| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
7. баб̣б̣аж̇ж̇аагат̇аа
7. Pabbajjākathā
31. бораан̣аанубораан̣аананд̇и бураан̣з жа анубураан̣з жа бхаваанам̣. згасадтийд̇и зго жа садти жа, згзна ваа ад̇хигаа садти згасадти.
31.Porāṇānuporāṇānanti purāṇe ca anupurāṇe ca bhavānaṃ. Ekasaṭṭhīti eko ca saṭṭhi ca, ekena vā adhikā saṭṭhi ekasaṭṭhi.
д̇ад̇раад̇и д̇зсу згасадтимануссаараханд̇зсу. буб̣б̣аяог̇од̇и буб̣б̣з гад̇о убааяо, буб̣б̣уубаниссаяод̇и ад̇т̇о. ваг̇г̇аб̣анд̇хзнаад̇и самуухам̣ гад̇ваа б̣анд̇хзна. д̇зд̇и бан̃жабан̃н̃ааса ж̇анаа. жхаабзссаамаад̇и д̣аяхиссаама. нийхарим̣сууд̇и г̇аамад̇о нийхарим̣су. д̇зсууд̇и бан̃жабан̃н̃аасаж̇анзсу. бан̃жа ж̇анз табзд̇ваад̇и самб̣анд̇хо. сзсаад̇и бан̃жахи ж̇анзхи авасзсаа. сод̇и яасо д̣̇аараго. д̇збийд̇и жад̇д̇аароби ж̇анаа. д̇ад̇т̇аад̇и сарийрз. д̇з саб̣б̣збийд̇и яасасса маад̇аабид̇убхарияаахи сад̣̇д̇хим̣ саб̣б̣зби д̇з сахааяагаа. д̇знаад̇и буб̣б̣аяог̇зна.
Tatrāti tesu ekasaṭṭhimanussaarahantesu. Pubbayogoti pubbe kato upāyo, pubbūpanissayoti attho. Vaggabandhenāti samūhaṃ katvā bandhena. Teti pañcapaññāsa janā. Jhāpessāmāti ḍayhissāma. Nīhariṃsūti gāmato nīhariṃsu. Tesūti pañcapaññāsajanesu. Pañca jane ṭhapetvāti sambandho. Sesāti pañcahi janehi avasesā. Soti yaso dārako. Tepīti cattāropi janā. Tatthāti sarīre. Te sabbepīti yasassa mātāpitubhariyāhi saddhiṃ sabbepi te sahāyakā. Tenāti pubbayogena.
ааманд̇зсийд̇и гат̇зси.
Āmantesīti kathesi.
32. д̣̇иб̣б̣зсу висаязсу бхаваа д̣̇иб̣б̣аа лобхабаасаад̇и д̣̇ассзнд̇о ааха ‘‘д̣̇иб̣б̣аа наамаа’’д̇иаад̣̇и. лобхабаасаад̇и лобхасан̇каад̇аа б̣анд̇ханаа. асаванад̇аад̇и зд̇т̇а гаран̣ад̇т̇з бажжад̇д̇аважананд̇и ааха ‘‘асаванад̇ааяаа’’д̇и. барихааяанд̇ийд̇и зд̇т̇а гзна барихааяанд̇ийд̇и ааха ‘‘висзсаад̇хиг̇амад̇о’’д̇и. висзсаад̇хиг̇амад̇од̇и маг̇г̇апаласан̇каад̇асса висзсасса ад̇хиг̇амад̇о.
32. Dibbesu visayesu bhavā dibbā lobhapāsāti dassento āha ‘‘dibbā nāmā’’tiādi. Lobhapāsāti lobhasaṅkhātā bandhanā. Asavanatāti ettha karaṇatthe paccattavacananti āha ‘‘asavanatāyā’’ti. Parihāyantīti ettha kena parihāyantīti āha ‘‘visesādhigamato’’ti. Visesādhigamatoti maggaphalasaṅkhātassa visesassa adhigamato.
33. анд̇ам̣ лаамагам̣ гарод̇ийд̇и анд̇агод̇и важанад̇т̇ам̣ д̣̇ассзнд̇о ааха ‘‘лаамагаа’’д̇и. ‘‘хийнасад̇д̇аа’’д̇и иминаа анд̇агасса саруубам̣ д̣̇ассзд̇и. ааманд̇анабад̣̇амзд̇ам̣. д̇анд̇и рааг̇абаасам̣. хийд̇и сажжам̣. сод̇и мааро баабимаа. анд̇алигкз жаранд̇аанам̣ бан̃жаабхин̃н̃аанамби б̣анд̇ханад̇д̇аа анд̇алигкз жарад̇и бавад̇д̇ад̇ийд̇и анд̇алигкажарод̇и важанад̇т̇зна рааг̇абаасо ‘‘анд̇алигкажаро’’д̇и маарзна баабимад̇аа вуд̇д̇о.
33. Antaṃ lāmakaṃ karotīti antakoti vacanatthaṃ dassento āha ‘‘lāmakā’’ti. ‘‘Hīnasattā’’ti iminā antakassa sarūpaṃ dasseti. Āmantanapadametaṃ. Tanti rāgapāsaṃ. Hīti saccaṃ. Soti māro pāpimā. Antalikkhe carantānaṃ pañcābhiññānampi bandhanattā antalikkhe carati pavattatīti antalikkhacaroti vacanatthena rāgapāso ‘‘antalikkhacaro’’ti mārena pāpimatā vutto.
