| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
7. баб̣б̣аж̇ж̇аагат̇аа
7. Pabbajjākathā
25. д̇зна ко бана самаязна б̣аараан̣асияам̣ яасо наама гулабуд̇д̇о сздтибуд̇д̇о сукумаало ход̇и. д̇асса д̇аяо баасаад̣̇аа хонд̇и – зго хзманд̇иго, зго г̇имхиго, зго вассиго. со вассигз баасаад̣̇з жад̇д̇ааро маасз 1 ниббурисзхи д̇ууриязхи барижаараяамаано на хздтаабаасаад̣̇ам̣ орохад̇и. ат̇а ко яасасса гулабуд̇д̇асса бан̃жахи гаамаг̇ун̣зхи самаббид̇асса саман̇г̇ийбхууд̇асса барижаараяамаанасса бадигажжзва 2 нид̣̇д̣̇аа оггами, бариж̇анассаби нид̣̇д̣̇аа оггами, саб̣б̣арад̇д̇ияо жа д̇злабад̣̇ийбо жхааяад̇и. ат̇а ко яасо гулабуд̇д̇о бадигажжзва баб̣уж̇жхид̇ваа ад̣̇д̣̇аса сагам̣ бариж̇анам̣ субанд̇ам̣ – ан̃н̃иссаа гажчз вийн̣ам̣, ан̃н̃иссаа ган̣тз муд̣̇ин̇г̇ам̣, ан̃н̃иссаа гажчз аал̣амб̣арам̣, ан̃н̃ам̣ вигзсигам̣, ан̃н̃ам̣ вигкзл̣игам̣, ан̃н̃аа виббалабанд̇ияо, хад̇т̇аббад̇д̇ам̣ сусаанам̣ ман̃н̃з. д̣̇исваанасса аад̣̇ийнаво баад̇урахоси, ниб̣б̣ид̣̇ааяа жид̇д̇ам̣ сан̣тааси. ат̇а ко яасо гулабуд̇д̇о уд̣̇аанам̣ уд̣̇аанзси – ‘‘убад̣̇д̣̇уд̇ам̣ вад̇а бхо, убассадтам̣ вад̇а бхо’’д̇и.
25. Tena kho pana samayena bārāṇasiyaṃ yaso nāma kulaputto seṭṭhiputto sukhumālo hoti. Tassa tayo pāsādā honti – eko hemantiko, eko gimhiko, eko vassiko. So vassike pāsāde cattāro māse 3 nippurisehi tūriyehi paricārayamāno na heṭṭhāpāsādaṃ orohati. Atha kho yasassa kulaputtassa pañcahi kāmaguṇehi samappitassa samaṅgībhūtassa paricārayamānassa paṭikacceva 4 niddā okkami, parijanassapi niddā okkami, sabbarattiyo ca telapadīpo jhāyati. Atha kho yaso kulaputto paṭikacceva pabujjhitvā addasa sakaṃ parijanaṃ supantaṃ – aññissā kacche vīṇaṃ, aññissā kaṇṭhe mudiṅgaṃ, aññissā kacche āḷambaraṃ, aññaṃ vikesikaṃ, aññaṃ vikkheḷikaṃ, aññā vippalapantiyo, hatthappattaṃ susānaṃ maññe. Disvānassa ādīnavo pāturahosi, nibbidāya cittaṃ saṇṭhāsi. Atha kho yaso kulaputto udānaṃ udānesi – ‘‘upaddutaṃ vata bho, upassaṭṭhaṃ vata bho’’ti.
ат̇а ко яасо гулабуд̇д̇о суван̣н̣абаад̣̇угааяо аарохид̇ваа язна нивзсанад̣̇ваарам̣ д̇знубасан̇гами. амануссаа д̣̇ваарам̣ виварим̣су – маа яасасса гулабуд̇д̇асса гожи анд̇арааяамагааси аг̇аарасмаа анаг̇аарияам̣ баб̣б̣аж̇ж̇ааяаад̇и . ат̇а ко яасо гулабуд̇д̇о язна наг̇арад̣̇ваарам̣ д̇знубасан̇гами. амануссаа д̣̇ваарам̣ виварим̣су – маа яасасса гулабуд̇д̇асса гожи анд̇арааяамагааси аг̇аарасмаа анаг̇аарияам̣ баб̣б̣аж̇ж̇ааяаад̇и. ат̇а ко яасо гулабуд̇д̇о язна исибад̇анам̣ миг̇ад̣̇ааяо д̇знубасан̇гами.
