад̇о наама н̃ад̇д̇ижад̇уд̇т̇зна гаммзна саммад̇о.

    155.Sammato nāma ñatticatutthena kammena sammato.

    ад̇т̇ан̇г̇ад̇з сууриязд̇и ог̇г̇ад̇з суурияз.

    Atthaṅgate sūriyeti oggate sūriye.

    бхигкуний наама убхад̇осан̇гхз убасамбаннаа.

    Bhikkhunī nāma ubhatosaṅghe upasampannā.

    овад̣̇зяяаад̇и адтахи ваа г̇аруд̇хаммзхи ан̃н̃зна ваа д̇хаммзна овад̣̇ад̇и, аабад̇д̇и баажид̇д̇ияасса.

    Ovadeyyāti aṭṭhahi vā garudhammehi aññena vā dhammena ovadati, āpatti pācittiyassa.

    156. ад̇т̇ан̇г̇ад̇з ад̇т̇ан̇г̇ад̇асан̃н̃ий овад̣̇ад̇и, аабад̇д̇и баажид̇д̇ияасса. ад̇т̇ан̇г̇ад̇з взмад̇иго овад̣̇ад̇и, аабад̇д̇и баажид̇д̇ияасса. ад̇т̇ан̇г̇ад̇з анад̇т̇ан̇г̇ад̇асан̃н̃ий овад̣̇ад̇и, аабад̇д̇и баажид̇д̇ияасса.

    156. Atthaṅgate atthaṅgatasaññī ovadati, āpatti pācittiyassa. Atthaṅgate vematiko ovadati, āpatti pācittiyassa. Atthaṅgate anatthaṅgatasaññī ovadati, āpatti pācittiyassa.

    згад̇оубасамбаннааяа овад̣̇ад̇и, аабад̇д̇и д̣̇уггадасса. анад̇т̇ан̇г̇ад̇з ад̇т̇ан̇г̇ад̇асан̃н̃ий, аабад̇д̇и д̣̇уггадасса. анад̇т̇ан̇г̇ад̇з взмад̇иго, аабад̇д̇и д̣̇уггадасса. анад̇т̇ан̇г̇ад̇з анад̇т̇ан̇г̇ад̇асан̃н̃ий, анаабад̇д̇и.

    Ekatoupasampannāya ovadati, āpatti dukkaṭassa. Anatthaṅgate atthaṅgatasaññī, āpatti dukkaṭassa. Anatthaṅgate vematiko, āpatti dukkaṭassa. Anatthaṅgate anatthaṅgatasaññī, anāpatti.

    157. анаабад̇д̇и уд̣̇д̣̇зсам̣ д̣̇знд̇о, барибужчам̣ д̣̇знд̇о, ‘‘осаарзхи аяяаа’’д̇и вужжамаано, осаарзд̇и, бан̃хам̣ бужчад̇и, бан̃хам̣ будто гат̇зд̇и, ан̃н̃ассад̇т̇ааяа бхан̣анд̇ам̣ бхигкунияо сун̣анд̇и, сигкамаанааяа сааман̣зрияаа, уммад̇д̇агасса, аад̣̇игаммигассаад̇и.

    157. Anāpatti uddesaṃ dento, paripucchaṃ dento, ‘‘osārehi ayyā’’ti vuccamāno, osāreti, pañhaṃ pucchati, pañhaṃ puṭṭho katheti, aññassatthāya bhaṇantaṃ bhikkhuniyo suṇanti, sikkhamānāya sāmaṇeriyā, ummattakassa, ādikammikassāti.

    ад̇т̇ан̇г̇ад̇асигкаабад̣̇ам̣ нидтид̇ам̣ д̣̇уд̇ияам̣.

    Atthaṅgatasikkhāpadaṃ niṭṭhitaṃ dutiyaṃ.

    3. бхигкунубассаяасигкаабад̣̇ам̣

    3. Bhikkhunupassayasikkhāpadaṃ

    158. д̇зна самаязна б̣уд̣̇д̇хо бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна чаб̣б̣аг̇г̇ияаа бхигкуу бхигкунубассаяам̣ убасан̇гамид̇ваа чаб̣б̣аг̇г̇ияаа бхигкунияо овад̣̇анд̇и. бхигкунияо чаб̣б̣аг̇г̇ияаа бхигкунияо зд̇ад̣̇авожум̣ – ‘‘зт̇ааяяз, оваад̣̇ам̣ г̇амиссаамаа’’д̇и. ‘‘яамби 11 маяам̣, аяяз, г̇ажчзяяаама оваад̣̇асса гааран̣аа, аяяаа чаб̣б̣аг̇г̇ияаа ид̇хзва ааг̇анд̇ваа амхз овад̣̇анд̇ий’’д̇и. бхигкунияо уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу бхигкунубассаяам̣ убасан̇гамид̇ваа бхигкунияо овад̣̇иссанд̇ий’’д̇и 12! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу бхигкунубассаяам̣ убасан̇гамид̇ваа бхигкунияо овад̣̇иссанд̇ий’’д̇и…бз… ‘‘сажжам̣ гира д̇умхз, бхигкавз , бхигкунубассаяам̣ убасан̇гамид̇ваа бхигкунияо овад̣̇ат̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, бхигкунубассаяам̣ убасан̇гамид̇ваа бхигкунияо овад̣̇иссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    158. Tena samayena buddho bhagavā sakkesu viharati kapilavatthusmiṃ nigrodhārāme. Tena kho pana samayena chabbaggiyā bhikkhū bhikkhunupassayaṃ upasaṅkamitvā chabbaggiyā bhikkhuniyo ovadanti. Bhikkhuniyo chabbaggiyā bhikkhuniyo etadavocuṃ – ‘‘ethāyye, ovādaṃ gamissāmā’’ti. ‘‘Yampi 13 mayaṃ, ayye, gaccheyyāma ovādassa kāraṇā, ayyā chabbaggiyā idheva āgantvā amhe ovadantī’’ti. Bhikkhuniyo ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhunupassayaṃ upasaṅkamitvā bhikkhuniyo ovadissantī’’ti 14! Atha kho tā bhikkhuniyo bhikkhūnaṃ etamatthaṃ ārocesuṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhunupassayaṃ upasaṅkamitvā bhikkhuniyo ovadissantī’’ti…pe… ‘‘saccaṃ kira tumhe, bhikkhave , bhikkhunupassayaṃ upasaṅkamitvā bhikkhuniyo ovadathā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhunupassayaṃ upasaṅkamitvā bhikkhuniyo ovadissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    ‘‘яо бана бхигку бхигкунубассаяам̣ убасан̇гамид̇ваа бхигкунияо овад̣̇зяяа, баажид̇д̇ияа’’нд̇и.

    ‘‘Yo pana bhikkhu bhikkhunupassayaṃ upasaṅkamitvā bhikkhuniyo ovadeyya, pācittiya’’nti.

    зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

    Evañcidaṃ bhagavatā bhikkhūnaṃ sikkhāpadaṃ paññattaṃ hoti.

    159. д̇зна ко бана самаязна махаабаж̇аабад̇и г̇од̇амий г̇илаанаа ход̇и. т̇зраа бхигкуу язна махаабаж̇аабад̇и г̇од̇амий д̇знубасан̇гамим̣су; убасан̇гамид̇ваа махаабаж̇аабад̇им̣ г̇од̇амим̣ зд̇ад̣̇авожум̣ – ‘‘гажжи д̇з, г̇од̇ами, каманийяам̣ гажжи яаабанийяа’’нд̇и? ‘‘на мз, аяяаа, каманийяам̣ на яаабанийяам̣’’. ‘‘ин̇гхаяяаа, д̇хаммам̣ д̣̇зсзт̇аа’’д̇и. ‘‘на, бхаг̇ини, габбад̇и бхигкунубассаяам̣ убасан̇гамид̇ваа бхигкунияо д̇хаммам̣ д̣̇зсзд̇у’’нд̇и гуггужжааяанд̇аа на д̣̇зсзсум̣. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна махаабаж̇аабад̇и г̇од̇амий д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа махаабаж̇аабад̇им̣ г̇од̇амим̣ зд̇ад̣̇авожа – ‘‘гажжи д̇з, г̇од̇ами, каманийяам̣ гажжи яаабанийяа’’нд̇и ? ‘‘буб̣б̣з мз, бханд̇з, т̇зраа бхигкуу ааг̇анд̇ваа д̇хаммам̣ д̣̇зсзнд̇и. д̇зна мз паасу ход̇и. ид̣̇аани бана – ‘‘бхаг̇авад̇аа бадигкид̇д̇а’’нд̇и, гуггужжааяанд̇аа на д̣̇зсзнд̇и. д̇зна мз на паасу ход̇ий’’д̇и. ат̇а ко бхаг̇аваа махаабаж̇аабад̇им̣ г̇од̇амим̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бхигкунубассаяам̣ убасан̇гамид̇ваа г̇илаанам̣ бхигкуним̣ овад̣̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    159. Tena kho pana samayena mahāpajāpati gotamī gilānā hoti. Therā bhikkhū yena mahāpajāpati gotamī tenupasaṅkamiṃsu; upasaṅkamitvā mahāpajāpatiṃ gotamiṃ etadavocuṃ – ‘‘kacci te, gotami, khamanīyaṃ kacci yāpanīya’’nti? ‘‘Na me, ayyā, khamanīyaṃ na yāpanīyaṃ’’. ‘‘Iṅghayyā, dhammaṃ desethā’’ti. ‘‘Na, bhagini, kappati bhikkhunupassayaṃ upasaṅkamitvā bhikkhuniyo dhammaṃ desetu’’nti kukkuccāyantā na desesuṃ. Atha kho bhagavā pubbaṇhasamayaṃ nivāsetvā pattacīvaramādāya yena mahāpajāpati gotamī tenupasaṅkami; upasaṅkamitvā paññatte āsane nisīdi. Nisajja kho bhagavā mahāpajāpatiṃ gotamiṃ etadavoca – ‘‘kacci te, gotami, khamanīyaṃ kacci yāpanīya’’nti ? ‘‘Pubbe me, bhante, therā bhikkhū āgantvā dhammaṃ desenti. Tena me phāsu hoti. Idāni pana – ‘‘bhagavatā paṭikkhitta’’nti, kukkuccāyantā na desenti. Tena me na phāsu hotī’’ti. Atha kho bhagavā mahāpajāpatiṃ gotamiṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, bhikkhunupassayaṃ upasaṅkamitvā gilānaṃ bhikkhuniṃ ovadituṃ. Evañca pana, bhikkhave, imaṃ sikkhāpadaṃ uddiseyyātha –

    160. ‘‘яо бана бхигку бхигкунубассаяам̣ убасан̇гамид̇ваа бхигкунияо овад̣̇зяяа, ан̃н̃ад̇ра самаяаа, баажид̇д̇ияам̣ . д̇ад̇т̇ааяам̣ самаяо. г̇илаанаа ход̇и бхигкуний – аяам̣ д̇ад̇т̇а самаяо’’д̇и.

    160.‘‘Yo pana bhikkhu bhikkhunupassayaṃ upasaṅkamitvā bhikkhuniyo ovadeyya, aññatra samayā, pācittiyaṃ . Tatthāyaṃ samayo. Gilānā hoti bhikkhunī – ayaṃ tattha samayo’’ti.

    161. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    161.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    бхигкунубассаяо наама яад̇т̇а бхигкунияо згарад̇д̇амби васанд̇и.

    Bhikkhunupassayo nāma yattha bhikkhuniyo ekarattampi vasanti.

    убасан̇гамид̇ваад̇и д̇ад̇т̇а г̇анд̇ваа.

    Upasaṅkamitvāti tattha gantvā.

    бхигкуний наама убхад̇осан̇гхз убасамбаннаа.

    Bhikkhunī nāma ubhatosaṅghe upasampannā.

    овад̣̇зяяаад̇и адтахи г̇аруд̇хаммзхи овад̣̇ад̇и, аабад̇д̇и баажид̇д̇ияасса.

    Ovadeyyāti aṭṭhahi garudhammehi ovadati, āpatti pācittiyassa.

    ан̃н̃ад̇ра самаяаад̇и табзд̇ваа самаяам̣.

    Aññatra samayāti ṭhapetvā samayaṃ.

