| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
баб̣б̣аж̇ж̇аагат̇аа
Pabbajjākathā
31. буб̣б̣аанубуб̣б̣агаананд̇и бавзн̣ивасзна бораан̣аанубораан̣аананд̇и ад̇т̇о. д̇зна ко бана самаязна згасадти логз араханд̇о хонд̇ийд̇и буримаа ча имз жа бан̃жабан̃н̃аасаад̇и анд̇овассамхиязва згасадти мануссаа араханд̇о хонд̇ийд̇и ад̇т̇о.
31.Pubbānupubbakānanti paveṇivasena porāṇānuporāṇānanti attho. Tena kho pana samayena ekasaṭṭhi loke arahanto hontīti purimā cha ime ca pañcapaññāsāti antovassamhiyeva ekasaṭṭhi manussā arahanto hontīti attho.
д̇ад̇ра яасааад̣̇ийнам̣ гулабуд̇д̇аанам̣ аяам̣ буб̣б̣аяог̇о – ад̇ийд̇з гира бан̃жабан̃н̃аасаж̇анаа сахааяагаа ваг̇г̇аб̣анд̇хзна бун̃н̃аани гаронд̇аа анаат̇асарийраани бадиж̇аг̇г̇анд̇аа вижаранд̇и, д̇з згад̣̇ивасам̣ г̇аб̣бхиним̣ ид̇т̇им̣ гаалам̣гад̇ам̣ д̣̇исваа ‘‘жхаабзссаамаа’’д̇и сусаанам̣ нийхарим̣су. д̇зсу бан̃жа ж̇анз ‘‘д̇умхз жхаабзт̇аа’’д̇и сусаанз табзд̇ваа сзсаа г̇аамам̣ бавидтаа. яасо д̣̇аараго д̇ам̣ сарийрам̣ виж̇жхид̇ваа баривад̇д̇зд̇ваа жа жхаабаяамаано асубхасан̃н̃ам̣ бадилабхи. со ид̇арзсамби жад̇уннам̣ ж̇анаанам̣ ‘‘бассат̇а бхо имам̣ асужим̣ бадигуула’’нд̇и д̣̇ассзси. д̇зби д̇ад̇т̇а асубхасан̃н̃ам̣ бадилабхим̣су. д̇з бан̃жаби ж̇анаа г̇аамам̣ г̇анд̇ваа сзсасахааяагаанам̣ гат̇аяим̣су. яасо бана д̣̇аараго г̇зхамби г̇анд̇ваа маад̇аабид̇ууннан̃жа бхарияааяа жа гат̇зси. д̇з саб̣б̣зби асубхам̣ бхааваяим̣су. аяамзд̇зсам̣ буб̣б̣аяог̇о. д̇знааяасмад̇о яасасса наадагаж̇анзсу сусаанасан̃н̃ааязва уббаж̇ж̇и, д̇ааязва жа убаниссаяасамбад̇д̇ияаа саб̣б̣зсам̣ висзсаад̇хиг̇амо ниб̣б̣ад̇д̇ийд̇и.
Tatra yasaādīnaṃ kulaputtānaṃ ayaṃ pubbayogo – atīte kira pañcapaññāsajanā sahāyakā vaggabandhena puññāni karontā anāthasarīrāni paṭijaggantā vicaranti, te ekadivasaṃ gabbhiniṃ itthiṃ kālaṃkataṃ disvā ‘‘jhāpessāmā’’ti susānaṃ nīhariṃsu. Tesu pañca jane ‘‘tumhe jhāpethā’’ti susāne ṭhapetvā sesā gāmaṃ paviṭṭhā. Yaso dārako taṃ sarīraṃ vijjhitvā parivattetvā ca jhāpayamāno asubhasaññaṃ paṭilabhi. So itaresampi catunnaṃ janānaṃ ‘‘passatha bho imaṃ asuciṃ paṭikūla’’nti dassesi. Tepi tattha asubhasaññaṃ paṭilabhiṃsu. Te pañcapi janā gāmaṃ gantvā sesasahāyakānaṃ kathayiṃsu. Yaso pana dārako gehampi gantvā mātāpitūnnañca bhariyāya ca kathesi. Te sabbepi asubhaṃ bhāvayiṃsu. Ayametesaṃ pubbayogo. Tenāyasmato yasassa nāṭakajanesu susānasaññāyeva uppajji, tāyeva ca upanissayasampattiyā sabbesaṃ visesādhigamo nibbattīti.
ат̇а ко бхаг̇аваа бхигкуу ааманд̇зсийд̇и бхаг̇аваа яаава бажчимагад̇д̇игабун̣н̣амаа, д̇аава б̣аараан̣асияам̣ вихаранд̇о згад̣̇ивасам̣ д̇з кийн̣аасавз садти бхигкуу ааманд̇зси.
Atha kho bhagavā bhikkhū āmantesīti bhagavā yāva pacchimakattikapuṇṇamā, tāva bārāṇasiyaṃ viharanto ekadivasaṃ te khīṇāsave saṭṭhi bhikkhū āmantesi.