34. наанааж̇анабад̣̇ад̇од̇и згиссааби д̣̇исааяа наанааж̇анабад̣̇ад̇о. ‘‘ануж̇аанаами…бз… баб̣б̣ааж̇зт̇аа’’д̇иаад̣̇имхи винижчаяо звам̣ взд̣̇ид̇аб̣б̣од̇и яож̇анаа. баб̣б̣ааж̇знд̇зна бхигкунаа баб̣б̣ааж̇зд̇аб̣б̣од̇и самб̣анд̇хо. яз бадигкид̇д̇аа буг̇г̇алаад̇и яож̇анаа. барад̇од̇и барасмим̣. ‘‘на бхигкавз…бз… баб̣б̣ааж̇зд̇аб̣б̣о’’д̇и баал̣им̣ (махаава. 89) аад̣̇им̣ гад̇ваад̇и яож̇анаа. д̇зд̇и бадигкид̇д̇абуг̇г̇алз. соби жаад̇и соби жа буг̇г̇ало. анун̃н̃аад̇оязва баб̣б̣ааж̇зд̇аб̣б̣од̇и самб̣анд̇хо. д̇асса жаад̇и буг̇г̇аласса жа, ат̇а ваа д̇зсан̃жа маад̇аабид̇уунам̣. важанавибаллаасо хзса. ануж̇аананалагкан̣ам̣ ван̣н̣аяиссаамаад̇и самб̣анд̇хо.
34.Nānājanapadatoti ekissāpi disāya nānājanapadato. ‘‘Anujānāmi…pe… pabbājethā’’tiādimhi vinicchayo evaṃ veditabboti yojanā. Pabbājentena bhikkhunā pabbājetabboti sambandho. Ye paṭikkhittā puggalāti yojanā. Paratoti parasmiṃ. ‘‘Na bhikkhave…pe… pabbājetabbo’’ti pāḷiṃ (mahāva. 89) ādiṃ katvāti yojanā. Teti paṭikkhittapuggale. Sopi cāti sopi ca puggalo. Anuññātoyeva pabbājetabboti sambandho. Tassa cāti puggalassa ca, atha vā tesañca mātāpitūnaṃ. Vacanavipallāso hesa. Anujānanalakkhaṇaṃ vaṇṇayissāmāti sambandho.
званд̇и иминаа вуд̇д̇анаязна. жасад̣̇д̣̇о ваагяасамбин̣д̣анад̇т̇о. сажз ажчиннагзсо ход̇и жа, сажз згасиймааяа ан̃н̃зби бхигкуу ад̇т̇и жаад̇и ад̇т̇о. ан̃н̃збийд̇и ад̇д̇анаа абарзби. бхан̣д̣ууд̇и мун̣д̣о, соязва гаммам̣ бхан̣д̣угаммам̣. д̇ассаад̇и бхан̣д̣угаммасса. огаасод̇и баб̣б̣аж̇ж̇ааяа кан̣о. ‘‘огаасам̣ на лабхад̇ий’’д̇и вад̇ваа д̇асса гааран̣ам̣ д̣̇ассзд̇ум̣ вуд̇д̇ам̣ ‘‘сажз’’д̇иаад̣̇и.
Evanti iminā vuttanayena. Casaddo vākyasampiṇḍanattho. Sace acchinnakeso hoti ca, sace ekasīmāya aññepi bhikkhū atthi cāti attho. Aññepīti attanā aparepi. Bhaṇḍūti muṇḍo, soyeva kammaṃ bhaṇḍukammaṃ. Tassāti bhaṇḍukammassa. Okāsoti pabbajjāya khaṇo. ‘‘Okāsaṃ na labhatī’’ti vatvā tassa kāraṇaṃ dassetuṃ vuttaṃ ‘‘sace’’tiādi.