Atha kho yaso kulaputto suvaṇṇapādukāyo ārohitvā yena nivesanadvāraṃ tenupasaṅkami. Amanussā dvāraṃ vivariṃsu – mā yasassa kulaputtassa koci antarāyamakāsi agārasmā anagāriyaṃ pabbajjāyāti . Atha kho yaso kulaputto yena nagaradvāraṃ tenupasaṅkami. Amanussā dvāraṃ vivariṃsu – mā yasassa kulaputtassa koci antarāyamakāsi agārasmā anagāriyaṃ pabbajjāyāti. Atha kho yaso kulaputto yena isipatanaṃ migadāyo tenupasaṅkami.
26. д̇зна ко бана самаязна бхаг̇аваа рад̇д̇ияаа бажжуусасамаяам̣ бажжудтааяа аж̇жхогаасз жан̇гамад̇и. ад̣̇д̣̇асаа ко бхаг̇аваа яасам̣ гулабуд̇д̇ам̣ д̣̇уурад̇ова ааг̇ажчанд̇ам̣, д̣̇исваана жан̇гамаа орохид̇ваа бан̃н̃ад̇д̇з аасанз нисийд̣̇и. ат̇а ко яасо гулабуд̇д̇о бхаг̇авад̇о авид̣̇уурз уд̣̇аанам̣ уд̣̇аанзси – ‘‘убад̣̇д̣̇уд̇ам̣ вад̇а бхо, убассадтам̣ вад̇а бхо’’д̇и. ат̇а ко бхаг̇аваа яасам̣ гулабуд̇д̇ам̣ зд̇ад̣̇авожа – ‘‘ид̣̇ам̣ ко, яаса, анубад̣̇д̣̇уд̇ам̣, ид̣̇ам̣ анубассадтам̣. зхи яаса, нисийд̣̇а, д̇хаммам̣ д̇з д̣̇зсзссаамий’’д̇и. ат̇а ко яасо гулабуд̇д̇о – ид̣̇ам̣ гира анубад̣̇д̣̇уд̇ам̣ , ид̣̇ам̣ анубассадтанд̇и хадто уд̣̇аг̇г̇о суван̣н̣абаад̣̇угаахи орохид̇ваа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннасса ко яасасса гулабуд̇д̇асса бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣, гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси яасам̣ гулабуд̇д̇ам̣ галлажид̇д̇ам̣, муд̣̇ужид̇д̇ам̣, винийваран̣ажид̇д̇ам̣, уд̣̇аг̇г̇ажид̇д̇ам̣, басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва яасасса гулабуд̇д̇асса д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и.
26. Tena kho pana samayena bhagavā rattiyā paccūsasamayaṃ paccuṭṭhāya ajjhokāse caṅkamati. Addasā kho bhagavā yasaṃ kulaputtaṃ dūratova āgacchantaṃ, disvāna caṅkamā orohitvā paññatte āsane nisīdi. Atha kho yaso kulaputto bhagavato avidūre udānaṃ udānesi – ‘‘upaddutaṃ vata bho, upassaṭṭhaṃ vata bho’’ti. Atha kho bhagavā yasaṃ kulaputtaṃ etadavoca – ‘‘idaṃ kho, yasa, anupaddutaṃ, idaṃ anupassaṭṭhaṃ. Ehi yasa, nisīda, dhammaṃ te desessāmī’’ti. Atha kho yaso kulaputto – idaṃ kira anupaddutaṃ , idaṃ anupassaṭṭhanti haṭṭho udaggo suvaṇṇapādukāhi orohitvā yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnassa kho yasassa kulaputtassa bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ, kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā bhagavā aññāsi yasaṃ kulaputtaṃ kallacittaṃ, muducittaṃ, vinīvaraṇacittaṃ, udaggacittaṃ, pasannacittaṃ, atha yā buddhānaṃ sāmukkaṃsikā dhammadesanā taṃ pakāsesi – dukkhaṃ, samudayaṃ, nirodhaṃ, maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva yasassa kulaputtassa tasmiṃyeva āsane virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti.
