| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
251. பப்³பா³ஜனீயகம்மபடிப்பஸ்ஸத்³தி⁴கதா²
251. Pabbājanīyakammapaṭippassaddhikathā
424. இத⁴ பன, பி⁴க்க²வே, பி⁴க்கு² ஸங்கே⁴ன பப்³பா³ஜனீயகம்மகதோ ஸம்மா வத்ததி, லோமங் பாதேதி , நெத்தா²ரங் வத்ததி, பப்³பா³ஜனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. தத்ர சே பி⁴க்கூ²னங் ஏவங் ஹோதி – ‘‘அயங் கோ², ஆவுஸோ, பி⁴க்கு² ஸங்கே⁴ன பப்³பா³ஜனீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி, பப்³பா³ஜனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஹந்த³ஸ்ஸ மயங் பப்³பா³ஜனீயகம்மங் படிப்பஸ்ஸம்பே⁴மா’’தி. தே தஸ்ஸ பப்³பா³ஜனீயகம்மங் படிப்பஸ்ஸம்பெ⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞங் ஆவாஸங் க³ச்ச²தி. தத்த²பி பி⁴க்கூ²னங் ஏவங் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன பப்³பா³ஜனீயகம்மங் படிப்பஸ்ஸத்³த⁴ங் அத⁴ம்மேன வக்³கே³ஹி. ஹந்த³ஸ்ஸ மயங் பப்³பா³ஜனீயகம்மங் படிப்பஸ்ஸம்பே⁴மா’’தி. தே தஸ்ஸ பப்³பா³ஜனீயகம்மங் படிப்பஸ்ஸம்பெ⁴ந்தி – அத⁴ம்மேன ஸமக்³கா³…பே॰… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே॰….
424. Idha pana, bhikkhave, bhikkhu saṅghena pabbājanīyakammakato sammā vattati, lomaṃ pāteti , netthāraṃ vattati, pabbājanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato sammā vattati, lomaṃ pāteti, netthāraṃ vattati, pabbājanīyassa kammassa paṭippassaddhiṃ yācati. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘imassa kho, āvuso, bhikkhuno saṅghena pabbājanīyakammaṃ paṭippassaddhaṃ adhammena vaggehi. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
சக்கங் காதப்³ப³ங்.
Cakkaṃ kātabbaṃ.
பப்³பா³ஜனீயகம்மபடிப்பஸ்ஸத்³தி⁴கதா² நிட்டி²தா.
Pabbājanīyakammapaṭippassaddhikathā niṭṭhitā.