    г̇илаанаа наама бхигкуний на саггод̇и оваад̣̇ааяа ваа сам̣ваасааяа ваа г̇анд̇ум̣.

    Gilānā nāma bhikkhunī na sakkoti ovādāya vā saṃvāsāya vā gantuṃ.

    162. убасамбаннааяа убасамбаннасан̃н̃ий бхигкунубассаяам̣ убасан̇гамид̇ваа ан̃н̃ад̇ра самаяаа овад̣̇ад̇и, аабад̇д̇и баажид̇д̇ияасса. убасамбаннааяа взмад̇иго бхигкунубассаяам̣ убасан̇гамид̇ваа ан̃н̃ад̇ра самаяаа овад̣̇ад̇и, аабад̇д̇и баажид̇д̇ияасса. убасамбаннааяа анубасамбаннасан̃н̃ий бхигкунубассаяам̣ убасан̇гамид̇ваа ан̃н̃ад̇ра самаяаа овад̣̇ад̇и, аабад̇д̇и баажид̇д̇ияасса.

    162. Upasampannāya upasampannasaññī bhikkhunupassayaṃ upasaṅkamitvā aññatra samayā ovadati, āpatti pācittiyassa. Upasampannāya vematiko bhikkhunupassayaṃ upasaṅkamitvā aññatra samayā ovadati, āpatti pācittiyassa. Upasampannāya anupasampannasaññī bhikkhunupassayaṃ upasaṅkamitvā aññatra samayā ovadati, āpatti pācittiyassa.

    ан̃н̃зна д̇хаммзна овад̣̇ад̇и, аабад̇д̇и д̣̇уггадасса. згад̇оубасамбаннааяа овад̣̇ад̇и, аабад̇д̇и д̣̇уггадасса. анубасамбаннааяа убасамбаннасан̃н̃ий, аабад̇д̇и д̣̇уггадасса . анубасамбаннааяа взмад̇иго, аабад̇д̇и д̣̇уггадасса. анубасамбаннааяа анубасамбаннасан̃н̃ий, анаабад̇д̇и.

    Aññena dhammena ovadati, āpatti dukkaṭassa. Ekatoupasampannāya ovadati, āpatti dukkaṭassa. Anupasampannāya upasampannasaññī, āpatti dukkaṭassa . Anupasampannāya vematiko, āpatti dukkaṭassa. Anupasampannāya anupasampannasaññī, anāpatti.

    163. анаабад̇д̇и самаяз, уд̣̇д̣̇зсам̣ д̣̇знд̇о, барибужчам̣ д̣̇знд̇о, ‘‘осаарзхи аяяаа’’д̇и вужжамаано осаарзд̇и, бан̃хам̣ бужчад̇и, бан̃хам̣ будто гат̇зд̇и, ан̃н̃ассад̇т̇ааяа бхан̣анд̇ам̣ бхигкунияо сун̣анд̇и, сигкамаанааяа сааман̣зрияаа, уммад̇д̇агасса, аад̣̇игаммигассаад̇и.

    163. Anāpatti samaye, uddesaṃ dento, paripucchaṃ dento, ‘‘osārehi ayyā’’ti vuccamāno osāreti, pañhaṃ pucchati, pañhaṃ puṭṭho katheti, aññassatthāya bhaṇantaṃ bhikkhuniyo suṇanti, sikkhamānāya sāmaṇeriyā, ummattakassa, ādikammikassāti.

    бхигкунубассаяасигкаабад̣̇ам̣ нидтид̇ам̣ д̇ад̇ияам̣.

    Bhikkhunupassayasikkhāpadaṃ niṭṭhitaṃ tatiyaṃ.

    4. аамисасигкаабад̣̇ам̣

    4. Āmisasikkhāpadaṃ

    164. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз . д̇зна ко бана самаязна т̇зраа бхигкуу бхигкунияо овад̣̇анд̇аа лаабхино хонд̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. чаб̣б̣аг̇г̇ияаа бхигкуу звам̣ вад̣̇анд̇и – ‘‘на б̣ахугад̇аа т̇зраа бхигкуу бхигкунияо овад̣̇ид̇ум̣; аамисахзд̇у т̇зраа бхигкуу бхигкунияо овад̣̇анд̇ий’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу звам̣ вагканд̇и – ‘на б̣ахугад̇аа т̇зраа бхигкуу бхигкунияо овад̣̇ид̇ум̣; аамисахзд̇у т̇зраа бхигкуу бхигкунияо овад̣̇анд̇ий’’’д̇и…бз… ‘‘сажжам̣ гира д̇умхз, бхигкавз, звам̣ вад̣̇зт̇а – ‘на б̣ахугад̇аа т̇зраа бхигкуу бхигкунияо овад̣̇ид̇ум̣; аамисахзд̇у т̇зраа бхигкуу бхигкунияо овад̣̇анд̇ий’’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, звам̣ вагкат̇а – на б̣ахугад̇аа т̇зраа бхигкуу бхигкунияо овад̣̇ид̇ум̣; аамисахзд̇у т̇зраа бхигкуу бхигкунияо овад̣̇анд̇ийд̇и! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    164. Tena samayena buddho bhagavā sāvatthiyaṃ viharati jetavane anāthapiṇḍikassa ārāme . Tena kho pana samayena therā bhikkhū bhikkhuniyo ovadantā lābhino honti cīvarapiṇḍapātasenāsanagilānappaccayabhesajjaparikkhārānaṃ. Chabbaggiyā bhikkhū evaṃ vadanti – ‘‘na bahukatā therā bhikkhū bhikkhuniyo ovadituṃ; āmisahetu therā bhikkhū bhikkhuniyo ovadantī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū evaṃ vakkhanti – ‘na bahukatā therā bhikkhū bhikkhuniyo ovadituṃ; āmisahetu therā bhikkhū bhikkhuniyo ovadantī’’’ti…pe… ‘‘saccaṃ kira tumhe, bhikkhave, evaṃ vadetha – ‘na bahukatā therā bhikkhū bhikkhuniyo ovadituṃ; āmisahetu therā bhikkhū bhikkhuniyo ovadantī’’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, evaṃ vakkhatha – na bahukatā therā bhikkhū bhikkhuniyo ovadituṃ; āmisahetu therā bhikkhū bhikkhuniyo ovadantīti! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    165. ‘‘яо бана бхигку звам̣ вад̣̇зяяа – ‘аамисахзд̇у т̇зраа бхигкуу бхигкунияо ованд̣̇ад̇ий’д̇и, баажид̇д̇ияа’’нд̇и.

    165.‘‘Yo pana bhikkhu evaṃ vadeyya – ‘āmisahetu therā bhikkhū bhikkhuniyo ovandatī’ti, pācittiya’’nti.

    166. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    166.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    аамисахзд̇ууд̇и жийварахзд̇у бин̣д̣абаад̇ахзд̇у сзнаасанахзд̇у г̇илаанаббажжаяабхзсаж̇ж̇абаригкаарахзд̇у саггаарахзд̇у г̇аругаарахзд̇у маананахзд̇у ванд̣̇анахзд̇у бууж̇анахзд̇у.

    Āmisahetūti cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu.

    звам̣ вад̣̇зяяаад̇и убасамбаннам̣ сан̇гхзна саммад̇ам̣ бхигкуноваад̣̇агам̣ аван̣н̣ам̣ гад̇д̇угаамо аяасам̣ гад̇д̇угаамо ман̇гугад̇д̇угаамо звам̣ вад̣̇зд̇и – ‘‘жийварахзд̇у бин̣д̣абаад̇ахзд̇у сзнаасанахзд̇у г̇илаанаббажжаяабхзсаж̇ж̇абаригкаарахзд̇у саггаарахзд̇у г̇аругаарахзд̇у маананахзд̇у ванд̣̇анахзд̇у бууж̇анахзд̇у овад̣̇ад̇ий’’д̇и бхан̣ад̇и, аабад̇д̇и баажид̇д̇ияасса.

    Evaṃ vadeyyāti upasampannaṃ saṅghena sammataṃ bhikkhunovādakaṃ avaṇṇaṃ kattukāmo ayasaṃ kattukāmo maṅkukattukāmo evaṃ vadeti – ‘‘cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu ovadatī’’ti bhaṇati, āpatti pācittiyassa.

    167. д̇хаммагаммз д̇хаммагаммасан̃н̃ий звам̣ вад̣̇зд̇и, аабад̇д̇и баажид̇д̇ияасса. д̇хаммагаммз взмад̇иго звам̣ вад̣̇зд̇и, аабад̇д̇и баажид̇д̇ияасса. д̇хаммагаммз ад̇хаммагаммасан̃н̃ий звам̣ вад̣̇зд̇и, аабад̇д̇и баажид̇д̇ияасса.

    167. Dhammakamme dhammakammasaññī evaṃ vadeti, āpatti pācittiyassa. Dhammakamme vematiko evaṃ vadeti, āpatti pācittiyassa. Dhammakamme adhammakammasaññī evaṃ vadeti, āpatti pācittiyassa.

    убасамбаннам̣ сан̇гхзна асаммад̇ам̣ бхигкуноваад̣̇агам̣ аван̣н̣ам̣ гад̇д̇угаамо аяасам̣ гад̇д̇угаамо ман̇гугад̇д̇угаамо звам̣ вад̣̇зд̇и – ‘‘жийварахзд̇у…бз… бууж̇анахзд̇у овад̣̇ад̇ий’’д̇и бхан̣ад̇и, аабад̇д̇и д̣̇уггадасса. анубасамбаннам̣ сан̇гхзна саммад̇ам̣ ваа асаммад̇ам̣ ваа бхигкуноваад̣̇агам̣ аван̣н̣ам̣ гад̇д̇угаамо аяасам̣ гад̇д̇угаамо ман̇гугад̇д̇угаамо звам̣ вад̣̇зд̇и – ‘‘жийварахзд̇у бин̣д̣абаад̇ахзд̇у сзнаасанахзд̇у г̇илаанаббажжаяабхзсаж̇ж̇абаригкаарахзд̇у саггаарахзд̇у г̇аругаарахзд̇у маананахзд̇у ванд̣̇анахзд̇у бууж̇анахзд̇у овад̣̇ад̇ий’’д̇и бхан̣ад̇и, аабад̇д̇и д̣̇уггадасса. ад̇хаммагаммз д̇хаммагаммасан̃н̃ий, аабад̇д̇и д̣̇уггадасса. ад̇хаммагаммз взмад̇иго, аабад̇д̇и д̣̇уггадасса. ад̇хаммагаммз ад̇хаммагаммасан̃н̃ий, аабад̇д̇и д̣̇уггадасса.

    Upasampannaṃ saṅghena asammataṃ bhikkhunovādakaṃ avaṇṇaṃ kattukāmo ayasaṃ kattukāmo maṅkukattukāmo evaṃ vadeti – ‘‘cīvarahetu…pe… pūjanahetu ovadatī’’ti bhaṇati, āpatti dukkaṭassa. Anupasampannaṃ saṅghena sammataṃ vā asammataṃ vā bhikkhunovādakaṃ avaṇṇaṃ kattukāmo ayasaṃ kattukāmo maṅkukattukāmo evaṃ vadeti – ‘‘cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu ovadatī’’ti bhaṇati, āpatti dukkaṭassa. Adhammakamme dhammakammasaññī, āpatti dukkaṭassa. Adhammakamme vematiko, āpatti dukkaṭassa. Adhammakamme adhammakammasaññī, āpatti dukkaṭassa.

    168. анаабад̇д̇и багад̇ияаа жийварахзд̇у бин̣д̣абаад̇ахзд̇у сзнаасанахзд̇у г̇илаанаббажжаяабхзсаж̇ж̇абаригкаарахзд̇у саггаарахзд̇у г̇аругаарахзд̇у маананахзд̇у ванд̣̇анахзд̇у бууж̇анахзд̇у овад̣̇анд̇ам̣ бхан̣ад̇и, уммад̇д̇агасса, аад̣̇игаммигассаад̇и.

    168. Anāpatti pakatiyā cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu ovadantaṃ bhaṇati, ummattakassa, ādikammikassāti.

    аамисасигкаабад̣̇ам̣ нидтид̇ам̣ жад̇уд̇т̇ам̣.

    Āmisasikkhāpadaṃ niṭṭhitaṃ catutthaṃ.