32. д̣̇иб̣б̣аа наама д̣̇иб̣б̣зсу висаязсу лобхабаасаа. маанусаа наама маанусагзсу висаязсу лобхабаасаа. маа згзна д̣̇взд̇и згзна маг̇г̇зна д̣̇вз маа аг̇амид̇т̇а. ассаванад̇аад̇и ассаванад̇ааяа. барихааяанд̇ийд̇и анад̇хиг̇ад̇ам̣ наад̇хиг̇ажчанд̇аа висзсаад̇хиг̇амад̇о барихааяанд̇и.
32.Dibbā nāma dibbesu visayesu lobhapāsā. Mānusā nāma mānusakesu visayesu lobhapāsā. Mā ekena dveti ekena maggena dve mā agamittha. Assavanatāti assavanatāya. Parihāyantīti anadhigataṃ nādhigacchantā visesādhigamato parihāyanti.
33. анд̇агаад̇и лаамага хийнасад̇д̇а. анд̇алигкажарод̇и рааг̇абаасам̣ санд̇хааяааха. д̇ан̃хи со ‘‘анд̇алигкажаро’’д̇и манд̇ваа ааха.
33.Antakāti lāmaka hīnasatta. Antalikkhacaroti rāgapāsaṃ sandhāyāha. Tañhi so ‘‘antalikkhacaro’’ti mantvā āha.
34. наанаад̣̇исаа наанааж̇анабад̣̇аад̇и наанаад̣̇исад̇о жа наанааж̇анабад̣̇ад̇о жа. ануж̇аанаами бхигкавз д̇умхзва д̣̇аани д̇аасу д̇аасу д̣̇исаасу д̇зсу д̇зсу ж̇анабад̣̇зсу баб̣б̣ааж̇зт̇аад̇иаад̣̇имхи баб̣б̣аж̇ж̇аабзгкам̣ гулабуд̇д̇ам̣ баб̣б̣ааж̇знд̇зна яз барад̇о ‘‘на бхигкавз бан̃жахи ааб̣аад̇хзхи пудто баб̣б̣ааж̇зд̇аб̣б̣о’’д̇иаад̣̇им̣ гад̇ваа яаава ‘‘на анд̇хамууг̇аб̣ад̇хиро баб̣б̣ааж̇зд̇аб̣б̣о’’д̇и звам̣ бадигкид̇д̇аа буг̇г̇алаа, д̇з важ̇ж̇зд̇ваа баб̣б̣аж̇ж̇аад̣̇осавирахид̇о буг̇г̇ало баб̣б̣ааж̇зд̇аб̣б̣о. соби жа маад̇аабид̇уухи анун̃н̃аад̇оязва. д̇асса ануж̇аананалагкан̣ам̣ ‘‘на бхигкавз ананун̃н̃аад̇о маад̇аабид̇уухи буд̇д̇о баб̣б̣ааж̇зд̇аб̣б̣о, яо баб̣б̣ааж̇зяяа, аабад̇д̇и д̣̇уггадассаа’’д̇и зд̇асмим̣ суд̇д̇з ван̣н̣аяиссаама.
34.Nānādisā nānājanapadāti nānādisato ca nānājanapadato ca. Anujānāmi bhikkhave tumheva dāni tāsu tāsu disāsu tesu tesu janapadesupabbājethātiādimhi pabbajjāpekkhaṃ kulaputtaṃ pabbājentena ye parato ‘‘na bhikkhave pañcahi ābādhehi phuṭṭho pabbājetabbo’’tiādiṃ katvā yāva ‘‘na andhamūgabadhiro pabbājetabbo’’ti evaṃ paṭikkhittā puggalā, te vajjetvā pabbajjādosavirahito puggalo pabbājetabbo. Sopi ca mātāpitūhi anuññātoyeva. Tassa anujānanalakkhaṇaṃ ‘‘na bhikkhave ananuññāto mātāpitūhi putto pabbājetabbo, yo pabbājeyya, āpatti dukkaṭassā’’ti etasmiṃ sutte vaṇṇayissāma.
