| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
265. баб̣б̣ааж̇анийяагаммабадиббассад̣̇д̇хигат̇аа
265. Pabbājanīyakammapaṭippassaddhikathā
446. ид̇ха бана, бхигкавз, бхигку сан̇гхзна баб̣б̣ааж̇анийяагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, баб̣б̣ааж̇анийяасса гаммасса бадиббассад̣̇д̇хим̣ яаажад̇и. д̇ад̇ра жз бхигкуунам̣ звам̣ ход̇и – ‘‘аяам̣ ко, аавусо, бхигку сан̇гхзна баб̣б̣ааж̇анийяагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, баб̣б̣ааж̇анийяасса гаммасса бадиббассад̣̇д̇хим̣ яаажад̇и. ханд̣̇асса маяам̣ баб̣б̣ааж̇анийяагаммам̣ бадиббассамбхзмаа’’д̇и. д̇з д̇асса баб̣б̣ааж̇анийяагаммам̣ бадиббассамбхзнд̇и – ад̇хаммзна ваг̇г̇аа…бз… ад̇хаммзна самаг̇г̇аа… д̇хаммзна ваг̇г̇аа… д̇хаммабад̇ируубагзна ваг̇г̇аа… д̇хаммабад̇ируубагзна самаг̇г̇аа. д̇ад̇радто сан̇гхо вивад̣̇ад̇и – ‘‘ад̇хаммзна ваг̇г̇агаммам̣, ад̇хаммзна самаг̇г̇агаммам̣, д̇хаммзна ваг̇г̇агаммам̣, д̇хаммабад̇ируубагзна ваг̇г̇агаммам̣, д̇хаммабад̇ируубагзна самаг̇г̇агаммам̣, агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и. д̇ад̇ра, бхигкавз, яз д̇з бхигкуу звамаахам̣су – ‘‘д̇хаммабад̇ируубагзна самаг̇г̇агамма’’нд̇и, яз жа д̇з бхигкуу звамаахам̣су – ‘‘агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и, имз д̇ад̇т̇а бхигкуу д̇хаммаваад̣̇ино. имзби бан̃жа ваараа сам̣кид̇д̇аа.
446. Idha pana, bhikkhave, bhikkhu saṅghena pabbājanīyakammakato sammā vattati, lomaṃ pāteti, netthāraṃ vattati, pabbājanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato sammā vattati, lomaṃ pāteti, netthāraṃ vattati, pabbājanīyassa kammassa paṭippassaddhiṃ yācati. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino. Imepi pañca vārā saṃkhittā.
баб̣б̣ааж̇анийяагаммабадиббассад̣̇д̇хигат̇аа нидтид̇аа.
Pabbājanīyakammapaṭippassaddhikathā niṭṭhitā.
