| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. баб̣б̣аж̇ид̇аабхин̣хасуд̇д̇аван̣н̣анаа
8. Pabbajitaabhiṇhasuttavaṇṇanā
48. адтамз баб̣б̣аж̇ид̇знаад̇и гхарааваасам̣ бахааяа саасанз баб̣б̣аж̇ж̇ам̣ убаг̇ад̇зна. абхин̣ханд̇и абхигкан̣ам̣ бунаббунам̣, бажжавзгкид̇аб̣б̣аа ологзд̇аб̣б̣аа саллагкзд̇аб̣б̣аа. взван̣н̣ияанд̇и виван̣н̣абхаавам̣. д̇ам̣ банзд̇ам̣ взван̣н̣ияам̣ д̣̇увид̇хам̣ ход̇и сарийравзван̣н̣ияам̣ баригкааравзван̣н̣ияан̃жа. д̇ад̇т̇а гзсамассуоробанзна сарийравзван̣н̣ияам̣ взд̣̇ид̇аб̣б̣ам̣. буб̣б̣з бана наанаавирааг̇аани сукумавад̇т̇аани ниваасзд̇вааби наанаг̇г̇арасабхож̇анам̣ суван̣н̣араж̇ад̇абхааж̇анзсу бхун̃ж̇ид̇вааби сириг̇аб̣бхз варасаяанаасанзсу нибаж̇ж̇ид̇вааби нисийд̣̇ид̇вааби саббинаванийд̇аад̣̇ийхи бхзсаж̇ж̇ам̣ гад̇вааби баб̣б̣аж̇ид̇агаалад̇о бадтааяа чиннасан̇гхадид̇агасааварасабийд̇аани вад̇т̇аани ниваасзд̇аб̣б̣аани, аяабад̇д̇з ваа мад̇д̇игабад̇д̇з ваа миссагод̣̇ано бхун̃ж̇ид̇аб̣б̣о, ругкамуулаад̣̇исзнаасанз мун̃ж̇ад̇ин̣асант̇аран̣аад̣̇ийсу нибаж̇ж̇ид̇аб̣б̣ам̣ , жаммакан̣д̣ад̇аддигаад̣̇ийсу нисийд̣̇ид̇аб̣б̣ам̣, бууд̇имуд̇д̇аад̣̇ийхи бхзсаж̇ж̇ам̣ гад̇д̇аб̣б̣ам̣ ход̇и. звамзд̇т̇а баригкааравзван̣н̣ияам̣ взд̣̇ид̇аб̣б̣ам̣. звам̣ бажжавзгкад̇о гобо жа маано жа бахийяад̇и.
48. Aṭṭhame pabbajitenāti gharāvāsaṃ pahāya sāsane pabbajjaṃ upagatena. Abhiṇhanti abhikkhaṇaṃ punappunaṃ, paccavekkhitabbā oloketabbā sallakkhetabbā. Vevaṇṇiyanti vivaṇṇabhāvaṃ. Taṃ panetaṃ vevaṇṇiyaṃ duvidhaṃ hoti sarīravevaṇṇiyaṃ parikkhāravevaṇṇiyañca. Tattha kesamassuoropanena sarīravevaṇṇiyaṃ veditabbaṃ. Pubbe pana nānāvirāgāni sukhumavatthāni nivāsetvāpi nānaggarasabhojanaṃ suvaṇṇarajatabhājanesu bhuñjitvāpi sirigabbhe varasayanāsanesu nipajjitvāpi nisīditvāpi sappinavanītādīhi bhesajjaṃ katvāpi pabbajitakālato paṭṭhāya chinnasaṅghaṭitakasāvarasapītāni vatthāni nivāsetabbāni, ayapatte vā mattikapatte vā missakodano bhuñjitabbo, rukkhamūlādisenāsane muñjatiṇasantharaṇādīsu nipajjitabbaṃ , cammakhaṇḍataṭṭikādīsu nisīditabbaṃ, pūtimuttādīhi bhesajjaṃ kattabbaṃ hoti. Evamettha parikkhāravevaṇṇiyaṃ veditabbaṃ. Evaṃ paccavekkhato kopo ca māno ca pahīyati.