звам̣ баб̣б̣аж̇ж̇аад̣̇осавирахид̇ам̣ маад̇аабид̇уухи анун̃н̃аад̇ам̣ баб̣б̣ааж̇знд̇знааби жа сажз ажчиннагзсо ход̇и, згасиймааяа жа ан̃н̃зби бхигкуу ад̇т̇и, гзсажчзд̣̇анад̇т̇ааяа бхан̣д̣угаммам̣ аабужчид̇аб̣б̣ам̣. д̇асса аабужчанаагаарам̣ ‘‘ануж̇аанаами, бхигкавз, сан̇гхам̣ абалогзд̇ум̣ бхан̣д̣угаммааяаа’’д̇и зд̇т̇а ван̣н̣аяиссаама. сажз огаасо ход̇и, саяам̣ баб̣б̣ааж̇зд̇аб̣б̣о. сажз уд̣̇д̣̇зсабарибужчаад̣̇ийхи б̣яаавадо ход̇и, огаасам̣ на лабхад̇и, зго д̣̇ахарабхигку вад̇д̇аб̣б̣о ‘‘зд̇ам̣ баб̣б̣ааж̇зхий’’д̇и. авуд̇д̇оби жз д̣̇ахарабхигку убаж̇жхааяам̣ уд̣̇д̣̇исса баб̣б̣ааж̇зд̇и, ваддад̇и. сажз д̣̇ахарабхигку над̇т̇и, сааман̣зроби вад̇д̇аб̣б̣о ‘‘зд̇ам̣ кан̣д̣асиймам̣ нзд̇ваа баб̣б̣ааж̇зд̇ваа гаасааяаани ажчаад̣̇зд̇ваа зхий’’д̇и. саран̣аани бана саяам̣ д̣̇аад̇аб̣б̣аани. звам̣ бхигкунаава баб̣б̣аж̇ид̇о ход̇и. бурисан̃хи бхигкуд̇о ан̃н̃о баб̣б̣ааж̇зд̇ум̣ на лабхад̇и, маад̇уг̇аамам̣ бхигкунид̇о ан̃н̃о. сааман̣зро бана сааман̣зрий ваа аан̣ад̇д̇ияаа гаасааяаани д̣̇аад̇ум̣ лабхад̇и. гзсоробанам̣ язна гзнажи гад̇ам̣ сугад̇ам̣.
Evaṃ pabbajjādosavirahitaṃ mātāpitūhi anuññātaṃ pabbājentenāpi ca sace acchinnakeso hoti, ekasīmāya ca aññepi bhikkhū atthi, kesacchedanatthāya bhaṇḍukammaṃ āpucchitabbaṃ. Tassa āpucchanākāraṃ ‘‘anujānāmi, bhikkhave, saṅghaṃ apaloketuṃ bhaṇḍukammāyā’’ti ettha vaṇṇayissāma. Sace okāso hoti, sayaṃ pabbājetabbo. Sace uddesaparipucchādīhi byāvaṭo hoti, okāsaṃ na labhati, eko daharabhikkhu vattabbo ‘‘etaṃ pabbājehī’’ti. Avuttopi ce daharabhikkhu upajjhāyaṃ uddissa pabbājeti, vaṭṭati. Sace daharabhikkhu natthi, sāmaṇeropi vattabbo ‘‘etaṃ khaṇḍasīmaṃ netvā pabbājetvā kāsāyāni acchādetvā ehī’’ti. Saraṇāni pana sayaṃ dātabbāni. Evaṃ bhikkhunāva pabbajito hoti. Purisañhi bhikkhuto añño pabbājetuṃ na labhati, mātugāmaṃ bhikkhunito añño. Sāmaṇero pana sāmaṇerī vā āṇattiyā kāsāyāni dātuṃ labhati. Kesoropanaṃ yena kenaci kataṃ sukataṃ.
сажз бана бхаб̣б̣аруубо ход̇и сахзд̇уго н̃аад̇о яасассий гулабуд̇д̇о, огаасам̣ гад̇вааби саяамзва баб̣б̣ааж̇зд̇аб̣б̣о. ‘‘мад̇д̇игаамудтим̣ г̇ахзд̇ваа нхааяид̇ваа гзсз д̇змзд̇ваа ааг̇ажчаахий’’д̇и жа бана на виссаж̇ж̇зд̇аб̣б̣о. баб̣б̣аж̇ид̇угаамаанан̃хи батамам̣ б̣алавауссаахо ход̇и, бажчаа бана гаасааяаани жа гзсахаран̣асад̇т̇аган̃жа д̣̇исваа уд̇расанд̇и, зд̇д̇оязва балааяанд̇и, д̇асмаа саяамзва нахаанад̇ид̇т̇ам̣ нзд̇ваа сажз наад̇ид̣̇ахаро ход̇и, ‘‘нахаахий’’д̇и вад̇д̇аб̣б̣о. гзсаа банасса саяамзва мад̇д̇игам̣ г̇ахзд̇ваа д̇ховид̇аб̣б̣аа. д̣̇ахарагумаараго бана саяам̣ уд̣̇агам̣ од̇арид̇ваа г̇омаяамад̇д̇игаахи гхам̣сид̇ваа нахаабзд̇аб̣б̣о. сажзбисса гажчу ваа бил̣агаа ваа хонд̇и, яат̇аа маад̇аа буд̇д̇ам̣ на ж̇иг̇ужчад̇и , звамзва аж̇иг̇ужчанд̇зна саад̇хугам̣ хад̇т̇абаад̣̇асийсаани гхам̣сид̇ваа нахаабзд̇аб̣б̣о. гасмаа? зд̇д̇агзна хи убагаарзна гулабуд̇д̇аа аажарияубаж̇жхааязсу жа саасанз жа б̣алавасинзхаа д̇иб̣б̣аг̇аараваа анивад̇д̇ид̇хаммаа хонд̇и, уббаннам̣ анабхирад̇им̣ винод̣̇зд̇ваа т̇зрабхаавам̣ баабун̣анд̇и, гад̇ан̃н̃уу гад̇авзд̣̇ино хонд̇и.
