| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਪਬ੍ਬਜਿਤਅਭਿਣ੍ਹਸੁਤ੍ਤવਣ੍ਣਨਾ
8. Pabbajitaabhiṇhasuttavaṇṇanā
੪੮. ਅਟ੍ਠਮੇ ਪਬ੍ਬਜਿਤੇਨਾਤਿ ਘਰਾવਾਸਂ ਪਹਾਯ ਸਾਸਨੇ ਪਬ੍ਬਜ੍ਜਂ ਉਪਗਤੇਨ। ਅਭਿਣ੍ਹਨ੍ਤਿ ਅਭਿਕ੍ਖਣਂ ਪੁਨਪ੍ਪੁਨਂ, ਪਚ੍ਚવੇਕ੍ਖਿਤਬ੍ਬਾ ਓਲੋਕੇਤਬ੍ਬਾ ਸਲ੍ਲਕ੍ਖੇਤਬ੍ਬਾ। વੇવਣ੍ਣਿਯਨ੍ਤਿ વਿવਣ੍ਣਭਾવਂ। ਤਂ ਪਨੇਤਂ વੇવਣ੍ਣਿਯਂ ਦੁવਿਧਂ ਹੋਤਿ ਸਰੀਰવੇવਣ੍ਣਿਯਂ ਪਰਿਕ੍ਖਾਰવੇવਣ੍ਣਿਯਞ੍ਚ। ਤਤ੍ਥ ਕੇਸਮਸ੍ਸੁਓਰੋਪਨੇਨ ਸਰੀਰવੇવਣ੍ਣਿਯਂ વੇਦਿਤਬ੍ਬਂ। ਪੁਬ੍ਬੇ ਪਨ ਨਾਨਾવਿਰਾਗਾਨਿ ਸੁਖੁਮવਤ੍ਥਾਨਿ ਨਿવਾਸੇਤ੍વਾਪਿ ਨਾਨਗ੍ਗਰਸਭੋਜਨਂ ਸੁવਣ੍ਣਰਜਤਭਾਜਨੇਸੁ ਭੁਞ੍ਜਿਤ੍વਾਪਿ ਸਿਰਿਗਬ੍ਭੇ વਰਸਯਨਾਸਨੇਸੁ ਨਿਪਜ੍ਜਿਤ੍વਾਪਿ ਨਿਸੀਦਿਤ੍વਾਪਿ ਸਪ੍ਪਿਨવਨੀਤਾਦੀਹਿ ਭੇਸਜ੍ਜਂ ਕਤ੍વਾਪਿ ਪਬ੍ਬਜਿਤਕਾਲਤੋ ਪਟ੍ਠਾਯ ਛਿਨ੍ਨਸਙ੍ਘਟਿਤਕਸਾવਰਸਪੀਤਾਨਿ વਤ੍ਥਾਨਿ ਨਿવਾਸੇਤਬ੍ਬਾਨਿ, ਅਯਪਤ੍ਤੇ વਾ ਮਤ੍ਤਿਕਪਤ੍ਤੇ વਾ ਮਿਸ੍ਸਕੋਦਨੋ ਭੁਞ੍ਜਿਤਬ੍ਬੋ, ਰੁਕ੍ਖਮੂਲਾਦਿਸੇਨਾਸਨੇ ਮੁਞ੍ਜਤਿਣਸਨ੍ਥਰਣਾਦੀਸੁ ਨਿਪਜ੍ਜਿਤਬ੍ਬਂ , ਚਮ੍ਮਖਣ੍ਡਤਟ੍ਟਿਕਾਦੀਸੁ ਨਿਸੀਦਿਤਬ੍ਬਂ, ਪੂਤਿਮੁਤ੍ਤਾਦੀਹਿ ਭੇਸਜ੍ਜਂ ਕਤ੍ਤਬ੍ਬਂ ਹੋਤਿ। ਏવਮੇਤ੍ਥ ਪਰਿਕ੍ਖਾਰવੇવਣ੍ਣਿਯਂ વੇਦਿਤਬ੍ਬਂ। ਏવਂ ਪਚ੍ਚવੇਕ੍ਖਤੋ ਕੋਪੋ ਚ ਮਾਨੋ ਚ ਪਹੀਯਤਿ।
48. Aṭṭhame pabbajitenāti gharāvāsaṃ pahāya sāsane pabbajjaṃ upagatena. Abhiṇhanti abhikkhaṇaṃ punappunaṃ, paccavekkhitabbā oloketabbā sallakkhetabbā. Vevaṇṇiyanti vivaṇṇabhāvaṃ. Taṃ panetaṃ vevaṇṇiyaṃ duvidhaṃ hoti sarīravevaṇṇiyaṃ parikkhāravevaṇṇiyañca. Tattha kesamassuoropanena sarīravevaṇṇiyaṃ veditabbaṃ. Pubbe pana nānāvirāgāni sukhumavatthāni nivāsetvāpi nānaggarasabhojanaṃ suvaṇṇarajatabhājanesu