27. ат̇а ко яасасса гулабуд̇д̇асса маад̇аа баасаад̣̇ам̣ абхирухид̇ваа яасам̣ гулабуд̇д̇ам̣ абассанд̇ий язна сздти г̇ахабад̇и д̇знубасан̇гами, убасан̇гамид̇ваа сздтим̣ г̇ахабад̇им̣ зд̇ад̣̇авожа – ‘‘буд̇д̇о д̇з, г̇ахабад̇и, яасо на д̣̇иссад̇ий’’д̇и. ат̇а ко сздти г̇ахабад̇и жад̇уд̣̇д̣̇исаа ассад̣̇ууд̇з уяяож̇зд̇ваа саамам̣язва язна исибад̇анам̣ миг̇ад̣̇ааяо д̇знубасан̇гами. ад̣̇д̣̇асаа ко сздти г̇ахабад̇и суван̣н̣абаад̣̇угаанам̣ нигкзбам̣, д̣̇исваана д̇ам̣язва ануг̇амааси 5. ад̣̇д̣̇асаа ко бхаг̇аваа сздтим̣ г̇ахабад̇им̣ д̣̇уурад̇ова ааг̇ажчанд̇ам̣, д̣̇исваана бхаг̇авад̇о зд̇ад̣̇ахоси – ‘‘яам̣нуунаахам̣ д̇ат̇ааруубам̣ ид̣̇д̇хаабхисан̇каарам̣ абхисан̇карзяяам̣ яат̇аа сздти г̇ахабад̇и ид̇ха нисинно ид̇ха нисиннам̣ яасам̣ гулабуд̇д̇ам̣ на бассзяяаа’’д̇и. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇карзси. ат̇а ко сздти г̇ахабад̇и язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘аби, бханд̇з, бхаг̇аваа яасам̣ гулабуд̇д̇ам̣ бассзяяаа’’д̇и? д̇зна хи, г̇ахабад̇и, нисийд̣̇а, аббзва наама ид̇ха нисинно ид̇ха нисиннам̣ яасам̣ гулабуд̇д̇ам̣ бассзяяаасийд̇и. ат̇а ко сздти г̇ахабад̇и – ид̇хзва гираахам̣ нисинно ид̇ха нисиннам̣ яасам̣ гулабуд̇д̇ам̣ бассиссаамийд̇и хадто уд̣̇аг̇г̇о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннасса ко сздтисса г̇ахабад̇исса бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣, гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси сздтим̣ г̇ахабад̇им̣ галлажид̇д̇ам̣, муд̣̇ужид̇д̇ам̣, винийваран̣ажид̇д̇ам̣, уд̣̇аг̇г̇ажид̇д̇ам̣, басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа звамзва сздтисса г̇ахабад̇исса д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и. ат̇а ко сздти г̇ахабад̇и д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з, сзяяат̇ааби, бханд̇з, ниггуж̇ж̇ид̇ам̣ 6 ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и – звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и . сова логз батамам̣ убаасаго ахоси д̇зваажиго .
27. Atha kho yasassa kulaputtassa mātā pāsādaṃ abhiruhitvā yasaṃ kulaputtaṃ apassantī yena seṭṭhi gahapati tenupasaṅkami, upasaṅkamitvā seṭṭhiṃ gahapatiṃ etadavoca – ‘‘putto te, gahapati, yaso na dissatī’’ti. Atha kho seṭṭhi gahapati catuddisā assadūte uyyojetvā sāmaṃyeva yena isipatanaṃ migadāyo tenupasaṅkami. Addasā kho seṭṭhi gahapati suvaṇṇapādukānaṃ nikkhepaṃ, disvāna taṃyeva anugamāsi 7. Addasā kho bhagavā seṭṭhiṃ gahapatiṃ dūratova āgacchantaṃ, disvāna bhagavato etadahosi – ‘‘yaṃnūnāhaṃ tathārūpaṃ iddhābhisaṅkhāraṃ abhisaṅkhareyyaṃ yathā seṭṭhi gahapati idha nisinno idha nisinnaṃ yasaṃ kulaputtaṃ na passeyyā’’ti. Atha kho bhagavā tathārūpaṃ iddhābhisaṅkhāraṃ abhisaṅkharesi. Atha kho seṭṭhi gahapati yena bhagavā tenupasaṅkami, upasaṅkamitvā bhagavantaṃ etadavoca – ‘‘api, bhante, bhagavā yasaṃ kulaputtaṃ passeyyā’’ti? Tena hi, gahapati, nisīda, appeva nāma idha nisinno idha nisinnaṃ yasaṃ kulaputtaṃ passeyyāsīti. Atha kho seṭṭhi gahapati – idheva kirāhaṃ nisinno idha nisinnaṃ yasaṃ kulaputtaṃ passissāmīti haṭṭho udaggo bhagavantaṃ abhivādetvā ekamantaṃ nisīdi. Ekamantaṃ nisinnassa kho seṭṭhissa gahapatissa bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ, kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā bhagavā aññāsi seṭṭhiṃ gahapatiṃ kallacittaṃ, muducittaṃ, vinīvaraṇacittaṃ, udaggacittaṃ, pasannacittaṃ, atha yā buddhānaṃ sāmukkaṃsikā dhammadesanā, taṃ pakāsesi – dukkhaṃ, samudayaṃ, nirodhaṃ, maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya evameva seṭṭhissa gahapatissa tasmiṃyeva āsane virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti. Atha kho seṭṭhi gahapati diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘abhikkantaṃ, bhante, abhikkantaṃ, bhante, seyyathāpi, bhante, nikkujjitaṃ 8 vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti – evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti . Sova loke paṭhamaṃ upāsako ahosi tevāciko .