барабадиб̣ад̣̇д̇хаа мз ж̇ийвигаад̇и маяхам̣ барзсу бадиб̣ад̣̇д̇хаа барааяад̇д̇аа жад̇убажжаяаж̇ийвигаад̇и. звам̣ бажжавзгкад̇о хи ааж̇ийво барисуж̇жхад̇и, бин̣д̣абаад̇о жа абажид̇о ход̇и, жад̇уусу бажжаязсу абажжавзгкид̇абарибхог̇о наама на ход̇и. ан̃н̃о мз аагаббо гаран̣ийяод̇и яо г̇ихийнам̣ урам̣ абхинийхарид̇ваа г̇ийвам̣ баг̇г̇ахзд̇ваа лалид̇знаагаарзна анияад̇абад̣̇авийд̇ихаарзна г̇аманаагаббо ход̇и, д̇ад̇о ан̃н̃ова аагаббо маяаа гаран̣ийяо, санд̇инд̣̇риязна санд̇амаанасзна яуг̇амад̇д̇ад̣̇ассинаа висамадтаанз уд̣̇агасагадзнзва манд̣̇амид̇абад̣̇авийд̇ихаарзна худ̇ваа г̇анд̇аб̣б̣анд̇и бажжавзгкид̇аб̣б̣ам̣. звам̣ бажжавзгкад̇о хи ирияаабат̇о сааруббо ход̇и, д̇иссо сигкаа барибуурзнд̇и. гажжинукод̇и салагкан̣з нибаад̇асамуд̣̇ааяо. ад̇д̇аад̇и жид̇д̇ам̣. сийлад̇о на убавад̣̇ад̇ийд̇и абарисуд̣̇д̇хам̣ д̇з сийланд̇и сийлабажжаяо на убавад̣̇ад̇и. звам̣ бажжавзгкад̇о хи аж̇жхад̇д̇ам̣ хирий самудтаад̇и, саа д̇ийсу д̣̇ваарзсу сам̣варам̣ саад̇хзд̇и, д̇ийсу д̣̇ваарзсу сам̣варо жад̇убаарисуд̣̇д̇хисийлам̣ ход̇и, жад̇убаарисуд̣̇д̇хисийлз тид̇о вибассанам̣ вад̣дхзд̇ваа арахад̇д̇ам̣ г̇ан̣хаад̇и. анувижжа вин̃н̃уу саб̣рахмажаарийд̇и бан̣д̣ид̇аа саб̣рахмажаарино анувижаарзд̇ваа. звам̣ бажжавзгкад̇о хи б̣ахид̣̇д̇хаа од̇д̇аббам̣ сан̣таад̇и, д̇ам̣ д̇ийсу д̣̇ваарзсу сам̣варам̣ саад̇хзд̇ийд̇и ананд̇аранаязнзва взд̣̇ид̇аб̣б̣ам̣.
Parapaṭibaddhā me jīvikāti mayhaṃ paresu paṭibaddhā parāyattā catupaccayajīvikāti. Evaṃ paccavekkhato hi ājīvo parisujjhati, piṇḍapāto ca apacito hoti, catūsu paccayesu apaccavekkhitaparibhogo nāma na hoti. Añño me ākappo karaṇīyoti yo gihīnaṃ uraṃ abhinīharitvā gīvaṃ paggahetvā lalitenākārena aniyatapadavītihārena gamanākappo hoti, tato aññova ākappo mayā karaṇīyo, santindriyena santamānasena yugamattadassinā visamaṭṭhāne udakasakaṭeneva mandamitapadavītihārena hutvā gantabbanti paccavekkhitabbaṃ. Evaṃ paccavekkhato hi iriyāpatho sāruppo hoti, tisso sikkhā paripūrenti. Kaccinukhoti salakkhaṇe nipātasamudāyo. Attāti cittaṃ. Sīlato na upavadatīti aparisuddhaṃ te sīlanti sīlapaccayo na upavadati. Evaṃ paccavekkhato hi ajjhattaṃ hirī samuṭṭhāti, sā tīsu dvāresu saṃvaraṃ sādheti, tīsu dvāresu saṃvaro catupārisuddhisīlaṃ hoti, catupārisuddhisīle ṭhito vipassanaṃ vaḍḍhetvā arahattaṃ gaṇhāti. Anuvicca viññū sabrahmacārīti paṇḍitā sabrahmacārino anuvicāretvā. Evaṃ paccavekkhato hi bahiddhā ottappaṃ saṇṭhāti, taṃ tīsu dvāresu saṃvaraṃ sādhetīti anantaranayeneva veditabbaṃ.