bhuñjitvāpi sirigabbhe varasayanāsanesu nipajjitvāpi nisīditvāpi sappinavanītādīhi bhesajjaṃ katvāpi pabbajitakālato paṭṭhāya chinnasaṅghaṭitakasāvarasapītāni vatthāni nivāsetabbāni, ayapatte vā mattikapatte vā missakodano bhuñjitabbo, rukkhamūlādisenāsane muñjatiṇasantharaṇādīsu nipajjitabbaṃ , cammakhaṇḍataṭṭikādīsu nisīditabbaṃ, pūtimuttādīhi bhesajjaṃ kattabbaṃ hoti. Evamettha parikkhāravevaṇṇiyaṃ veditabbaṃ. Evaṃ paccavekkhato kopo ca māno ca pahīyati.
ਪਰਪਟਿਬਦ੍ਧਾ ਮੇ ਜੀવਿਕਾਤਿ ਮਯ੍ਹਂ ਪਰੇਸੁ ਪਟਿਬਦ੍ਧਾ ਪਰਾਯਤ੍ਤਾ ਚਤੁਪਚ੍ਚਯਜੀવਿਕਾਤਿ। ਏવਂ ਪਚ੍ਚવੇਕ੍ਖਤੋ ਹਿ ਆਜੀવੋ ਪਰਿਸੁਜ੍ਝਤਿ, ਪਿਣ੍ਡਪਾਤੋ ਚ ਅਪਚਿਤੋ ਹੋਤਿ, ਚਤੂਸੁ ਪਚ੍ਚਯੇਸੁ ਅਪਚ੍ਚવੇਕ੍ਖਿਤਪਰਿਭੋਗੋ ਨਾਮ ਨ ਹੋਤਿ। ਅਞ੍ਞੋ ਮੇ ਆਕਪ੍ਪੋ ਕਰਣੀਯੋਤਿ ਯੋ ਗਿਹੀਨਂ ਉਰਂ ਅਭਿਨੀਹਰਿਤ੍વਾ ਗੀવਂ ਪਗ੍ਗਹੇਤ੍વਾ ਲਲਿਤੇਨਾਕਾਰੇਨ ਅਨਿਯਤਪਦવੀਤਿਹਾਰੇਨ ਗਮਨਾਕਪ੍ਪੋ ਹੋਤਿ, ਤਤੋ ਅਞ੍ਞੋવ ਆਕਪ੍ਪੋ ਮਯਾ ਕਰਣੀਯੋ, ਸਨ੍ਤਿਨ੍ਦ੍ਰਿਯੇਨ ਸਨ੍ਤਮਾਨਸੇਨ ਯੁਗਮਤ੍ਤਦਸ੍ਸਿਨਾ વਿਸਮਟ੍ਠਾਨੇ ਉਦਕਸਕਟੇਨੇવ ਮਨ੍ਦਮਿਤਪਦવੀਤਿਹਾਰੇਨ ਹੁਤ੍વਾ ਗਨ੍ਤਬ੍ਬਨ੍ਤਿ ਪਚ੍ਚવੇਕ੍ਖਿਤਬ੍ਬਂ। ਏવਂ ਪਚ੍ਚવੇਕ੍ਖਤੋ ਹਿ ਇਰਿਯਾਪਥੋ ਸਾਰੁਪ੍ਪੋ ਹੋਤਿ, ਤਿਸ੍ਸੋ ਸਿਕ੍ਖਾ ਪਰਿਪੂਰੇਨ੍ਤਿ। ਕਚ੍ਚਿਨੁਖੋਤਿ ਸਲਕ੍ਖਣੇ ਨਿਪਾਤਸਮੁਦਾਯੋ। ਅਤ੍ਤਾਤਿ ਚਿਤ੍ਤਂ। ਸੀਲਤੋ ਨ ਉਪવਦਤੀਤਿ ਅਪਰਿਸੁਦ੍ਧਂ ਤੇ ਸੀਲਨ੍ਤਿ ਸੀਲਪਚ੍ਚਯੋ ਨ ਉਪવਦਤਿ। ਏવਂ ਪਚ੍ਚવੇਕ੍ਖਤੋ ਹਿ ਅਜ੍ਝਤ੍ਤਂ ਹਿਰੀ ਸਮੁਟ੍ਠਾਤਿ, ਸਾ ਤੀਸੁ ਦ੍વਾਰੇਸੁ ਸਂવਰਂ ਸਾਧੇਤਿ, ਤੀਸੁ ਦ੍વਾਰੇਸੁ ਸਂવਰੋ ਚਤੁਪਾਰਿਸੁਦ੍ਧਿਸੀਲਂ ਹੋਤਿ, ਚਤੁਪਾਰਿਸੁਦ੍ਧਿਸੀਲੇ ਠਿਤੋ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਗਣ੍ਹਾਤਿ। ਅਨੁવਿਚ੍ਚ વਿਞ੍ਞੂ ਸਬ੍ਰਹ੍ਮਚਾਰੀਤਿ ਪਣ੍ਡਿਤਾ ਸਬ੍ਰਹ੍ਮਚਾਰਿਨੋ ਅਨੁવਿਚਾਰੇਤ੍વਾ। ਏવਂ ਪਚ੍ਚવੇਕ੍ਖਤੋ ਹਿ ਬਹਿਦ੍ਧਾ ਓਤ੍ਤਪ੍ਪਂ ਸਣ੍ਠਾਤਿ, ਤਂ ਤੀਸੁ ਦ੍વਾਰੇਸੁ ਸਂવਰਂ ਸਾਧੇਤੀਤਿ ਅਨਨ੍ਤਰਨਯੇਨੇવ વੇਦਿਤਬ੍ਬਂ।