    5. жийварад̣̇аанасигкаабад̣̇ам̣

    5. Cīvaradānasikkhāpadaṃ

    169. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро бхигку саавад̇т̇ияам̣ ан̃н̃ад̇ариссаа висикааяа бин̣д̣ааяа жарад̇и. ан̃н̃ад̇арааби бхигкуний д̇ассаа висикааяа бин̣д̣ааяа жарад̇и. ат̇а ко со бхигку д̇ам̣ бхигкуним̣ зд̇ад̣̇авожа – ‘‘г̇ажча, бхаг̇ини, амугасмим̣ огаасз бхигкаа д̣̇ияяад̇ий’’д̇и. сааби ко звамааха – ‘‘г̇ажчааяяа, амугасмим̣ огаасз бхигкаа д̣̇ияяад̇ий’’д̇и. д̇з абхин̣хад̣̇ассанзна санд̣̇идтаа ахзсум̣. д̇зна ко бана самаязна сан̇гхасса жийварам̣ бхааж̇ийяад̇и. ат̇а ко саа бхигкуний оваад̣̇ам̣ г̇анд̇ваа язна со бхигку д̇знубасан̇гами; убасан̇гамид̇ваа д̇ам̣ бхигкум̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇ам̣ ко д̇ам̣ бхигкуним̣ со бхигку зд̇ад̣̇авожа – ‘‘аяам̣ мз, бхаг̇ини, жийварабадивийсо 15; саад̣̇ияиссасий’’д̇и? ‘‘аамааяяа, д̣̇уб̣б̣алажийвараамхий’’д̇и.

    169. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro bhikkhu sāvatthiyaṃ aññatarissā visikhāya piṇḍāya carati. Aññatarāpi bhikkhunī tassā visikhāya piṇḍāya carati. Atha kho so bhikkhu taṃ bhikkhuniṃ etadavoca – ‘‘gaccha, bhagini, amukasmiṃ okāse bhikkhā diyyatī’’ti. Sāpi kho evamāha – ‘‘gacchāyya, amukasmiṃ okāse bhikkhā diyyatī’’ti. Te abhiṇhadassanena sandiṭṭhā ahesuṃ. Tena kho pana samayena saṅghassa cīvaraṃ bhājīyati. Atha kho sā bhikkhunī ovādaṃ gantvā yena so bhikkhu tenupasaṅkami; upasaṅkamitvā taṃ bhikkhuṃ abhivādetvā ekamantaṃ aṭṭhāsi. Ekamantaṃ ṭhitaṃ kho taṃ bhikkhuniṃ so bhikkhu etadavoca – ‘‘ayaṃ me, bhagini, cīvarapaṭivīso 16; sādiyissasī’’ti? ‘‘Āmāyya, dubbalacīvarāmhī’’ti.

    ат̇а ко со бхигку д̇ассаа бхигкунияаа жийварам̣ ад̣̇ааси. соби ко бхигку д̣̇уб̣б̣алажийваро ход̇и. бхигкуу д̇ам̣ бхигкум̣ зд̇ад̣̇авожум̣ – ‘‘гарохи д̣̇аани д̇з, аавусо, жийвара’’нд̇и . ат̇а ко со бхигку бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку бхигкунияаа жийварам̣ д̣̇ассад̇ий’’д̇и…бз… ‘‘сажжам̣ гира д̇вам̣, бхигку, бхигкунияаа жийварам̣ ад̣̇аасий’’д̇и? ‘‘сажжам̣, бхаг̇аваа’’д̇и. ‘‘н̃аад̇игаа д̇з , бхигку, ан̃н̃аад̇игаа’’д̇и? ‘‘ан̃н̃аад̇игаа, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇игааяа на ж̇аанаад̇и бад̇ируубам̣ ваа аббад̇ируубам̣ ваа санд̇ам̣ ваа асанд̇ам̣ ваа. гат̇ан̃хи наама д̇вам̣, могхабуриса, ан̃н̃аад̇игааяа бхигкунияаа жийварам̣ д̣̇ассаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    Atha kho so bhikkhu tassā bhikkhuniyā cīvaraṃ adāsi. Sopi kho bhikkhu dubbalacīvaro hoti. Bhikkhū taṃ bhikkhuṃ etadavocuṃ – ‘‘karohi dāni te, āvuso, cīvara’’nti . Atha kho so bhikkhu bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu bhikkhuniyā cīvaraṃ dassatī’’ti…pe… ‘‘saccaṃ kira tvaṃ, bhikkhu, bhikkhuniyā cīvaraṃ adāsī’’ti? ‘‘Saccaṃ, bhagavā’’ti. ‘‘Ñātikā te , bhikkhu, aññātikā’’ti? ‘‘Aññātikā, bhagavā’’ti. ‘‘Aññātako, moghapurisa, aññātikāya na jānāti patirūpaṃ vā appatirūpaṃ vā santaṃ vā asantaṃ vā. Kathañhi nāma tvaṃ, moghapurisa, aññātikāya bhikkhuniyā cīvaraṃ dassasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    ‘‘яо бана бхигку ан̃н̃аад̇игааяа бхигкунияаа жийварам̣ д̣̇ад̣̇зяяа, баажид̇д̇ияа’’нд̇и.

    ‘‘Yo pana bhikkhu aññātikāya bhikkhuniyā cīvaraṃ dadeyya, pācittiya’’nti.

    зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

    Evañcidaṃ bhagavatā bhikkhūnaṃ sikkhāpadaṃ paññattaṃ hoti.

    170. д̇зна ко бана самаязна бхигкуу гуггужжааяанд̇аа бхигкунийнам̣ бааривад̇д̇агам̣ 17 жийварам̣ на д̣̇знд̇и. бхигкунияо уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа амхаагам̣ бааривад̇д̇агам̣ жийварам̣ на д̣̇ассанд̇ий’’д̇и! ассосум̣ ко бхигкуу д̇аасам̣ бхигкунийнам̣ уж̇жхааяанд̇ийнам̣ кияяанд̇ийнам̣ вибаажзнд̇ийнам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бан̃жаннам̣ бааривад̇д̇агам̣ д̣̇аад̇ум̣. бхигкусса, бхигкунияаа, сигкамаанааяа, сааман̣зрасса, сааман̣зрияаа – ануж̇аанаами, бхигкавз, имзсам̣ бан̃жаннам̣ бааривад̇д̇агам̣ д̣̇аад̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    170. Tena kho pana samayena bhikkhū kukkuccāyantā bhikkhunīnaṃ pārivattakaṃ 18 cīvaraṃ na denti. Bhikkhuniyo ujjhāyanti khiyyanti vipācenti – ‘‘kathañhi nāma ayyā amhākaṃ pārivattakaṃ cīvaraṃ na dassantī’’ti! Assosuṃ kho bhikkhū tāsaṃ bhikkhunīnaṃ ujjhāyantīnaṃ khiyyantīnaṃ vipācentīnaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, pañcannaṃ pārivattakaṃ dātuṃ. Bhikkhussa, bhikkhuniyā, sikkhamānāya, sāmaṇerassa, sāmaṇeriyā – anujānāmi, bhikkhave, imesaṃ pañcannaṃ pārivattakaṃ dātuṃ. Evañca pana, bhikkhave, imaṃ sikkhāpadaṃ uddiseyyātha –

    171. ‘‘яо бана бхигку ан̃н̃аад̇игааяа бхигкунияаа жийварам̣ д̣̇ад̣̇зяяа, ан̃н̃ад̇ра бааривад̇д̇агаа, баажид̇д̇ияа’’нд̇и.

    171.‘‘Yo pana bhikkhu aññātikāya bhikkhuniyā cīvaraṃ dadeyya, aññatra pārivattakā, pācittiya’’nti.

    172. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    172.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ан̃н̃аад̇игаа наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хаа.

    Aññātikā nāma mātito vā pitito vā yāva sattamā pitāmahayugā asambaddhā.

    бхигкуний наама убхад̇осан̇гхз убасамбаннаа.

    Bhikkhunī nāma ubhatosaṅghe upasampannā.

    жийварам̣ наама чаннам̣ жийвараанам̣ ан̃н̃ад̇арам̣ жийварам̣ вигаббанубаг̇ам̣ бажчимам̣ 19.

    Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ 20.

    ан̃н̃ад̇ра бааривад̇д̇агаад̇и табзд̇ваа бааривад̇д̇агам̣ д̣̇зд̇и, аабад̇д̇и баажид̇д̇ияасса.

    Aññatra pārivattakāti ṭhapetvā pārivattakaṃ deti, āpatti pācittiyassa.

    173. ан̃н̃аад̇игааяа ан̃н̃аад̇игасан̃н̃ий жийварам̣ д̣̇зд̇и, ан̃н̃ад̇ра бааривад̇д̇агаа, аабад̇д̇и баажид̇д̇ияасса. ан̃н̃аад̇игааяа взмад̇иго жийварам̣ д̣̇зд̇и, ан̃н̃ад̇ра бааривад̇д̇агаа, аабад̇д̇и баажид̇д̇ияасса. ан̃н̃аад̇игааяа н̃аад̇игасан̃н̃ий жийварам̣ д̣̇зд̇и, ан̃н̃ад̇ра бааривад̇д̇агаа, аабад̇д̇и баажид̇д̇ияасса.

    173. Aññātikāya aññātikasaññī cīvaraṃ deti, aññatra pārivattakā, āpatti pācittiyassa. Aññātikāya vematiko cīvaraṃ deti, aññatra pārivattakā, āpatti pācittiyassa. Aññātikāya ñātikasaññī cīvaraṃ deti, aññatra pārivattakā, āpatti pācittiyassa.

    згад̇о убасамбаннааяа жийварам̣ д̣̇зд̇и, ан̃н̃ад̇ра бааривад̇д̇агаа, аабад̇д̇и д̣̇уггадасса. н̃аад̇игааяа ан̃н̃аад̇игасан̃н̃ий, аабад̇д̇и д̣̇уггадасса. н̃аад̇игааяа взмад̇иго, аабад̇д̇и д̣̇уггадасса. н̃аад̇игааяа н̃аад̇игасан̃н̃ий, анаабад̇д̇и.

    Ekato upasampannāya cīvaraṃ deti, aññatra pārivattakā, āpatti dukkaṭassa. Ñātikāya aññātikasaññī, āpatti dukkaṭassa. Ñātikāya vematiko, āpatti dukkaṭassa. Ñātikāya ñātikasaññī, anāpatti.

    174. анаабад̇д̇и н̃аад̇игааяа, бааривад̇д̇агам̣ барид̇д̇зна ваа вибулам̣, вибулзна ваа барид̇д̇ам̣, бхигкуний виссаасам̣ г̇ан̣хаад̇и, д̇аавагаалигам̣ г̇ан̣хаад̇и, жийварам̣ табзд̇ваа ан̃н̃ам̣ баригкаарам̣ д̣̇зд̇и, сигкамаанааяа, сааман̣зрияаа, уммад̇д̇агасса, аад̣̇игаммигассаад̇и.

    174. Anāpatti ñātikāya, pārivattakaṃ parittena vā vipulaṃ, vipulena vā parittaṃ, bhikkhunī vissāsaṃ gaṇhāti, tāvakālikaṃ gaṇhāti, cīvaraṃ ṭhapetvā aññaṃ parikkhāraṃ deti, sikkhamānāya, sāmaṇeriyā, ummattakassa, ādikammikassāti.

    жийварад̣̇аанасигкаабад̣̇ам̣ нидтид̇ам̣ бан̃жамам̣.

    Cīvaradānasikkhāpadaṃ niṭṭhitaṃ pañcamaṃ.