авуд̇д̇обийд̇и зд̇т̇а бисад̣̇д̣̇о вуд̇д̇о бана гаа наама гат̇аад̇и д̣̇ассзд̇и. убаж̇жхааяам̣ уд̣̇д̣̇исса баб̣б̣ааж̇зд̇ийд̇и зд̇т̇а баб̣б̣аж̇ж̇аа жад̇уб̣б̣ид̇хаа д̇аабасабаб̣б̣аж̇ж̇аа бариб̣б̣ааж̇агабаб̣б̣аж̇ж̇аа сааман̣зрабаб̣б̣аж̇ж̇аа убасамбад̣̇абаб̣б̣аж̇ж̇аад̇и. д̇ад̇т̇а гзсамассухаран̣ам̣ д̇аабасабаб̣б̣аж̇ж̇аа наама ваггалаад̣̇иг̇ахан̣ад̇о батамамзва важ̇ид̇аб̣б̣ад̇д̇аа. исибаб̣б̣аж̇ж̇аад̇иби д̇ассааязва наамам̣. гзсамассухаран̣амзва бариб̣б̣ааж̇агабаб̣б̣аж̇ж̇аа наама гаасааяаад̣̇иг̇ахан̣ад̇о батамамзва важ̇ид̇аб̣б̣ад̇д̇аа. гзсамассухаран̣ан̃жа гаасааяажчаад̣̇анан̃жа сааман̣зрабаб̣б̣аж̇ж̇аа наама саран̣аг̇ахан̣ад̇о батамамзва важ̇ид̇аб̣б̣ад̇д̇аа. убасамбад̣̇абаб̣б̣аж̇ж̇аа д̇ивид̇хаа зхибхигкуубасамбад̣̇абаб̣б̣аж̇ж̇аа саран̣аг̇ахан̣уубасамбад̣̇абаб̣б̣аж̇ж̇аа н̃ад̇д̇ижад̇уд̇т̇аваажигуубасамбад̣̇абаб̣б̣аж̇ж̇аад̇и. д̇ад̇т̇а зхибхигкуубасамбад̣̇абаб̣б̣аж̇ж̇ааяам̣ гзсамассухаран̣аад̣̇и саб̣б̣ам̣ згад̇ова самбаж̇ж̇ад̇и ‘‘зхи бхигкуу’’д̇и бхаг̇авад̇о важанзна абхинибпаннад̇д̇аа. саран̣аг̇ахан̣уубасамбад̣̇абаб̣б̣аж̇ж̇аа сааман̣зрабаб̣б̣аж̇ж̇асад̣̇исааязва. гзсамассухаран̣ан̃жа гаасааяажчаад̣̇анан̃жа саран̣аг̇ахан̣ан̃жа н̃ад̇д̇ижад̇уд̇т̇аваажигуубасамбад̣̇абаб̣б̣аж̇ж̇аа наама гаммаваажааг̇ахан̣ад̇о батамамзва важ̇ид̇аб̣б̣ад̇д̇аа. д̇ад̇т̇а сааман̣зрабаб̣б̣аж̇ж̇ам̣ санд̇хааяа вуд̇д̇ам̣ ‘‘убаж̇жхааяам̣ уд̣̇д̣̇исса баб̣б̣ааж̇зд̇ий’’д̇и. убаж̇жхааяам̣ уд̣̇д̣̇иссаад̇и убаж̇жхааяасса взяяааважжагарадтаананияамам̣ гад̇ваа. баб̣б̣аж̇ж̇аагаммз ад̇д̇ано иссарияамагад̇ваад̇и ад̇т̇о. д̣̇ахарзна бхигкунаа гзсажчзд̣̇анам̣ гаасааяажчаад̣̇анам̣ саран̣ад̣̇аананд̇и д̇ийн̣и гижжаани гаад̇аб̣б̣ааниязва. гзжи ‘‘саран̣аани бана саяам̣ д̣̇аад̇аб̣б̣ааний’’д̇и баатам̣ ид̇хаанзд̇ваа д̣̇ахарзна бхигкунаа саран̣аани на д̣̇аад̇аб̣б̣аанийд̇и вад̣̇анд̇и, д̇ам̣ на г̇ахзд̇аб̣б̣ам̣ д̣̇ахарасса бхигкуд̇д̇аа, бхигкуунам̣ баб̣б̣ааж̇зд̇ум̣ лабханад̇д̇аа жа. убаж̇жхааяо жз гзсажчзд̣̇анан̃жа гаасааяажчаад̣̇анан̃жа агад̇ваа баб̣б̣аж̇ж̇ад̇т̇ам̣ саран̣ааниязва д̣̇зд̇и, на рухад̇и баб̣б̣аж̇ж̇аа баб̣б̣аж̇ж̇ааяа агад̇д̇аб̣б̣ад̇д̇аа. гаммаваажам̣ саавзд̇ваа убасамбаад̣̇зд̇и, рухад̇и убасамбад̣̇аа абад̇д̇ажийвараанам̣ убасамбад̣̇асид̣̇д̇хид̇о, гаммавибад̇д̇ияаа абхаавад̇о жа. кан̣д̣асийманд̇и убажаарасиймадтам̣ б̣ад̣̇д̇хасиймам̣. баб̣б̣ааж̇зд̇ваад̇и гзсажчзд̣̇анам̣ санд̇хааяа вуд̇д̇ам̣ ‘‘гаасааяаани ажчаад̣̇зд̇ваа’’д̇и гаасааяажчаад̣̇анасса висум̣ вуд̇д̇ад̇д̇аа. сааман̣зрасса саран̣ад̣̇аанасса арухад̇д̇аа ‘‘саран̣аани бана саяам̣ д̣̇аад̇аб̣б̣ааний’’д̇и вуд̇д̇ам̣. бурисам̣ баб̣б̣ааж̇зд̇унд̇и самб̣анд̇хо. хийд̇и сажжам̣. аан̣ад̇д̇ияаад̇и бхигкуунам̣ аан̣ад̇д̇ияаа. язна гзнажийд̇и г̇ахадтабаб̣б̣аж̇ид̇зсу язна гзнажи.