Parapaṭibaddhā me jīvikāti mayhaṃ paresu paṭibaddhā parāyattā catupaccayajīvikāti. Evaṃ paccavekkhato hi ājīvo parisujjhati, piṇḍapāto ca apacito hoti, catūsu paccayesu apaccavekkhitaparibhogo nāma na hoti. Añño me ākappo karaṇīyoti yo gihīnaṃ uraṃ abhinīharitvā gīvaṃ paggahetvā lalitenākārena aniyatapadavītihārena gamanākappo hoti, tato aññova ākappo mayā karaṇīyo, santindriyena santamānasena yugamattadassinā visamaṭṭhāne udakasakaṭeneva mandamitapadavītihārena hutvā gantabbanti paccavekkhitabbaṃ. Evaṃ paccavekkhato hi iriyāpatho sāruppo hoti, tisso sikkhā paripūrenti. Kaccinukhoti salakkhaṇe nipātasamudāyo. Attāti cittaṃ. Sīlato na upavadatīti aparisuddhaṃ te sīlanti sīlapaccayo na upavadati. Evaṃ paccavekkhato hi ajjhattaṃ hirī samuṭṭhāti, sā tīsu dvāresu saṃvaraṃ sādheti, tīsu dvāresu saṃvaro catupārisuddhisīlaṃ hoti, catupārisuddhisīle ṭhito vipassanaṃ vaḍḍhetvā arahattaṃ gaṇhāti. Anuvicca viññū sabrahmacārīti paṇḍitā sabrahmacārino anuvicāretvā. Evaṃ paccavekkhato hi bahiddhā ottappaṃ saṇṭhāti, taṃ tīsu dvāresu saṃvaraṃ sādhetīti anantaranayeneva veditabbaṃ.