    6. жийварасиб̣б̣анасигкаабад̣̇ам̣

    6. Cīvarasibbanasikkhāpadaṃ

    175. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа уд̣̇ааяий баддо 21 ход̇и жийварагаммам̣ гаад̇ум̣. ан̃н̃ад̇араа бхигкуний язнааяасмаа уд̣̇ааяий д̇знубасан̇гами; убасан̇гамид̇ваа ааяасманд̇ам̣ уд̣̇ааяим̣ зд̇ад̣̇авожа – ‘‘саад̇ху мз, бханд̇з, аяяо жийварам̣ сиб̣б̣ад̇уу’’д̇и. ат̇а ко ааяасмаа уд̣̇ааяий д̇ассаа бхигкунияаа жийварам̣ сиб̣б̣ид̇ваа сурад̇д̇ам̣ субаригаммагад̇ам̣ гад̇ваа маж̇жхз бадибхаанажид̇д̇ам̣ вудтаабзд̇ваа сам̣харид̇ваа нигкиби. ат̇а ко саа бхигкуний язнааяасмаа уд̣̇ааяий д̇знубасан̇гами; убасан̇гамид̇ваа ааяасманд̇ам̣ уд̣̇ааяим̣ зд̇ад̣̇авожа – ‘‘гахам̣ д̇ам̣, бханд̇з, жийвара’’нд̇и? ‘‘ханд̣̇а, бхаг̇ини , имам̣ жийварам̣ яат̇аасам̣хадам̣ харид̇ваа нигкибид̇ваа яад̣̇аа бхигкунисан̇гхо оваад̣̇ам̣ ааг̇ажчад̇и д̇ад̣̇аа имам̣ жийварам̣ баарубид̇ваа бхигкунисан̇гхасса бидтид̇о бидтид̇о ааг̇ажчаа’’д̇и. ат̇а ко саа бхигкуний д̇ам̣ жийварам̣ яат̇аасам̣хадам̣ харид̇ваа нигкибид̇ваа яад̣̇аа бхигкунисан̇гхо оваад̣̇ам̣ ааг̇ажчад̇и д̇ад̣̇аа д̇ам̣ жийварам̣ баарубид̇ваа бхигкунисан̇гхасса бидтид̇о бидтид̇о ааг̇ажчад̇и. мануссаа уж̇жхааяанд̇и кияяанд̇и вибаажзнд̇и – ‘‘яаава чиннигаа имаа бхигкунияо д̇худ̇д̇игаа ахиригааяо, яад̇ра хи наама жийварз бадибхаанажид̇д̇ам̣ вудтаабзссанд̇ий’’д̇и!

    175. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī paṭṭo 22 hoti cīvarakammaṃ kātuṃ. Aññatarā bhikkhunī yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘sādhu me, bhante, ayyo cīvaraṃ sibbatū’’ti. Atha kho āyasmā udāyī tassā bhikkhuniyā cīvaraṃ sibbitvā surattaṃ suparikammakataṃ katvā majjhe paṭibhānacittaṃ vuṭṭhāpetvā saṃharitvā nikkhipi. Atha kho sā bhikkhunī yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘kahaṃ taṃ, bhante, cīvara’’nti? ‘‘Handa, bhagini , imaṃ cīvaraṃ yathāsaṃhaṭaṃ haritvā nikkhipitvā yadā bhikkhunisaṅgho ovādaṃ āgacchati tadā imaṃ cīvaraṃ pārupitvā bhikkhunisaṅghassa piṭṭhito piṭṭhito āgacchā’’ti. Atha kho sā bhikkhunī taṃ cīvaraṃ yathāsaṃhaṭaṃ haritvā nikkhipitvā yadā bhikkhunisaṅgho ovādaṃ āgacchati tadā taṃ cīvaraṃ pārupitvā bhikkhunisaṅghassa piṭṭhito piṭṭhito āgacchati. Manussā ujjhāyanti khiyyanti vipācenti – ‘‘yāva chinnikā imā bhikkhuniyo dhuttikā ahirikāyo, yatra hi nāma cīvare paṭibhānacittaṃ vuṭṭhāpessantī’’ti!

    бхигкунияо звамаахам̣су – ‘‘гассид̣̇ам̣ гамма’’нд̇и? ‘‘аяяасса уд̣̇ааяиссаа’’д̇и. ‘‘язби д̇з чиннагаа д̇худ̇д̇агаа ахиригаа д̇зсамби зваруубам̣ на собхзяяа, гим̣ бана аяяасса уд̣̇ааяиссаа’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа уд̣̇ааяий бхигкунияаа жийварам̣ сиб̣б̣иссад̇ий’’д̇и…бз… сажжам̣ гира д̇вам̣, уд̣̇ааяи, бхигкунияаа жийварам̣ сиб̣б̣асий’’д̇и? ‘‘сажжам̣, бхаг̇аваа’’д̇и. ‘‘н̃аад̇игаа д̇з, уд̣̇ааяи, ан̃н̃аад̇игаа’’д̇и? ‘‘ан̃н̃аад̇игаа, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇игааяа на ж̇аанаад̇и бад̇ируубам̣ ваа аббад̇ируубам̣ ваа баасаад̣̇игам̣ ваа абаасаад̣̇игам̣ ваа. гат̇ан̃хи наама д̇вам̣, могхабуриса, ан̃н̃аад̇игааяа бхигкунияаа жийварам̣ сиб̣б̣иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    Bhikkhuniyo evamāhaṃsu – ‘‘kassidaṃ kamma’’nti? ‘‘Ayyassa udāyissā’’ti. ‘‘Yepi te chinnakā dhuttakā ahirikā tesampi evarūpaṃ na sobheyya, kiṃ pana ayyassa udāyissā’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī bhikkhuniyā cīvaraṃ sibbissatī’’ti…pe… saccaṃ kira tvaṃ, udāyi, bhikkhuniyā cīvaraṃ sibbasī’’ti? ‘‘Saccaṃ, bhagavā’’ti. ‘‘Ñātikā te, udāyi, aññātikā’’ti? ‘‘Aññātikā, bhagavā’’ti. ‘‘Aññātako, moghapurisa, aññātikāya na jānāti patirūpaṃ vā appatirūpaṃ vā pāsādikaṃ vā apāsādikaṃ vā. Kathañhi nāma tvaṃ, moghapurisa, aññātikāya bhikkhuniyā cīvaraṃ sibbissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    176. ‘‘яо бана бхигку ан̃н̃аад̇игааяа бхигкунияаа жийварам̣ сиб̣б̣зяяа ваа сиб̣б̣аабзяяа ваа, баажид̇д̇ияа’’нд̇и.

    176.‘‘Yo pana bhikkhu aññātikāya bhikkhuniyā cīvaraṃ sibbeyya vā sibbāpeyya vā, pācittiya’’nti.

    177. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    177.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ан̃н̃аад̇игаа наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хаа.

    Aññātikā nāma mātito vā pitito vā yāva sattamā pitāmahayugā asambaddhā.

    бхигкуний наама убхад̇осан̇гхз убасамбаннаа.

    Bhikkhunī nāma ubhatosaṅghe upasampannā.

    жийварам̣ наама чаннам̣ жийвараанам̣ ан̃н̃ад̇арам̣ жийварам̣.

    Cīvaraṃ nāma channaṃ cīvarānaṃ aññataraṃ cīvaraṃ.

    сиб̣б̣зяяаад̇и саяам̣ сиб̣б̣ад̇и аараабат̇з аараабат̇з аабад̇д̇и баажид̇д̇ияасса.

    Sibbeyyāti sayaṃ sibbati ārāpathe ārāpathe āpatti pācittiyassa.

    сиб̣б̣аабзяяаад̇и ан̃н̃ам̣ аан̣аабзд̇и, аабад̇д̇и баажид̇д̇ияасса. сагим̣ аан̣ад̇д̇о б̣ахугамби сиб̣б̣ад̇и, аабад̇д̇и баажид̇д̇ияасса.

    Sibbāpeyyāti aññaṃ āṇāpeti, āpatti pācittiyassa. Sakiṃ āṇatto bahukampi sibbati, āpatti pācittiyassa.

    178. ан̃н̃аад̇игааяа ан̃н̃аад̇игасан̃н̃ий жийварам̣ сиб̣б̣ад̇и ваа сиб̣б̣аабзд̇и ваа, аабад̇д̇и баажид̇д̇ияасса. ан̃н̃аад̇игааяа взмад̇иго жийварам̣ сиб̣б̣ад̇и ваа сиб̣б̣аабзд̇и ваа, аабад̇д̇и баажид̇д̇ияасса. ан̃н̃аад̇игааяа н̃аад̇игасан̃н̃ий жийварам̣ сиб̣б̣ад̇и ваа сиб̣б̣аабзд̇и ваа, аабад̇д̇и баажид̇д̇ияасса.

    178. Aññātikāya aññātikasaññī cīvaraṃ sibbati vā sibbāpeti vā, āpatti pācittiyassa. Aññātikāya vematiko cīvaraṃ sibbati vā sibbāpeti vā, āpatti pācittiyassa. Aññātikāya ñātikasaññī cīvaraṃ sibbati vā sibbāpeti vā, āpatti pācittiyassa.

    згад̇оубасамбаннааяа жийварам̣ сиб̣б̣ад̇и ваа сиб̣б̣аабзд̇и ваа, аабад̇д̇и д̣̇уггадасса. н̃аад̇игааяа ан̃н̃аад̇игасан̃н̃ий, аабад̇д̇и д̣̇уггадасса. н̃аад̇игааяа взмад̇иго, аабад̇д̇и д̣̇уггадасса. н̃аад̇игааяа н̃аад̇игасан̃н̃ий, анаабад̇д̇и.

    Ekatoupasampannāya cīvaraṃ sibbati vā sibbāpeti vā, āpatti dukkaṭassa. Ñātikāya aññātikasaññī, āpatti dukkaṭassa. Ñātikāya vematiko, āpatti dukkaṭassa. Ñātikāya ñātikasaññī, anāpatti.

    179. анаабад̇д̇и н̃аад̇игааяа, жийварам̣ табзд̇ваа ан̃н̃ам̣ баригкаарам̣ сиб̣б̣ад̇и ваа сиб̣б̣аабзд̇и ваа, сигкамаанааяа, сааман̣зрияаа, уммад̇д̇агасса, аад̣̇игаммигассаад̇и.

    179. Anāpatti ñātikāya, cīvaraṃ ṭhapetvā aññaṃ parikkhāraṃ sibbati vā sibbāpeti vā, sikkhamānāya, sāmaṇeriyā, ummattakassa, ādikammikassāti.

    жийварасиб̣б̣анасигкаабад̣̇ам̣ нидтид̇ам̣ чадтам̣.

    Cīvarasibbanasikkhāpadaṃ niṭṭhitaṃ chaṭṭhaṃ.

    7. сам̣вид̇хаанасигкаабад̣̇ам̣

    7. Saṃvidhānasikkhāpadaṃ

    180. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу бхигкунийхи сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘яат̇зва маяам̣ сабаж̇аабад̇игаа аахин̣д̣аама, звамзвимз саман̣аа сагяабуд̇д̇ияаа бхигкунийхи сад̣̇д̇хим̣ сам̣вид̇хааяа аахин̣д̣анд̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу бхигкунийхи сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇иссанд̇ий’’д̇и…бз… ‘‘сажжам̣ гира д̇умхз, бхигкавз, бхигкунийхи сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇ат̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, бхигкунийхи сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇иссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а.

    180. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū bhikkhunīhi saddhiṃ saṃvidhāya ekaddhānamaggaṃ paṭipajjanti. Manussā ujjhāyanti khiyyanti vipācenti – ‘‘yatheva mayaṃ sapajāpatikā āhiṇḍāma, evamevime samaṇā sakyaputtiyā bhikkhunīhi saddhiṃ saṃvidhāya āhiṇḍantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhunīhi saddhiṃ saṃvidhāya ekaddhānamaggaṃ paṭipajjissantī’’ti…pe… ‘‘saccaṃ kira tumhe, bhikkhave, bhikkhunīhi saddhiṃ saṃvidhāya ekaddhānamaggaṃ paṭipajjathā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhunīhi saddhiṃ saṃvidhāya ekaddhānamaggaṃ paṭipajjissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha.

    ‘‘яо бана бхигку бхигкунияаа сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇зяяа, анд̇амасо г̇ааманд̇арамби, баажид̇д̇ияа’’нд̇и.

    ‘‘Yo pana bhikkhu bhikkhuniyā saddhiṃ saṃvidhāya ekaddhānamaggaṃ paṭipajjeyya, antamaso gāmantarampi, pācittiya’’nti.

    зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

    Evañcidaṃ bhagavatā bhikkhūnaṃ sikkhāpadaṃ paññattaṃ hoti.