28. ат̇а ко яасасса гулабуд̇д̇асса бид̇уно д̇хаммз д̣̇зсияамаанз яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа аасавзхи жид̇д̇ам̣ вимужжи. ат̇а ко бхаг̇авад̇о зд̇ад̣̇ахоси – ‘‘яасасса ко гулабуд̇д̇асса бид̇уно д̇хаммз д̣̇зсияамаанз яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа аасавзхи жид̇д̇ам̣ вимуд̇д̇ам̣. абхаб̣б̣о ко яасо гулабуд̇д̇о хийнааяаавад̇д̇ид̇ваа гаамз барибхун̃ж̇ид̇ум̣, сзяяат̇ааби буб̣б̣з аг̇ааригабхууд̇о; яам̣нуунаахам̣ д̇ам̣ ид̣̇д̇хаабхисан̇каарам̣ бадиббассамбхзяяа’’нд̇и. ат̇а ко бхаг̇аваа д̇ам̣ ид̣̇д̇хаабхисан̇каарам̣ бадиббассамбхзси. ад̣̇д̣̇асаа ко сздти г̇ахабад̇и яасам̣ гулабуд̇д̇ам̣ нисиннам̣, д̣̇исваана яасам̣ гулабуд̇д̇ам̣ зд̇ад̣̇авожа – ‘‘маад̇аа д̇з д̇аад̇а, яаса, барид̣̇зва 9 согасамаабаннаа, д̣̇зхи маад̇уяаа ж̇ийвид̇а’’нд̇и. ат̇а ко яасо гулабуд̇д̇о бхаг̇аванд̇ам̣ уллогзси. ат̇а ко бхаг̇аваа сздтим̣ г̇ахабад̇им̣ зд̇ад̣̇авожа – ‘‘д̇ам̣ гим̣ ман̃н̃аси, г̇ахабад̇и, яасса сзгкзна н̃аан̣зна сзгкзна д̣̇ассанзна д̇хаммо д̣̇идто вид̣̇ид̇о сзяяат̇ааби д̇аяаа? д̇асса яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа аасавзхи жид̇д̇ам̣ вимуд̇д̇ам̣. бхаб̣б̣о ну ко со, г̇ахабад̇и, хийнааяаавад̇д̇ид̇ваа гаамз барибхун̃ж̇ид̇ум̣ сзяяат̇ааби буб̣б̣з аг̇ааригабхууд̇о’’д̇и? ‘‘но хзд̇ам̣, бханд̇з’’. ‘‘яасасса ко, г̇ахабад̇и, гулабуд̇д̇асса сзгкзна н̃аан̣зна сзгкзна д̣̇ассанзна д̇хаммо д̣̇идто вид̣̇ид̇о сзяяат̇ааби д̇аяаа. д̇асса яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа аасавзхи жид̇д̇ам̣ вимуд̇д̇ам̣. абхаб̣б̣о ко, г̇ахабад̇и, яасо гулабуд̇д̇о хийнааяаавад̇д̇ид̇ваа гаамз барибхун̃ж̇ид̇ум̣ сзяяат̇ааби буб̣б̣з аг̇ааригабхууд̇о’’д̇и. ‘‘лаабхаа, бханд̇з, яасасса гулабуд̇д̇асса, сулад̣̇д̇хам̣, бханд̇з, яасасса гулабуд̇д̇асса, яат̇аа яасасса гулабуд̇д̇асса анубаад̣̇ааяа аасавзхи жид̇д̇ам̣ вимуд̇д̇ам̣. ад̇хиваасзд̇у мз, бханд̇з, бхаг̇аваа аж̇ж̇ад̇анааяа бхад̇д̇ам̣ яасзна гулабуд̇д̇зна бажчаасаман̣знаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко сздти г̇ахабад̇и бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко яасо гулабуд̇д̇о ажирабагганд̇з сздтимхи г̇ахабад̇имхи бхаг̇аванд̇ам̣ зд̇ад̣̇авожа – ‘‘лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. ‘‘зхи бхигкуу’’д̇и бхаг̇аваа авожа – ‘‘сваагкаад̇о д̇хаммо, жара б̣рахмажарияам̣ саммаа д̣̇угкасса анд̇агирияааяаа’’д̇и. саава д̇асса ааяасмад̇о убасамбад̣̇аа ахоси. д̇зна ко бана самаязна сад̇д̇а логз араханд̇о хонд̇и.