ਨਾਨਾਭਾવੋ વਿਨਾਭਾવੋਤਿ ਜਾਤਿਯਾ ਨਾਨਾਭਾવੋ, ਮਰਣੇਨ વਿਨਾਭਾવੋ। ਏવਂ ਪਚ੍ਚવੇਕ੍ਖਤੋ ਹਿ ਤੀਸੁ ਦ੍વਾਰੇਸੁ ਅਸਂવੁਤਾਕਾਰੋ ਨਾਮ ਨ ਹੋਤਿ, ਮਰਣਸ੍ਸਤਿ ਸੂਪਟ੍ਠਿਤਾ ਹੋਤਿ। ਕਮ੍ਮਸ੍ਸਕੋਮ੍ਹੀਤਿਆਦੀਸੁ ਕਮ੍ਮਂ ਮਯ੍ਹਂ ਸਕਂ ਅਤ੍ਤਨੋ ਸਨ੍ਤਕਨ੍ਤਿ ਕਮ੍ਮਸ੍ਸਕਾ। ਕਮ੍ਮੇਨ ਦਾਤਬ੍ਬਂ ਫਲਂ ਦਾਯਂ, ਕਮ੍ਮਸ੍ਸ ਦਾਯਂ ਕਮ੍ਮਦਾਯਂ, ਤਂ ਆਦੀਯਾਮੀਤਿ ਕਮ੍ਮਦਾਯਾਦੋ। ਕਮ੍ਮਂ ਮਯ੍ਹਂ ਯੋਨਿ ਕਾਰਣਨ੍ਤਿ ਕਮ੍ਮਯੋਨਿ। ਕਮ੍ਮਂ ਮਯ੍ਹਂ ਬਨ੍ਧੁ ਞਾਤਕੋਤਿ ਕਮ੍ਮਬਨ੍ਧੁ। ਕਮ੍ਮਂ ਮਯ੍ਹਂ ਪਟਿਸਰਣਂ ਪਤਿਟ੍ਠਾਤਿ ਕਮ੍ਮਪਟਿਸਰਣੋ। ਤਸ੍ਸ ਦਾਯਾਦੋ ਭવਿਸ੍ਸਾਮੀਤਿ ਤਸ੍ਸ ਕਮ੍ਮਸ੍ਸ ਦਾਯਾਦੋ ਤੇਨ ਦਿਨ੍ਨਫਲਂ ਪਟਿਗ੍ਗਾਹਕੋ ਭવਿਸ੍ਸਾਮਿ। ਏવਂ ਕਮ੍ਮਸ੍ਸਕਤਂ ਪਨ ਪਚ੍ਚવੇਕ੍ਖਤੋ ਪਾਪਕਰਣਂ ਨਾਮ ਨ ਹੋਤਿ। ਕਥਂਭੂਤਸ੍ਸ ਮੇ ਰਤ੍ਤਿਨ੍ਦਿવਾ વੀਤਿવਤ੍ਤਨ੍ਤੀਤਿ ਕਿਨ੍ਨੁ ਖੋ ਮੇ વਤ੍ਤਪ੍ਪਟਿਪਤ੍ਤਿਂ ਕਰੋਨ੍ਤਸ੍ਸ, ਉਦਾਹੁ ਅਕਰੋਨ੍ਤਸ੍ਸ, ਬੁਦ੍ਧવਚਨਂ ਸਜ੍ਝਾਯਨ੍ਤਸ੍ਸ, ਉਦਾਹੁ ਅਸਜ੍ਝਾਯਨ੍ਤਸ੍ਸ, ਯੋਨਿਸੋਮਨਸਿਕਾਰੇ ਕਮ੍ਮਂ ਕਰੋਨ੍ਤਸ੍ਸ, ਉਦਾਹੁ ਅਕਰੋਨ੍ਤਸ੍ਸਾਤਿ ਕਥਂਭੂਤਸ੍ਸ ਮੇ ਰਤ੍ਤਿਨ੍ਦਿવਾ વੀਤਿવਤ੍ਤਨ੍ਤਿ, ਪਰਿવਤ੍ਤਨ੍ਤੀਤਿ ਅਤ੍ਥੋ। ਏવਂ ਪਚ੍ਚવੇਕ੍ਖਤੋ ਹਿ ਅਪ੍ਪਮਾਦੋ ਪਰਿਪੂਰਤਿ।
Nānābhāvo vinābhāvoti jātiyā nānābhāvo, maraṇena vinābhāvo. Evaṃ paccavekkhato hi tīsu dvāresu asaṃvutākāro nāma na hoti, maraṇassati sūpaṭṭhitā hoti. Kammassakomhītiādīsu kammaṃ mayhaṃ sakaṃ attano santakanti kammassakā. Kammena dātabbaṃ phalaṃ dāyaṃ, kammassa dāyaṃ kammadāyaṃ, taṃ ādīyāmīti kammadāyādo. Kammaṃ mayhaṃ yoni kāraṇanti kammayoni. Kammaṃ mayhaṃ bandhu ñātakoti kammabandhu. Kammaṃ mayhaṃ paṭisaraṇaṃ patiṭṭhāti kammapaṭisaraṇo. Tassa dāyādo bhavissāmīti tassa kammassa dāyādo tena dinnaphalaṃ paṭiggāhako bhavissāmi. Evaṃ kammassakataṃ pana paccavekkhato pāpakaraṇaṃ nāma na hoti. Kathaṃbhūtassa me rattindivā vītivattantīti kinnu kho me vattappaṭipattiṃ karontassa, udāhu akarontassa, buddhavacanaṃ sajjhāyantassa, udāhu asajjhāyantassa, yonisomanasikāre kammaṃ karontassa, udāhu akarontassāti kathaṃbhūtassa me rattindivā vītivattanti, parivattantīti attho. Evaṃ paccavekkhato hi appamādo paripūrati.