Sace pana bhabbarūpo hoti sahetuko ñāto yasassī kulaputto, okāsaṃ katvāpi sayameva pabbājetabbo. ‘‘Mattikāmuṭṭhiṃ gahetvā nhāyitvā kese temetvā āgacchāhī’’ti ca pana na vissajjetabbo. Pabbajitukāmānañhi paṭhamaṃ balavaussāho hoti, pacchā pana kāsāyāni ca kesaharaṇasatthakañca disvā utrasanti, ettoyeva palāyanti, tasmā sayameva nahānatitthaṃ netvā sace nātidaharo hoti, ‘‘nahāhī’’ti vattabbo. Kesā panassa sayameva mattikaṃ gahetvā dhovitabbā. Daharakumārako pana sayaṃ udakaṃ otaritvā gomayamattikāhi ghaṃsitvā nahāpetabbo. Sacepissa kacchu vā piḷakā vā honti, yathā mātā puttaṃ na jigucchati , evameva ajigucchantena sādhukaṃ hatthapādasīsāni ghaṃsitvā nahāpetabbo. Kasmā? Ettakena hi upakārena kulaputtā ācariyupajjhāyesu ca sāsane ca balavasinehā tibbagāravā anivattidhammā honti, uppannaṃ anabhiratiṃ vinodetvā therabhāvaṃ pāpuṇanti, kataññū katavedino honti.
звам̣ нахаабанагаалз бана гзсамассум̣ оробанагаалз ваа ‘‘д̇вам̣ н̃аад̇о яасассий, ид̣̇аани маяам̣ д̇ам̣ ниссааяа бажжаязхи на гиламиссаамаа’’д̇и на вад̇д̇аб̣б̣о, ан̃н̃ааби анияяаанигагат̇аа на гат̇зд̇аб̣б̣аа. ат̇а квасса ‘‘аавусо, судту убад̇хаарзхи сад̇им̣ убадтаабзхий’’д̇и вад̇ваа д̇ажабан̃жагагаммадтаанам̣ аажигкид̇аб̣б̣ам̣, аажигканд̇зна жа ван̣н̣асан̣таанаг̇анд̇хаасаяогаасавасзна асужиж̇зг̇ужчабадигуулабхаавам̣ ниж̇ж̇ийваниссад̇д̇абхаавам̣ ваа баагадам̣ гаронд̇зна аажигкид̇аб̣б̣ам̣. сажз хи со буб̣б̣з мад̣̇д̣̇ид̇асан̇кааро ход̇и бхаавид̇абхаавано, ган̣дагавзд̇хаабзгко вияа барибаггаг̇ан̣д̣о, суурияуг̇г̇аманаабзгкам̣ вияа жа барин̣ад̇абад̣̇умам̣, ат̇асса аарад̣̇д̇хамад̇д̇з гаммадтаанаманасигаарз инд̣̇аасани вияа баб̣б̣ад̇з гилзсабаб̣б̣ад̇з жун̣н̣аяамаанам̣язва н̃аан̣ам̣ бавад̇д̇ад̇и, кураг̇г̇зязва арахад̇д̇ам̣ баабун̣аад̇и. яз хи гзжи кураг̇г̇з арахад̇д̇ам̣ бад̇д̇аа, саб̣б̣з д̇з зваруубам̣ саванам̣ лабхид̇ваа галяаан̣амид̇д̇зна аажариязна д̣̇иннанаяам̣ ниссааяа но аниссааяа. д̇асмаасса аад̣̇ид̇ова зваруубий гат̇аа гат̇зд̇аб̣б̣аад̇и.
Evaṃ nahāpanakāle pana kesamassuṃ oropanakāle vā ‘‘tvaṃ ñāto yasassī, idāni mayaṃ taṃ nissāya paccayehi na kilamissāmā’’ti na vattabbo, aññāpi aniyyānikakathā na kathetabbā. Atha khvassa ‘‘āvuso, suṭṭhu upadhārehi satiṃ upaṭṭhāpehī’’ti vatvā tacapañcakakammaṭṭhānaṃ ācikkhitabbaṃ, ācikkhantena ca vaṇṇasaṇṭhānagandhāsayokāsavasena asucijegucchapaṭikūlabhāvaṃ nijjīvanissattabhāvaṃ vā pākaṭaṃ karontena ācikkhitabbaṃ. Sace hi so pubbe madditasaṅkhāro hoti bhāvitabhāvano, kaṇṭakavedhāpekkho viya paripakkagaṇḍo, sūriyuggamanāpekkhaṃ viya ca pariṇatapadumaṃ, athassa āraddhamatte kammaṭṭhānamanasikāre indāsani viya pabbate kilesapabbate cuṇṇayamānaṃyeva ñāṇaṃ pavattati, khuraggeyeva arahattaṃ pāpuṇāti. Ye hi keci khuragge arahattaṃ pattā, sabbe te evarūpaṃ savanaṃ labhitvā kalyāṇamittena ācariyena dinnanayaṃ nissāya no anissāya. Tasmāssa āditova evarūpī kathā kathetabbāti.