Avuttopīti ettha pisaddo vutto pana kā nāma kathāti dasseti. Upajjhāyaṃ uddissa pabbājetīti ettha pabbajjā catubbidhā tāpasapabbajjā paribbājakapabbajjā sāmaṇerapabbajjā upasampadapabbajjāti. Tattha kesamassuharaṇaṃ tāpasapabbajjā nāma vakkalādigahaṇato paṭhamameva vajitabbattā. Isipabbajjātipi tassāyeva nāmaṃ. Kesamassuharaṇameva paribbājakapabbajjā nāma kāsāyādigahaṇato paṭhamameva vajitabbattā. Kesamassuharaṇañca kāsāyacchādanañca sāmaṇerapabbajjā nāma saraṇagahaṇato paṭhamameva vajitabbattā. Upasampadapabbajjā tividhā ehibhikkhuupasampadapabbajjā saraṇagahaṇūpasampadapabbajjā ñatticatutthavācikūpasampadapabbajjāti. Tattha ehibhikkhūpasampadapabbajjāyaṃ kesamassuharaṇādi sabbaṃ ekatova sampajjati ‘‘ehi bhikkhū’’ti bhagavato vacanena abhinipphannattā. Saraṇagahaṇūpasampadapabbajjā sāmaṇerapabbajjasadisāyeva. Kesamassuharaṇañca kāsāyacchādanañca saraṇagahaṇañca ñatticatutthavācikūpasampadapabbajjā nāma kammavācāgahaṇato paṭhamameva vajitabbattā. Tattha sāmaṇerapabbajjaṃ sandhāya vuttaṃ ‘‘upajjhāyaṃ uddissa pabbājetī’’ti. Upajjhāyaṃ uddissāti upajjhāyassa veyyāvaccakaraṭṭhānaniyamaṃ katvā. Pabbajjākamme attano issariyamakatvāti attho. Daharena bhikkhunā kesacchedanaṃ kāsāyacchādanaṃ saraṇadānanti tīṇi kiccāni kātabbāniyeva. Keci ‘‘saraṇāni pana sayaṃ dātabbānī’’ti pāṭhaṃ idhānetvā daharena bhikkhunā saraṇāni na dātabbānīti vadanti, taṃ na gahetabbaṃ daharassa bhikkhuttā, bhikkhūnaṃ pabbājetuṃ labhanattā ca. Upajjhāyo ce kesacchedanañca kāsāyacchādanañca akatvā pabbajjatthaṃ saraṇāniyeva deti, na ruhati pabbajjā pabbajjāya akattabbattā. Kammavācaṃ sāvetvā upasampādeti, ruhati upasampadā apattacīvarānaṃ upasampadasiddhito, kammavipattiyā abhāvato ca. Khaṇḍasīmanti upacārasīmaṭṭhaṃ baddhasīmaṃ. Pabbājetvāti kesacchedanaṃ sandhāya vuttaṃ ‘‘kāsāyāni acchādetvā’’ti kāsāyacchādanassa visuṃ vuttattā. Sāmaṇerassa saraṇadānassa aruhattā ‘‘saraṇāni pana sayaṃ dātabbānī’’ti vuttaṃ. Purisaṃ pabbājetunti sambandho. Hīti saccaṃ. Āṇattiyāti bhikkhūnaṃ āṇattiyā. Yena kenacīti gahaṭṭhapabbajitesu yena kenaci.
‘‘бхаб̣б̣аруубо’’д̇и вад̇ваа д̇асса ад̇т̇ам̣ д̣̇ассзд̇ум̣ вуд̇д̇ам̣ ‘‘сахзд̇уго’’д̇и. сахзд̇угод̇и маг̇г̇апалаанам̣ убаниссаязхи саха бавад̇д̇о. яасассийд̇и бариваараяасзна жа гид̇д̇ияасзна жа саманнааг̇ад̇о. огаасам̣ гад̇ваабийд̇и огаасам̣ гад̇ваа зва. саяамзваад̇и на ан̃н̃о аан̣аабзд̇аб̣б̣о. зд̇д̇оязваад̇и д̣̇ассанадтаанад̇оязва. ассаад̇и баб̣б̣аж̇ж̇аабзгкасса. каж̇ж̇у ваад̇и ган̣д̣уванам̣ ваа. ‘‘гажчу ваа’’д̇иби баато, баамам̣ ваад̇и ад̇т̇о. бил̣агаа ваад̇и подаа ваа. зд̇д̇агзнаад̇и зд̇абамаан̣зна гхам̣сид̇ваа нхаабанамад̇д̇зна. анивад̇д̇ид̇хаммаад̇и г̇ихибхаавам̣ анивад̇д̇анасабхааваа. гад̇ан̃н̃ууд̇и гад̇ассуубагаарасса ж̇аананасийлаа. гад̇авзд̣̇инод̇и гад̇ан̃н̃уубагаарасса взд̣̇ам̣ баагадам̣ гаронд̇о.