    181. д̇зна ко бана самаязна самб̣ахулаа бхигкуу жа бхигкунияо жа саагзд̇аа саавад̇т̇им̣ ад̣̇д̇хаанамаг̇г̇аббадибаннаа хонд̇и. ат̇а ко д̇аа бхигкунияо д̇з бхигкуу зд̇ад̣̇авожум̣ – ‘‘маяамби аяязхи сад̣̇д̇хим̣ г̇амиссаамаа’’д̇и. ‘‘на, бхаг̇иний, габбад̇и бхигкунияаа сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇ид̇ум̣. д̇умхз ваа батамам̣ г̇ажчат̇а маяам̣ ваа г̇амиссаамаа’’д̇и. ‘‘аяяаа, бханд̇з, аг̇г̇абурисаа. аяяаава батамам̣ г̇ажчанд̇уу’’д̇и. ат̇а ко д̇аасам̣ бхигкунийнам̣ бажчаа г̇ажчанд̇ийнам̣ анд̇араамаг̇г̇з жораа ажчинд̣̇им̣су жа д̣̇уусзсун̃жа. ат̇а ко д̇аа бхигкунияо саавад̇т̇им̣ г̇анд̇ваа бхигкунийнам̣ зд̇амад̇т̇ам̣ аарожзсум̣. бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, сад̇т̇аг̇аманийяз маг̇г̇з саасан̇гасаммад̇з саббадибхаяз бхигкунияаа сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    181. Tena kho pana samayena sambahulā bhikkhū ca bhikkhuniyo ca sāketā sāvatthiṃ addhānamaggappaṭipannā honti. Atha kho tā bhikkhuniyo te bhikkhū etadavocuṃ – ‘‘mayampi ayyehi saddhiṃ gamissāmā’’ti. ‘‘Na, bhaginī, kappati bhikkhuniyā saddhiṃ saṃvidhāya ekaddhānamaggaṃ paṭipajjituṃ. Tumhe vā paṭhamaṃ gacchatha mayaṃ vā gamissāmā’’ti. ‘‘Ayyā, bhante, aggapurisā. Ayyāva paṭhamaṃ gacchantū’’ti. Atha kho tāsaṃ bhikkhunīnaṃ pacchā gacchantīnaṃ antarāmagge corā acchindiṃsu ca dūsesuñca. Atha kho tā bhikkhuniyo sāvatthiṃ gantvā bhikkhunīnaṃ etamatthaṃ ārocesuṃ. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, satthagamanīye magge sāsaṅkasammate sappaṭibhaye bhikkhuniyā saddhiṃ saṃvidhāya ekaddhānamaggaṃ paṭipajjituṃ. Evañca pana, bhikkhave, imaṃ sikkhāpadaṃ uddiseyyātha –

    182. ‘‘яо бана бхигку бхигкунияаа сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇зяяа, анд̇амасо г̇ааманд̇арамби, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо . сад̇т̇аг̇аманийяо ход̇и маг̇г̇о саасан̇гасаммад̇о саббадибхаяо – аяам̣ д̇ад̇т̇а самаяо’’д̇и.

    182.‘‘Yo pana bhikkhu bhikkhuniyā saddhiṃ saṃvidhāya ekaddhānamaggaṃ paṭipajjeyya, antamaso gāmantarampi, aññatra samayā, pācittiyaṃ. Tatthāyaṃ samayo. Satthagamanīyo hoti maggo sāsaṅkasammato sappaṭibhayo – ayaṃ tattha samayo’’ti.

    183. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    183.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    бхигкуний наама убхад̇осан̇гхз убасамбаннаа.

    Bhikkhunī nāma ubhatosaṅghe upasampannā.

    сад̣̇д̇хинд̇и згад̇о.

    Saddhinti ekato.

    сам̣вид̇хааяаад̇и – ‘‘г̇ажчаама, бхаг̇ини, г̇ажчаамааяяа; г̇ажчаамааяяа, г̇ажчаама, бхаг̇ини; аж̇ж̇а ваа хияяо ваа барз ваа г̇ажчаамаа’’д̇и сам̣вид̣̇ахад̇и, аабад̇д̇и д̣̇уггадасса.

    Saṃvidhāyāti – ‘‘gacchāma, bhagini, gacchāmāyya; gacchāmāyya, gacchāma, bhagini; ajja vā hiyyo vā pare vā gacchāmā’’ti saṃvidahati, āpatti dukkaṭassa.

    анд̇амасо г̇ааманд̇арамбийд̇и гуггудасамбаад̇з г̇аамз, г̇ааманд̇арз г̇ааманд̇арз аабад̇д̇и баажид̇д̇ияасса. аг̇аамагз аран̃н̃з, ад̣̇д̇хаяож̇анз ад̣̇д̇хаяож̇анз аабад̇д̇и баажид̇д̇ияасса.

    Antamaso gāmantarampīti kukkuṭasampāte gāme, gāmantare gāmantare āpatti pācittiyassa. Agāmake araññe, addhayojane addhayojane āpatti pācittiyassa.

    ан̃н̃ад̇ра самаяаад̇и табзд̇ваа самаяам̣.

    Aññatra samayāti ṭhapetvā samayaṃ.

    сад̇т̇аг̇аманийяо наама маг̇г̇о на саггаа ход̇и винаа сад̇т̇зна г̇анд̇ум̣.

    Satthagamanīyo nāma maggo na sakkā hoti vinā satthena gantuṃ.

    саасан̇гам̣ наама д̇асмим̣ маг̇г̇з 23 жораанам̣ нивидтогаасо д̣̇иссад̇и, бхуд̇д̇огаасо д̣̇иссад̇и, тид̇огаасо д̣̇иссад̇и, нисинногаасо д̣̇иссад̇и, нибанногаасо д̣̇иссад̇и.

    Sāsaṅkaṃ nāma tasmiṃ magge 24 corānaṃ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.

    саббадибхаяам̣ наама д̇асмим̣ маг̇г̇з жорзхи мануссаа хад̇аа д̣̇иссанд̇и, вилуд̇д̇аа д̣̇иссанд̇и, аагодид̇аа д̣̇иссанд̇и, саббадибхаяам̣ г̇анд̇ваа аббадибхаяам̣ д̣̇ассзд̇ваа уяяож̇зд̇аб̣б̣аа – ‘‘г̇ажчат̇а бхаг̇инияо’’д̇и.

    Sappaṭibhayaṃ nāma tasmiṃ magge corehi manussā hatā dissanti, viluttā dissanti, ākoṭitā dissanti, sappaṭibhayaṃ gantvā appaṭibhayaṃ dassetvā uyyojetabbā – ‘‘gacchatha bhaginiyo’’ti.

    184. сам̣вид̣̇ахид̇з сам̣вид̣̇ахид̇асан̃н̃ий згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, ан̃н̃ад̇ра самаяаа, аабад̇д̇и баажид̇д̇ияасса. сам̣вид̣̇ахид̇з взмад̇иго згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, ан̃н̃ад̇ра самаяаа, аабад̇д̇и баажид̇д̇ияасса. сам̣вид̣̇ахид̇з, асам̣вид̣̇ахид̇асан̃н̃ий згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, ан̃н̃ад̇ра самаяаа, аабад̇д̇и баажид̇д̇ияасса.

    184. Saṃvidahite saṃvidahitasaññī ekaddhānamaggaṃ paṭipajjati, antamaso gāmantarampi, aññatra samayā, āpatti pācittiyassa. Saṃvidahite vematiko ekaddhānamaggaṃ paṭipajjati, antamaso gāmantarampi, aññatra samayā, āpatti pācittiyassa. Saṃvidahite, asaṃvidahitasaññī ekaddhānamaggaṃ paṭipajjati, antamaso gāmantarampi, aññatra samayā, āpatti pācittiyassa.

    бхигку сам̣вид̣̇ахад̇и бхигкуний на сам̣вид̣̇ахад̇и, аабад̇д̇и д̣̇уггадасса. асам̣вид̣̇ахид̇з сам̣вид̣̇ахид̇асан̃н̃ий, аабад̇д̇и д̣̇уггадасса. асам̣вид̣̇ахид̇з взмад̇иго, аабад̇д̇и д̣̇уггадасса. асам̣вид̣̇ахид̇з асам̣вид̣̇ахид̇асан̃н̃ий, анаабад̇д̇и.

    Bhikkhu saṃvidahati bhikkhunī na saṃvidahati, āpatti dukkaṭassa. Asaṃvidahite saṃvidahitasaññī, āpatti dukkaṭassa. Asaṃvidahite vematiko, āpatti dukkaṭassa. Asaṃvidahite asaṃvidahitasaññī, anāpatti.

    185. анаабад̇д̇и самаяз, асам̣вид̣̇ахид̇ваа г̇ажчад̇и, бхигкуний сам̣вид̣̇ахад̇и , бхигку на сам̣вид̣̇ахад̇и, висан̇гзд̇зна г̇ажчанд̇и, аабад̣̇аасу, уммад̇д̇агасса, аад̣̇игаммигассаад̇и.

    185. Anāpatti samaye, asaṃvidahitvā gacchati, bhikkhunī saṃvidahati , bhikkhu na saṃvidahati, visaṅketena gacchanti, āpadāsu, ummattakassa, ādikammikassāti.

    сам̣вид̇хаанасигкаабад̣̇ам̣ нидтид̇ам̣ сад̇д̇амам̣.

    Saṃvidhānasikkhāpadaṃ niṭṭhitaṃ sattamaṃ.

    8. нааваабхируханасигкаабад̣̇ам̣

    8. Nāvābhiruhanasikkhāpadaṃ

    186. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу бхигкунийхи сад̣̇д̇хим̣ сам̣вид̇хааяа згам̣ наавам̣ 25 абхируханд̇и. мануссаа уж̇жхааяанд̇и кияяанд̇и вибаажзнд̇и – ‘‘яат̇зва маяам̣ сабаж̇аабад̇игаа наавааяа 26 гийл̣аама, звамзвимз саман̣аа сагяабуд̇д̇ияаа бхигкунийхи сад̣̇д̇хим̣ сам̣вид̇хааяа наавааяа гийл̣анд̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу бхигкунийхи сад̣̇д̇хим̣ сам̣вид̇хааяа згам̣ наавам̣ абхирухиссанд̇ий’’д̇и…бз… ‘‘сажжам̣ гира д̇умхз, бхигкавз, бхигкунийхи сад̣̇д̇хим̣ сам̣вид̇хааяа згам̣ наавам̣ абхирухат̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, бхигкунийхи сад̣̇д̇хим̣ сам̣вид̇хааяа згам̣ наавам̣ абхирухиссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    186. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū bhikkhunīhi saddhiṃ saṃvidhāya ekaṃ nāvaṃ 27 abhiruhanti. Manussā ujjhāyanti khiyyanti vipācenti – ‘‘yatheva mayaṃ sapajāpatikā nāvāya 28 kīḷāma, evamevime samaṇā sakyaputtiyā bhikkhunīhi saddhiṃ saṃvidhāya nāvāya kīḷantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhunīhi saddhiṃ saṃvidhāya ekaṃ nāvaṃ abhiruhissantī’’ti…pe… ‘‘saccaṃ kira tumhe, bhikkhave, bhikkhunīhi saddhiṃ saṃvidhāya ekaṃ nāvaṃ abhiruhathā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhunīhi saddhiṃ saṃvidhāya ekaṃ nāvaṃ abhiruhissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    ‘‘яо бана бхигку бхигкунияаа сад̣̇д̇хим̣ сам̣вид̇хааяа згам̣ наавам̣ 29 абхирухзяяа, уд̣̇д̇хам̣г̇ааминим̣ ваа ад̇хог̇ааминим̣ ваа, баажид̇д̇ияа’’нд̇и.

    ‘‘Yo pana bhikkhu bhikkhuniyā saddhiṃ saṃvidhāya ekaṃ nāvaṃ30abhiruheyya, uddhaṃgāminiṃ vā adhogāminiṃvā, pācittiya’’nti.

    зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

    Evañcidaṃ bhagavatā bhikkhūnaṃ sikkhāpadaṃ paññattaṃ hoti.

    187. д̇зна ко бана самаязна самб̣ахулаа бхигкуу жа бхигкунияо жа саагзд̇аа саавад̇т̇им̣ ад̣̇д̇хаанамаг̇г̇аббадибаннаа хонд̇и. анд̇араамаг̇г̇з над̣̇ий д̇арид̇аб̣б̣аа 31 ход̇и. ат̇а ко д̇аа бхигкунияо д̇з бхигкуу зд̇ад̣̇авожум̣ – ‘‘маяамби аяязхи сад̣̇д̇хим̣ уд̇д̇ариссаамаа’’д̇и. ‘‘на, бхаг̇иний, габбад̇и бхигкунияаа сад̣̇д̇хим̣ сам̣вид̇хааяа згам̣ наавам̣ абхирухид̇ум̣; д̇умхз ваа батамам̣ уд̇д̇арат̇а маяам̣ ваа уд̇д̇ариссаамаа’’д̇и . ‘‘аяяаа, бханд̇з, аг̇г̇абурисаа. аяяаава батамам̣ уд̇д̇аранд̇уу’’д̇и. ат̇а ко д̇аасам̣ бхигкунийнам̣ бажчаа уд̇д̇аранд̇ийнам̣ жораа ажчинд̣̇им̣су жа д̣̇уусзсун̃жа . ат̇а ко д̇аа бхигкунияо саавад̇т̇им̣ г̇анд̇ваа бхигкунийнам̣ зд̇амад̇т̇ам̣ аарожзсум̣. бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, д̇ирияам̣ д̇аран̣ааяа бхигкунияаа сад̣̇д̇хим̣ сам̣вид̇хааяа згам̣ наавам̣ абхирухид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    187. Tena kho pana samayena sambahulā bhikkhū ca bhikkhuniyo ca sāketā sāvatthiṃ addhānamaggappaṭipannā honti. Antarāmagge nadī taritabbā 32 hoti. Atha kho tā bhikkhuniyo te bhikkhū etadavocuṃ – ‘‘mayampi ayyehi saddhiṃ uttarissāmā’’ti. ‘‘Na, bhaginī, kappati bhikkhuniyā saddhiṃ saṃvidhāya ekaṃ nāvaṃ abhiruhituṃ; tumhe vā paṭhamaṃ uttaratha mayaṃ vā uttarissāmā’’ti . ‘‘Ayyā, bhante, aggapurisā. Ayyāva paṭhamaṃ uttarantū’’ti. Atha kho tāsaṃ bhikkhunīnaṃ pacchā uttarantīnaṃ corā acchindiṃsu ca dūsesuñca . Atha kho tā bhikkhuniyo sāvatthiṃ gantvā bhikkhunīnaṃ etamatthaṃ ārocesuṃ. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, tiriyaṃ taraṇāya bhikkhuniyā saddhiṃ saṃvidhāya ekaṃ nāvaṃ abhiruhituṃ. Evañca pana, bhikkhave, imaṃ sikkhāpadaṃ uddiseyyātha –

    188. ‘‘яо бана бхигку бхигкунияаа сад̣̇д̇хим̣ сам̣вид̇хааяа згам̣ наавам̣ абхирухзяяа уд̣̇д̇хам̣г̇ааминим̣ ваа ад̇хог̇ааминим̣ ваа, ан̃н̃ад̇ра д̇ирияам̣ д̇аран̣ааяа, баажид̇д̇ияа’’нд̇и.

    188.‘‘Yo pana bhikkhu bhikkhuniyā saddhiṃ saṃvidhāya ekaṃ nāvaṃ abhiruheyya uddhaṃgāminiṃ vā adhogāminiṃ vā, aññatra tiriyaṃ taraṇāya, pācittiya’’nti.

    189. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    189.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    бхигкуний наама убхад̇осан̇гхз убасамбаннаа .

    Bhikkhunī nāma ubhatosaṅghe upasampannā .

    сад̣̇д̇хинд̇и згад̇о.

    Saddhinti ekato.

    сам̣вид̇хааяаад̇и ‘‘абхирухаама, бхаг̇ини, абхирухаамааяяа; абхирухаамааяяа, абхирухаама, бхаг̇ини; аж̇ж̇а ваа хияяо ваа барз ваа абхирухаамаа’’д̇и сам̣вид̣̇ахад̇и аабад̇д̇и д̣̇уггадасса.

    Saṃvidhāyāti ‘‘abhiruhāma, bhagini, abhiruhāmāyya; abhiruhāmāyya, abhiruhāma, bhagini; ajja vā hiyyo vā pare vā abhiruhāmā’’ti saṃvidahati āpatti dukkaṭassa.

    бхигкунияаа абхирул̣хз бхигку абхирухад̇и, аабад̇д̇и баажид̇д̇ияасса. бхигкумхи абхирул̣хз бхигкуний абхирухад̇и, аабад̇д̇и баажид̇д̇ияасса. убхо ваа абхируханд̇и, аабад̇д̇и баажид̇д̇ияасса.

    Bhikkhuniyā abhiruḷhe bhikkhu abhiruhati, āpatti pācittiyassa. Bhikkhumhi abhiruḷhe bhikkhunī abhiruhati, āpatti pācittiyassa. Ubho vā abhiruhanti, āpatti pācittiyassa.

    уд̣̇д̇хам̣г̇аамининд̇и уж̇ж̇аванигааяа.

    Uddhaṃgāmininti ujjavanikāya.

    ад̇хог̇аамининд̇и ож̇аванигааяа.

    Adhogāmininti ojavanikāya.

    ан̃н̃ад̇ра д̇ирияам̣ д̇аран̣ааяаад̇и табзд̇ваа д̇ирияам̣ д̇аран̣ам̣.

    Aññatra tiriyaṃ taraṇāyāti ṭhapetvā tiriyaṃ taraṇaṃ.

    гуггудасамбаад̇з г̇аамз, г̇ааманд̇арз г̇ааманд̇арз аабад̇д̇и баажид̇д̇ияасса. аг̇аамагз аран̃н̃з, ад̣дхаяож̇анз ад̣дхаяож̇анз аабад̇д̇и баажид̇д̇ияасса.

    Kukkuṭasampāte gāme, gāmantare gāmantare āpatti pācittiyassa. Agāmake araññe, aḍḍhayojane aḍḍhayojane āpatti pācittiyassa.

    190. сам̣вид̣̇ахид̇з сам̣вид̣̇ахид̇асан̃н̃ий згам̣ наавам̣ абхирухад̇и уд̣̇д̇хам̣г̇ааминим̣ ваа ад̇хог̇ааминим̣ ваа, ан̃н̃ад̇ра д̇ирияам̣ д̇аран̣ааяа , аабад̇д̇и баажид̇д̇ияасса. сам̣вид̣̇ахид̇з взмад̇иго згам̣ наавам̣ абхирухад̇и уд̣̇д̇хам̣г̇ааминим̣ ваа ад̇хог̇ааминим̣ ваа, ан̃н̃ад̇ра д̇ирияам̣ д̇аран̣ааяа, аабад̇д̇и баажид̇д̇ияасса. сам̣вид̣̇ахид̇з асам̣вид̣̇ахид̇асан̃н̃ий згам̣ наавам̣ абхирухад̇и уд̣̇д̇хам̣г̇ааминим̣ ваа ад̇хог̇ааминим̣ ваа, ан̃н̃ад̇ра д̇ирияам̣ д̇аран̣ааяа, аабад̇д̇и баажид̇д̇ияасса.

    190. Saṃvidahite saṃvidahitasaññī ekaṃ nāvaṃ abhiruhati uddhaṃgāminiṃ vā adhogāminiṃ vā, aññatra tiriyaṃ taraṇāya , āpatti pācittiyassa. Saṃvidahite vematiko ekaṃ nāvaṃ abhiruhati uddhaṃgāminiṃ vā adhogāminiṃ vā, aññatra tiriyaṃ taraṇāya, āpatti pācittiyassa. Saṃvidahite asaṃvidahitasaññī ekaṃ nāvaṃ abhiruhati uddhaṃgāminiṃ vā adhogāminiṃ vā, aññatra tiriyaṃ taraṇāya, āpatti pācittiyassa.

    бхигку сам̣вид̣̇ахад̇и, бхигкуний на сам̣вид̣̇ахад̇и, аабад̇д̇и д̣̇уггадасса. асам̣вид̣̇ахид̇з сам̣вид̣̇ахид̇асан̃н̃ий, аабад̇д̇и д̣̇уггадасса. асам̣вид̣̇ахид̇з взмад̇иго, аабад̇д̇и д̣̇уггадасса. асам̣вид̣̇ахид̇з, асам̣вид̣̇ахид̇асан̃н̃ий, анаабад̇д̇и.

    Bhikkhu saṃvidahati, bhikkhunī na saṃvidahati, āpatti dukkaṭassa. Asaṃvidahite saṃvidahitasaññī, āpatti dukkaṭassa. Asaṃvidahite vematiko, āpatti dukkaṭassa. Asaṃvidahite, asaṃvidahitasaññī, anāpatti.

    191. анаабад̇д̇и д̇ирияам̣ д̇аран̣ааяа, асам̣вид̣̇ахид̇ваа абхируханд̇и, бхигкуний сам̣вид̣̇ахад̇и, бхигку на сам̣вид̣̇ахад̇и, висан̇гзд̇зна абхируханд̇и, аабад̣̇аасу уммад̇д̇агасса, аад̣̇игаммиссаад̇и.

    191. Anāpatti tiriyaṃ taraṇāya, asaṃvidahitvā abhiruhanti, bhikkhunī saṃvidahati, bhikkhu na saṃvidahati, visaṅketena abhiruhanti, āpadāsu ummattakassa, ādikammissāti.

    нааваабхируханасигкаабад̣̇ам̣ нидтид̇ам̣ адтамам̣.

    Nāvābhiruhanasikkhāpadaṃ niṭṭhitaṃ aṭṭhamaṃ.

    9. барибаажид̇асигкаабад̣̇ам̣

    9. Paripācitasikkhāpadaṃ

    192. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна т̇уллананд̣̇аа бхигкуний ан̃н̃ад̇арасса гуласса гулуубигаа ход̇и нижжабхад̇д̇игаа. д̇зна жа г̇ахабад̇инаа т̇зраа бхигкуу ниманд̇ид̇аа хонд̇и. ат̇а ко т̇уллананд̣̇аа бхигкуний буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇ам̣ гулам̣ д̇знубасан̇гами; убасан̇гамид̇ваа д̇ам̣ г̇ахабад̇им̣ зд̇ад̣̇авожа – ‘‘гимид̣̇ам̣, г̇ахабад̇и, бахууд̇ам̣ каад̣̇анийяам̣ бхож̇анийяам̣ бадияад̇д̇а’’нд̇и? ‘‘т̇зраа маяаа, аяяз, ниманд̇ид̇аа’’д̇и. ‘‘гз бана д̇з, г̇ахабад̇и, т̇зраа’’д̇и? ‘‘аяяо саарибуд̇д̇о аяяо махаамог̇г̇аллаано аяяо махаагажжаано аяяо махаагодтиго аяяо махаагаббино аяяо махаажунд̣̇о аяяо ануруд̣̇д̇хо аяяо рзвад̇о аяяо убаали аяяо аананд̣̇о аяяо раахуло’’д̇и. ‘‘гим̣ бана д̇вам̣, г̇ахабад̇и, махаанааг̇з д̇идтамаанз жздагз ниманд̇зсий’’д̇и?

    192. Tena samayena buddho bhagavā rājagahe viharati veḷuvane kalandakanivāpe. Tena kho pana samayena thullanandā bhikkhunī aññatarassa kulassa kulūpikā hoti niccabhattikā. Tena ca gahapatinā therā bhikkhū nimantitā honti. Atha kho thullanandā bhikkhunī pubbaṇhasamayaṃ nivāsetvā pattacīvaramādāya yena taṃ kulaṃ tenupasaṅkami; upasaṅkamitvā taṃ gahapatiṃ etadavoca – ‘‘kimidaṃ, gahapati, pahūtaṃ khādanīyaṃ bhojanīyaṃ paṭiyatta’’nti? ‘‘Therā mayā, ayye, nimantitā’’ti. ‘‘Ke pana te, gahapati, therā’’ti? ‘‘Ayyo sāriputto ayyo mahāmoggallāno ayyo mahākaccāno ayyo mahākoṭṭhiko ayyo mahākappino ayyo mahācundo ayyo anuruddho ayyo revato ayyo upāli ayyo ānando ayyo rāhulo’’ti. ‘‘Kiṃ pana tvaṃ, gahapati, mahānāge tiṭṭhamāne ceṭake nimantesī’’ti?