28. Atha kho yasassa kulaputtassa pituno dhamme desiyamāne yathādiṭṭhaṃ yathāviditaṃ bhūmiṃ paccavekkhantassa anupādāya āsavehi cittaṃ vimucci. Atha kho bhagavato etadahosi – ‘‘yasassa kho kulaputtassa pituno dhamme desiyamāne yathādiṭṭhaṃ yathāviditaṃ bhūmiṃ paccavekkhantassa anupādāya āsavehi cittaṃ vimuttaṃ. Abhabbo kho yaso kulaputto hīnāyāvattitvā kāme paribhuñjituṃ, seyyathāpi pubbe agārikabhūto; yaṃnūnāhaṃ taṃ iddhābhisaṅkhāraṃ paṭippassambheyya’’nti. Atha kho bhagavā taṃ iddhābhisaṅkhāraṃ paṭippassambhesi. Addasā kho seṭṭhi gahapati yasaṃ kulaputtaṃ nisinnaṃ, disvāna yasaṃ kulaputtaṃ etadavoca – ‘‘mātā te tāta, yasa, parideva 10 sokasamāpannā, dehi mātuyā jīvita’’nti. Atha kho yaso kulaputto bhagavantaṃ ullokesi. Atha kho bhagavā seṭṭhiṃ gahapatiṃ etadavoca – ‘‘taṃ kiṃ maññasi, gahapati, yassa sekkhena ñāṇena sekkhena dassanena dhammo diṭṭho vidito seyyathāpi tayā? Tassa yathādiṭṭhaṃ yathāviditaṃ bhūmiṃ paccavekkhantassa anupādāya āsavehi cittaṃ vimuttaṃ. Bhabbo nu kho so, gahapati, hīnāyāvattitvā kāme paribhuñjituṃ seyyathāpi pubbe agārikabhūto’’ti? ‘‘No hetaṃ, bhante’’. ‘‘Yasassa kho, gahapati, kulaputtassa sekkhena ñāṇena sekkhena dassanena dhammo diṭṭho vidito seyyathāpi tayā. Tassa yathādiṭṭhaṃ yathāviditaṃ bhūmiṃ paccavekkhantassa anupādāya āsavehi cittaṃ vimuttaṃ. Abhabbo kho, gahapati, yaso kulaputto hīnāyāvattitvā kāme paribhuñjituṃ seyyathāpi pubbe agārikabhūto’’ti. ‘‘Lābhā, bhante, yasassa kulaputtassa, suladdhaṃ, bhante, yasassa kulaputtassa, yathā yasassa kulaputtassa anupādāya āsavehi cittaṃ vimuttaṃ. Adhivāsetu me, bhante, bhagavā ajjatanāya bhattaṃ yasena kulaputtena pacchāsamaṇenā’’ti. Adhivāsesi bhagavā tuṇhībhāvena. Atha kho seṭṭhi gahapati bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho yaso kulaputto acirapakkante seṭṭhimhi gahapatimhi bhagavantaṃ etadavoca – ‘‘labheyyāhaṃ, bhante, bhagavato santike pabbajjaṃ, labheyyaṃ upasampada’’nti. ‘‘Ehi bhikkhū’’ti bhagavā avoca – ‘‘svākkhāto dhammo, cara brahmacariyaṃ sammā dukkhassa antakiriyāyā’’ti. Sāva tassa āyasmato upasampadā ahosi. Tena kho pana samayena satta loke arahanto honti.
яасасса баб̣б̣аж̇ж̇аа нидтид̇аа.
Yasassa pabbajjā niṭṭhitā.
29. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ааяасмад̇аа яасзна бажчаасаман̣зна язна сздтисса г̇ахабад̇исса нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ат̇а ко ааяасмад̇о яасасса маад̇аа жа бураан̣ад̣̇уд̇ияигаа жа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. д̇аасам̣ бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣, гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа д̇аа бхаг̇аваа ан̃н̃ааси галлажид̇д̇аа, муд̣̇ужид̇д̇аа, винийваран̣ажид̇д̇аа, уд̣̇аг̇г̇ажид̇д̇аа, басаннажид̇д̇аа, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣ . сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва д̇аасам̣ д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и. д̇аа д̣̇идтад̇хаммаа бад̇д̇ад̇хаммаа вид̣̇ид̇ад̇хаммаа барияог̇аал̣хад̇хаммаа д̇ин̣н̣авижигижчаа виг̇ад̇агат̇ам̣гат̇аа взсаараж̇ж̇аббад̇д̇аа абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бханд̇з, абхигганд̇ам̣, бханд̇з…бз… зд̇аа маяам̣, бханд̇з, бхаг̇аванд̇ам̣ саран̣ам̣ г̇ажчаама, д̇хамман̃жа, бхигкусан̇гхан̃жа. убаасигааяо но бхаг̇аваа д̇хаарзд̇у аж̇ж̇ад̇аг̇г̇з баан̣убзд̇аа саран̣ам̣ г̇ад̇аа’’д̇и. д̇аа жа логз батамам̣ убаасигаа ахзсум̣ д̇зваажигаа.
29. Atha kho bhagavā pubbaṇhasamayaṃ nivāsetvā pattacīvaramādāya āyasmatā yasena pacchāsamaṇena yena seṭṭhissa gahapatissa nivesanaṃ tenupasaṅkami, upasaṅkamitvā paññatte āsane nisīdi. Atha kho āyasmato yasassa mātā ca purāṇadutiyikā ca yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Tāsaṃ bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ, kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā tā bhagavā aññāsi kallacittā, muducittā, vinīvaraṇacittā, udaggacittā, pasannacittā, atha yā buddhānaṃ sāmukkaṃsikā dhammadesanā taṃ pakāsesi – dukkhaṃ, samudayaṃ, nirodhaṃ, maggaṃ . Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva tāsaṃ tasmiṃyeva āsane virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti. Tā diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṃkathā vesārajjappattā aparappaccayā satthusāsane bhagavantaṃ etadavocuṃ – ‘‘abhikkantaṃ, bhante, abhikkantaṃ, bhante…pe… etā mayaṃ, bhante, bhagavantaṃ saraṇaṃ gacchāma, dhammañca, bhikkhusaṅghañca. Upāsikāyo no bhagavā dhāretu ajjatagge pāṇupetā saraṇaṃ gatā’’ti. Tā ca loke paṭhamaṃ upāsikā ahesuṃ tevācikā.
ат̇а ко ааяасмад̇о яасасса маад̇аа жа бид̇аа жа бураан̣ад̣̇уд̇ияигаа жа бхаг̇аванд̇ан̃жа ааяасманд̇ан̃жа яасам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа, бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣, згаманд̇ам̣ нисийд̣̇им̣су. ат̇а ко бхаг̇аваа ааяасмад̇о яасасса маад̇аран̃жа бид̇аран̃жа бураан̣ад̣̇уд̇ияиган̃жа д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами.
Atha kho āyasmato yasassa mātā ca pitā ca purāṇadutiyikā ca bhagavantañca āyasmantañca yasaṃ paṇītena khādanīyena bhojanīyena sahatthā santappetvā sampavāretvā, bhagavantaṃ bhuttāviṃ onītapattapāṇiṃ, ekamantaṃ nisīdiṃsu. Atha kho bhagavā āyasmato yasassa mātarañca pitarañca purāṇadutiyikañca dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi.
30. ассосум̣ ко ааяасмад̇о яасасса жад̇д̇ааро г̇ихисахааяагаа б̣аараан̣асияам̣ сздтаанусздтийнам̣ гулаанам̣ буд̇д̇аа – вимало, суб̣ааху , бун̣н̣аж̇и, г̇авамбад̇и – яасо гира гулабуд̇д̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇од̇и. суд̇ваана нзсам̣ зд̇ад̣̇ахоси – ‘‘на хи нууна со ораго д̇хаммавинаяо, на саа орагаа баб̣б̣аж̇ж̇аа, яад̇т̇а яасо гулабуд̇д̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о’’д̇и. д̇з 11 язнааяасмаа яасо д̇знубасан̇гамим̣су, убасан̇гамид̇ваа ааяасманд̇ам̣ яасам̣ абхиваад̣̇зд̇ваа згаманд̇ам̣ адтам̣су. ат̇а ко ааяасмаа яасо д̇з жад̇д̇ааро г̇ихисахааяагз аад̣̇ааяа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа яасо бхаг̇аванд̇ам̣ зд̇ад̣̇авожа – ‘‘имз мз, бханд̇з, жад̇д̇ааро г̇ихисахааяагаа б̣аараан̣асияам̣ сздтаанусздтийнам̣ гулаанам̣ буд̇д̇аа – вимало, суб̣ааху, бун̣н̣аж̇и, г̇авамбад̇и. имз 12 бхаг̇аваа овад̣̇ад̇у анусаасад̇уу’’д̇и . д̇зсам̣ бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣ гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзси, яад̣̇аа д̇з бхаг̇аваа ан̃н̃ааси галлажид̇д̇з муд̣̇ужид̇д̇з винийваран̣ажид̇д̇з уд̣̇аг̇г̇ажид̇д̇з басаннажид̇д̇з, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси д̣̇угкам̣ самуд̣̇аяам̣ нирод̇хам̣ маг̇г̇ам̣, сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва д̇зсам̣ д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и. д̇з д̣̇идтад̇хаммаа бад̇д̇ад̇хаммаа вид̣̇ид̇ад̇хаммаа барияог̇аал̣хад̇хаммаа д̇ин̣н̣авижигижчаа виг̇ад̇агат̇ам̣гат̇аа взсаараж̇ж̇аббад̇д̇аа абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси. ат̇а ко бхаг̇аваа д̇з бхигкуу д̇хаммияаа гат̇ааяа овад̣̇и анусааси. д̇зсам̣ бхаг̇авад̇аа д̇хаммияаа гат̇ааяа овад̣̇ияамаанаанам̣ анусаасияамаанаанам̣ анубаад̣̇ааяа аасавзхи жид̇д̇аани вимужжим̣су. д̇зна ко бана самаязна згаад̣̇аса логз араханд̇о хонд̇и.