‘‘Bhabbarūpo’’ti vatvā tassa atthaṃ dassetuṃ vuttaṃ ‘‘sahetuko’’ti. Sahetukoti maggaphalānaṃ upanissayehi saha pavatto. Yasassīti parivārayasena ca kittiyasena ca samannāgato. Okāsaṃ katvāpīti okāsaṃ katvā eva. Sayamevāti na añño āṇāpetabbo. Ettoyevāti dassanaṭṭhānatoyeva. Assāti pabbajjāpekkhassa. Khajju vāti kaṇḍuvanaṃ vā. ‘‘Kacchu vā’’tipi pāṭho, pāmaṃ vāti attho. Piḷakā vāti phoṭā vā. Ettakenāti etapamāṇena ghaṃsitvā nhāpanamattena. Anivattidhammāti gihibhāvaṃ anivattanasabhāvā. Kataññūti katassūpakārassa jānanasīlā. Katavedinoti kataññūpakārassa vedaṃ pākaṭaṃ karonto.
анияяаанигагат̇аад̇и яаавад̣̇ад̇т̇ам̣ субид̇ваа яаавад̣̇ад̇т̇ам̣ бхун̃ж̇ийд̇ваа жид̇д̇агзл̣им̣ гаронд̇о анугган̣тид̇о вихараахийд̇иаад̣̇игаа гат̇аа. нагат̇зд̇аб̣б̣ам̣ д̣̇ассзд̇ваа гат̇зд̇аб̣б̣ам̣ д̣̇ассзнд̇о ааха ‘‘ат̇аквассаа’’д̇и. ассаад̇и баб̣б̣аж̇ж̇аабзгкасса. аажигканаагаарам̣ д̣̇ассзнд̇о ааха ‘‘аажигканд̇зна жаа’’д̇иаад̣̇и. ван̣н̣а…бз… васзнаад̇и ван̣н̣о жа сан̣таанан̃жа г̇анд̇хо жа аасаяо жа огаасо жа, д̇зсам̣ васзна, аажигкид̇аб̣б̣анд̇и самб̣анд̇хо. хийд̇и палаж̇од̇аго, аажигканасса палам̣ вагкаамийд̇и ад̇т̇о. сод̇и баб̣б̣аж̇ж̇аабзгко. буб̣б̣зд̇и буб̣б̣абхавз, баб̣б̣аж̇анад̇о буб̣б̣з ваа. ган̣дагавзд̇хаабзгко барибаггаг̇ан̣д̣о вияа н̃аан̣ам̣ бавад̇д̇ад̇ийд̇и яож̇анаа. ассаад̇и баб̣б̣аж̇ж̇аабзгкасса. инд̣̇аасанийд̇и саггасса важ̇ираавуд̇хо. со хи инд̣̇зна асийяад̇и кибийяад̇ийд̇и инд̣̇аасанийд̇и вужжад̇и. инд̣̇аасани баб̣б̣ад̇з жун̣н̣аяамаанаа вияа саб̣б̣з гилзсз жун̣н̣аяамаанам̣язваад̇и яож̇анаа. кураг̇г̇зязваад̇и курасса годияамзва. курагаммабарияосаанзязваад̇и ад̇т̇о. хийд̇и сажжам̣. д̇асмаад̇и яасмаа бад̇д̇аа, д̇асмаа. ассаад̇и баб̣б̣аж̇ж̇аабзгкасса.
Aniyyānikakathāti yāvadatthaṃ supitvā yāvadatthaṃ bhuñjītvā cittakeḷiṃ karonto anukkaṇṭhito viharāhītiādikā kathā. Nakathetabbaṃ dassetvā kathetabbaṃ dassento āha ‘‘athakhvassā’’ti. Assāti pabbajjāpekkhassa. Ācikkhanākāraṃ dassento āha ‘‘ācikkhantena cā’’tiādi. Vaṇṇa…pe… vasenāti vaṇṇo ca saṇṭhānañca gandho ca āsayo ca okāso ca, tesaṃ vasena, ācikkhitabbanti sambandho. Hīti phalajotako, ācikkhanassa phalaṃ vakkhāmīti attho. Soti pabbajjāpekkho. Pubbeti pubbabhave, pabbajanato pubbe vā. Kaṇṭakavedhāpekkho paripakkagaṇḍo viya ñāṇaṃ pavattatīti yojanā. Assāti pabbajjāpekkhassa. Indāsanīti sakkassa vajirāvudho. So hi indena asīyati khipīyatīti indāsanīti vuccati. Indāsani pabbate cuṇṇayamānā viya sabbe kilese cuṇṇayamānaṃyevāti yojanā. Khuraggeyevāti khurassa koṭiyameva. Khurakammapariyosāneyevāti attho. Hīti saccaṃ. Tasmāti yasmā pattā, tasmā. Assāti pabbajjāpekkhassa.
г̇ихиг̇анд̇ханд̇и г̇зхз тид̇асса ж̇анасса г̇анд̇хам̣. ат̇аабийд̇и яад̣̇иби ажчаад̣̇зд̇ийд̇и самб̣анд̇хо. ассаад̇и баб̣б̣аж̇ж̇аабзгкасса. аажарияо ваад̇и саран̣ад̣̇аанаажарияо ваа гаммаваажаажарияо ваа оваад̣̇аажарияо ваа. д̇ам̣язва ваад̇и баб̣б̣аж̇ж̇аабзгкамзва ваа. д̇зна бхигкунааваад̇и аажарияубаж̇жхааяабхигкунаа зва.
