| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
244. පබ්‌බාජනීයකම්‌මකථා
244. Pabbājanīyakammakathā
413. ඉධ පන, භික්‌ඛවෙ, භික්‌ඛු කුලදූසකො හොති පාපසමාචාරො. තත්‍ර චෙ භික්‌ඛූනං එවං හොති – ‘‘අයං ඛො, ආවුසො, භික්‌ඛු කුලදූසකො පාපසමාචාරො. හන්‌දස්‌ස මයං පබ්‌බාජනීයකම්‌මං කරොමා’’ති. තෙ තස්‌ස පබ්‌බාජනීයකම්‌මං කරොන්‌ති – අධම්‌මෙන වග්‌ගා. සො තම්‌හා ආවාසා අඤ්‌ඤං ආවාසං ගච්‌ඡති. තත්‌ථපි භික්‌ඛූනං එවං හොති – ‘‘අයං ඛො, ආවුසො, භික්‌ඛු සඞ්‌ඝෙන පබ්‌බාජනීයකම්‌මකතො අධම්‌මෙන වග්‌ගෙහි. හන්‌දස්‌ස මයං පබ්‌බාජනීයකම්‌මං කරොමා’’ති. තෙ තස්‌ස පබ්‌බාජනීයකම්‌මං කරොන්‌ති – අධම්‌මෙන සමග්‌ගා…පෙ.… ධම්‌මෙන වග්‌ගා… ධම්‌මපතිරූපකෙන වග්‌ගා… ධම්‌මපතිරූපකෙන සමග්‌ගා…පෙ.….
413. Idha pana, bhikkhave, bhikkhu kuladūsako hoti pāpasamācāro. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu kuladūsako pāpasamācāro. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato adhammena vaggehi. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
චක්‌කං කාතබ්‌බං .
Cakkaṃ kātabbaṃ .
පබ්‌බාජනීයකම්‌මකතා නිට්‌ඨිතා.
Pabbājanīyakammakatā niṭṭhitā.