30. Assosuṃ kho āyasmato yasassa cattāro gihisahāyakā bārāṇasiyaṃ seṭṭhānuseṭṭhīnaṃ kulānaṃ puttā – vimalo, subāhu , puṇṇaji, gavampati – yaso kira kulaputto kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajitoti. Sutvāna nesaṃ etadahosi – ‘‘na hi nūna so orako dhammavinayo, na sā orakā pabbajjā, yattha yaso kulaputto kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito’’ti. Te 13 yenāyasmā yaso tenupasaṅkamiṃsu, upasaṅkamitvā āyasmantaṃ yasaṃ abhivādetvā ekamantaṃ aṭṭhaṃsu. Atha kho āyasmā yaso te cattāro gihisahāyake ādāya yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā yaso bhagavantaṃ etadavoca – ‘‘ime me, bhante, cattāro gihisahāyakā bārāṇasiyaṃ seṭṭhānuseṭṭhīnaṃ kulānaṃ puttā – vimalo, subāhu, puṇṇaji, gavampati. Ime 14 bhagavā ovadatu anusāsatū’’ti . Tesaṃ bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi, yadā te bhagavā aññāsi kallacitte muducitte vinīvaraṇacitte udaggacitte pasannacitte, atha yā buddhānaṃ sāmukkaṃsikā dhammadesanā, taṃ pakāsesi dukkhaṃ samudayaṃ nirodhaṃ maggaṃ, seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva tesaṃ tasmiṃyeva āsane virajaṃ vītamalaṃ dhammacakkhuṃ udapādi ‘‘yaṃ kiñci samudayadhammaṃ, sabbaṃ taṃ nirodhadhamma’’nti. Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṃkathā vesārajjappattā aparappaccayā satthusāsane bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi. Atha kho bhagavā te bhikkhū dhammiyā kathāya ovadi anusāsi. Tesaṃ bhagavatā dhammiyā kathāya ovadiyamānānaṃ anusāsiyamānānaṃ anupādāya āsavehi cittāni vimucciṃsu. Tena kho pana samayena ekādasa loke arahanto honti.
жад̇уг̇ихисахааяагабаб̣б̣аж̇ж̇аа нидтид̇аа.
Catugihisahāyakapabbajjā niṭṭhitā.