наанаабхааво винаабхаавод̇и ж̇аад̇ияаа наанаабхааво, маран̣зна винаабхааво. звам̣ бажжавзгкад̇о хи д̇ийсу д̣̇ваарзсу асам̣вуд̇аагааро наама на ход̇и, маран̣ассад̇и суубадтид̇аа ход̇и. гаммассагомхийд̇иаад̣̇ийсу гаммам̣ маяхам̣ сагам̣ ад̇д̇ано санд̇аганд̇и гаммассагаа. гаммзна д̣̇аад̇аб̣б̣ам̣ палам̣ д̣̇ааяам̣, гаммасса д̣̇ааяам̣ гаммад̣̇ааяам̣, д̇ам̣ аад̣̇ийяаамийд̇и гаммад̣̇ааяаад̣̇о. гаммам̣ маяхам̣ яони гааран̣анд̇и гаммаяони. гаммам̣ маяхам̣ б̣анд̇ху н̃аад̇агод̇и гаммаб̣анд̇ху. гаммам̣ маяхам̣ бадисаран̣ам̣ бад̇идтаад̇и гаммабадисаран̣о. д̇асса д̣̇ааяаад̣̇о бхависсаамийд̇и д̇асса гаммасса д̣̇ааяаад̣̇о д̇зна д̣̇иннапалам̣ бадиг̇г̇аахаго бхависсаами. звам̣ гаммассагад̇ам̣ бана бажжавзгкад̇о баабагаран̣ам̣ наама на ход̇и. гат̇ам̣бхууд̇асса мз рад̇д̇инд̣̇иваа вийд̇ивад̇д̇анд̇ийд̇и гинну ко мз вад̇д̇аббадибад̇д̇им̣ гаронд̇асса, уд̣̇ааху агаронд̇асса, б̣уд̣̇д̇хаважанам̣ саж̇жхааяанд̇асса, уд̣̇ааху асаж̇жхааяанд̇асса, яонисоманасигаарз гаммам̣ гаронд̇асса, уд̣̇ааху агаронд̇ассаад̇и гат̇ам̣бхууд̇асса мз рад̇д̇инд̣̇иваа вийд̇ивад̇д̇анд̇и, баривад̇д̇анд̇ийд̇и ад̇т̇о. звам̣ бажжавзгкад̇о хи аббамаад̣̇о барибуурад̇и.
Nānābhāvo vinābhāvoti jātiyā nānābhāvo, maraṇena vinābhāvo. Evaṃ paccavekkhato hi tīsu dvāresu asaṃvutākāro nāma na hoti, maraṇassati sūpaṭṭhitā hoti. Kammassakomhītiādīsu kammaṃ mayhaṃ sakaṃ attano santakanti kammassakā. Kammena dātabbaṃ phalaṃ dāyaṃ, kammassa dāyaṃ kammadāyaṃ, taṃ ādīyāmīti kammadāyādo. Kammaṃ mayhaṃ yoni kāraṇanti kammayoni. Kammaṃ mayhaṃ bandhu ñātakoti kammabandhu. Kammaṃ mayhaṃ paṭisaraṇaṃ patiṭṭhāti kammapaṭisaraṇo. Tassa dāyādo bhavissāmīti tassa kammassa dāyādo tena dinnaphalaṃ paṭiggāhako bhavissāmi. Evaṃ kammassakataṃ pana paccavekkhato pāpakaraṇaṃ nāma na hoti. Kathaṃbhūtassa me rattindivā vītivattantīti kinnu kho me vattappaṭipattiṃ karontassa, udāhu akarontassa, buddhavacanaṃ sajjhāyantassa, udāhu asajjhāyantassa, yonisomanasikāre kammaṃ karontassa, udāhu akarontassāti kathaṃbhūtassa me rattindivā vītivattanti, parivattantīti attho. Evaṃ paccavekkhato hi appamādo paripūrati.
