| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਪਬ੍ਬਜਿਤਅਭਿਣ੍ਹਸੁਤ੍ਤਂ
8. Pabbajitaabhiṇhasuttaṃ
੪੮. ‘‘ਦਸਯਿਮੇ, ਭਿਕ੍ਖવੇ, ਧਮ੍ਮਾ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਾ । ਕਤਮੇ ਦਸ? ‘વੇવਣ੍ਣਿਯਮ੍ਹਿ ਅਜ੍ਝੁਪਗਤੋ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਪਰਪਟਿਬਦ੍ਧਾ ਮੇ ਜੀવਿਕਾ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਅਞ੍ਞੋ ਮੇ ਆਕਪ੍ਪੋ ਕਰਣੀਯੋ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਕਚ੍ਚਿ ਨੁ ਖੋ ਮੇ ਅਤ੍ਤਾ ਸੀਲਤੋ ਨ ਉਪવਦਤੀ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਕਚ੍ਚਿ ਨੁ ਖੋ ਮਂ ਅਨੁવਿਚ੍ਚ વਿਞ੍ਞੂ ਸਬ੍ਰਹ੍ਮਚਾਰੀ ਸੀਲਤੋ ਨ ਉਪવਦਨ੍ਤੀ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਸਬ੍ਬੇਹਿ ਮੇ ਪਿਯੇਹਿ ਮਨਾਪੇਹਿ ਨਾਨਾਭਾવੋ વਿਨਾਭਾવੋ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਕਮ੍ਮਸ੍ਸਕੋਮ੍ਹਿ ਕਮ੍ਮਦਾਯਾਦੋ ਕਮ੍ਮਯੋਨਿ ਕਮ੍ਮਬਨ੍ਧੁ ਕਮ੍ਮਪਟਿਸਰਣੋ, ਯਂ ਕਮ੍ਮਂ ਕਰਿਸ੍ਸਾਮਿ ਕਲ੍ਯਾਣਂ વਾ ਪਾਪਕਂ વਾ ਤਸ੍ਸ ਦਾਯਾਦੋ ਭવਿਸ੍ਸਾਮੀ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਕਥਂਭੂਤਸ੍ਸ ਮੇ ਰਤ੍ਤਿਨ੍ਦਿવਾ વੀਤਿવਤ੍ਤਨ੍ਤੀ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਕਚ੍ਚਿ ਨੁ ਖੋ ਅਹਂ ਸੁਞ੍ਞਾਗਾਰੇ ਅਭਿਰਮਾਮੀ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ; ‘ਅਤ੍ਥਿ ਨੁ ਖੋ ਮੇ ਉਤ੍ਤਰਿ ਮਨੁਸ੍ਸਧਮ੍ਮੋ ਅਲਮਰਿਯਞਾਣਦਸ੍ਸਨવਿਸੇਸੋ ਅਧਿਗਤੋ, ਯੇਨਾਹਂ 1 ਪਚ੍ਛਿਮੇ ਕਾਲੇ ਸਬ੍ਰਹ੍ਮਚਾਰੀਹਿ ਪੁਟ੍ਠੋ ਨ ਮਙ੍ਕੁ ਭવਿਸ੍ਸਾਮੀ’ਤਿ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਂ। ਇਮੇ ਖੋ, ਭਿਕ੍ਖવੇ, ਦਸ ਧਮ੍ਮਾ ਪਬ੍ਬਜਿਤੇਨ ਅਭਿਣ੍ਹਂ ਪਚ੍ਚવੇਕ੍ਖਿਤਬ੍ਬਾ’’ਤਿ। ਅਟ੍ਠਮਂ।
48. ‘‘Dasayime, bhikkhave, dhammā pabbajitena abhiṇhaṃ paccavekkhitabbā . Katame dasa? ‘Vevaṇṇiyamhi ajjhupagato’ti pabbajitena abhiṇhaṃ paccavekkhitabbaṃ; ‘parapaṭibaddhā me jīvikā’ti pabbajitena abhiṇhaṃ paccavekkhitabbaṃ; ‘añño me ākappo karaṇīyo’ti pabbajitena abhiṇhaṃ paccavekkhitabbaṃ; ‘kacci nu kho me attā sīlato na upavadatī’ti pabbajitena abhiṇhaṃ paccavekkhitabbaṃ; ‘kacci nu kho maṃ anuvicca viññū sabrahmacārī sīlato na upavadantī’ti pabbajitena abhiṇhaṃ paccavekkhitabbaṃ; ‘sabbehi me piyehi manāpehi nānābhāvo vinābhāvo’ti pabbajitena abhiṇhaṃ paccavekkhitabbaṃ; ‘kammassakomhi kammadāyādo kammayoni kammabandhu kammapaṭisaraṇo, yaṃ kammaṃ karissāmi kalyāṇaṃ vā pāpakaṃ vā tassa dāyādo bhavissāmī’ti pabbajitena abhiṇhaṃ paccavekkhitabbaṃ; ‘kathaṃbhūtassa me rattindivā vītivattantī’ti pabbajitena abhiṇhaṃ paccavekkhitabbaṃ; ‘kacci nu kho ahaṃ suññāgāre abhiramāmī’ti pabbajitena abhiṇhaṃ paccavekkhitabbaṃ; ‘atthi nu kho me uttari manussadhammo alamariyañāṇadassanaviseso adhigato, yenāhaṃ 2 pacchime kāle sabrahmacārīhi puṭṭho na maṅku bhavissāmī’ti pabbajitena abhiṇhaṃ paccavekkhitabbaṃ. Ime kho, bhikkhave, dasa dhammā pabbajitena abhiṇhaṃ paccavekkhitabbā’’ti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਪਬ੍ਬਜਿਤਅਭਿਣ੍ਹਸੁਤ੍ਤવਣ੍ਣਨਾ • 8. Pabbajitaabhiṇhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੮. વਿવਾਦਸੁਤ੍ਤਾਦਿવਣ੍ਣਨਾ • 1-8. Vivādasuttādivaṇṇanā