гзсзсу бана оробид̇зсу халид̣̇д̣̇ижун̣н̣зна ваа г̇анд̇хажун̣н̣зна ваа сийсан̃жа сарийран̃жа уб̣б̣аддзд̇ваа г̇ихиг̇анд̇хам̣ абанзд̇ваа гаасааяаани д̇игкад̇д̇ум̣ ваа д̣̇вигкад̇д̇ум̣ ваа сагим̣ ваа бадиг̇г̇аахзд̇аб̣б̣о. ат̇аабисса хад̇т̇з ад̣̇ад̇ваа аажарияо ваа убаж̇жхааяо ваа саяамзва ажчаад̣̇зд̇и, ваддад̇и. сажзби ан̃н̃ам̣ д̣̇ахарам̣ ваа сааман̣зрам̣ ваа убаасагам̣ ваа аан̣аабзд̇и ‘‘аавусо, зд̇аани гаасааяаани г̇ахзд̇ваа зд̇ам̣ ажчаад̣̇зхий’’д̇и д̇ам̣язва ваа аан̣аабзд̇и ‘‘зд̇аани г̇ахзд̇ваа ажчаад̣̇зхий’’д̇и саб̣б̣ам̣ ваддад̇и. саб̣б̣ам̣ д̇зна бхигкунаава д̣̇иннам̣ ход̇и.
Kesesu pana oropitesu haliddicuṇṇena vā gandhacuṇṇena vā sīsañca sarīrañca ubbaṭṭetvā gihigandhaṃ apanetvā kāsāyāni tikkhattuṃ vā dvikkhattuṃ vā sakiṃ vā paṭiggāhetabbo. Athāpissa hatthe adatvā ācariyo vā upajjhāyo vā sayameva acchādeti, vaṭṭati. Sacepi aññaṃ daharaṃ vā sāmaṇeraṃ vā upāsakaṃ vā āṇāpeti ‘‘āvuso, etāni kāsāyāni gahetvā etaṃ acchādehī’’ti taṃyeva vā āṇāpeti ‘‘etāni gahetvā acchādehī’’ti sabbaṃ vaṭṭati. Sabbaṃ tena bhikkhunāva dinnaṃ hoti.
яам̣ бана ниваасанам̣ ваа баарубанам̣ ваа анаан̣ад̇д̇ияаа ниваасзд̇и ваа баарубад̇и ваа, д̇ам̣ абанзд̇ваа буна д̣̇аад̇аб̣б̣ам̣. бхигкунаа хи сахад̇т̇зна ваа аан̣ад̇д̇ияаа ваа д̣̇иннамзва гаасаавам̣ ваддад̇и, ад̣̇иннам̣ на ваддад̇и, сажзби д̇ассзва санд̇агам̣ ход̇и, го бана ваад̣̇о убаж̇жхааяамуулагз! аяам̣ ‘‘батамам̣ гзсамассум̣ охаарзд̇ваа гаасааяаани вад̇т̇аани ажчаад̣̇аабзд̇ваа згам̣сам̣ уд̇д̇араасан̇г̇ам̣ гаараабзд̇ваа’’д̇и зд̇т̇а винижчаяо.
Yaṃ pana nivāsanaṃ vā pārupanaṃ vā anāṇattiyā nivāseti vā pārupati vā, taṃ apanetvā puna dātabbaṃ. Bhikkhunā hi sahatthena vā āṇattiyā vā dinnameva kāsāvaṃ vaṭṭati, adinnaṃ na vaṭṭati, sacepi tasseva santakaṃ hoti, ko pana vādo upajjhāyamūlake! Ayaṃ ‘‘paṭhamaṃ kesamassuṃ ohāretvā kāsāyāni vatthāni acchādāpetvā ekaṃsaṃ uttarāsaṅgaṃ kārāpetvā’’ti ettha vinicchayo.
бхигкуунам̣ баад̣̇з ванд̣̇аабзд̇ваад̇и яз д̇ад̇т̇а саннибад̇ид̇аа бхигкуу, д̇зсам̣ баад̣̇з ванд̣̇аабзд̇ваа; ат̇а саран̣аг̇г̇ахан̣ад̇т̇ам̣ уггудигам̣ нисийд̣̇аабзд̇ваа ан̃ж̇алим̣ баг̇г̇ан̣хаабзд̇ваа звам̣ вад̣̇зхийд̇и вад̇д̇аб̣б̣о. ‘‘яамахам̣ вад̣̇аами, д̇ам̣ вад̣̇зхий’’д̇и вад̇д̇аб̣б̣о. ат̇асса убаж̇жхааязна ваа аажариязна ваа ‘‘б̣уд̣̇д̇хам̣ саран̣ам̣ г̇ажчаамий’’д̇иаад̣̇инаа наязна саран̣аани д̣̇аад̇аб̣б̣аани яат̇аавуд̇д̇абадибаадияаава на уббадибаадияаа. сажз хи згабад̣̇амби згагкарамби уббадибаадияаа д̣̇зд̇и, б̣уд̣̇д̇хам̣ саран̣ам̣язва ваа д̇игкад̇д̇ум̣ д̣̇ад̇ваа буна ид̇арзсу згзгам̣ д̇игкад̇д̇ум̣ д̣̇зд̇и, ад̣̇иннаани хонд̇и саран̣аани.
