| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၂၅၁. ပဗ္ဗာဇနီယကမ္မပဋိပ္ပသ္သဒ္ဓိကထာ
251. Pabbājanīyakammapaṭippassaddhikathā
၄၂၄. ဣဓ ပန, ဘိက္ခဝေ, ဘိက္ခု သင္ဃေန ပဗ္ဗာဇနီယကမ္မကတော သမ္မာ ဝတ္တတိ, လောမံ ပာတေတိ , နေတ္ထာရံ ဝတ္တတိ, ပဗ္ဗာဇနီယသ္သ ကမ္မသ္သ ပဋိပ္ပသ္သဒ္ဓိံ ယာစတိ။ တတ္ရ စေ ဘိက္ခူနံ ဧဝံ ဟောတိ – ‘‘အယံ ခော, အာဝုသော, ဘိက္ခု သင္ဃေန ပဗ္ဗာဇနီယကမ္မကတော သမ္မာ ဝတ္တတိ, လောမံ ပာတေတိ, နေတ္ထာရံ ဝတ္တတိ, ပဗ္ဗာဇနီယသ္သ ကမ္မသ္သ ပဋိပ္ပသ္သဒ္ဓိံ ယာစတိ။ ဟန္ဒသ္သ မယံ ပဗ္ဗာဇနီယကမ္မံ ပဋိပ္ပသ္သမ္ဘေမာ’’တိ။ တေ တသ္သ ပဗ္ဗာဇနီယကမ္မံ ပဋိပ္ပသ္သမ္ဘေန္တိ – အဓမ္မေန ဝဂ္ဂာ။ သော တမ္ဟာ အာဝာသာ အညံ အာဝာသံ ဂစ္ဆတိ။ တတ္ထပိ ဘိက္ခူနံ ဧဝံ ဟောတိ – ‘‘ဣမသ္သ ခော, အာဝုသော, ဘိက္ခုနော သင္ဃေန ပဗ္ဗာဇနီယကမ္မံ ပဋိပ္ပသ္သဒ္ဓံ အဓမ္မေန ဝဂ္ဂေဟိ။ ဟန္ဒသ္သ မယံ ပဗ္ဗာဇနီယကမ္မံ ပဋိပ္ပသ္သမ္ဘေမာ’’တိ။ တေ တသ္သ ပဗ္ဗာဇနီယကမ္မံ ပဋိပ္ပသ္သမ္ဘေန္တိ – အဓမ္မေန သမဂ္ဂာ။ပေ.။ ဓမ္မေန ဝဂ္ဂာ။ ဓမ္မပတိရူပကေန ဝဂ္ဂာ။ ဓမ္မပတိရူပကေန သမဂ္ဂာ။ပေ.။။
424. Idha pana, bhikkhave, bhikkhu saṅghena pabbājanīyakammakato sammā vattati, lomaṃ pāteti , netthāraṃ vattati, pabbājanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato sammā vattati, lomaṃ pāteti, netthāraṃ vattati, pabbājanīyassa kammassa paṭippassaddhiṃ yācati. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘imassa kho, āvuso, bhikkhuno saṅghena pabbājanīyakammaṃ paṭippassaddhaṃ adhammena vaggehi. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
စက္ကံ ကာတဗ္ဗံ။
Cakkaṃ kātabbaṃ.
ပဗ္ဗာဇနီယကမ္မပဋိပ္ပသ္သဒ္ဓိကထာ နိဋ္ဌိတာ။
Pabbājanīyakammapaṭippassaddhikathā niṭṭhitā.