    ‘‘гз бана д̇з, аяяз, махаанааг̇аа’’д̇и? ‘‘аяяо д̣̇звад̣̇ад̇д̇о аяяо гогаалиго аяяо гадамод̣̇агад̇иссаго 33 аяяо кан̣д̣ад̣̇звияаа буд̇д̇о аяяо самуд̣̇д̣̇ад̣̇ад̇д̇о’’д̇и. аяам̣ жарахи т̇уллананд̣̇ааяа бхигкунияаа анд̇араа гат̇аа виббагад̇аа, ат̇а д̇з т̇зраа бхигкуу бависим̣су. ‘‘сажжам̣ махаанааг̇аа ко д̇аяаа, г̇ахабад̇и, ниманд̇ид̇аа’’д̇и. ‘‘ид̣̇аанзва ко д̇вам̣, аяяз, жздагз агааси; ид̣̇аани махаанааг̇з’’д̇и. гхарад̇о жа ниггад̣дхи, нижжабхад̇д̇ан̃жа бажчинд̣̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама д̣̇звад̣̇ад̇д̇о ж̇аанам̣ бхигкунибарибаажид̇ам̣ бин̣д̣абаад̇ам̣ бхун̃ж̇иссад̇ий’’д̇и…бз… ‘‘сажжам̣ гира д̇вам̣, д̣̇звад̣̇ад̇д̇а, ж̇аанам̣ бхигкунибарибаажид̇ам̣ бин̣д̣абаад̇ам̣ бхун̃ж̇асий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, ж̇аанам̣ бхигкунибарибаажид̇ам̣ бин̣д̣абаад̇ам̣ бхун̃ж̇иссаси. нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    ‘‘Ke pana te, ayye, mahānāgā’’ti? ‘‘Ayyo devadatto ayyo kokāliko ayyo kaṭamodakatissako 34 ayyo khaṇḍadeviyā putto ayyo samuddadatto’’ti. Ayaṃ carahi thullanandāya bhikkhuniyā antarā kathā vippakatā, atha te therā bhikkhū pavisiṃsu. ‘‘Saccaṃ mahānāgā kho tayā, gahapati, nimantitā’’ti. ‘‘Idāneva kho tvaṃ, ayye, ceṭake akāsi; idāni mahānāge’’ti. Gharato ca nikkaḍḍhi, niccabhattañca pacchindi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma devadatto jānaṃ bhikkhuniparipācitaṃ piṇḍapātaṃ bhuñjissatī’’ti…pe… ‘‘saccaṃ kira tvaṃ, devadatta, jānaṃ bhikkhuniparipācitaṃ piṇḍapātaṃ bhuñjasī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, jānaṃ bhikkhuniparipācitaṃ piṇḍapātaṃ bhuñjissasi. Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    ‘‘яо бана бхигку ж̇аанам̣ бхигкунибарибаажид̇ам̣ бин̣д̣абаад̇ам̣ бхун̃ж̇зяяа, баажид̇д̇ияа’’нд̇и.

    ‘‘Yopana bhikkhu jānaṃ bhikkhuniparipācitaṃ piṇḍapātaṃ bhuñjeyya, pācittiya’’nti.

    зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

    Evañcidaṃ bhagavatā bhikkhūnaṃ sikkhāpadaṃ paññattaṃ hoti.

    193. д̇зна ко бана самаязна ан̃н̃ад̇аро бхигку рааж̇аг̇ахаа баб̣б̣аж̇ид̇о н̃аад̇игулам̣ аг̇амааси. мануссаа – ‘‘жирассамби бхад̣̇анд̇о ааг̇ад̇о’’д̇и саггажжам̣ бхад̇д̇ам̣ агам̣су. д̇асса гуласса гулуубигаа бхигкуний д̇з мануссз зд̇ад̣̇авожа – ‘‘д̣̇зт̇аяяасса, аавусо, бхад̇д̇а’’нд̇и. ат̇а ко со бхигку – ‘‘бхаг̇авад̇аа бадигкид̇д̇ам̣ ж̇аанам̣ бхигкунибарибаажид̇ам̣ бин̣д̣абаад̇ам̣ бхун̃ж̇ид̇у’’нд̇и гуггужжааяанд̇о на бадиг̇г̇ахзси. наасагки бин̣д̣ааяа жарид̇ум̣, чиннабхад̇д̇о ахоси. ат̇а ко со бхигку аараамам̣ г̇анд̇ваа бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, буб̣б̣з г̇ихисамаарамбхз ж̇аанам̣ бхигкунибарибаажид̇ам̣ бин̣д̣абаад̇ам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    193. Tena kho pana samayena aññataro bhikkhu rājagahā pabbajito ñātikulaṃ agamāsi. Manussā – ‘‘cirassampi bhadanto āgato’’ti sakkaccaṃ bhattaṃ akaṃsu. Tassa kulassa kulūpikā bhikkhunī te manusse etadavoca – ‘‘dethayyassa, āvuso, bhatta’’nti. Atha kho so bhikkhu – ‘‘bhagavatā paṭikkhittaṃ jānaṃ bhikkhuniparipācitaṃ piṇḍapātaṃ bhuñjitu’’nti kukkuccāyanto na paṭiggahesi. Nāsakkhi piṇḍāya carituṃ, chinnabhatto ahosi. Atha kho so bhikkhu ārāmaṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, pubbe gihisamārambhe jānaṃ bhikkhuniparipācitaṃ piṇḍapātaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

    194. ‘‘яо бана бхигку ж̇аанам̣ бхигкунибарибаажид̇ам̣ бин̣д̣абаад̇ам̣ бхун̃ж̇зяяа, ан̃н̃ад̇ра буб̣б̣з г̇ихисамаарамбхаа, баажид̇д̇ияа’’нд̇и.

    194.‘‘Yo pana bhikkhu jānaṃ bhikkhuniparipācitaṃ piṇḍapātaṃ bhuñjeyya, aññatra pubbe gihisamārambhā, pācittiya’’nti.

    195. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    195.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ж̇аанаад̇и наама саамам̣ ваа ж̇аанаад̇и ан̃н̃з ваа д̇асса аарожзнд̇и саа ваа аарожзд̇и.

    Jānāti nāma sāmaṃ vā jānāti aññe vā tassa ārocenti sā vā āroceti.

    бхигкуний наама убхад̇осан̇гхз убасамбаннаа.

    Bhikkhunī nāma ubhatosaṅghe upasampannā.

    барибаажзд̇и наама буб̣б̣з ад̣̇аад̇угаамаанам̣ агад̇д̇угаамаанам̣ – ‘‘аяяо бхаан̣аго, аяяо б̣ахуссуд̇о, аяяо суд̇д̇анд̇иго, аяяо винаяад̇харо, аяяо д̇хаммагат̇иго, д̣̇зт̇а аяяасса, гарот̇а аяяассаа’’д̇и зсаа барибаажзд̇и наама.

    Paripāceti nāma pubbe adātukāmānaṃ akattukāmānaṃ – ‘‘ayyo bhāṇako, ayyo bahussuto, ayyo suttantiko, ayyo vinayadharo, ayyo dhammakathiko, detha ayyassa, karotha ayyassā’’ti esā paripāceti nāma.

    бин̣д̣абаад̇о наама бан̃жаннам̣ бхож̇анаанам̣ ан̃н̃ад̇арам̣ бхож̇анам̣.

    Piṇḍapāto nāma pañcannaṃ bhojanānaṃ aññataraṃ bhojanaṃ.

    ан̃н̃ад̇ра буб̣б̣з г̇ихисамаарамбхаад̇и табзд̇ваа г̇ихисамаарамбхам̣.

    Aññatra pubbe gihisamārambhāti ṭhapetvā gihisamārambhaṃ.

    г̇ихисамаарамбхо наама н̃аад̇агаа ваа хонд̇и баваарид̇аа ваа багад̇ибадияад̇д̇ам̣ ваа.

    Gihisamārambho nāma ñātakā vā honti pavāritā vā pakatipaṭiyattaṃ vā.

    ан̃н̃ад̇ра буб̣б̣з г̇ихисамаарамбхаа бхун̃ж̇иссаамийд̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз, аабад̇д̇и баажид̇д̇ияасса.

    Aññatra pubbe gihisamārambhā bhuñjissāmīti paṭiggaṇhāti, āpatti dukkaṭassa. Ajjhohāre ajjhohāre, āpatti pācittiyassa.

    196. барибаажид̇з барибаажид̇асан̃н̃ий бхун̃ж̇ад̇и, ан̃н̃ад̇ра буб̣б̣з г̇ихисамаарамбхаа, аабад̇д̇и баажид̇д̇ияасса. барибаажид̇з взмад̇иго бхун̃ж̇ад̇и, ан̃н̃ад̇ра буб̣б̣з г̇ихисамаарамбхаа, аабад̇д̇и д̣̇уггадасса. барибаажид̇з абарибаажид̇асан̃н̃ий бхун̃ж̇ад̇и, ан̃н̃ад̇ра буб̣б̣з г̇ихисамаарамбхаа, анаабад̇д̇и. згад̇оубасамбаннааяа барибаажид̇ам̣ бхун̃ж̇ад̇и, ан̃н̃ад̇ра буб̣б̣з г̇ихисамаарамбхаа, аабад̇д̇и д̣̇уггадасса. абарибаажид̇з барибаажид̇асан̃н̃ий, аабад̇д̇и д̣̇уггадасса. абарибаажид̇д̇з взмад̇иго, аабад̇д̇и д̣̇уггадасса. абарибаажид̇з абарибаажид̇асан̃н̃ий, анаабад̇д̇и.

    196. Paripācite paripācitasaññī bhuñjati, aññatra pubbe gihisamārambhā, āpatti pācittiyassa. Paripācite vematiko bhuñjati, aññatra pubbe gihisamārambhā, āpatti dukkaṭassa. Paripācite aparipācitasaññī bhuñjati, aññatra pubbe gihisamārambhā, anāpatti. Ekatoupasampannāya paripācitaṃ bhuñjati, aññatra pubbe gihisamārambhā, āpatti dukkaṭassa. Aparipācite paripācitasaññī, āpatti dukkaṭassa. Aparipācitte vematiko, āpatti dukkaṭassa. Aparipācite aparipācitasaññī, anāpatti.

    197. анаабад̇д̇и буб̣б̣з г̇ихисамаарамбхз, сигкамаанаа барибаажзд̇и, сааман̣зрий барибаажзд̇и, бан̃жа бхож̇анаани табзд̇ваа саб̣б̣ад̇т̇а анаабад̇д̇и, уммад̇д̇агасса, аад̣̇игаммигассаад̇и.

    197. Anāpatti pubbe gihisamārambhe, sikkhamānā paripāceti, sāmaṇerī paripāceti, pañca bhojanāni ṭhapetvā sabbattha anāpatti, ummattakassa, ādikammikassāti.

    барибаажид̇асигкаабад̣̇ам̣ нидтид̇ам̣ навамам̣.

    Paripācitasikkhāpadaṃ niṭṭhitaṃ navamaṃ.

    10. рахонисаж̇ж̇асигкаабад̣̇ам̣

    10. Rahonisajjasikkhāpadaṃ

    198. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмад̇о уд̣̇ааяисса бураан̣ад̣̇уд̇ияигаа бхигкунийсу баб̣б̣аж̇ид̇аа ход̇и. саа ааяасмад̇о уд̣̇ааяисса санд̇игз абхигкан̣ам̣ ааг̇ажчад̇и, ааяасмааби уд̣̇ааяий д̇ассаа бхигкунияаа санд̇игз абхигкан̣ам̣ г̇ажчад̇и. д̇зна ко бана самаязна ааяасмаа уд̣̇ааяий д̇ассаа бхигкунияаа сад̣̇д̇хим̣ зго згааяа рахо нисаж̇ж̇ам̣ габбзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа уд̣̇ааяий бхигкунияаа сад̣̇д̇хим̣ зго згааяа рахо нисаж̇ж̇ам̣ габбзссад̇ий’’д̇и…бз… сажжам̣ гира д̇вам̣, уд̣̇ааяи, бхигкунияаа сад̣̇д̇хим̣ зго згааяа рахо нисаж̇ж̇ам̣ габбзсийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, бхигкунияаа сад̣̇д̇хим̣ зго згааяа рахо нисаж̇ж̇ам̣ габбзссаси! нзд̇ам̣, могхабуриса аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    198. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmato udāyissa purāṇadutiyikā bhikkhunīsu pabbajitā hoti. Sā āyasmato udāyissa santike abhikkhaṇaṃ āgacchati, āyasmāpi udāyī tassā bhikkhuniyā santike abhikkhaṇaṃ gacchati. Tena kho pana samayena āyasmā udāyī tassā bhikkhuniyā saddhiṃ eko ekāya raho nisajjaṃ kappesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī bhikkhuniyā saddhiṃ eko ekāya raho nisajjaṃ kappessatī’’ti…pe… saccaṃ kira tvaṃ, udāyi, bhikkhuniyā saddhiṃ eko ekāya raho nisajjaṃ kappesīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, bhikkhuniyā saddhiṃ eko ekāya raho nisajjaṃ kappessasi! Netaṃ, moghapurisa appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    199. ‘‘яо бана бхигку бхигкунияаа сад̣̇д̇хим̣ зго згааяа рахо нисаж̇ж̇ам̣ габбзяяа, баажид̇д̇ияа’’нд̇и.