Bhikkhūnaṃpāde vandāpetvāti ye tattha sannipatitā bhikkhū, tesaṃ pāde vandāpetvā; atha saraṇaggahaṇatthaṃ ukkuṭikaṃ nisīdāpetvā añjaliṃ paggaṇhāpetvā evaṃ vadehīti vattabbo. ‘‘Yamahaṃ vadāmi, taṃ vadehī’’ti vattabbo. Athassa upajjhāyena vā ācariyena vā ‘‘buddhaṃ saraṇaṃ gacchāmī’’tiādinā nayena saraṇāni dātabbāni yathāvuttapaṭipāṭiyāva na uppaṭipāṭiyā. Sace hi ekapadampi ekakkharampi uppaṭipāṭiyā deti, buddhaṃ saraṇaṃyeva vā tikkhattuṃ datvā puna itaresu ekekaṃ tikkhattuṃ deti, adinnāni honti saraṇāni.
иман̃жа бана саран̣аг̇амануубасамбад̣̇ам̣ бадигкибид̇ваа анун̃н̃аад̇аубасамбад̣̇аа згад̇о суд̣̇д̇хияаа ваддад̇и. сааман̣зрабаб̣б̣аж̇ж̇аа бана убхад̇осуд̣̇д̇хияаава ваддад̇и, но згад̇о суд̣̇д̇хияаа. д̇асмаа убасамбад̣̇ааяа сажз аажарияо н̃ад̇д̇ид̣̇осан̃жзва гаммаваажаад̣̇осан̃жа важ̇ж̇зд̇ваа гаммам̣ гарод̇и, сугад̇ам̣ ход̇и. баб̣б̣аж̇ж̇ааяа бана имаани д̇ийн̣и саран̣аани б̣угаарад̇хагаараад̣̇ийнам̣ б̣яан̃ж̇анаанам̣ таанагаран̣асамбад̣̇ам̣ ахаабзнд̇знзва аажариязнаби анд̇зваасигзнаби вад̇д̇аб̣б̣аани. сажз аажарияо вад̇д̇ум̣ саггод̇и, анд̇зваасиго на саггод̇и; анд̇зваасиго ваа саггод̇и, аажарияо на саггод̇и; убхоби ваа на саггонд̇и, на ваддад̇и. сажз бана убхоби саггонд̇и, ваддад̇и.
Imañca pana saraṇagamanūpasampadaṃ paṭikkhipitvā anuññātaupasampadā ekato suddhiyā vaṭṭati. Sāmaṇerapabbajjā pana ubhatosuddhiyāva vaṭṭati, no ekato suddhiyā. Tasmā upasampadāya sace ācariyo ñattidosañceva kammavācādosañca vajjetvā kammaṃ karoti, sukataṃ hoti. Pabbajjāya pana imāni tīṇi saraṇāni bukāradhakārādīnaṃ byañjanānaṃ ṭhānakaraṇasampadaṃ ahāpenteneva ācariyenapi antevāsikenapi vattabbāni. Sace ācariyo vattuṃ sakkoti, antevāsiko na sakkoti; antevāsiko vā sakkoti, ācariyo na sakkoti; ubhopi vā na sakkonti, na vaṭṭati. Sace pana ubhopi sakkonti, vaṭṭati.
имаани жа бана д̣̇ад̣̇амаанзна ‘‘б̣уд̣̇д̇хам̣ саран̣ам̣ г̇ажчаамий’’д̇и звам̣ згасамб̣анд̇хаани анунаасиганд̇аани ваа гад̇ваа д̣̇аад̇аб̣б̣аани, ‘‘б̣уд̣̇д̇хам̣ саран̣ам̣ г̇ажчаамий’’д̇и звам̣ вижчинд̣̇ид̇ваа магааранд̇аани ваа гад̇ваа д̣̇аад̇аб̣б̣аани. анд̇хагадтагат̇ааяам̣ наамам̣ саавзд̇ваа ‘‘ахам̣ бханд̇з б̣уд̣̇д̇харагкид̇о яааваж̇ийвам̣ б̣уд̣̇д̇хам̣ саран̣ам̣ г̇ажчаамий’’д̇и вуд̇д̇ам̣, д̇ам̣ згаадтагат̇ааяамби над̇т̇и, баал̣ияамби на вуд̇д̇ам̣, д̇зсам̣ ружимад̇д̇амзва, д̇асмаа на г̇ахзд̇аб̣б̣ам̣. на хи д̇ат̇аа авад̣̇анд̇асса саран̣ам̣ губбад̇ийд̇и.
Imāni ca pana dadamānena ‘‘buddhaṃ saraṇaṃ gacchāmī’’ti evaṃ ekasambandhāni anunāsikantāni vā katvā dātabbāni, ‘‘buddhaṃ saraṇaṃ gacchāmī’’ti evaṃ vicchinditvā makārantāni vā katvā dātabbāni. Andhakaṭṭhakathāyaṃ nāmaṃ sāvetvā ‘‘ahaṃ bhante buddharakkhito yāvajīvaṃ buddhaṃ saraṇaṃ gacchāmī’’ti vuttaṃ, taṃ ekaaṭṭhakathāyampi natthi, pāḷiyampi na vuttaṃ, tesaṃ rucimattameva, tasmā na gahetabbaṃ. Na hi tathā avadantassa saraṇaṃ kuppatīti.