Gihigandhanti gehe ṭhitassa janassa gandhaṃ. Athāpīti yadipi acchādetīti sambandho. Assāti pabbajjāpekkhassa. Ācariyo vāti saraṇadānācariyo vā kammavācācariyo vā ovādācariyo vā. Taṃyeva vāti pabbajjāpekkhameva vā. Tena bhikkhunāvāti ācariyupajjhāyabhikkhunā eva.
анаан̣ад̇д̇ияаад̇и аажарияубаж̇жхааязхи анаан̣ад̇д̇ияаа. иминаа аажарияубаж̇жхааязхи анаан̣ад̇д̇зна язна гзнажи ниваасанаад̣̇ийни на гаад̇аб̣б̣аанийд̇и д̣̇ассзд̇и. бхигкунаад̇и аажарияубаж̇жхааяабхигкунаа. д̇ассзваад̇и баб̣б̣аж̇ж̇аабзгкассзва. убаж̇жхааяамуулагзд̇и убаж̇жхааяамуулагз ниваасанабаарубанз. аяанд̇и винижчаяо.
Anāṇattiyāti ācariyupajjhāyehi anāṇattiyā. Iminā ācariyupajjhāyehi anāṇattena yena kenaci nivāsanādīni na kātabbānīti dasseti. Bhikkhunāti ācariyupajjhāyabhikkhunā. Tassevāti pabbajjāpekkhasseva. Upajjhāyamūlaketi upajjhāyamūlake nivāsanapārupane. Ayanti vinicchayo.
д̇ад̇т̇аад̇и баб̣б̣аж̇ж̇уубасамбад̣̇адтаанз. д̇зсанд̇и бхигкуунам̣. ат̇аад̇и ванд̣̇аабанад̇о бажчаа, ванд̣̇аабанасса ананд̇араа ваа. ‘‘звам̣ вад̣̇зхий’’д̇и баал̣инаяанид̣̇ассанамукзна ‘‘яамахам̣ вад̣̇аами, д̇ам̣ вад̣̇зхий’’д̇и адтагат̇аанаяам̣ нид̣̇ассзд̇и. ат̇аад̇и д̇ад̣̇ананд̇арам̣. ассаад̇и баб̣б̣аж̇ж̇аабзгкасса, д̣̇аад̇аб̣б̣аанийд̇и самб̣анд̇хо. згабад̣̇амбийд̇и д̇ийсу ваагяабад̣̇зсу згам̣ ваагяабад̣̇амби, навасу ваа вибхад̇яанд̇абад̣̇зсу згабад̣̇амби. згагкарамбийд̇и жад̇увийсад̇агкарзсу згагкарамби.
Tatthāti pabbajjūpasampadaṭṭhāne. Tesanti bhikkhūnaṃ. Athāti vandāpanato pacchā, vandāpanassa anantarā vā. ‘‘Evaṃ vadehī’’ti pāḷinayanidassanamukhena ‘‘yamahaṃ vadāmi, taṃ vadehī’’ti aṭṭhakathānayaṃ nidasseti. Athāti tadanantaraṃ. Assāti pabbajjāpekkhassa, dātabbānīti sambandho. Ekapadampīti tīsu vākyapadesu ekaṃ vākyapadampi, navasu vā vibhatyantapadesu ekapadampi. Ekakkharampīti catuvīsatakkharesu ekakkharampi.
згад̇о суд̣̇д̇хияаад̇и згассзва гаммаваажаажарияасса таанагаран̣асамбад̇д̇ияаа суж̇жханзна. убхад̇о суд̣̇д̇хияааваад̇и убхаязсам̣ саран̣ад̣̇аанаажарияасааман̣зраанам̣ суж̇жханзна зва. таанагаран̣асамбад̣̇анд̇и урааад̣̇идтаанаанан̃жа сам̣вуд̇аад̣̇игаран̣аанан̃жа самбад̣̇ам̣. вад̇д̇унд̇и таанагаран̣асамбад̣̇ам̣ вад̇д̇ум̣. на саггод̇ийд̇и вад̇д̇ум̣ на саггод̇ийд̇и яож̇анаа.
Ekatosuddhiyāti ekasseva kammavācācariyassa ṭhānakaraṇasampattiyā sujjhanena. Ubhato suddhiyāvāti ubhayesaṃ saraṇadānācariyasāmaṇerānaṃ sujjhanena eva. Ṭhānakaraṇasampadanti uraādiṭṭhānānañca saṃvutādikaraṇānañca sampadaṃ. Vattunti ṭhānakaraṇasampadaṃ vattuṃ. Na sakkotīti vattuṃ na sakkotīti yojanā.