31. ассосум̣ ко ааяасмад̇о яасасса бан̃н̃аасамад̇д̇аа г̇ихисахааяагаа ж̇аанабад̣̇аа буб̣б̣аанубуб̣б̣агаанам̣ гулаанам̣ буд̇д̇аа – яасо гира гулабуд̇д̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇од̇и. суд̇ваана нзсам̣ зд̇ад̣̇ахоси – ‘‘на хи нууна со ораго д̇хаммавинаяо, на саа орагаа баб̣б̣аж̇ж̇аа, яад̇т̇а яасо гулабуд̇д̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о’’д̇и. д̇з язнааяасмаа яасо д̇знубасан̇гамим̣су, убасан̇гамид̇ваа ааяасманд̇ам̣ яасам̣ абхиваад̣̇зд̇ваа згаманд̇ам̣ адтам̣су. ат̇а ко ааяасмаа яасо д̇з бан̃н̃аасамад̇д̇з г̇ихисахааяагз аад̣̇ааяа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа яасо бхаг̇аванд̇ам̣ зд̇ад̣̇авожа – ‘‘имз мз, бханд̇з, бан̃н̃аасамад̇д̇аа г̇ихисахааяагаа ж̇аанабад̣̇аа буб̣б̣аанубуб̣б̣агаанам̣ гулаанам̣ буд̇д̇аа. имз бхаг̇аваа овад̣̇ад̇у анусаасад̇уу’’д̇и. д̇зсам̣ бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣ гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзси. яад̣̇аа д̇з бхаг̇аваа ан̃н̃ааси галлажид̇д̇з муд̣̇ужид̇д̇з винийваран̣ажид̇д̇з уд̣̇аг̇г̇ажид̇д̇з басаннажид̇д̇з, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси д̣̇угкам̣ самуд̣̇аяам̣ нирод̇хам̣ маг̇г̇ам̣, сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва д̇зсам̣ д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и. д̇з д̣̇идтад̇хаммаа бад̇д̇ад̇хаммаа вид̣̇ид̇ад̇хаммаа барияог̇аал̣хад̇хаммаа д̇ин̣н̣авижигижчаа виг̇ад̇агат̇ам̣гат̇аа взсаараж̇ж̇аббад̇д̇аа абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси. ат̇а ко бхаг̇аваа д̇з бхигкуу д̇хаммияаа гат̇ааяа овад̣̇и анусааси. д̇зсам̣ бхаг̇авад̇аа д̇хаммияаа гат̇ааяа овад̣̇ияамаанаанам̣ анусаасияамаанаанам̣ анубаад̣̇ааяа аасавзхи жид̇д̇аани вимужжим̣су. д̇зна ко бана самаязна згасадти логз араханд̇о хонд̇и.
31. Assosuṃ kho āyasmato yasassa paññāsamattā gihisahāyakā jānapadā pubbānupubbakānaṃ kulānaṃ puttā – yaso kira kulaputto kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajitoti. Sutvāna nesaṃ etadahosi – ‘‘na hi nūna so orako dhammavinayo, na sā orakā pabbajjā, yattha yaso kulaputto kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito’’ti. Te yenāyasmā yaso tenupasaṅkamiṃsu, upasaṅkamitvā āyasmantaṃ yasaṃ abhivādetvā ekamantaṃ aṭṭhaṃsu. Atha kho āyasmā yaso te paññāsamatte gihisahāyake ādāya yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā yaso bhagavantaṃ etadavoca – ‘‘ime me, bhante, paññāsamattā gihisahāyakā jānapadā pubbānupubbakānaṃ kulānaṃ puttā. Ime bhagavā ovadatu anusāsatū’’ti. Tesaṃ bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi. Yadā te bhagavā aññāsi kallacitte muducitte vinīvaraṇacitte udaggacitte pasannacitte, atha yā buddhānaṃ sāmukkaṃsikā dhammadesanā, taṃ pakāsesi dukkhaṃ samudayaṃ nirodhaṃ maggaṃ, seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva tesaṃ tasmiṃyeva āsane virajaṃ vītamalaṃ dhammacakkhuṃ udapādi yaṃ kiñci samudayadhammaṃ, sabbaṃ taṃ nirodhadhammanti. Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṃkathā vesārajjappattā aparappaccayā satthusāsane bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi. Atha kho bhagavā te bhikkhū dhammiyā kathāya ovadi anusāsi. Tesaṃ bhagavatā dhammiyā kathāya ovadiyamānānaṃ anusāsiyamānānaṃ anupādāya āsavehi cittāni vimucciṃsu. Tena kho pana samayena ekasaṭṭhi loke arahanto honti.
бан̃н̃аасаг̇ихисахааяагабаб̣б̣аж̇ж̇аа нидтид̇аа.
Paññāsagihisahāyakapabbajjā niṭṭhitā.
нидтид̇аа жа баб̣б̣аж̇ж̇аагат̇аа.
Niṭṭhitā ca pabbajjākathā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баб̣б̣аж̇ж̇аагат̇аа • Pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
яасасса баб̣б̣аж̇ж̇аагат̇ааван̣н̣анаа • Yasassa pabbajjākathāvaṇṇanā
жад̇уг̇ихисахааяабаб̣б̣аж̇ж̇аагат̇ааван̣н̣анаа • Catugihisahāyapabbajjākathāvaṇṇanā
бан̃н̃аасаг̇ихисахааяабаб̣б̣аж̇ж̇аагат̇ааван̣н̣анаа • Paññāsagihisahāyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. баб̣б̣аж̇ж̇аагат̇аа • 7. Pabbajjākathā