ануж̇аанаами бхигкавз имзхи д̇ийхи саран̣аг̇аманзхи баб̣б̣аж̇ж̇ам̣ убасамбад̣̇анд̇и имзхи б̣уд̣̇д̇хам̣ саран̣ам̣ г̇ажчаамийд̇иаад̣̇ийхи звам̣ д̇игкад̇д̇ум̣ убхад̇осуд̣̇д̇хияаа вуд̇д̇зхи д̇ийхи саран̣аг̇аманзхи баб̣б̣аж̇ж̇ан̃жзва убасамбад̣̇ан̃жа ануж̇аанаамийд̇и ад̇т̇о. д̇ад̇т̇а яасмаа убасамбад̣̇аа барад̇о бадигкид̇д̇аа, д̇асмаа саа зд̇арахи саран̣амад̇д̇знзва на рухад̇и. баб̣б̣аж̇ж̇аа бана яасмаа барад̇о ‘‘ануж̇аанаами, бхигкавз, имзхи д̇ийхи саран̣аг̇аманзхи сааман̣зрабаб̣б̣аж̇ж̇а’’нд̇и анун̃н̃аад̇аа зва, д̇асмаа саа зд̇арахиби саран̣амад̇д̇знзва рухад̇и. зд̇д̇аавад̇аа хи сааман̣зрабхуумияам̣ бад̇идтид̇о ход̇и.
Anujānāmi bhikkhaveimehi tīhi saraṇagamanehi pabbajjaṃ upasampadanti imehi buddhaṃ saraṇaṃ gacchāmītiādīhi evaṃ tikkhattuṃ ubhatosuddhiyā vuttehi tīhi saraṇagamanehi pabbajjañceva upasampadañca anujānāmīti attho. Tattha yasmā upasampadā parato paṭikkhittā, tasmā sā etarahi saraṇamatteneva na ruhati. Pabbajjā pana yasmā parato ‘‘anujānāmi, bhikkhave, imehi tīhi saraṇagamanehi sāmaṇerapabbajja’’nti anuññātā eva, tasmā sā etarahipi saraṇamatteneva ruhati. Ettāvatā hi sāmaṇerabhūmiyaṃ patiṭṭhito hoti.
сажз банзса мад̇имаа ход̇и бан̣д̣ид̇аж̇аад̇иго, ат̇асса д̇асмим̣язва таанз сигкаабад̣̇аани уд̣̇д̣̇исид̇аб̣б̣аани. гат̇ам̣? яат̇аа бхаг̇авад̇аа уд̣̇д̣̇идтаани. вуд̇д̇ан̃хзд̇ам̣ –
Sace panesa matimā hoti paṇḍitajātiko, athassa tasmiṃyeva ṭhāne sikkhāpadāni uddisitabbāni. Kathaṃ? Yathā bhagavatā uddiṭṭhāni. Vuttañhetaṃ –
‘‘ануж̇аанаами , бхигкавз, сааман̣зраанам̣ д̣̇аса сигкаабад̣̇аани, д̇зсу жа сааман̣зрзхи сигкид̇ум̣. баан̣аад̇ибаад̇аа взраман̣ий, ад̣̇иннаад̣̇аанаа взраман̣ий, аб̣рахмажарияаа взраман̣ий, мусааваад̣̇аа взраман̣ий, сураамзраяамаж̇ж̇абамаад̣̇адтаанаа взраман̣ий, вигаалабхож̇анаа взраман̣ий, нажжаг̇ийд̇аваад̣̇ид̇ависуугад̣̇ассанаа взраман̣ий, маалааг̇анд̇хавилзбанад̇хааран̣аман̣д̣анавибхуусанадтаанаа взраман̣ий, ужжаасаяанамахаасаяанаа взраман̣ий, ж̇аад̇аруубараж̇ад̇абадиг̇г̇ахан̣аа взраман̣ий’’д̇и (махаава. 106).
‘‘Anujānāmi , bhikkhave, sāmaṇerānaṃ dasa sikkhāpadāni, tesu ca sāmaṇerehi sikkhituṃ. Pāṇātipātā veramaṇī, adinnādānā veramaṇī, abrahmacariyā veramaṇī, musāvādā veramaṇī, surāmerayamajjapamādaṭṭhānā veramaṇī, vikālabhojanā veramaṇī, naccagītavāditavisūkadassanā veramaṇī, mālāgandhavilepanadhāraṇamaṇḍanavibhūsanaṭṭhānā veramaṇī, uccāsayanamahāsayanā veramaṇī, jātarūparajatapaṭiggahaṇā veramaṇī’’ti (mahāva. 106).