    199.‘‘Yo pana bhikkhu bhikkhuniyā saddhiṃ eko ekāya raho nisajjaṃ kappeyya, pācittiya’’nti.

    200. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    200.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    бхигкуний наама убхад̇осан̇гхз убасамбаннаа .

    Bhikkhunī nāma ubhatosaṅghe upasampannā .

    сад̣̇д̇хинд̇и згад̇о.

    Saddhinti ekato.

    зго згааяаад̇и бхигку жзва ход̇и бхигкуний жа.

    Eko ekāyāti bhikkhu ceva hoti bhikkhunī ca.

    35 рахо наама жагкусса рахо сод̇асса рахо. жагкусса рахо наама на саггаа ход̇и агким̣ ваа никан̣ийяамаанз бхамугам̣ ваа угкибийяамаанз сийсам̣ ваа угкибийяамаанз бассид̇ум̣. сод̇асса рахо наама на саггаа ход̇и багад̇игат̇аа сод̇ум̣.

    36Raho nāma cakkhussa raho sotassa raho. Cakkhussa raho nāma na sakkā hoti akkhiṃ vā nikhaṇīyamāne bhamukaṃ vā ukkhipīyamāne sīsaṃ vā ukkhipīyamāne passituṃ. Sotassa raho nāma na sakkā hoti pakatikathā sotuṃ.

    нисаж̇ж̇ам̣ габбзяяаад̇и бхигкунияаа нисиннааяа бхигку убанисинно ваа ход̇и убанибанно ваа, аабад̇д̇и баажид̇д̇ияасса.

    Nisajjaṃkappeyyāti bhikkhuniyā nisinnāya bhikkhu upanisinno vā hoti upanipanno vā, āpatti pācittiyassa.

    бхигку нисиннз бхигкуний убанисиннаа ваа ход̇и убанибаннаа ваа, аабад̇д̇и баажид̇д̇ияасса. убхо ваа нисиннаа хонд̇и убхо ваа нибаннаа, аабад̇д̇и баажид̇д̇ияасса.

    Bhikkhu nisinne bhikkhunī upanisinnā vā hoti upanipannā vā, āpatti pācittiyassa. Ubho vā nisinnā honti ubho vā nipannā, āpatti pācittiyassa.

    201. рахо рахосан̃н̃ий зго згааяа нисаж̇ж̇ам̣ габбзд̇и, аабад̇д̇и баажид̇д̇ияасса. рахо взмад̇иго зго згааяа нисаж̇ж̇ам̣ габбзд̇и, аабад̇д̇и баажид̇д̇ияасса. рахо арахосан̃н̃ий зго згааяа нисаж̇ж̇ам̣ габбзд̇и, аабад̇д̇и баажид̇д̇ияасса.

    201. Raho rahosaññī eko ekāya nisajjaṃ kappeti, āpatti pācittiyassa. Raho vematiko eko ekāya nisajjaṃ kappeti, āpatti pācittiyassa. Raho arahosaññī eko ekāya nisajjaṃ kappeti, āpatti pācittiyassa.

    арахо рахосан̃н̃ий, аабад̇д̇и д̣̇уггадасса. арахо взмад̇иго, аабад̇д̇и д̣̇уггадасса. арахо арахосан̃н̃ий, анаабад̇д̇и.

    Araho rahosaññī, āpatti dukkaṭassa. Araho vematiko, āpatti dukkaṭassa. Araho arahosaññī, anāpatti.

    202. анаабад̇д̇и яо гожи вин̃н̃уу д̣̇уд̇ияо ход̇и, д̇идтад̇и на нисийд̣̇ад̇и, арахобзгко, ан̃н̃авихид̇о нисийд̣̇ад̇и, уммад̇д̇агасса, аад̣̇игаммигассаад̇и.

    202. Anāpatti yo koci viññū dutiyo hoti, tiṭṭhati na nisīdati, arahopekkho, aññavihito nisīdati, ummattakassa, ādikammikassāti.

    рахонисаж̇ж̇асигкаабад̣̇ам̣ нидтид̇ам̣ д̣̇асамам̣.

    Rahonisajjasikkhāpadaṃ niṭṭhitaṃ dasamaṃ.

    оваад̣̇аваг̇г̇о д̇ад̇ияо.

    Ovādavaggo tatiyo.

    д̇ассуд̣̇д̣̇аанам̣ –

    Tassuddānaṃ –

    асаммад̇аад̇т̇ан̇г̇ад̇уу , бассаяаамисад̣̇аанзна;

    Asammataatthaṅgatū , passayāmisadānena;

    сиб̣б̣ад̇и ад̣̇д̇хаанам̣ наавам̣ бхун̃ж̇зяяа, зго згааяа д̇з д̣̇асаад̇и.

    Sibbati addhānaṃ nāvaṃ bhuñjeyya, eko ekāya te dasāti.




    Next: 4. бхож̇анаваг̇г̇о • 4. Bhojanavaggo




    Footnotes:
    1. бана д̇ам̣ (?)
    2. pana taṃ (?)
    3. нияяаад̇зд̇аб̣б̣о (ид̇иби)
    4. бажжаасим̣сид̇аб̣б̣аа (ид̇иби)
    5. niyyātetabbo (itipi)
    6. paccāsiṃsitabbā (itipi)
    7. уд̣̇аа. 37
    8. udā. 37
    9. д̇ан̃н̃зва (ид̇иби)
    10. taññeva (itipi)
    11. яам̣ хи (га.)
    12. чаб̣б̣аг̇г̇ияаа бхигкунияо оваад̣̇ам̣ на г̇ажчиссанд̇ийд̇и (сий.)
    13. yaṃ hi (ka.)
    14. chabbaggiyā bhikkhuniyo ovādaṃ na gacchissantīti (sī.)
    15. бадивим̣со (сий.), бадивисо (ид̇иби)
    16. paṭiviṃso (sī.), paṭiviso (itipi)
    17. баариваддагам̣ (ид̇иби)
    18. pārivaṭṭakaṃ (itipi)
    19. вигаббанубаг̇абажчимам̣ (сий.)
    20. vikappanupagapacchimaṃ (sī.)
    21. бадто (сий. сяаа.)
    22. paṭṭho (sī. syā.)
    23. яасмим̣ маг̇г̇з (?)
    24. yasmiṃ magge (?)
    25. зганаавам̣ (сяаа.)
    26. зганаавааяа (сяаа.)
    27. ekanāvaṃ (syā.)
    28. ekanāvāya (syā.)
    29. зганаавам̣ (сяаа.)
    30. ekanāvaṃ (syā.)
    31. уд̇д̇арид̇аб̣б̣аа (сяаа.)
    32. uttaritabbā (syā.)
    33. гадаморагад̇иссаго (сий.) гад̇аморагад̇иссаго (сяаа.)
    34. kaṭamorakatissako (sī.) katamorakatissako (syā.)
    35. баажи. 286, 291; баараа. 445,454
    36. pāci. 286, 291; pārā. 445,454



    Related texts:



    адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
    1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
    2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
    3. бхигкунубассаяасигкаабад̣̇аван̣н̣анаа • 3. Bhikkhunupassayasikkhāpadavaṇṇanā
    4. аамисасигкаабад̣̇аван̣н̣анаа • 4. Āmisasikkhāpadavaṇṇanā
    5. жийварад̣̇аанасигкаабад̣̇аван̣н̣анаа • 5. Cīvaradānasikkhāpadavaṇṇanā
    6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
    7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
    8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
    9. барибаажид̇асигкаабад̣̇аван̣н̣анаа • 9. Paripācitasikkhāpadavaṇṇanā
    10. рахонисаж̇ж̇асигкаабад̣̇аван̣н̣анаа • 10. Rahonisajjasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
    1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
    2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
    3. бхигкунубассаяасигкаабад̣̇аван̣н̣анаа • 3. Bhikkhunupassayasikkhāpadavaṇṇanā
    4. аамисасигкаабад̣̇аван̣н̣анаа • 4. Āmisasikkhāpadavaṇṇanā
    6. жийварасиб̣б̣аабанасигкаабад̣̇аван̣н̣анаа • 6. Cīvarasibbāpanasikkhāpadavaṇṇanā
    7. сам̣вид̣̇аханасигкаабад̣̇аван̣н̣анаа • 7. Saṃvidahanasikkhāpadavaṇṇanā
    8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
    9. барибаажид̇асигкаабад̣̇аван̣н̣анаа • 9. Paripācitasikkhāpadavaṇṇanā
    10. рахонисаж̇ж̇асигкаабад̣̇аван̣н̣анаа • 10. Rahonisajjasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
    1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
    2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
    3. бхигкунубассаяасигкаабад̣̇аван̣н̣анаа • 3. Bhikkhunupassayasikkhāpadavaṇṇanā
    4. аамисасигкаабад̣̇аван̣н̣анаа • 4. Āmisasikkhāpadavaṇṇanā
    5. жийварад̣̇аанасигкаабад̣̇аван̣н̣анаа • 5. Cīvaradānasikkhāpadavaṇṇanā
    6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
    7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
    8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
    9. барибаажид̇асигкаабад̣̇аван̣н̣анаа • 9. Paripācitasikkhāpadavaṇṇanā
    10. рахонисаж̇ж̇асигкаабад̣̇аван̣н̣анаа • 10. Rahonisajjasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
    1. оваад̣̇асигкаабад̣̇аван̣н̣анаа • 1. Ovādasikkhāpadavaṇṇanā
    2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
    3. бхигкунубассаяасигкаабад̣̇аван̣н̣анаа • 3. Bhikkhunupassayasikkhāpadavaṇṇanā
    4. аамисасигкаабад̣̇аван̣н̣анаа • 4. Āmisasikkhāpadavaṇṇanā
    6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
    7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
    8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
    9. барибаажид̇асигкаабад̣̇аван̣н̣анаа • 9. Paripācitasikkhāpadavaṇṇanā
    10. рахонисаж̇ж̇асигкаабад̣̇аван̣н̣анаа • 10. Rahonisajjasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
    1. оваад̣̇асигкаабад̣̇а-ад̇т̇аяож̇анаа • 1. Ovādasikkhāpada-atthayojanā
    2. ад̇т̇ан̇г̇ад̇асигкаабад̣̇ам̣ • 2. Atthaṅgatasikkhāpadaṃ
    3. бхигкунубассаяасигкаабад̣̇ам̣ • 3. Bhikkhunupassayasikkhāpadaṃ
    4. аамисасигкаабад̣̇ам̣ • 4. Āmisasikkhāpadaṃ
    5. жийварад̣̇аанасигкаабад̣̇ам̣ • 5. Cīvaradānasikkhāpadaṃ
    6. жийварасиб̣б̣анасигкаабад̣̇ам̣ • 6. Cīvarasibbanasikkhāpadaṃ
    7. сам̣вид̇хаанасигкаабад̣̇ам̣ • 7. Saṃvidhānasikkhāpadaṃ
    8. нааваабхируханасигкаабад̣̇ам̣ • 8. Nāvābhiruhanasikkhāpadaṃ
    9. барибаажид̇асигкаабад̣̇ам̣ • 9. Paripācitasikkhāpadaṃ
    10. рахонисаж̇ж̇асигкаабад̣̇ам̣ • 10. Rahonisajjasikkhāpadaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact