| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
3. பப்³பா³ஜனீயகம்மகதா²
3. Pabbājanīyakammakathā
27. எத்தா²தி அஸ்ஸஜிபுனப்³ப³ஸுகவத்து²ம்ஹி. காயிகோதி எத்த² காயேன கீளதீதி காயிகோதி வசனத்த²ங் த³ஸ்ஸெந்தோ ஆஹ ‘‘காயகீளா வுச்சதீ’’தி. ‘‘ஏஸேவ நயோ’’தி இமினா வாசாய கீளதீதி வாசஸிகோ, காயிகோ ச வாசஸிகோ ச காயிகவாசஸிகோதி வசனத்த²ங் அதிதி³ஸதி. எத்த² ச பச்சி²மவசனத்தோ² ஸமாஹாரத்³வந்தோ³, ஸமாஹாரத்³வந்தே³பி கத்த²சி புல்லிங்க³மிச்ச²ந்தி ஸத்³த³விதூ³ ‘‘த⁴ம்மவினயோ’’திஆதீ³ஸு (விப⁴॰ அட்ட²॰ 509) விய. காயத்³வாரபஞ்ஞத்தஸிக்கா²பத³ங் வீதிக்கமதீதி காயிகோதி வசனத்த²ங் த³ஸ்ஸெந்தோ ஆஹ ‘‘காயத்³வாரே பஞ்ஞத்தஸிக்கா²பத³வீதிக்கமோ வுச்சதீ’’தி. காயேன பஞ்ஞத்தஸிக்கா²பத³ங் வீதிக்கமேதீதி காயிகோதி வசனத்தோ²பி யுஜ்ஜதேவ. ‘‘உபஹனநங் வுச்சதீ’’தி இமினா உபஹனநங் உபகா⁴தங், தமேவ உபகா⁴திகந்தி வசனத்த²ங் த³ஸ்ஸேதி. ‘‘நாஸன’’ந்தி இமினா ஹனதா⁴துயா ஹிங்ஸனத்த²ங் த³ஸ்ஸேதி. படிக்கி²த்தவேஜ்ஜகம்மாதி³வஸேன தேலபசனஅரிட்ட²பசனாதீ³னி காயிகோ மிச்சா²ஜீவோ நாமாதி யோஜனா. இமினா மிச்சா²ஜீவஸ்ஸ ஸரூபங் த³ஸ்ஸேதி.
27.Etthāti assajipunabbasukavatthumhi. Kāyikoti ettha kāyena kīḷatīti kāyikoti vacanatthaṃ dassento āha ‘‘kāyakīḷā vuccatī’’ti. ‘‘Eseva nayo’’ti iminā vācāya kīḷatīti vācasiko, kāyiko ca vācasiko ca kāyikavācasikoti vacanatthaṃ atidisati. Ettha ca pacchimavacanattho samāhāradvando, samāhāradvandepi katthaci pulliṅgamicchanti saddavidū ‘‘dhammavinayo’’tiādīsu (vibha. aṭṭha. 509) viya. Kāyadvārapaññattasikkhāpadaṃ vītikkamatīti kāyikoti vacanatthaṃ dassento āha ‘‘kāyadvāre paññattasikkhāpadavītikkamo vuccatī’’ti. Kāyena paññattasikkhāpadaṃ vītikkametīti kāyikoti vacanatthopi yujjateva. ‘‘Upahananaṃ vuccatī’’ti iminā upahananaṃ upaghātaṃ, tameva upaghātikanti vacanatthaṃ dasseti. ‘‘Nāsana’’nti iminā hanadhātuyā hiṃsanatthaṃ dasseti. Paṭikkhittavejjakammādivasena telapacanaariṭṭhapacanādīni kāyiko micchājīvo nāmāti yojanā. Iminā micchājīvassa sarūpaṃ dasseti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / ஆகங்க²மானசுத்³த³ஸகங் • Ākaṅkhamānacuddasakaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / பப்³பா³ஜனீயகம்மகதா² • Pabbājanīyakammakathā