анд̇хагадтагат̇ааяам̣ бана ‘‘ахам̣, бханд̇з, ид̇т̇аннаамо яааваж̇ийвам̣ баан̣аад̇ибаад̇аа взраман̣исигкаабад̣̇ам̣
Andhakaṭṭhakathāyaṃ pana ‘‘ahaṃ, bhante, itthannāmo yāvajīvaṃ pāṇātipātā veramaṇisikkhāpadaṃ
самаад̣̇ияаамий’’д̇и звам̣ саран̣ад̣̇аанам̣ вияа сигкаабад̣̇ад̣̇аанамби вуд̇д̇ам̣, д̇ам̣ нзва баал̣ияам̣ на адтагат̇аасу ад̇т̇и, д̇асмаа яат̇аабаал̣ияаава уд̣̇д̣̇исид̇аб̣б̣аани. баб̣б̣аж̇ж̇аа хи саран̣аг̇аманзхзва сид̣̇д̇хаа, сигкаабад̣̇аани бана гзвалам̣ сигкаабарибууран̣ад̇т̇ам̣ ж̇аанид̇аб̣б̣аани. д̇асмаа д̇аани баал̣ияам̣ ааг̇ад̇анаязна уг̇г̇ахзд̇ум̣ асаггонд̇асса яааяа гааяажи бхаасааяа ад̇т̇авасзнаби аажигкид̇ум̣ ваддад̇и. яаава бана ад̇д̇анаа сигкид̇аб̣б̣асигкаабад̣̇аани на ж̇аанаад̇и, сан̇гхаадибад̇д̇ажийварад̇хааран̣адтаананисаж̇ж̇аад̣̇ийсу баанабхож̇анаад̣̇ивид̇химхи жа на гусало ход̇и, д̇аава бхож̇анасаалам̣ ваа салаагабхааж̇анадтаанам̣ ваа ан̃н̃ам̣ ваа д̇ат̇ааруубадтаанам̣ на бзсзд̇аб̣б̣о, санд̇игааважароязва гаад̇аб̣б̣о, б̣аалад̣̇аараго вияа бадиж̇аг̇г̇ид̇аб̣б̣о, саб̣б̣амасса габбияаагаббияам̣ аажигкид̇аб̣б̣ам̣, ниваасанабаарубанаад̣̇ийсу аабхисамаажааригзсу винзд̇аб̣б̣о. д̇знааби ‘‘ануж̇аанаами, бхигкавз, д̣̇асахан̇г̇зхи саманнааг̇ад̇ам̣ сааман̣зрам̣ наасзд̇у’’нд̇и (махаава. 108) звам̣ барад̇о вуд̇д̇аани д̣̇аса наасанан̇г̇аани аарагаа бариваж̇ж̇зд̇ваа аабхисамаажааригам̣ барибуурзнд̇зна д̣̇асавид̇хз сийлз саад̇хугам̣ сигкид̇аб̣б̣анд̇и.
Samādiyāmī’’ti evaṃ saraṇadānaṃ viya sikkhāpadadānampi vuttaṃ, taṃ neva pāḷiyaṃ na aṭṭhakathāsu atthi, tasmā yathāpāḷiyāva uddisitabbāni. Pabbajjā hi saraṇagamaneheva siddhā, sikkhāpadāni pana kevalaṃ sikkhāparipūraṇatthaṃ jānitabbāni. Tasmā tāni pāḷiyaṃ āgatanayena uggahetuṃ asakkontassa yāya kāyaci bhāsāya atthavasenapi ācikkhituṃ vaṭṭati. Yāva pana attanā sikkhitabbasikkhāpadāni na jānāti, saṅghāṭipattacīvaradhāraṇaṭṭhānanisajjādīsu pānabhojanādividhimhi ca na kusalo hoti, tāva bhojanasālaṃ vā salākabhājanaṭṭhānaṃ vā aññaṃ vā tathārūpaṭṭhānaṃ na pesetabbo, santikāvacaroyeva kātabbo, bāladārako viya paṭijaggitabbo, sabbamassa kappiyākappiyaṃ ācikkhitabbaṃ, nivāsanapārupanādīsu ābhisamācārikesu vinetabbo. Tenāpi ‘‘anujānāmi, bhikkhave, dasahaṅgehi samannāgataṃ sāmaṇeraṃ nāsetu’’nti (mahāva. 108) evaṃ parato vuttāni dasa nāsanaṅgāni ārakā parivajjetvā ābhisamācārikaṃ paripūrentena dasavidhe sīle sādhukaṃ sikkhitabbanti.
баб̣б̣аж̇ж̇аагат̇аа нидтид̇аа.
Pabbajjākathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
7. баб̣б̣аж̇ж̇аагат̇аа • 7. Pabbajjākathā
8. маарагат̇аа • 8. Mārakathā
9. баб̣б̣аж̇ж̇уубасамбад̣̇аагат̇аа • 9. Pabbajjūpasampadākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бан̃н̃аасаг̇ихисахааяабаб̣б̣аж̇ж̇аагат̇ааван̣н̣анаа • Paññāsagihisahāyapabbajjākathāvaṇṇanā
маарагат̇ааван̣н̣анаа • Mārakathāvaṇṇanā
баб̣б̣аж̇ж̇уубасамбад̣̇аагат̇ааван̣н̣анаа • Pabbajjūpasampadākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. баб̣б̣аж̇ж̇аагат̇аа • 7. Pabbajjākathā