сун̃н̃ааг̇аарз абхирамаамийд̇и вивид̇д̇огаасз саб̣б̣ирияаабат̇зсу згагова худ̇ваа гажжи ну ко абхирамаамийд̇и ад̇т̇о. звам̣ бажжавзгкад̇о гааяавивзго барибуурад̇и. уд̇д̇аримануссад̇хаммод̇и уд̇д̇аримануссаанам̣ уггадтамануссабхууд̇аанам̣ жхааяийнан̃жзва арияаанан̃жа жхаанаад̣̇ид̇хаммо, д̣̇асагусалагаммабат̇асан̇каад̇амануссад̇хаммад̇о ваа уд̇д̇арид̇аро висидтад̇аро д̇хаммо мз мама санд̇аанз ад̇т̇и ну ко, санд̇и ну код̇и ад̇т̇о. аламарияан̃аан̣ад̣̇ассанависзсод̇и махаг̇г̇ад̇алогуд̇д̇арабан̃н̃аа баж̇аананадтзна н̃аан̣ам̣, жагкунаа д̣̇идтамива д̇хаммам̣ бажжагкагаран̣ад̇о д̣̇ассанадтзна д̣̇ассананд̇и н̃аан̣ад̣̇ассанам̣, арияам̣ висуд̣̇д̇хам̣ уд̇д̇амам̣ н̃аан̣ад̣̇ассананд̇и арияан̃аан̣ад̣̇ассанам̣, алам̣ барияад̇д̇агам̣ гилзсавид̣̇д̇хам̣санасамад̇т̇ам̣ арияан̃аан̣ад̣̇ассанамзд̇т̇а, асса ваад̇и аламарияан̃аан̣ад̣̇ассано, жхаанаад̣̇ибхзд̣̇о уд̇д̇аримануссад̇хаммо аламарияан̃аан̣ад̣̇ассано жа со висзсо жаад̇и аламарияан̃аан̣ад̣̇ассанависзсо. ат̇а ваа д̇амзва гилзсавид̣̇д̇хам̣санасамад̇т̇ам̣ висуд̣̇д̇хам̣ н̃аан̣ад̣̇ассанамзва висзсод̇и аламарияан̃аан̣ад̣̇ассанависзсо ваа. ад̇хиг̇ад̇од̇и бадилад̣̇д̇хо мз ад̇т̇и ну ко. соханд̇и бадилад̣̇д̇хависзсо со ахам̣. бажчимз гаалзд̇и маран̣аман̃жз нибаннагаалз. будтод̇и саб̣рахмажаарийхи ад̇хиг̇ад̇аг̇ун̣ависзсам̣ бужчид̇о. на ман̇гу бхависсаамийд̇и бад̇ид̇агканд̇хо нид̇д̇зж̇о на хзссаамийд̇и. звам̣ бажжавзгканд̇асса хи могхагаалагирияаа наама на ход̇и.
Suññāgāre abhiramāmīti vivittokāse sabbiriyāpathesu ekakova hutvā kacci nu kho abhiramāmīti attho. Evaṃ paccavekkhato kāyaviveko paripūrati. Uttarimanussadhammoti uttarimanussānaṃ ukkaṭṭhamanussabhūtānaṃ jhāyīnañceva ariyānañca jhānādidhammo, dasakusalakammapathasaṅkhātamanussadhammato vā uttaritaro visiṭṭhataro dhammo me mama santāne atthi nu kho, santi nu khoti attho. Alamariyañāṇadassanavisesoti mahaggatalokuttarapaññā pajānanaṭṭhena ñāṇaṃ, cakkhunā diṭṭhamiva dhammaṃ paccakkhakaraṇato dassanaṭṭhena dassananti ñāṇadassanaṃ, ariyaṃ visuddhaṃ uttamaṃ ñāṇadassananti ariyañāṇadassanaṃ, alaṃ pariyattakaṃ kilesaviddhaṃsanasamatthaṃ ariyañāṇadassanamettha, assa vāti alamariyañāṇadassano, jhānādibhedo uttarimanussadhammo alamariyañāṇadassano ca so viseso cāti alamariyañāṇadassanaviseso. Atha vā tameva kilesaviddhaṃsanasamatthaṃ visuddhaṃ ñāṇadassanameva visesoti alamariyañāṇadassanaviseso vā. Adhigatoti paṭiladdho me atthi nu kho. Sohanti paṭiladdhaviseso so ahaṃ. Pacchime kāleti maraṇamañce nipannakāle. Puṭṭhoti sabrahmacārīhi adhigataguṇavisesaṃ pucchito. Na maṅku bhavissāmīti patitakkhandho nittejo na hessāmīti. Evaṃ paccavekkhantassa hi moghakālakiriyā nāma na hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. баб̣б̣аж̇ид̇аабхин̣хасуд̇д̇ам̣ • 8. Pabbajitaabhiṇhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-8. виваад̣̇асуд̇д̇аад̣̇иван̣н̣анаа • 1-8. Vivādasuttādivaṇṇanā