ਸੁਞ੍ਞਾਗਾਰੇ ਅਭਿਰਮਾਮੀਤਿ વਿવਿਤ੍ਤੋਕਾਸੇ ਸਬ੍ਬਿਰਿਯਾਪਥੇਸੁ ਏਕਕੋવ ਹੁਤ੍વਾ ਕਚ੍ਚਿ ਨੁ ਖੋ ਅਭਿਰਮਾਮੀਤਿ ਅਤ੍ਥੋ। ਏવਂ ਪਚ੍ਚવੇਕ੍ਖਤੋ ਕਾਯવਿવੇਕੋ ਪਰਿਪੂਰਤਿ। ਉਤ੍ਤਰਿਮਨੁਸ੍ਸਧਮ੍ਮੋਤਿ ਉਤ੍ਤਰਿਮਨੁਸ੍ਸਾਨਂ ਉਕ੍ਕਟ੍ਠਮਨੁਸ੍ਸਭੂਤਾਨਂ ਝਾਯੀਨਞ੍ਚੇવ ਅਰਿਯਾਨਞ੍ਚ ਝਾਨਾਦਿਧਮ੍ਮੋ, ਦਸਕੁਸਲਕਮ੍ਮਪਥਸਙ੍ਖਾਤਮਨੁਸ੍ਸਧਮ੍ਮਤੋ વਾ ਉਤ੍ਤਰਿਤਰੋ વਿਸਿਟ੍ਠਤਰੋ ਧਮ੍ਮੋ ਮੇ ਮਮ ਸਨ੍ਤਾਨੇ ਅਤ੍ਥਿ ਨੁ ਖੋ, ਸਨ੍ਤਿ ਨੁ ਖੋਤਿ ਅਤ੍ਥੋ। ਅਲਮਰਿਯਞਾਣਦਸ੍ਸਨવਿਸੇਸੋਤਿ ਮਹਗ੍ਗਤਲੋਕੁਤ੍ਤਰਪਞ੍ਞਾ ਪਜਾਨਨਟ੍ਠੇਨ ਞਾਣਂ, ਚਕ੍ਖੁਨਾ ਦਿਟ੍ਠਮਿવ ਧਮ੍ਮਂ ਪਚ੍ਚਕ੍ਖਕਰਣਤੋ ਦਸ੍ਸਨਟ੍ਠੇਨ ਦਸ੍ਸਨਨ੍ਤਿ ਞਾਣਦਸ੍ਸਨਂ, ਅਰਿਯਂ વਿਸੁਦ੍ਧਂ ਉਤ੍ਤਮਂ ਞਾਣਦਸ੍ਸਨਨ੍ਤਿ ਅਰਿਯਞਾਣਦਸ੍ਸਨਂ, ਅਲਂ ਪਰਿਯਤ੍ਤਕਂ ਕਿਲੇਸવਿਦ੍ਧਂਸਨਸਮਤ੍ਥਂ ਅਰਿਯਞਾਣਦਸ੍ਸਨਮੇਤ੍ਥ, ਅਸ੍ਸ વਾਤਿ ਅਲਮਰਿਯਞਾਣਦਸ੍ਸਨੋ, ਝਾਨਾਦਿਭੇਦੋ ਉਤ੍ਤਰਿਮਨੁਸ੍ਸਧਮ੍ਮੋ ਅਲਮਰਿਯਞਾਣਦਸ੍ਸਨੋ ਚ ਸੋ વਿਸੇਸੋ ਚਾਤਿ ਅਲਮਰਿਯਞਾਣਦਸ੍ਸਨવਿਸੇਸੋ। ਅਥ વਾ ਤਮੇવ ਕਿਲੇਸવਿਦ੍ਧਂਸਨਸਮਤ੍ਥਂ વਿਸੁਦ੍ਧਂ ਞਾਣਦਸ੍ਸਨਮੇવ વਿਸੇਸੋਤਿ ਅਲਮਰਿਯਞਾਣਦਸ੍ਸਨવਿਸੇਸੋ વਾ। ਅਧਿਗਤੋਤਿ ਪਟਿਲਦ੍ਧੋ ਮੇ ਅਤ੍ਥਿ ਨੁ ਖੋ। ਸੋਹਨ੍ਤਿ ਪਟਿਲਦ੍ਧવਿਸੇਸੋ ਸੋ ਅਹਂ। ਪਚ੍ਛਿਮੇ ਕਾਲੇਤਿ ਮਰਣਮਞ੍ਚੇ ਨਿਪਨ੍ਨਕਾਲੇ। ਪੁਟ੍ਠੋਤਿ ਸਬ੍ਰਹ੍ਮਚਾਰੀਹਿ ਅਧਿਗਤਗੁਣવਿਸੇਸਂ ਪੁਚ੍ਛਿਤੋ। ਨ ਮਙ੍ਕੁ ਭવਿਸ੍ਸਾਮੀਤਿ ਪਤਿਤਕ੍ਖਨ੍ਧੋ ਨਿਤ੍ਤੇਜੋ ਨ ਹੇਸ੍ਸਾਮੀਤਿ। ਏવਂ ਪਚ੍ਚવੇਕ੍ਖਨ੍ਤਸ੍ਸ ਹਿ ਮੋਘਕਾਲਕਿਰਿਯਾ ਨਾਮ ਨ ਹੋਤਿ।
Suññāgāre abhiramāmīti vivittokāse sabbiriyāpathesu ekakova hutvā kacci nu kho abhiramāmīti attho. Evaṃ paccavekkhato kāyaviveko paripūrati. Uttarimanussadhammoti uttarimanussānaṃ ukkaṭṭhamanussabhūtānaṃ jhāyīnañceva ariyānañca jhānādidhammo, dasakusalakammapathasaṅkhātamanussadhammato vā uttaritaro visiṭṭhataro dhammo me mama santāne atthi nu kho, santi nu khoti attho. Alamariyañāṇadassanavisesoti mahaggatalokuttarapaññā pajānanaṭṭhena ñāṇaṃ, cakkhunā diṭṭhamiva dhammaṃ paccakkhakaraṇato dassanaṭṭhena dassananti ñāṇadassanaṃ, ariyaṃ visuddhaṃ uttamaṃ ñāṇadassananti ariyañāṇadassanaṃ, alaṃ pariyattakaṃ kilesaviddhaṃsanasamatthaṃ ariyañāṇadassanamettha, assa vāti alamariyañāṇadassano, jhānādibhedo uttarimanussadhammo alamariyañāṇadassano ca so viseso cāti alamariyañāṇadassanaviseso. Atha vā tameva kilesaviddhaṃsanasamatthaṃ visuddhaṃ ñāṇadassanameva visesoti alamariyañāṇadassanaviseso vā. Adhigatoti paṭiladdho me atthi nu kho. Sohanti paṭiladdhaviseso so ahaṃ. Pacchime kāleti maraṇamañce nipannakāle. Puṭṭhoti sabrahmacārīhi adhigataguṇavisesaṃ pucchito. Na maṅku bhavissāmīti patitakkhandho nittejo na hessāmīti. Evaṃ paccavekkhantassa hi moghakālakiriyā nāma na hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਪਬ੍ਬਜਿਤਅਭਿਣ੍ਹਸੁਤ੍ਤਂ • 8. Pabbajitaabhiṇhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੮. વਿવਾਦਸੁਤ੍ਤਾਦਿવਣ੍ਣਨਾ • 1-8. Vivādasuttādivaṇṇanā