имаанийд̇и саран̣аани. жасад̣̇д̣̇о убаняаасо, банасад̣̇д̣̇о бад̣̇аалан̇гааро. згасамб̣анд̇хаанийд̇и згад̇о самб̣анд̇хаани. анунаасиганд̇ам̣ гад̇ваа д̣̇аанагаалз ‘‘б̣уд̣̇д̇хам̣’’ид̇и ‘‘саран̣ам̣’’ид̇и бад̣̇аанан̃жа ‘‘саран̣ам̣’’ид̇и ‘‘г̇ажчаами’’ид̇и бад̣̇аанан̃жа анд̇араа вижчзд̣̇амагад̇ваа згасамб̣анд̇хамзва гад̇ваа д̣̇аад̇аб̣б̣аанийд̇и вуд̇д̇ам̣ ход̇и. гасмаа д̇ин̣н̣ам̣ бад̣̇аанаманд̇араа б̣яавад̇хаанасса гассажи агкарасса абхаавад̇о. вижчинд̣̇ид̇ваад̇и вижчзд̣̇ам̣ гад̇ваа. магааранд̇ам̣ гад̇ваа д̣̇аанагаалз д̇ин̣н̣ам̣ бад̣̇аанаманд̇араа згасамб̣анд̇хамагад̇ваа вижчинд̣̇ид̇ваа зва гад̇ваа д̣̇аад̇аб̣б̣аанийд̇и вуд̇д̇ам̣ ход̇и. гасмаа? д̇ин̣н̣ам̣ бад̣̇аанаманд̇араа б̣яавад̇хаанасса ниссарасса магаарасса ад̇т̇ибхаавад̇о. анд̇хагадтагат̇ааяам̣ вуд̇д̇анд̇и самб̣анд̇хо. д̇анд̇и важанам̣, ‘‘над̇т̇ий’’д̇ибад̣̇з гад̇д̇аа, ‘‘на вуд̇д̇а’’нд̇ибад̣̇з гаммам̣. д̇ат̇аад̇и ‘‘ахам̣ бханд̇з б̣уд̣̇д̇харагкид̇о’’д̇иаад̣̇инаа аагаарзна, авад̣̇анд̇асса саран̣ам̣ на губбад̇и, б̣угаарад̣̇агаараад̣̇ийнам̣ б̣яан̃ж̇анаанам̣ таанагаран̣асамбад̣̇ам̣ хаабзнд̇ассзва саран̣ам̣ губбад̇ийд̇и ад̇хиббааяо.
Imānīti saraṇāni. Casaddo upanyāso, panasaddo padālaṅkāro. Ekasambandhānīti ekato sambandhāni. Anunāsikantaṃ katvā dānakāle ‘‘buddhaṃ’’iti ‘‘saraṇaṃ’’iti padānañca ‘‘saraṇaṃ’’iti ‘‘gacchāmi’’iti padānañca antarā vicchedamakatvā ekasambandhameva katvā dātabbānīti vuttaṃ hoti. Kasmā tiṇṇaṃ padānamantarā byavadhānassa kassaci akkharassa abhāvato. Vicchinditvāti vicchedaṃ katvā. Makārantaṃ katvā dānakāle tiṇṇaṃ padānamantarā ekasambandhamakatvā vicchinditvā eva katvā dātabbānīti vuttaṃ hoti. Kasmā? Tiṇṇaṃ padānamantarā byavadhānassa nissarassa makārassa atthibhāvato. Andhakaṭṭhakathāyaṃ vuttanti sambandho. Tanti vacanaṃ, ‘‘natthī’’tipade kattā, ‘‘na vutta’’ntipade kammaṃ. Tathāti ‘‘ahaṃ bhante buddharakkhito’’tiādinā ākārena, avadantassa saraṇaṃ na kuppati, bukāradakārādīnaṃ byañjanānaṃ ṭhānakaraṇasampadaṃ hāpentasseva saraṇaṃ kuppatīti adhippāyo.
‘‘д̇игкад̇д̇у’’нд̇и иминаа сагим̣ ваа д̣̇вигкад̇д̇ум̣ ваа на ваддад̇ийд̇и д̣̇ийбзд̇и. д̇игкад̇д̇уд̇о ад̇хигам̣ бана сахассагкад̇д̇умби ваддад̇иязва. д̇ад̇т̇аад̇и д̇аасу баб̣б̣аж̇ж̇ааубасамбад̣̇аасу. барад̇од̇и барасмим̣. саад̇и убасамбад̣̇аа. баб̣б̣аж̇ж̇аа бана анун̃н̃аад̇аа зваад̇и самб̣анд̇хо. барад̇обийд̇и бисад̣̇д̣̇о буб̣б̣аабзгко. саад̇и баб̣б̣аж̇ж̇аа. зд̇д̇аавад̇аад̇и зд̇д̇агзна гзсажчзд̣̇анагаасааяажчаад̣̇анасаран̣ад̣̇аанзна. хийд̇и палаж̇од̇аго.
‘‘Tikkhattu’’nti iminā sakiṃ vā dvikkhattuṃ vā na vaṭṭatīti dīpeti. Tikkhattuto adhikaṃ pana sahassakkhattumpi vaṭṭatiyeva. Tatthāti tāsu pabbajjāupasampadāsu. Paratoti parasmiṃ. Sāti upasampadā. Pabbajjā pana anuññātā evāti sambandho. Paratopīti pisaddo pubbāpekkho. Sāti pabbajjā. Ettāvatāti ettakena kesacchedanakāsāyacchādanasaraṇadānena. Hīti phalajotako.
зсаад̇и зсо сааман̣зрод̇и ад̇т̇о. ‘‘г̇ад̇имаа’’д̇и вад̇ваа д̇ассад̇т̇ам̣ д̣̇ассзнд̇о ааха ‘‘бан̣д̣ид̇аж̇аад̇иго’’д̇и. ат̇аад̇и звам̣ сад̇и. ассаад̇и сааман̣зрасса. д̇асмим̣язва таанзд̇и сааман̣зрабхуумияам̣ тид̇адтаанзязва. яат̇аа бхаг̇авад̇аа уд̣̇д̣̇идтаани, д̇ат̇аа уд̣̇д̣̇исид̇аб̣б̣аанийд̇и яож̇анаа. зд̇анд̇и ‘‘ануж̇аанаами…бз… ж̇аад̇арууба раж̇ад̇абадиг̇г̇ахан̣аа взраман̣ий’’д̇и важанам̣.
Esāti eso sāmaṇeroti attho. ‘‘Gatimā’’ti vatvā tassatthaṃ dassento āha ‘‘paṇḍitajātiko’’ti. Athāti evaṃ sati. Assāti sāmaṇerassa. Tasmiṃyeva ṭhāneti sāmaṇerabhūmiyaṃ ṭhitaṭṭhāneyeva. Yathā bhagavatā uddiṭṭhāni, tathā uddisitabbānīti yojanā. Etanti ‘‘anujānāmi…pe… jātarūpa rajatapaṭiggahaṇā veramaṇī’’ti vacanaṃ.
д̇анд̇и анд̇хагадтагат̇ааяам̣ вуд̇д̇аважанам̣. яат̇аабаал̣ияааваад̇и звасад̣̇д̣̇о саннидтаанад̇т̇о, д̇зна яат̇аабаал̣ияаава уд̣̇д̣̇исид̇аб̣б̣аани. яат̇аабаал̣им̣ висаж̇ж̇зд̇ваа ан̃н̃ат̇аа зва уд̣̇д̣̇исид̇аб̣б̣аанийд̇и ваад̣̇ам̣ ниваарзд̇и. яат̇аабаал̣им̣ висаж̇ж̇зд̇ваа ан̃н̃ат̇аа ‘‘баан̣аад̇ибаад̇аа взраман̣им̣ сигкаабад̣̇ам̣ самаад̣̇ияаамий’’д̇и уд̣̇д̣̇исанд̇оби нид̣̇д̣̇осоязва. хийд̇и сажжам̣, яасмаа ваа. д̇аанийд̇и сигкаабад̣̇аани. яааваад̇и яад̇д̇агам̣ гаалам̣ на ж̇аанаад̇и, на гусало ход̇ийд̇и самб̣анд̇хо. санд̇игааважароязваад̇и аажарияубаж̇жхааяаанам̣ самийбз аважаарова. ассаад̇и сааман̣зрасса. габбияаагаббияанд̇и д̣̇асасигкаабад̣̇авинимуд̇д̇ам̣ габбияам̣ бараамаасаад̣̇ин̃жа агаббияам̣ абараамаасаад̣̇ин̃жа. д̇знаабийд̇и сааман̣зрзнааби. наасанан̇г̇аанийд̇и лин̇г̇анаасанаан̇г̇аани. саад̇хугам̣ сигкид̇аб̣б̣анд̇и саад̇хугам̣ асигканд̇асса лин̇г̇анаасанан̃жа д̣̇ан̣д̣агамманаасанан̃жа ход̇ийд̇и ад̇хиббааяо.
Tanti andhakaṭṭhakathāyaṃ vuttavacanaṃ. Yathāpāḷiyāvāti evasaddo sanniṭṭhānattho, tena yathāpāḷiyāva uddisitabbāni. Yathāpāḷiṃ visajjetvā aññathā eva uddisitabbānīti vādaṃ nivāreti. Yathāpāḷiṃ visajjetvā aññathā ‘‘pāṇātipātā veramaṇiṃ sikkhāpadaṃ samādiyāmī’’ti uddisantopi niddosoyeva. Hīti saccaṃ, yasmā vā. Tānīti sikkhāpadāni. Yāvāti yattakaṃ kālaṃ na jānāti, na kusalo hotīti sambandho. Santikāvacaroyevāti ācariyupajjhāyānaṃ samīpe avacārova. Assāti sāmaṇerassa. Kappiyākappiyanti dasasikkhāpadavinimuttaṃ kappiyaṃ parāmāsādiñca akappiyaṃ aparāmāsādiñca. Tenāpīti sāmaṇerenāpi. Nāsanaṅgānīti liṅganāsanaaṅgāni. Sādhukaṃ sikkhitabbanti sādhukaṃ asikkhantassa liṅganāsanañca daṇḍakammanāsanañca hotīti adhippāyo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
7. баб̣б̣аж̇ж̇аагат̇аа • 7. Pabbajjākathā
8. маарагат̇аа • 8. Mārakathā
9. баб̣б̣аж̇ж̇уубасамбад̣̇аагат̇аа • 9. Pabbajjūpasampadākathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баб̣б̣аж̇ж̇аагат̇аа • Pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бан̃н̃аасаг̇ихисахааяабаб̣б̣аж̇ж̇аагат̇ааван̣н̣анаа • Paññāsagihisahāyapabbajjākathāvaṇṇanā
маарагат̇ааван̣н̣анаа • Mārakathāvaṇṇanā
баб̣б̣аж̇ж̇уубасамбад̣̇аагат̇ааван̣н̣анаа • Pabbajjūpasampadākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
